رواية عمياء وسط الذئاب الفصل الخامس والعشرين 25 بقلم محمد طه
البارت 25
_سيد بصوت واطي... تعالي ندخل جوه..
وأنا أقولك أنا عايز إيه
_(وسيد وأم محمد ما ياخدوش بالهم منها) _
_أم محمد وشها جاب ألوان... لأ يا سيد..
أنا مستحيل أعمل كده.. أنته فاكرني إيه
_سيد... أنتي اللي افتكرتي إيه..
أنا قصدي ندخل جوه.. عشان ناخد راحتنا ف الكلام..
بدل ما إحنا واقفين ف الطرقه كده..
للي رايح واللي جاي يبص علينا
_أم محمد ترتبك... يبص علينا بعد إذنك يا سيد
_(وتسيبو وتمشي وتقول ف سرها...
أنتي نسيتي نفسك ولا إيه يا سيده) _
_في غرفه علي (علي ورجب)
_علي... شوف بقى يا رجب أنا عايزك تصدعني
_رجب... أول مره أقابل حد عايز الصداع لنفسه
_علي... يا عم أنته بس صدعني.. واحكيلي مغامراتك..
من بدايتها لنهايتها
_رجب... بس أنا عندي شغل ومش فاضي أحكي حكايات..
أوعدك أي وقت هبقي فاضي فيه هبقي آجي أحكيلك..
بس يا حظك يا عم غرفتك جنب مزتين
_(علي يجاريه بس من جواه بيغلي من الغضب) _
_علي... أسكت دول مزتين جامدين أوي..
وخصوصاً البت العميا
_رجب باهتمام... عندك حق يا علي..
البت دي صاروخ.. ما تحكيلي عنها شويه
_(علي بغضب من جواه بس بيمثل على رجب..
إنو مندمج معاه.. بس يهرب بالطريقه) _
_علي... هوه أنته مش كنت مش فاضي وعندك شغل..
أول ما تفضىَ تعالا.. أنته تحكيلي عن مغامراتك..
مع هبه.. وأنا أحكيلك عن البت العميا
بقلم... محمد طه عبد المجيد
_في غرفه نور (نور ونهله) _
_نهله... نور أنتي صاحيه
_نور... أيوه يا نهله صاحيه
_نهله بخوف... أنا خايفه.. خايفه العنوان يبقي صح..
وكلام الدكتوره يبقي صح
_نور بهدوء... وأنا مش خايفه يا نهله..
ونفسي العنوان وكلام الدكتوره يكونو صح..
لأن ساعتها هتأكد إني بحلم..
وف أي لحظه هصحي الاقي نفسي بشوف..
وبابا وماما جنبي.. أنا بتمنى..
إن كل اللي بيحصل دا يكون حلم
_نهله... بقولك إيه يا نور.. لما الدكتوره تيجي..
أنا هطلب منها إني أروح معاها
_نور... لأ يا نهله.. عشان ما تحسش إن إحنا شاكين فيها..
ومش مصدقينها.. إحنا كده كده هنخرج من هنا..
وهنروح نتأكد بنفسنا
_نهله بخوف... ولما نخرج ونروح ومنلاقيش جدتنا..
ومنلاقيش الشقه هنعمل إيه يا نور
_نور بتنهيده قلق... العمل عمل ربنا وربنا بقى يتولانا
_في غرفه من غرف المستشفى (هبه وسيد) _
_هبه... ها يا سيد عملت إيه
_سيد... بسويها على نا*ر هاديه
_هبه... وهيا جايه معاك ولا بتصدك
_سيد بثقه... بتصدني.. دا الود ودها تقولي..
سويني ودلعني يا سيد على كيفك وبراحتك
_هبه... كنت متأكده إنها مش هتقدر تقاوم..
دي محرومه بقالها كتير
_سيد... لأ وعلى رأيك مع إنها أكبر مني..
بس جامده وعجبتني
_هبه... ما تتقل يا سيد.. لتكون هيا اللي بتلعب بيك..
مش أنته اللي بتلعب بيها
_سيد يلف إيده على رقبه هبه... مفيش حد يقدر يلعب بسيد
_هبه تنزل إيده... عارفه.. بس بردو تاخد بالك..
وتنجز شويه مش هنقضيها معاكسات وتسبيل..
بكره بالكتير تنام معاها وتصورها..
ولا أنته نسيت البت الصغيره ومش عايزها
_سيد... نسيت إيه.. هوا أنا بعمل كل دا عشان إيه
_هبه وهيا خارجه من الغرفه... يبقى تنجز وتلخص
_نهله خارجه من غرفه نور.. ورايحه ل ام محمد..
وهبه جايه عليهم
_أم محمد بصوت واطي.. بقولك ايه يا نهله..
هبه اللي جايه علينا دي..
إدخلي بسرعه عرفي نور وأخرجي
_نهله تدخل بسرعه تبلغ نور وتخرج
_هبه... إزيك يا خالتي
وتبص لنهله... إزيك يا عروسه
_نهله... الله يسلمك
_أم محمد... إدخلي يا هبه شوفي غرفه 7 لو محتاجه حاجه
_هبه... أمرك يا خالتي
_وتدخل هبه غرفه نور وتقفل الباب وراها.......
_ويتبع...........
السادس والعشرين من هنا
