رواية مهرة النعمان الفصل السابع والعشرون 27 بقلم فريدة الحلواني
جلس بدر مع الجد وهو في حاله من القلق البالغ من لهجه الجد التي تدل علي وجود خطب ما فبعد ان طلب من الفتيات الانصراف ليتحدثو علي انفراد ها هو يجلس علي جمر القلق ولكنه يحترم صمت الجد
الي ان يقرر الحديث وها هو الجد قرر ان يرحم حيرته وقال : اللواء رشدي كلمني امبارح بعد ما خلص المؤتمر الصحفي الي عمله هو طبعا وضح فيه الي حصل و دورنا كان ايه بعد التهديدات الي اتعرضنالها وشكرنا قدام الدنيا كلها وانا قولتله مكنش في داعي احنا عملنا الواجب الي علينا المهم هو قلقان عليك يابني عابد هربان ومعرفوش يوصلولو قدر يقطع كل الخيوط الي ممكن توصلهم ليه و ده نابو ازرق عضته والقبر
بدر : طب يعني انا المطلوب مني ايه مش فاهم
الجد بحيره : والله يابني ماعارف بس هو قال انه هيعين لك حراسه سريه من عندهم وطلب مني انك تخلي الحراسه الي انت معينها زي ماهي
بدر : تمام يا جدي فين المشكله بقي ايه الي قلقك
الجد : خايف عليكم يابني مش هستحمل لا قدر الله يجري لحد فيكم حاجه اموت فيها والله
بدر بلهفه : بعيد الشر عنك ياجدي ربنا يخليك لينا
الجد : انا عندي اقتراح وياريت توافق عليه
بدر : اامرني
الجد : طبعا مهره فاضلها اسبوعين عالامتحان وبعدها انت هتبدا في ترتيبات الفرح يعني كل الي فاضل عالميعاد الي انت محدده اقل من شهرين صح
بدر و قد بدء يستشف ما يريده الجد ولكنه فضل الانتظار وقال : ايوه تمام انا حتي كنت لسه انهارده هقولك اني هبدء اجيب الصنايعيه من بكره بامر الله عشان يلحقو يخلصو توضيب الشقه بتاعتي الي فوق
الجد برجاء : طب يابني هو مينفعش تاجل فرحك لحد ما يتقبض عليه انت عارف الافراح بتبقي زحمه و منضمنش ايه الي يحصل ولا مين داخل ولا مين خارج
بدر : معلش ياجدي مش هاينفع انا مصدقت انها خلاص هتبقي ليا دانا بعد الايام الي فاضله بالثانيه وصممت اننا نخلص مالموضوع ده عشان اتجوز في معادي
الجد : يابني ماهي خلاص بقت ليك والدنيا كلها عرفت وانت صبرت كتير اتك عالصبر حبه كمان
بدر ؛ لا مش هرتاح غير لما تبقي في بيتي بالله عليك ياجدي عشان خاطري وافق
الجد : انا خايف عليكم يابني
بدر : طب انا هقولك حاجه بس اوعدني مفيش مخلوق يعرف بالي هقوله
الجد : طول عمري كاتم اسرارك يابدر و مع ذلك اوعدك بشرفي
بدر : عابد كلها يومين والمافيا الي شغال لحسابها هطلعه بره مصر
الجد : طب وانت عرفت اذاي انت عارف مكانه ومبلغتش ليه
بدر : اهدي بس وانا هافهمك انتم كلكم ناسيين بيتر
انا لما سافرت المانيا و بعدين روحتله بلجيكا بحجه ان اعتزر عن تاخير الشغل انت عارف الموضوع ده المهم قعدت معاه واتكلمنا كتير و درسنا الموضوع بتاع عابد من كل الجوانب والي فهمته ان عابد راجل مهم وليه قيمته عند المافيا هو ماسس في كذه دوله شبكه كبيره بتاجر في كل حاجه وبيختار مسؤولين كبار في كل دوله يبقو هما الوجهه زي عصام كده يبقي قدام الكل هو الراس الكبيره انما الحقيقه ان عابد هو الراس المدبر ليهم عشان كده قدر يقنع عصام يقابلنا مش عشان هددناه لا عشان لو حصل حاجه يبقي هو في السليم فهمت
الجد : طب ليه متقولش لحازم وهو يمسكو بمعرفتو
بدر : لان ده كارت الامان لينا يا جدي
الجد : مش فاهم نورني يابني
بدر : انتو كلكم فاكرين ان متواصلتش مع بيتر بس الحقيقه ان انا بكلمه كل يوم وماشي معايه خطوه بخطوه عشان يقدر يدخل عند اللزوم انت عارف ان في عهد دم بينه وبينهم فهو هيستغلو لو حاولو ياذونا دلوقت بقي بما ان عابد راجل مهم بالنسبلهم بيتر قالي اسيبو يهرب ومبلغش عن الكلام ده مقابل ان يقنع المافيا متنتقمش مننا يعني واحد قصاد واحد فهمت
الجد : قولي بصراحه انت عارف مكان عابد صح
بدر : ايوه ياجدي كنت مخلي واحد تبعي يراقبه زي ضله والراجل طلع ذكي اول ما عابد دخل المكتب وخرج اتنين لابسين نقاب شك فيهم لان المكتب ده مهجور ولما دقق في شكلهم شاف الجزمه الرجالي بتاعته ففهم علي طول وكمل مراقبه وهو دلوقت قاعد بعيد عن المكان عشان عابد ميكتشفهوش بس شايفه كويس
الجد : طب هما هيستفادو ايه من عابد ده ما كارته اتحرق خلاص بعدين المافيا مالها ومالنا
بدر : الي عرفته ان عابد ده كل شويه يظهر بشخصيه مختلفه محدش يعرفله اصل ولا جنسيه حتي فبالتالي بعد ما يهربوه هيصبرو شويه ويرجع يظهر تاني بشكل واسم مختلف فاي بلد غير مصر عالاقل لفتره لحد ما قضيته تتنسي فهمت والمافيا مالها بينا انها بتنتقم من اي حد يبوظ شغلها اولا عشان هيبتها في وسط المنظمات التاتيه ثانيا عشان لو حد فكر يخربلها شغل يخاف وميبقاش مصيره زي الي قبله
الجد : معني كده ان الخطر لسه موجود وعلي اكبر
بدر : لسه موجود بس انا قللت من قوه انتقامهم اني مش هبلغ الكلام ده للمخابرات يعني هما عشان يحافظو علي هيبتهم ممكن يضرونا في شغلنا مش اكتر يعني ضربه كده خفيفه بس تعلم
الجد : لو فلوسنا كلها راحت فدي ضوفر منكم يابني بس انت كده ريحت الكل و شلت الحمل كله علي كتافك لوحدك يابني كتير عليك كده
بدر : معرفتهم مش هتفيد بحاجه بالعكس هيفضلو عايشين في قلق وانا هتوتر من قلقهم ده فكده احسن عشان اقدر افكر ببال رايق من غير ضغط واقدر استعد للضربه الي مش عارف هتبقي جايه منين
الجد : ربنا معاك يابني و يكفيك شرهم وينصرك عليهم قادر يا كريم
بدر : اللهم امين ايوه كده يا حج ادعيلي انت بس ومتشلش هم حاجه سيب الباقي علي ربنا
انتهت جلست الجد وبدر وخرجو من الغرفه المغلقه التي اجتمعو فيها وجدو النساء والفتيات يجلسن متاهبين لمعرفه ماهيه هذا الاجتماع السري الذي استغرق من الوقت اكثر من ساعه
الجده : اخيرا خلصتو ودوده الي ماكان طالعلكم صوت ده احنا قولنا نامو جوه
بدر : ماتتعبيش نفسك مش هتعرفي تجرجرينا في الكلام هارش حركاتك انا يا نعناعه
نوال : متتعبيش نفسك بكره نبقي نعرف النتيجه مالكنترول
( تقصد انه سيقص لمهره ما حدث وهم يحاولون الضغط عليها لمعرفته)
الكل هههههههه
بدر وهو ينظر لمهرته ويقول : لا الكنترول الناس الي شغاله فيه عندهم ضمير ومش هايطلعو النتيجه لحد غير في معادها ثم غمز لها واكمل صح يا رءيس كنترول قلبي انت
مهره بضحك : صح يا باشا
الكل هههههههه
في منتصف اليوم رجع مصطفي الي المنزل وهو يحمل عده اكياس في يده دلف الي شقه جده ووضعها علي طاوله الطعام وهو يلقي السلام علي النساء
التفت حوله الفتيات ليرو ماذا تحتوي هذه الاكياس الفاخره فنهرهم مصطفي وهو يقول : ايدك يا حلوه انتي وهي اياكو حد يلمسهم
مها : ما تخلينا نشوف جايب ايه في الكياس العظمه دي يا درش
مصطفي : مش ليكم ياختي دول للبت الي بقالي شهر مروحتلهاش
مهره : ااااااه قولتلي بقي كل ده لست زينه
مصطفي : اه ليها عندك مانع المهم بس هنزلك طقم تكويهولي كاويه نضيفه علي ما اخد دش
مهره : وانا مالي ماتوديه للمكوجي ده بعشره جني يا معفن
مصطفي : هديكي عشرين بس خلصيني مافيش وقت اودي واجيب للمكوجي انا
مهره : مش عايزه منك حاجه بدوري مش مخليني محتاجه حاجه اصلا
مصطفي : طب وحيات بدورك لتكويهملي انتي الحيده الي بتعرفي والنبي يا مهره
مهره : ااااخ منك انت حلفتني بالغالي ماشي يلا ابعتهوملي وانا هخلصهم بسرعه
فاطمه وهي تخرج من المطبخ : هو انت مش هتتغدا معانه يا ولا
مصطفي : لا ياما حماتي عزماني عالغده انهارده
فاطمه بغيظ الحماوات : طيب يا قلب امك روح لحماتك احسن تغضب عليك
مصطفي وهو يتحرك ليهرب من هذا الجدال : ياااالهوي مش هنخلص انهارده بلاش شغل الحماوات ده ياما من اولها بت يا بسكوته تعالي خدي الهدوم لمهره
ثم صعد سريعا الي شقه ابيه
بعد فتره كان يجلس في شقه الجد حسين يحتسي كوبا من الشاي بعد ان انهي طعامه مع اهل المنزل الذين رحبو به كثيرا
استاذن منه حسن والد زينه للقيام ببعض المكالمات الخاصه بعمله كما قامت كلا من عزه و ناديه ليتركو لهم مساحه للتحدث سويا بعد ان تركو الباب مفتوح
جلست زينه بجاتب مصطفي ولكن تركت مسافه لا باس بها بينهم وقبل ان يبدا مصطفي في التحدث سبقته وهي تقول : وحشتني اوووي يا مصطفي
مصطفي بزهول من تغير اسلوبها قال : ايه ده استني كده و سمعيني قولتي ايه
زينه بدلع غير متعمد : ايه يا درش بقولك وحشتني فيها حاجه دي
مصطفي : لا اصل الصراخه اتفاجات انا جاي و مجهز نفسي لخصام بقي و عتاب اني مكنتش باجي ازورك ومفيش اهتمام وووووو انتي عارفه بقيت القايمه بقي
زينه بخل مما كانت تفعله به فهي منذ ان اكتشفت خطه سمر للتفريق بينهم لم تواتيها الفرصه للاعتزار له او التحدث باستفاضه نظرا للظروف التي مرت بهم ولكنها تعاملت معه خلال الفتره المنصرمه بلطف و تقدير لظروفه
زينه : لا طبعا الومك علي ايه هو انا معنديش دم و مش شايفه الي كنت فيه
مصطفي بمزاح : اللهم صلي عالنبي ايه العقل ده يا زينه البنات
زينه وقد قررت الاعتراف له بخطاها و سببه سردت له كل ما حدث معها من اول معرفتها بسمر حتي يوم ان ضربتها مهره في المدرسه وبعد ان انتهت وهي تبكي قالت : انا زعلانه من نفسي اوي يا مصطفي ازاي كنت غبيه كده وصدقت كلام وحده معرفهاش وهي بتشككني فيك و بتقومني علي اخواتي البنات انا طلعت الدنيا معرفش صحاب واخوات غيرهم ومن اول ما بدات اكبر مشوفتش ولا اتمنيت حبيب غيرك
ازاي بعد كل الي عيشته معاكم اعمل كده بس بردو انت غلطان يا مصطفي لو كنت صارحتني بالي كانت بتعمله معاك مكناش وصلنا لكده انت دايما فاكرني عيله صغيره ومش بتقولي عالي جواك فنا بالتالي بقيت اخبي عنك حاجات وانا مش حابه كده انا نفسي نكون شخص واحد عشان محدش يقدر يفرقنا عارف مره مهره كانت بتفتش في تليفون بدر وشافت محادثه لي مع بنت مش قادره اقولك عملت فيها ايه بهدلتها من قبل ما تعرف انها مراته ولما حكتلنا واحنا لومناها عالي بتعمله وانها واهمه نفسها بحب بدر قالتلنا كلام عمري ما هنساه
مهره : انا عندي يقين ان بدر بيعمل كده عشان يحاول يشغل نفسه عن حبه ليا بس انا واثقه انه مهما عمل عمره ما هيقدر ينساني انا وبدر الي بينا عامل زي الدين او العقيده يعني مثلا لو واحد مسلم الشيطان لعب بعقله عشان يغير دينه ويبقي متحرر وفعلا عمل كده هتبقي تصرفاته ظاهريا انه مش مسلم بس من جواه عقيدته ثابته واستحاله يقدر يغيرها فهمته حبنا زي الدين اتولدنا بيه بالفطره وكبرنا عليه مهما اغراءات الدنيا تبعدنا عنه الا ان الفطره الي اتخلقت جوانا هترجعنا لبعض مهما الدنيا خدتنا
زينه : ساعتها احنا اتريقنا عليها ومصدقناش بس هي الي طلعت صح و يقينها و ايمانها ببدر كان اكبر من انها تستسلم انا نفسي نبقي كده مش عيب ان اتعلم من حد حاجه او اعمل زيه ادام صح وانا اوعدك اني مش هخبي عليك اي حاجه مهما كانت ومش هستنا منك مقابل يكفيني انك تكون موجود في حياتي و تفضل تحبني وماتسبنيش ابدا انا من غيرك اموت يا مصطفي والله انا بحبك
تركها تخرج كل ما بداخلها وهو يطير فرحا ان حبيبته قد عادت اليه وافضل مما كانت
مد يده يمسح دموعها بعد ان القي نظره للخارج ليتاكد من عدم وجود ايا من ابويها و بيده الاخري امسك كفها و قبله قبله عميقه ليبث لها الامان ثم قال : انا مقدرش اسيبك يا حببتي ولا اقدر اعيش من غيرك تاكدي من كده ا وانا مش زعلان منك لان انا فعلا غلطان كان لازم من اول مره شوفتك واقفه معاها كنت حزرتك منها و قولتلك عالي كانت بتعمله وانتي صح انا غلطان عشان مش قادر اقتنع ان بنوتي الحلوه الصغيره الي كانت بتتشعلق فيه كل شويه عشان اجبلها حاجه حلوه كبرت وبقت زينه البنات بقلبها الابيض و عقلها الكبير
انا كمان اوعدك اني مش هاخبي عليكي حاجه و هنكون روح واحده في جسدين وهدعي ربنا انه يقرب البعيد عشان اقدر اخدك في حضني و اطمن ان زينه البنات و زينه حياتي بقت بتاعتي
فرحت زينه كثيرا بما سمعته منه وقالت : ربنا يخليك ليه يا حبيبي و يديمك نعمه في حياتي
وقبل ان يرد عليها دلفت ايهم امها وهي تحمل اطباق حلويات صنعتها خصيصا له فسحب يده سريعا دون ان تلاحظه
وضعت ما بيدها علي الطاوله المقابله لهم و حينما نظرت اليهم لاحظت اثار البكاء علي ابنتها فقالت : ايه ده يا زينه انتي كنتي بتعيطي انت مزعلها يا مصطفي ولا ايه
زينه : لالالا يا ماما مش مزعلني دي حاجه دخلت في عيني
نظرت لهم الام بشك و لكن قال لها مصطفي ليطمانها : حد برده يقدر يزعل روحه وانتي عارفه ان زينه روحي وحياتي و عارفه انا بحبها قد ايه يبقي هقدر ازعلها ازاي بس
عزه وقد قررت عدم الالحاح عليهم فمهما كان هم لهم خصوصيتهم التي لا يجب علي احد ان يتدخل بها بدون طلب منهم وقد لاحظت ان الخلاف القاءم بينهم قد انتهي فلا داعي لمزيد من الاسءله بما ان معالم الارتياح والفرح ظاهره علي ملامح ابنتها رغم الدموع فلا باس
+
مرت الايام سريعا قد انهي بدر توضيب شقه الزوجيه هاصته القابعه في الطابق الثاني بجانب شقه والده وبقي لها احضار الاثاث فقط وايضا قد اقام الفتيات معسكر مغلق للاستعداد لاختبارات نهايه العام فقد جاهدو انفسهم في تحصيل اكبر كم من المعلومات
وايضا كانو يتلقون المساعده من بدر او وليد في شرح ما يقف امامهم و قد احضر لهم بدر ايضا ملخصات لجميع المواد من اكثر من مدرس وها قد انتهو من تلك الفتره الصعبه واليوم كان اخر يوم لتلك الاختبارات
دلفت لميس و مهره الي شقه الجد بعد ان ودعو زينه بالاسفل وهم يصرخون
لميس : خلصنا يا بشر اخيراااااا هنام
مهره : ياااارب الثانويه العامه تموت
نوال : بس طمنونا الاول عملتو ايه وبعدين اندبو براحتكم
مهره : كله تمام يا مامتي الحمد لله كان سهل الانهارده
الجده : ربنا يا بنتي يجبركم وينجحكم و يديكم علي قد تعابكم
امن الجميع وراء الجده و ذهبت الفتيات ليرتحن قليلا قبل ميعاد الطعام
بعد فتره اجتمع الجد واولاده واحفاده علي طاوله الطعام وبعد ان اطمان الجد علي الفتيات وجد بدر يقول : بعد اذنك يا جدي هنزل انا و مهره بكره نعمل الفحوصات الي بتتطلب قبل كتب الكتاب و كمأن نشتري شويه حاجات نقصانه
الجد : ده لسه شهر يابني علي كتب الكتاب
بدر : مانا قولت نخلص منها بدري قبل ما ندخل في المعمعه انت عارف قبل الفرح الوقت بيبقي ديق اذاي ولسه ناقصنا حاجات كتير
الجد : ماشي يابني علي بركت الله ربنا يتمم فرحتكم علي خير و يرزقكم بالذريه الصالحه
امن الجميع علي دعاء الجد
و مر باقي اليوم دون احداث تذكر
في اليوم التالي اصطحب بدر مهره الي مشفي استثماري كبير لعمل فحوصات ما قبل الزواج التي اقرتها الحكومه كشرط لاتمام الزواج
وقد اصر بدر علي عمل فحص شامل لهما معا لزياده الاطمانان علي صحتهما و دفع اجرا مضاعف لاستلامها في نفس اليوم
خرجا من المشفي وتوجها الي مطعم مطل علي البحر تناولو فطورهم وانطلقا معا الي اماكن عده يتسوقون ما يحتاجونه من اشياء لفرش شقتهم ثم توجهو الي مول كبير في وسط الاسكندريه لابتياع بعض الملابس البيتيه وقد احرجها بدر كثيرا وهو ينتقي لها الكثير من الثياب المثيره تحت نظر الباءعات و تهامسهم عليه
مر اليوم وها هم يتوجهان الي المشفي لاستلام تقارير الفحوصات وقد كانت النتاءج كلها ايجابيه الا انه يوجد فحص واحد فقط يخص مهره يوجد به بعض المشاكل وقد نصحهم الطبيب الخاص بمعمل التحاليل بالتوجه الي طبيبه نساءيه لاخبارهم بما يجب فعله
قلقت مهره كثيرا ولكنه طمانها وتوجه بها بعد ان دفع ثمن الكشف الي عياده الطبيبه وقد حان دورهم طرقو الباب و دلفو حين سماع الاذن بالدخول
حيتهم الطبيبه بعمليه و دعتهم للجلوس
اخرج بدر الفحص الخاص بمهره واعطاها اياه
وبعد ان اطلعت عليه اكثر من مره وقد تغير معالم وجهها
وجهت عده اساله لمهره حتي تستطيع تقييم الحاله تحت ترقب بدر
وبعد ن انتهت قالت لهم : للاسف انتي عندك مشاكل في التبويض واتاخرتي اوي في حلها
بهت وجه بدر و انفطر قلبه علي شكل القهر الذي ظهر علي وجه مهرته فقال : يعني ايه يا دكتوره مفيش علاج
الطبيبه : لا ليها طبعا بس هيطول شويه يعني مش اقل من سنتين مع المتابعه الشهريه وبعدها نقدر نحدد اذا كان هيحصل حمل ولا هنعيد كورس العلاج تاني
وبعد ان دونت اسماء بعض الادويه علي ورقه اعطتها له مع توصيتها بالالتزام في تناولها
خرجا معا في صمت حتي صعدا السياره معا وقبل ان يدير المفتاح استعدادا للانطلاق وجدها تقول بنبره تقطر قهرا : انا مش هخلف يابدر يعني مش هبقي ام وانفطرت في بكاء مرير
التقطها بدر يضمها بين احضانه وهو يقول : .......
ماذا سيفعل يا تري
سنري
