رواية احتواء قلب الفصل الرابع 4 بقلم عبير سليم

رواية احتواء قلب الفصل الرابع 4 بقلم عبير سليم 

الحلقه الرابعه

احتواء قلب

عبير سليم

...............................

تنبيه هام

ممنوع نقل الروايه او نشرها في أي جروب أو أي مكان قبل الرجوع لي

ما أسوأ أن يتخلى المرء عن القيم و المبادئ كي ينل ما يتمنى و يدرك ما يبتغى

يحاول جاهدا السعي وراء أحلامه حتى و إن كان أمامها سيفقد ما لا يستطيع تعويضه مهما فعل

و لكن الرغبه في أمر ما و محاولة الوصول إليه تجعله بإمكانه التنازل عن كل شئ، حتى يحقق تلك الرغبات

يجلس في مكتبه يتحدث إلى مدير اعماله : اتأكدت ان كل الدعوات وصلت لأصحابها يا عزت

عزت: اطمن سعادتك انا وصلتها بنفسي و ان شاء الله الكل حيحضر عاوزك تطمن خالص يا شهاب باشا

شهاب : و كارم العمده

عزت : رحت لحد عنده و سلمته الدعوة في ايده

شهاب : تفتكر حيحضر

عزت : حيحضر يا باشا

شهاب : و مالك متأكد كده ليه

عزت : أصلك عجبته اوي يا باشا

شهاب : عجبته إزاي مش فاهم

شهاب : قصدي يعني لما شافك و اتعرف عليك الحفله اللي فاتت حسيته أعجب بيك أوي و هو لما حد بيعجبه بيحب أوي الشغل معاه و لما وصلتله الدعوة و أكدت عليه الحضور قاللي انه حييجي و ما دام قال حييجي يبقى حييجي

شهاب : ياااه لو يحصل اللي بتمناه و يوافق يدخل معايا في الصفقه الجديده الشركه حتتنقل نقله تانيه خالص

عزت : و الله حضرتك و حظك بقى كل ما المدام تلين قصدي الدنيا تلين حتكون النتيجه أروع و اجمل من اللي نفسك فيه ده و اللي ممكن تتخيله

حضرتك متعرفش اللي الباشا الكبير كارم العمده بيرضى عنه بيعمل معاه إيه

شهاب : طب اتفضل روح شوف شغلك دلوقتي

يخرج عزت و شهاب يكمل الحوار مع نفسه

شهاب : عارف ان اللي كارم العمده بيرضى عنه بيوصله لسابع السما و اللي بيزعل منه بيخسف بيه الأرض

و انا لازم اكسبه بأي تمن شغله معايا مش بس حيعللي من أسهم الشركه و يخللي ربحها يزيد لا ده حيخللي كل الشركات تتمنى الشغل مع شهاب عز العرب و أولهم شركة يونس أبو المجد اللي دايما محسسني ان مفيش حد في السوق زيه و انه مثال للشرف و الرفعه وقتها هو نفسه حيتمنى إنه يعقد معايا صفقه بس أما اشوف الأول حيحضر الحفله و اللا لاء

ححضرها ان شاء الله يا هادي و ده عشان خاطرك انت مش عشاني

هادي : عشان خاطري أنا يا بشمهندس

يونس: طبعا يا هادي لازم ادخلك معايا الحفلات دي و اقدمك للكل لازم تقف مع رجال الأعمال في حفلاتهم و اجتماعاتهم لازم تظهر في الصورة بشكل أكبر بكتير انت لحد دلوقتي محدش يعرفك غير قليل أوي لسه مفيش حد أخد باله ان في رجل أعمال اسمه هادي عبدالله دخل السوق و بالتالي وجودك معاهم مش حيبان خصوصا ان حتى اللي بتشتغل معاهم ممكن يكون من مصلحتهم انك متظهرش بشكل أوسع من كده عشان يفضلوا مسيطرين عليك و فارضين شروطهم طبعا ما هما واثقين انك مفيش ادامك غيرهم لكن وقت ما رصيدك حيعلى فمعرفة الناس وقتها هنا حيخافوا و يعملولك الف حساب متستغربش يا هادي من كلامي ده هيا الدنيا كده لازم تقتحمها بكل قوتك و تفرض نفسك عليها يا اما حتضيع بينهم تفرد جناحك و تضلل عاللي يقدرك و يديك حقك و تنهش بمخالبك اللي يفكر يستهين بيك و يقلل منك هادي مادمت صممت انك تبقى رجل أعمال لازم تحط في دماغك كل كلمه بقولهالك و متنساش قبل كل حاحه إن أكبر مكسب تكسبه و مفيش مكسب يعلو عليه هو رضا ربنا علينا و منجريش ورا الدنيا و نخليها تلهينا وقتها لا احنا نعمل كل اللي علينا و نسعى زي ما ربنا قال و نسيب النتيجه على ربنا

هادي : و نعم بالله ربنا يخليك لية يا بشمهندس انا بجد مش عارف اقول لحضرتك إيه

يونس: انا اللي عاوزه انك تجهز للحفله و على فكرة لو حابب كمان تجيب ذكرى معاك عادي جدا كل الحفلات دي بتكون اجتماعيه و كل واحد بيجيب مراته او خطيبته آو حتى صاحبته زي ما بيقولوا

هادي : عشان كده مدام اسماء بتحضر معاك كل الحفلات

يونس : هههههه ايوة يا سيدي أسماء بتصمم تحضر معايا الحفلات بس ده لهدف تاني اصل الست سمسمه بتغير علية و فاكرة بقى اني لما حروج حفله ممكن اشوف حد غيرها و اللا عيني تروح كده و اللا كده

هادي : بصراحه عندها حق تغير عليك يا بشمهندس حضرتك ماشاء الله عليك

يونس : و لو يا هادي هيا يعني اسماء متعرفش انها هيا الوحيده اللي فقلبي و ان لا يمكن عيني تشوف غيرها فيوم من الأيام

هادي : بتحبها أوي كده يا بشمهندس

يونس: اسماء دي حياتي و عمري كله يا هادي انا لولاها بعد رينا سبحانه و تعالى مكنتش وصلت للي انا فيه دلوقتي ياما وقفت جمبي و دعمتني مستخسرتش فية حاجه وفرتلي الراحه و الهدوء عشان أركز في شغلي ادتني الحب و الحنان و الاهتمام اللي يملوا قلبي حب لكل اللي حواليةو ربت بناتي التربيه اللي تخليني رافع راسي و مفتخر بيهم العمر كله

هادي : ربنا يخليكم لبعض يارب هما بيسان و جيلان مش حينزلوا مصر

يونس : هانت يا هادي دراستهم خلاص قربت الحمد لله ياااه نفسي بقى يمسكوا معايا الشغل و يشيلوا عني الحمل شويه انا تعبت

هادي : ان شاء الله يا بشمهندس ربنا يرجعهم بالف سلامه

يونس : يارب تمام يا هادي متنساش بقى الحفله الجمعه الجايه يعني ادامك اسبوع تكون جهزت

هادي : بس مش حيكون فيه احراج إني اروح من غير دعوة

يونس: انت معايا يا هادي مالك و بعدين شهاب ده لو عليه يتمنى احضرله حفلاته ان شالله حتى أجيب القاهرة كلها

هادي :، هو حضرتك مبتحضرش ليه حاجه

يونس :لا ازاي انا حضرتله اكتر من حفله في فيلته بس في بردو حفلات كتير محضرتهاش انا المرة دي سببي الأول في حضورها هو انت هو انا مش وعدتك قبل كده و قلتلك اني انا اللي حقوم بمهمة انك تعرف ناس أكتر و تتعامل مع شركات اكبر

و في الحفله دي ان شاء الله كله حيعرف مين هو هادي عبدالله

هادي : يارب يا باشمهندس بس هو انا ممكن اعرف شوية معلومات عن شهاب عز العرب عشان اعرف اتعامل معاه إزاي لأني الصراحه سمعت عنه بس لكن انا حتى معرفش شكله إيه

يونس : لا لو عالشكل هو شبه الأجانب و شباب و شياكه يعني مال و جمال ورث عن ابوه الشركه و كبرها و خلص كل الديون اللي كانت عليها و رفعها لفوق و بقى اسم شهاب عز العرب زي الطبل لكن المشكله فيه إنه وصولي أوي رغبته في إنه يعلا ممكن تخليه يعمل أي حاجه و يتنازل عن أي شئ حتى لواتنازل عن القيم و المبادئ و اللي زي ده بتكون نهايته مش كويسه ده فنظري انا لكن في نطر ناس تانيه كتير ان هو ده الصح و هو ده اللي المفروض يحصل في الزمن ده و عشان كده دايما يعمل حفلات و يحضر حفلات عشان يكون موجود في الصورة طول الوقت و هو فعلا قادر يفرض نفسه عالسوق

هادي : و هو طبعا اكيد متجوز و عنده اولاد عشان يكملوا وجهته الاجتماعيه

يونس : اه متجوز من حوالي سنتين كده سمعت ان مراته اسكندرانيه بس إيه يا هادي فرق السما للارض بينهم

هادي : قصد حضرتك مش جميله زيه يعني

يونس : لا طبعا دي مراته الله اكبر عليها جميله جدا بس ده مش اللي انا اقصده اللي اقصده ان مراته عينها مبتترفعش فحد أدب و أخلاق تحسها بنت ناس أوي متسمعش صوتها و دايما حريص إنها تحضر معاه كل حفلاته

لكن هو لسه معندهوش ولاد ربنا يديكم يارب و انت يا استاذ مش تتجدعن كده انت و الست ذكرى انتوا مش شايفين شغلكم صح و اللا إيه

هادي : هههههه حبيبي يا بشمهندس يارب يا بشمهندس ده املي الوحيد في الدنيا ان يكون عندي اولاد و أعمل عيله بس لسه ربنا مأذنش

يونس : ان شاء الله يا هادي مانا قدامك اهوه قعدت انا و مراتي اكتر من عشر سنين لحد ما ربنا رزقنا بتوأم مرة واحده و بقوا بيسان و جيلان أجمل حاجه في الدنيا كلها

ربنا عنده خير كتير يا هادي و حيرزقك ان شاء الله

هادي : ان شاء الله يا بشمهندس بس حضرتك مشتغلتش معاه قبل كده خالص

يونس : هو نفسه إني اشتغل معاه

و انا اللي كل مرة اتحجج له بحجه لكن عشان خاطرك انت انا ممكن المرة دي أوافق و اشرط عليه ان شركتك حتكون معانا

هادي : بس كده كتير علية اوي

يونس : لا مش كتير و لا حاجه بص انا برغم ان شهاب ده دمه تقيل على قلبي بس زي ما بيقولوا لأجل الورد ينسقي العليق و انا اعمل اي حاجه عشانك يا هادي انا عاوزك تشتغل معاه أن شاالله حتى صفقه واحده بس الصفقه دي حتخللي كل رجال الاعمال عينهم تتسلط عليك و تبقى فدائرة الضوء

شهاب دايرة معارفه واسعه و بيحب فبداية كل صفقه يعمل حفله توقيع العقود و معظم رجال الأعمال بيحضروا و بكده تبقى حطيت رجلك على الطريق الصح

هادي : ياااه انا مكنش عندي فكرة نهائي عن كل ده

يونس: كل حاجه بتيجي واحده واحده يا هادي مانا كنت زيك في يوم من الأيام انا متولدتش في بؤي معلقه دهب انا تعبت و شقيت لحد ما وصلت للي انا فيه دلوقتي و انت حتوصل يا هادي و بكرة تقول الله يرحمك يا يونس كان عندك حق

هادي و الدموع بتجري فعينه: لا متقلش كده الله يخليك الف بعد الشر عنك يا بشمهندس

يونس : هيا دي سنة الحياة يا هادي

هادي :، بس حضرتك لاء انا لا يمكن اتوقع او اتخيل انك متكنش معايا لا ده انا ممكن اتجنن يا باشمهندس يونس انت كل حاجه فحياتي ذكرياتي مع الماضي و الحاضر و المستقبل انت ابويا و صاحبي و اخويا الكبير النور اللي بيهديني للصح و بيرشدني للصواب اللي بياخدني من ايدي لبر الأمان انا مقدرش أتخيل للحظه واحده ان مشوفكش انت حياتي كلها يا بشمهندس

يونس : و انت ابني يا هادي ابني اللي مخلفتهوش انا صحيح وقفت جمبك بس ده لأني وثقت فيك و فقدراتك عمري ما حنسى أول يوم شفتك فيه و عيني وقعت عليك و انت قاعد بتلعب و رديت علية بصوت كله حب و حنان هادي سبحان الله وقتها حسيت احاسيس غريبه اوي تجاهك حسيت كأني اعرفك اتعلقت بيك و بقيت بتوحشني و بروح عشانك انت عشان اشوفك و اقعد معاك و اتكلم معاك و كانت اسعد لحظات حياتي اللي بقضيها معاك

هادي : فاكر يا باشمهندس و عمري ما حنسى ابدا و لولا تشجيعك لية ووقوفك جمبي عمري ما كنت حيبقى لية وجود في الحياه عمري ما حنسى لما كنت بنذاكرلي و تسهر معايا ليلة الامحتان و تطمن علية و كمان تجيبلي النتيجه بنفسك

حضرتك انا مهما عملت و مهما حاولت ارد لحضرتك و لو جزء ، بسيط عمري ما حوفيك و لو جزء، بسيط من جميلك علية

يونس : انا اللي عاوزه اني اشوفك زي ما توقعتك و دلوقتي يا بطل جه الدور عليك بقى في انك تكون المسؤل عن ان اسم هادي عبدالله يبقى من اكبر الا سماء، في السوق

هادي : حاضر اوعدك أن شاء الله يا بشمهندس

يخرج من عنده و دموع الفرح مغرقه وشه فيقابله هادم اللذات الاستاذ هادي عندنا يا مرحبا يا مرحبا

هادي :، اهلا يا عدي ازيك عامل ايه

عدي : انا زي مانت شايف

هادي : اللي انا شايفه انك زي مانت مبتحاولش تغير نفسك

عدي :، و اغير نفسي ليه مانا كده عاجبني

هادي :، عاجبك بزمتك انت عاجب نفسك الصراحه ياعدي انت لا تعجب نفسك و لا تعجب حد اتعلم من اخطاءك يا عدي و شيل من قلبك و عقلك اللي شاغلهم و ابدا صح و انت حتحس فعلا بالسعاده اللي طول عمرك بتدور عليها و مبتلاقيهاش

عدي : هو انت مش كفايه عليك انك بقيت الرجل الاعمال هادي كمان عاوز تبقى مصلح اجتماعي

هادي : كل ده عشان بقدملك نصيحه لوجه الله يا عدي

عدي : خللي نصايحك لنفسك و اوعى تفتكر انك عشان بقيت رجل اعمال انك حتتنطط عليا خليك في حالك

هادي : فعلا والله عندك حق انا غلطان اني بكلم واحد زيك اساسا عن اذنك

...........................................

في المساء و الاء بتحط الأكل و هو كالعاده بيعاملها بقرف : ما تخلصي ساعه بتحطي الأكل

آلاء : انا خلصت يا بشمهندس

جنه : روحي انتي يا آلاء و مش عاوزاكي تجهدي نفسك في حاجة داده عنايات حتعمل هيا بقية الشغل آلاء : حاضر يا مدام جنه تؤمرني بحاجه يا بشمهندس

شهاب : لاء مش عاوز من وشك حاجه و اتفضلي امشي

جنه : من فضلك بقى يا شهاب كفايه كده أنا مش حسمحلك تهينها بالشكل ده تاني

شهاب : ياسلام كل ده عشان حتة خدامه

جنه : آلاء مش خدامه يا شهاب آلاء دي حاجه تانيه و انت عارف كده كويس

شهاب : لا تانيه و لا تالته هيا خدامه و انتي لازم تعامليها عالاساس ده مش كل ما ادخل الاقيكم قاعدين مع بعض كأنكم اخوات و اللا صحاب فوقي بقى انتي بطريقتك دي بتضيعي اللي بعمله لازم يكون فيه حدود بينك و بين اللي زي دول

جنه : ليه أن شاء الله هما من طينه و احنا من طينه

شهاب : أيوة يا جنه و هو ده اللي لازم تفهميه كويس و خدي بالك انا ممكن امشيها من هنا انا مستحملها بس عشان خاطرك

جنه : ماشي يا شهاب و انا عاوزاك تمشيها يس اعمل حسابك اني حمشي معاها

شهاب : انتي بتقولي إيه يا جنه

جنه : بقولك اللي سمعته يا شهاب

شهاب : تهديد ده يعني و اللا إيه

جنه : اعتبره زي ما تعتبره أنا تعبت خلاص تعبت من كل حاجه و انت عاوز الكون كله يدور حواليك زي مانت عاوز غير كده يبقى لاء و انا مش لعبه في ايدك تحركها زي مانت عاوز اكل ايه و اشرب ايه و اتكلم مع مين و ازاي لاء، يا شهاب كفايه بقى انا بجد تعبت خلاص و مبقتش مستحمله انت ضاغط علية و انا اعصابي تعبت تعبت خلاص

هادي: طب خلاص خلاص اهدي حقك علية كل كل ده عشان خاطر الاء دي خلاص يا ستي حاضر انا بعد كده مش حكلمها خالص و لا حاجي ناحيتها ارتحتي كده

جنه : لا ما ارتحتش يا شهاب ما ارتحتش و عمري ما حرتاح طول ما انت كده

شهاب :، طب انتي عاوزة ايه طيب ايه اللي يرضيكي

جنه : عاوزة أروح لماما انا امي وحشتني و حموت عليها قلبي مش مطمن حسه ان فيها حاجه

شهاب : هو انتي مش، بتكلميها باستمرار و بتطمنك علبها في ايه بقى

جنه :، في ان دي امي اللي ملهاش غيري في الدنيا

شهاب : ليه أن شاء الله ما اخوكي موجود

جنه : جاسر مسافر و انت عارف يا شهاب

شهاب : ماشي يا حبيبتي و انا موافق و حاخدك بنفسي و اوديكي اسكندريه تقعدي هناك زي مانتي عاوزه لحد ما اعصابك تهدى مبسوطه كده

جنه : بجد بجد يا شهاب حتوديني لماما

شهاب : و هو انا عمري قلتلك حاجه و منفذتهاش

جنه : اه كتير

شهاب : هههههههه عارفه يا جنه أحلى حاجه فيكي و اللي وقعني على بوزي براءتك دي بحبك يا جنه

جنه انتي لسه بتحبيني

جنه : أنا بحبك يا شهاب و الله بس بخاف منك اوي حتوديني امتى لماما

شهاب : بعد الحفله ان شاء الله

جنه : تاني حفلات يا شهاب انا تعبت بقى من كتر الحفلات دي

شهاب : أيوة تاني و تالت وعاشر يا جنه هو انا بعمل كل ده ليه مش عشان الشغل و لعلمك ان

الحفله دي غير أي حفله دي حفله مهمه جدا بالنسبه لي حيحضر فيها أكبر رجال الأعمال

جنه حبيبتي افرديها بقى الله يخليكي عشان خاطر جوزك حبيبك

و اوعدك أن بعد الحفله حاخدك لماما و بعديها كمان حنسافر لأي مكان تختاريه و نعمل شهر عسل جديد ايه رايك بقى

جنه : بجد يا شهاب

جنه : و جد الجد كمان المهم بقى دلوقتي عاوزين نخرج سوا نروح على اكبر اتيلييه في البلد عشان الفستان اللي حتلبيسيه يا روحي انا عاوزك تبقي الجنه اللي عالارض عاوز الكل يتجنن عليكي

جنه : و انا مش عاوزة من كل دول غيرك انت و بس

شهاب و هو بيقلع الجاكيت : لاء، بصي بقى عشان انا بضعف قدام العيون القمر دي

جنه لشهاب و هو بيشيلها : بتعمل ايه يا شهاب حتروح بية فين

شهاب : رايحين عالبلد اللي تجمع شمل العشاق حوديكي الجنه يا حبيبة شهاب

جنه : ههههههههه

يشيلها و يطلع بيها على فوق ليعيشوا مع بعض لحظات من الزمن و جنه بين ايديه بتحاول تسعد نفسها وتسعده

..... .................... ....

بجد يا حبيبي حنروح الحفلات اللي بيحضرها رجال الأعمال

هادي : أيوة حبيبتي ان شاء الله

ذكرى : طب إيدك بقى على عشرين ألف جنيه.

هادي : عشرين ألف جنيه ليه يا ذكرى

ذكرى : عشان اشتري فستان و اروح البيوتي سنتر

هادي : تجيبي فستان و تروحي البيوتي سنتر بعشرين الف جنيه ليه يا ذكرى ده كله

ذكرى : مش عشان اجيب حاجه حلوة تشرفك و بعدين الأسعار غليت أوي يا حبيبي

هادي : ماشي يا ذكرى تحبي اجي معاكي و انتي بتشتري

ذكرى : لا يا حبيبي متتعبش نفسك انا حاخد ميار معايا

هادي : ميار اه قلتيلي بقى طب اياكي تجيبي حاجه مفتوحه و اللا عريانه اديني قلتلك اهوه و الا و ربنا يا ذكرى ماحتحطيه على جسمك وما حاخدك معايا الحفله و حروح لوحدي

ذكرى : الله مالك قفشت كده ليه يا هادي ايه اللي حصل لكل ده

هادي : لا ما هو حيحصل يا قلب هادي ذكرى انا فاهم انك عاوزة تاخدي ميار عشان تفكيركم زي بعض و بتعوم على عومك و مش عاوزاني طبعا اجي معاكي عشان تبقي على راحتك و تجيبي اللي على هواكي و تفاجئيني و تحطيني ادام الأمر الواقع و تقوليلي نفس الجمله بتاعة كل مرة أصل يا حبيبي السوق مفيهوش حاجه خالص و وحياتي آخر مرة اجيب حاجه كده تاني أصل ميار قالتلي انه حلو اوي علية

مش ده اللي حيحصل بردو يا قلبي

ذكرى : يوه بقى يا هادي يا حبيبي ما كل الستات بتلبس كده

هادي: لا يا ذكرى مش كل الستات بتلبس كده في ستات بتلبس محتشم و بعدين حنروح بعيد ليه مانتي عندك اختك مانتي شايفاها ما شاء الله عليها

ذكرى : آه ده انت حتسمعني القصيده بتاعة كل مرة بقى عالعموم ريح نفسك يا هادي انا مش حتحجب و لا حعمل غير اللي فمزاجي و بس

هادي : ده على اساس انك مش متجوزه راجل ليه كلمه عليكي يا ذكرى

ذكرى : لا طبعا يا حبيبي انت بتقول ايه انا مقصدش كده خالص يا هادي انت جوزي و حبيبي و كل حياتي انا بس اللي اقصده يعني أنك تسيبني على راحتي

هادي : عاوزاني اسيبك على راحتك يا ذكرى و ربنا لما يحاسبني عليكي اقوله إيه و الناس تقول علية ايه لما تشوف مراتي بتخرج بلبس مكشوف

ذكرى : حيقولوا عليك اسبور طبعا و يعجبوا بية و حكون واجهه ليك و بعدين كل رجال الاعمال مراتاتهم بيلبسوا و عايشين حياتهم

هادي : اولآ هما مش حيقولوا علية اسبور حيقولوا علية كلمه تانيه عيب اني اقولها

و ثانيا بقى انا مش واخدك معايا عشان افرج الناس عليكي و تكوني واجهه و مش واجهه انا واخدك عشان الشكل الاجتماعي و انك تكوني جمبي و تشجعيني

ذكرى : ماشي يا هادي طب انت عاوز ايه دلوقتي

هادي : اللي قلته يتنفذ يا ذكرى ده لو كنتي عاوزة تيجي معايا الحفله غير كده متزعليش من اللي حعمله

ذكرى : حاضر حاضر يا سيدي ليك علية و انا بقيسه حبعتلك صورته علية لو عجبك حجيبه تمام كده

هادي : تمام

ذكرى: أي أوامر تانيه

هاي :ايوة

ذكرى : خير ان شاءالله

هادي : اعملي حسابك بعد الحفله دي حنروح للدكتور سوا

ذكرى : يا حييبي مش انا قلتلك متشغلش بالك انت و انا حتصرف انا عارفه انك مش فاضي

هادي : افضى يا ذكرى انا معنديش حاجه اهم من الموضوع ده افضاله

ذكرى : للدرجه دي يا هادي

هادي : بتسالي كانك مش عارفه

يا ذكرى انا حلمي إني اكون اب نفسي يبقى عندي ولاد كتير اجري و العب معاهم عارفه يا ذكرى انا بقعد كتير احلم اننا خلفنا ولاد صبيان و بنات و اني اشتريت لكم فيلا حواليها جنينه ملياته ورد و قطط و عصافير و العاب و الولاد بيلعبوا و بيتنططوا و انا ارجع من الشغل يجروا علية و اقلع الجاكيت من علية و اجري عليهم العب معاهم بالكورة و نضحك

و انتي تيجي و انتي شايله البنوته الصغيره و اخدها من على دراعك و اقعد العب معاها

نفسي اوي يبقى عندي عيله يا ذكرى

ذكرى : طب و لو افترضنا ان طلع حد فينا عنده مانع

هادي : ربنا جعل الطب و الدوا بس احنا ندور يا ذكرى منسكتش كده

ذكرى : حاضر يا هادي اللي يريحك يا حبيبي

ذكرى و هي بتلعب في شعره : انا المهم عندي انك تكون مبسوط يا حبيبي

هادي و هو بيبوس ايدها : انا مبسوط طول مانتي جمبي يا حبيبتي أنا بحبك اوي يا ذكرى بحبك لدرجة متتخيليهاش مستعد أعمل أي شئ ممكن يسعدك

ذكرى : عارفه يا هادي عارفه و متأكده من ده

هادي : و عارفه إني ممكن أتحمل أي وجع في الدنيا إلا اني اتوجع منك في يوم من الأيام يا ذكرى

ذكرى : و انا إيه اللي حيخليني اوجعك بعد كل اللي بتقدمهولي ده

هادي : مش عارف يا ذكرى بس خايف خايف أوي

ذكرى : طول ما احنا مع بعض يبقى مفيش مجال للخوف

هادي : انا عشت حياتي كلها خايف ما بدأتش احس بالأمان غير بعد ما تعبت أوي و كنت فاكر ان بوجودك فحياتي الخوف راح خلاص و مبقاش ليه وجود لكن احاسسي انه عشش جوايا و بقى جزء، مني اتولد و حيموت معايا

ذكرى : تعالى يا هادي ندخل نرتاح انت طول اليوم تعبان و دلوقتي لازم جسمك يرتاح

هادي بنبرة حزن و وجع : ماشي يا ذكرى

يمر الليل على الجميع ما بين عشاق يتمنوا ألا يهل عليهم الصباح و ما بين من أصابهم سهم العشق و لكنهم يعلمون انه من جانب واحد يتمنوا لو يشعر المحبون بهم

تدخل عليه امه فتجده هائما : عمرو انت لسه صاحي يا حبيبي

عمرو : ماما تعالي يا حبيبتي اتفضلي

مامته : اوعى تكون بتفكر في اللي اسمها ميار دي

عمرو : و مالها ميار بس يا ماما

مامته : واجعه قلبك ربنا يوجع قلبها هيا فاكرة نفسها مين ان شاء الله عشان تتبغدد عليك كده هيا مش عارفه انت ابوك و اعمامك يبقوا مين و اللا إيه سيبك منها ده انت غالي يا حبيبي و غالي اوي و تستاهل اللي تحبك و تقدرك يا نور عين امك

عمرو و هو بيحضنها : يا حبيبتي يا ماما ربنا يخليكي لية يارب

مامته : و يخليك لية يا حبيبي ياللا يا عمرو نام يا حبيبي انت بكرة عندك شغل

عمرو و هو فرحان : ايوة يا ماما عندي شغل صحيني بدري و حياتك عشان باخد وقت في اللبس انتي عارفه

مامته: عارفه يا حبيبي بتاحد وقت عشان تعجب بلا هم قطيعه تقطع الحب و سنينه

ينام و هو فرحان عشان حيروح الشركه عند هادي و حيشوفها يطلع الصبح و كل واحد يروح شغله و يشوف حياته و تدخل ميار المكتب عند هادي و يتكلم هادي معاها فموضوع انها حتروح مع ذكرى يشتروا فستان

و الله يا استاذ هادي انا لو علية ببقى عاوزاها تشتري حاجه كويسه عشان انت متضايقش لكن هيا اللي بتصمم تشتري اللي على مزاجها و كل مرة أقولها الست لازم تعمل اللي جوزها بيحبه و انها لازم تريحه مش تتعبه لكن انت عارفها بقى دايما بتنفذ اللي فدماغها و بس مع ان أي واحده مكانها و معاها واحد زيك كانت حتبقى عاوزة تريحه بأي شكل من الأشكال هو في واحده تطول ان يكون معاها راجل زيك و متعملوش اللي بيحبه

اه و على فكرة ده انا حتى اتحايلت عليها كتير عشان نروح سوا للدكتور زي ما طلبت منها و مع ذلك هي اللي دايما بتتهرب و تقولي بعدين بعدين ياااه انا مش عارفه هيا ليه بتفكر كده طب ده احلى حاجه في الدتيا الأطفال انا مش فاهمه هيا بتفكر ازاي

هادي : لا متشغليش بالك دي حاجه تخصني أنا و ذكرى و حنتصرف فيها مع بعض المهم دلوقتي لما تنزلوا سوا تختاروا تجيبوا حاجه شيك و محترمه

ميار : ماشي

تستئذن السكرتيرة لعمرو عشان يدخل

يخبط عمرو و يدخل و يسلم على هادي و ميار و قلبه بيرفرف من السعاده لكن هيا مش مدياله اي اهتمام و سلمت عليه ببرود و خرجت من المكتب وهو عينه عليها و قعد يتكلم مع هادي شويه في طبيعة الشغل بينهم

همسه قاعده في المكتب اللي عملهولها هادي عشان تشتغل فيه زي ما طلبت منه و بعد كده تروح على كليتها

يخبط عليها و يدخل وهو بيغني : يا حلو صبح يا حلو طل يا حلو صبح نهارنا فل يا صباح الجمال و العسل و السكر

همسه : هههههههه صباح النور يا استاذ فهد

فهد : يالهوي بالذمه يا ناس في حد يصطبح بالوش القمر ده و ميكونش يومه نور و هنا و سرور

همسه بخجل :، ربنا يخليك

فهد : ربنا يخليكي انتي يا شيخه شفتي اديكي اهوه كنتي حتنسيني ادخل يا بني انت كمان

يدخل عمرو و يعرفهم فهد ببعض و انها تبقى أخت ذكرى

و ييجي هادي يقعد معاهم في المكتب و يعرف عمرو طبيعة شغله حتكون إزاي مع همسه و بعد كده يخرج هو و فهد من المكتب من عند همسه و يفضل عمرو معاها بيشوفوا مع بعض الشغل

فهد : و الحفله دي امتى يا هادي

هادي : يوم الجمعه ان شاء الله

فهد : تمام شهاب عز العرب انا اسمع عنه من فترة و اسمه مسمع و ان شاء الله وجودك فمكان واحد معاه يكون فاتحة خير عليك و عالشركه

هادي : يارب يا فهد

الخامس من هنا

تعديل المقال