رواية الورث الفصل الثالث 3 بقلم نور محمد
وبعد منتصف الليل قامت مريم من جنب احمد جوزها واتسحبت لخارج الغرفه ورنت على شخص تاني
مريم بهمس:الوو ايوه انا نفذت كل المطلوب مني فات شهر وهو ملمسنيش ابدا زي ماطلبت مني اعمل ارجوك بقى اديها علاجها دي لسه صغيره ومريضه ممكن تموت حرام عليك و
مريم سمعته والفون وقع منها على الارض برعب واحمد اخدت باله منها فنزل بسرعه مسك الفون من الارض
احمد بتعجب:انتي كونتي بتكلمي عمتي يامريم؟!
مريم بتوتر:ايوه اصل رحمه وحشتني وانا رنيت اطمن عليها
قرب احمد منها بحب واخدها في حضنه بحنيه وقال:انا عارف قد ايه انتي بتخافي عليها ياقلبي بس خلاص هانت كمان كام يوم ونرجع البلد تاني وتشبعي منها
مريم ببتسامه ألم:ياريت ارجع الاقيها كويسه وبخير حال يارب احرصها دي طفله ومتستهلش الي بيحصل معها ده يارب
ـــــــــــــــــــــــــــــــــــــــــــــــــــ
وفي مكان تاني في غرفه ظلمه اوي كان تجلس على الارض تبكي بعنف
حنان بغضب:مابس بقى يابت صدعتيني من عياطك ده.. كلي ياختي علشان تأخدي علاجك واخلص انا بقى
رحمه ببكاء:انا عاوزه مريم تأكلني.. هي وحشتني و انا مش بحب المكان هنا ضلمه اوي وبخاف منه
قامت حنان بضيق ومسكتها بعنف وقالت:لا بقولك ايه دلع البنات ده انا مش بحبه.. خدي اطفحي علشان علاجك.. احسن تمو*تي واروح في داهيه انا بسببك ياله
بكت رحمه برعب منها، ومسكت الاكل وبقت تأكل بدموع، وحنان واقفه قدامها بكل برود
حنان ببرود:خدي علاجك ده بقى خليني اخلص انا مش فايقه ليكي..وبلاش عياط وصويت كتير علشان مفيش حد هنا هيسمعك فاهمه
هزت رحمه رأسها بخوف واخدت منها العلاج وبعدها توجهت حنان لباب الخروج
فجرت عليها رحمه بخوف وتوسل وقالت:والنبي ياعمتو امتي مريم هتاجي تاخدني من هنا انا بخاف اوي لوحدي
زقتها حنان بضيق:قريب ياختي خلاص هانت وهرتاح منك ومنها هي كمان عيله هم كلكم
فرحت رحمه بخبر رجوع مريم وقالت:الحمد لله يارب هي وحشتني اوي اوي شكرا يارب شكرا
بصت عليها حنان بقرف وخرجت وقفلت عليها تاني
ـــــــــــــــــــــــــــــــــــــــــــــــــــــــــــــــ
وعند مريم واحمد كانت نايمه في حضنه براحه وفجأه انتفضت بسبب كابوس وحش وهي بتصرخ برعب
مريم برعب:رحمه لاااااا
احمد بفزع:مريم مالك ياقلبي انتي كويسه؟!
مريم بدموع:لا انا حلمت كابوس وحش اوي عن رحمه هي كانت...
انفجرت مريم في العياط من الخوف واحمد قرب منها بخوف عليها وحضنها بحنيه وقال:اهدي اهدي ياحبيبتي مالك؟.. رحمه كويسه متقلقيش هي عندنا في البيت هناك ومعاها العيله كلها اهدي
فضلت مريم تشهق في حضن احمد وبعدها بعدت عنه بدموع وقالت:احمد انا عاوزه اقولك موضوع مهم اوي لازم تعرفه
احمد بتعجب وصدمه:موضوع ايه ده ياحبيبتي ؟!!
