رواية الطالبة الخجولة الفصل الثاني 2 بقلم سماسم
الفصل الثاني
في اليوم التالي في الصباح
دلفت والدة ولاء الي الغرفه كي توقظها للكليه .. ولاء ولاء اصحي بقي هتتأخري علي الكليه
والدة ولاء لاقومي اما تيجي ابقي نامي براحتك دا مستقبلك يابنتي الكسل ده مش هينفعك بعدين علشان مترجعيش تتندمي
ولاء .. حاضر يا ماما
خرجت والدة ولاء واتجهت ولاء الي المرحاض قامت بأخذ حمام دافئ كي تفيق وخرجت بعدما ابدلت ثيابها ووجدت الهاتف يرن برقم نورا
نورا .. يلا يا ولاء انا مستنياكي تحت من بدري
ولاء .. تمام نازله اهو سلام
نورا .. في رعاية الله
خرجت ولاء من الغرفه متجها الي الباب لكي تنزل استوقفها صوت والدتها ولاء مش هتفطري قبل م تنزلي
ولاء .. مليش نفس يا ماما مع السلامه
والدة ولاء ... مع السلامه يابنتي
والد ولاء .. ولاء مش عاجبني حالها يا ام ولاء البنت باين عليها مكتئبه جدا ومش طايقه الكليه ولا تعمل اي حاجه انا بفكر اعملها حاجه تفرحها ايه رأيك نطلع اسكندريه يومين كده
ام ولاء بفرحه ... اكيد طبعا انا عايزاها تفك شويه
ابو ولاء ... علي بركة الله
__________________________في نفس التوقيت عند ولاء ونورا
نورا .... ولاء مالك
ولاء بسرحان .... مليش
نورا .... اخلصي بقي مالك
ولاء .... مخنوقه شويه ومش طايقه اروح الجامعه
نورا ... طيب يا حبيبتي انا معاكي انك متضايقه ومش طايقه الكليه بس ربنا اختار لينا المجال ده والطريق ده وإحنا لازم نكون واثقين في اختيار ربنا لينا وبعدين فيه جمله سمعتها من شخص عزيز عليا اوي وبحبه رب الخير لا يأتي الا بالخير ولازم نشوف مستقبلنا كده الزعل ده بعدين بس صدقيني لو حاولتي تحبي اللي انتي فيه وترضي بقضاء ربنا صدقيني ربنا هيجبر بخاطرك وهيعوضك خير ماشي يا حبيبتي
ولاء ساكته وبتبصلها___________
نورا ... مالك ساكته ليه
ولاء ... اصل كلامك جميل اوي
نورا ... والله انتي اللي عسل 
وأخير وصلوا الي الجامعه
عند ولاء دخلت المدرج وقعدت كالعاده بمفردها لأنها لا تحب أن تختلط بأحد وتحاول قصاري جهدها ان تفهم وتهتم بمستقبلها كما قالت لها نورا
في ذالك الاثناء يدخل الدكتور ويعرف نفسه
الدكتور .... انا دكتور شعبان اللي هديكوا الثقافه الفرنسيه وانا شغلي بسيط جدا وامتحاناتي سهله بردو ومباشرة بس اهم حاجه الحضور والشيتات اللي اقول عليها تتعمل علشان الحاجات دي عليها درجات تمام يا شباب
الطلاب بصوت واحد ... تمام يا دكتور
______بقلم اسماء سعيد
بدأ الدكتور في الشرح وولاء ماسكه الكشول انها تفهم حاجه او تكتب حاجه بردو مش فاهمه والدكتور قاعد بيشرح من اللي قدامو بيشرح اي دا بيقرأ كنت
ولاء في نفسها وهي تقلد الدكتور بسخريه .... مادتي سهله وشرحي بسيط امال لو كانت صعبه كنت عملت ايه ايه جاي تخطب كاتب الكلمتين وجاي تقرأهم كنت قرأتهم في البيت احسن
وانتهي الدكتور من المحاضره الممله بتاعته وولاء خرجت بعده واتصلت علي نورا
ولاء ... نورا خلصتي
نورا .... اه طالعه اهو انتي فين
ولاء .... انا تحت يلا بسرعه علشان هنروح مشوار
نورا .... مشورار ايه
ولاء .... اما تنزلي هقولك سلام
نورا ... في رعاية الله
ونزلت نورا الي ولاء التي كانت واقفه تيتشيط غصبا
نورا .... مالك انتي بتتحولي ولا ايه م انا سايباكي حلوه ايه جرا تاني
ولاء ... ولا تاني ولا تالت انا مش فاهمه حاجه حاولت افهم معرفتش والدكتور جاي كأنه بيأدي واجب بيقرأ بس وبيطلع
نورا ... اهدي بس كده وتعالي معايا علي فين هنجيب عصير قصب يريح أعصابك
ولاء ... اوك تمام
______________________
عند بتاع القصب ٢ قصب او سمحت
بتاع القصب ... اتفضلي يا انسه
نورا ... شكرا ياعمو
ومشيا الاثنان معا
نورا ... بصي يا ستي انتي مش دي اول محاضره ليكي
ولاء ... ايوه
نورا ... طب م ده الطبيعي انك متبقاش فاهمه حاجه علشان دي حاجه جديده عليكي وحياه جديده وناس جديده وشرح اكيد مش زي الثانويه يشرح مره واتنين وعشره لحد م تفهمي الدكاتره هنا مش شغلين عندك هما عندهم مقرر بيدوه للطلبة ويمشوا فهمو خلاص مفهمتش بردو عادي هيكمل الشرح وهيمشي طب اقولك علي حاجه ممكن تريحك
ولاء ... قولي
نورا ... ايه رأيك تروحي كورس علشان تبقي قويه في اللغه وكده
ولاء .... تمام فكره كويسه اصلا كنت لسه هقولك اني عايزه اروح اي سنتر
نورا ... طب تعالي اوريكي المكان علشان لما تيجي
ولاء ... تمام يلا
___________________بقلم اسماء سعيد
وصلا كل من نورا وولاء الي مكان في قمة الجمال ويوجد به العديد من الطلبه في مثل سنها واكبر منها وقامت بمعرفة التفصيل وقررت انها سوف تأتي لكي تنمي اللغه وتكون علي افضل حال
وبعد الخروج من السنتر هي ونورا رجع كل منهم الي منزله وقامت ولاء بالعشاء مع والديها واخبرها والدها بالرحله للاسكندريه لتبتسم بحماس وتصفيق ويفرح والديها لفرحها وتقوم بعد الانتهاء من العشاء الي غرفتها لكي تذاكر م اخذت
