رواية قلوب حائرة الفصل الخامس والعشرون 25 بقلم روز آمين
بسم الله الرحمن الرحيم لا إله إأنت سبحانك إني كنت من الظالمين
رواية قلوب حائره
بقلمي روز آمين
البارت الخامس والعشرون لا إله إلا أنت سبحانك إني كنت من الظالمين
كانت ليالي ومنال وجيجي يجلسن سوياً داخل منزل ثريا بحضورها هي ويسرا ،،
دلفت أيسل تهرول من باب المنزل وهي تبكي مٌمسكه بيدها جهاز اللاب توب الخاص بها قائله بصراخ٠٠٠٠ماااامي
إلتفتنْ إليها جميعٌهنْ بهلع ثم تحركنْ كٌلهنْ علي عجل
وتحدثت منال بنبرة قلقه ٠٠٠مالك يا سيلا فيه أيه ؟؟
تحدثت الفتاه بدموع والرعب والفزع يكسوان ملامحها ٠٠٠٠فيه راجل مغطي وشه منزل فيديو وجايب صورة بابي وبيقول إنهم قتلوه ، الفيديو مالي الإنترنت كله يا نانا !!
صاحت منال بهلع ظهرَ علي ملامِحها ٠٠٠٠بتقولي أيييييه،،إسكتي يا سيلا متقوليش كده،، بابي أكيد بخير !!
تحدثت ثريا بتعقل وهي ترتجف من فكرة خسارتها لياسين هو الأخر ٠٠٠٠٠إهدي يا منال وأتصلي بسيادة اللوا نفهم منه الأول ،،دول ارهابيين وأكيد بيكدبوا !!
تحدثت ليالي بصراخ ٠٠٠٠أتصلي بسرعه بعمو يا طنط لو سمحتي !!
نظرت ثريا إلي منال وجدتها مٌنهاره وجسدها يرتجف،، فقررت أن تهاتف هي عز لتسأله وبالفعل أمسكت هاتفها وكادت أن تضغط علي الهاتف !!!
في تلك الأثناء دلف للداخل طارق وبجواره مليكه بعيونها المٌنتفخه وحالتها المٌزريه،، قد وجدها بطريقه وهو قادم إلي المنزل ليٌطمئنهم مثلما طلب منهٌ والده
تحدث طارق بصوتٍ واثق وهادئ٠٠٠٠مفيش داعي تتصلي ب بابا يا عمتي !!
هرولت جميع النساء إليه وأمسكتهٌ منال من تلابيبه بدموع وتحدثت بطريقه هيستيريه٠٠٠أخوك جراله أيه يا طارق،،إتكلم وقولي إن أخوك بخير والكلام ده كدب ومجرد إشاعه !!
أمسكها من كتفها وأحتضنها برعايه وحدثها بهدوء٠٠٠٠إهدي يا حبيبتي ،،ياسين بخير ومافيهوش أي حاجه صدقيني !!
خرجت من بين أحضانه وتحدثت وهي تتلفت حولها بلهفه٠٠٠٠طب لما هو كويس فعلاً مجاش معاك ليه؟؟
تحدثت ليالي بدموع وألم٠٠٠فين ياسين يا طارق،،قولي الحقيقه أرجوك،،ياسين جراله حاجه ؟؟
تحدث طارق بجديه ٠٠٠٠والله العظيم ياسين بخير،،هو بس أخد طلقه في كتفه وأخدوه المستشفي وخرجوها وهو دلوقتي حالته مٌستقره وكويسه جداً !!
لطمت منال خديها وتحدثت ٠٠٠٠طلقه،،أخوك مضروب بالرصاص وتقولي كويس،،يلا حالاً وديني عند أخوك أشوفه بعيني وأطمن عليه !!!
تحدثت ثريا وهي مٌمسكه بذراع منال٠٠٠٠إهدي يا منال أكيد هتشوفيه وتطمني عليه ، وأنت يا طارق يلا وصلنا عند أخوك علشان نتطمن !!!
أجابها طارق بهدوء٠٠٠٠للأسف مش هينفع يا عمتي،،الموضوع سري للغايه والناس إللي ضربوه فاكرينه لاقدر الله أتوفي،، وعندنا أوامر إن مفيش مخلوق يعرف الكلام ده لحد ما المخابرات تقرر هي هتعمل أيه !!
كانت تستمع لهم وقلبها ينزف دماً علي حبيبها الراقد بين الحياه والموت وعيونها تذرف الدمع بغزاره !!!
تحدثت يسرا من بين دموعها وهي تنظر إلي مليكه٠٠٠وإنتي يا مليكه إتأخرتي كده ليه، أنا بتصل عليكي من بدري مبترديش ليه،،وإتقابلتي مع طارق إزاي،، ثم أيه حالتك دي ؟؟
نظر إليها طارق ثم ذهب إليها وأمسك يدها وأجلسها بإهتمام وهو يتحدث٠٠٠مليكه كانت راجعه وشافت عربية ياسين في طريقها نزلت تسأل ظابط الأمن وتطمن علي ياسين،،أنا شفت عربيتها راكنه وأنا جاي ووقفت جبتها معايا وطمنتها !!
جرت عليها ليالي وتحدثت بلهفه٠٠٠٠هي الحادثه كانت في طريقك وإنتي راجعه يا مليكه،،طب هي العربيه متفجره فعلاً زي ما بيقولوا كده في الفيديو ؟؟
طمنيني يا مليكه من فضلك !!
كانت تهز مليكه ومليكه في عالمها الخاص،،قلبٍ نازف وجسدٍ هازل وعيونٍ باكيه،،
كادت أن تتحدث
أسكتها دخول تلك الثائره الناقمه عليها٠٠٠إرتحتي ،،إرتحتي يا مليكه،،لكن إزاي ،،شكلك كده مش هترتاحي غير لما تجيبي أجل شباب العيله كلهم واحد ورا التاني ،، وشك شؤم علينا من يوم دخولك العيله،،، موتي رائف وبعده ياسين ،،،أرتااااحتي ؟؟
كانت تستمع لها وهي تنكمش علي حالها وترتجف بجلستها ودموعها تنهمر فوق وجنتيها ،،،ربتت علي كتفها جيجي وأمسكت يدها لتٌطمئنها وهي تري ساقيها تهتزتان برعب وهلع !!
رمقها طارق بغضب وتحدث بحده٠٠٠ماتخرسي شويه يا أختي،،أيه،،،، ماسورة زفت وأتفتحت في وشنا،،ياسين بخير ،،
ياريت بقا تبطلي ندبك ده وتوفري تولولك لحاجه تانيه ،،ولا أنتي ما صدقتي مٌصيبه وعاوزه تشبعي فيها لطم !!
تحدث محمد زوجها الذي أتي بصحبتها بخيبة أمل٠٠٠٠يعني ياسين بيه كويس ؟؟
تحدثَ طارق وهو يجلس مٌتنهداً بتعب وإرهاق ٠٠٠٠الحمدلله هو بخير
وأكمل بتحذير وهو ينظر إلي محمد ونرمين ويشير لهما بسبابتهْ٠٠٠٠٠لكن الكلام ده مايطلعش بره الدايره دي،،وإلا ورحمة رائف أسلمكم تسليم أهالي للمخابرات،،أنا بقولكم علشان أطمنكم ،،لكن الموضوع سري لحد ما المخابرات بنفسها تعلن عنه !!!
تحدثت منال من بين شهقاتها٠٠٠٠طب يلا بسرعه وديني عند أخوك أطمن عليه !!!
نظر لها طارق مٌتعجباً٠٠٠أوديكي فين يا ماما،، بقولك الموضوع سري والمخابرات لسه ماأعلنتش علشان أمان ياسين تقوليلي وديني ،،
وبعدين أوديكي فين،،،إذا كٌنت أنا نفسي معرفش هو في أنهي مستشفي ؟؟
وأكملَ مٌطمئناً إياها ٠٠٠٠٠وبعدين يا حبيبتي بابا معاه متقلقيش،، هو كلمني وطمني وخلاني أجي أقولكم علشان ماتقلقوش وبعدها قفل تلفونه،،،
وتحدثَ بتذكير٠٠٠٠أه،،، وياريت كمان تقفلوا تليفوناتكم علشان محدش يتصل بيكم وتضطروا تجاوبوا ولا تتلغبطوا،، لحد ما نشوف أيه إللي هيحصل ،،وان شاء الله يعلنوا بسرعه عن الموضوع ونرتاح من القلق ده !!!
تحدثت ثريا برجاء٠٠٠طب إتصلنا ب أبوك يا أبني نطمن منه وبالمره مامتك تطمن بنفسها ولو ينفع تكلم أخوك وتسمع صوته علشان بس قلبها يرتاح !!!
نظر طارق لزوجة عمهِ وتحدثَ٠٠٠٠ياسين نايم يا عمتي،، هما مديينه حقنه منومه علشان يهدي أعصابه وكمان علشان الإصابه إللي في كتفه متألمهوش،،وبعدين ماأنا لسه قايل إن بابا قفل تليفونه علشان إللي بيتصلوا بيه يسألوا علي ياسين !!
صاحت ليالي وتحدثت ببكاء مرير٠٠٠إنت بتكدب يا طارق،،ياسين حالته خطيره وأنتَ مش راضي تقولنا علشان منقلقش !!!
هٌنا صرخت أيسل وتحدثت ببكاء٠٠٠أنا مليش دعوه بكل الكلام إللي حضرتك بتقوله ده يا عمو،،أنا عاوزه أشوف بابي وحااااالاً
إنتبه الجميع لوجودها وبكائها الصامت المرير الذي يٌدمي القلوب !!!
جري اليها طارق إلتقطها وأدخلها داخل أحضانه بحنان وتحدث٠٠٠٠إهدي يا قلبي بابي كويس جدآ والله،، وصدقيني أول ما يسمحولنا بالزيارة إنتي هتكوني أول شخص يدخله ويشوفه !!!
كانت تنتفض من شدة بكائها داخل أحضان طارق وأمائت له بموافقه دون حديث !!
أخذتها يسرا من بين أحضان طارق وأجلستها بجانبها وأحتضنتها قائله بحنان٠٠٠٠ما تعيطيش يا قلبي بابي كويس وإن شاء الله بكره أو بعده بالكتير وهيبقا هنا في وسطنا
تحدثت ايسل من بين شهقاتها٠٠٠٠يارب يا عمتو !!!
تحدثت جيجي٠٠٠ياسين راجل قوي وإن شاء الله هيجتاز تعبه ويبقي أحسن،،، ياريت كلنا ندعيله بدل العياط إللي مش هيفيده بحاجه غير إنه هيتعبكم ويأثر عليكم بالسلب !!
نظرت ثريا علي تلك المٌنكمشه علي حالها تبكي بصمتٍ رهيب وتحدثت٠٠٠٠مليكه ،،إنتي كويسه يا حبيبتي ؟؟
نظرت لها وتحدثت بدموع ٠٠٠الحمدلله يا ماما أنا كويسه !!
نظرت نرمين الى والدتها بغضب من تلك المعامله والإهتمام لغريمتها !!!
في ذلك التوقيت أتت "عَليه" وتحدثت وهي تجفف دموعها ٠٠٠ستي مليكه،، الحارس إللي علي البوابه بيقول إن فيه حد بره بيسأل عليكي،،وبيقول إنه من النيابه العامه !!
إبتلعت لٌعابها برعب ووقفت وهي تٌشير بيدها علي حالها٠٠٠٠ عاوزني أنا ؟؟
وقف طارق ينظر إلي عَليه قائلاً ٠٠٠أنا هخرج أشوفه عاوز أيه !!
تحدثت ثريا بشك٠٠٠فيه أيه يا مليكه،،أيه إللي يخلي النيابه تبعتلك يا بنتي ؟؟
نظرت لها منال وتحدثت بحده٠٠٠٠أيه إللي تعرفيه إحنا مانعرفهوش يا مليكه ،،إتكلمي ؟؟
تحدثت ببكاء وأنهيار وبدأت بالصراخ الهيستيري ٠٠٠٠معرفش معرفش،،ماحدش يسألني عن حاجه،،أنا ماأعرفش حاجه،،هو كل مصيبه تحصل تسألوني أنا عنها ،،
حرام عليكم بقا سيبوني في حالي ،، أنا عمر ما حد فيكم جه وسألني عن حالي
مبتسألونيش غير عن حالكم واللي يخصكم وبس سيبوني في حالي بقاااا
دلف طارق و نظر إلي مليكه بإستفسار٠٠٠٠دول طالبينك في المخابرات يا مليكه،، هي أيه الحكايه ،،هو فيه حاجه حصلت أنا معرفهاش ؟؟
إرتعبت أوصالها وهي تقول٠٠٠عاوزيني أعمل أيه هناك ،،أنا قولت لوكيل النيابه إللي كان موجود في مكان الحادثه علي كل إللي أعرفه !!
تحدثت ليالي بشك ٠٠٠٠كل إللي تعرفيه؟؟
وهو أنتي تعرفي أيه ؟؟
تحدثت من بين شهقاتها المريره وبدأت تقص عليهم ما حدث ثم أكملت٠٠٠٠هو ده كل إللي حصل،،وأنا قولت كل إللي عندي يبقي عاوزني تاني ليه ؟؟
تحدثت ليالي بصياح وغضب٠٠٠٠ولما أنتي يا هانم عارفه كل ده ،،مانطقتيش ليه من ساعة ما جيتي وقاعده ساكته ليه؟؟
دبت منال علي صدرها بهلع٠٠٠٠يعني إبني كان جوه العربيه لما إنفجرت وتقولولي كويس ،،أخوك جراله أيه يا طاااارق قولي يا أبني وريح قلبي،،
وأمسكت يدهٌ تسحبهٌ للخارج٠٠٠٠٠خدني ووديني حالاً عند أخوك علشان أشوفه بعيني !!
تحدثت نرمين بغل وهي تنظر إلي مليكه٠٠٠٠عاجبك كده يا هانم ،،ولعتيها بكلامك ده ،،ياريتك ياأختي فضلتي ساكته !!
نظرت لها يسرا بغضب وتحدثت بحزم ٠٠٠والله ما فيه حد بيولع الدنيا ويشعللها غيرك إنتي يا نرمين ،،
ثم نظرت إلي محمد وتحدثت٠٠٠٠ماتشوف مراتك وتسكتها يا محمد وياريت تقولها إن ده مش وقت إللي بتعمله ده !!
تحدث طارق بحزم وحده٠٠٠٠خلاص إنتي وهي ،،مش عاوز أسمع ولا كلمه من واحده فيكم تاني ،،
ثم نظر إلي نرمين وتحدث بغضب٠٠٠٠وإنتي،، يا ريت تبطلي السم إللي عماله تبخيه من وقت ما دخلتي ده ،،مش وقته يا ماما،،ها،،مش وقته !!!
ثم حول وجهه إلي مليكه وتحدث ليٌطمئنها٠٠٠٠٠٠وإنتي يا مليكه،،يلا علشان أوصلك،، ومتخافيش أنا مش هسيبك !!
بكت برعب وحدثته متوسله٠٠٠٠طارق أرجوك أنا مش بحب أروح الأماكن دي ولا برتاحلها،،خليه هو ييجي هنا يسألني في اللي عاوزه !!
طمئنتها ثريا وهي مٌتأثره بحالتها٠٠٠٠٠إهدي يا مليكه، ،إنتي خايفه كده ليه يا حبيبتي، ده مجرد سؤال هو أنتي رايحه متهمه لاسمح الله !!
تحدثت ليالي بحده٠٠٠٠ياعالم يا طنط أيه إللي حصل والهانم مخبياه عننا !!
أجابت مليكه بدموع وضعف ٠٠٠٠والله العظيم ماأعرف غير إللي قولته هنا ول وكيل النيابه !!
تحدث طارق بنبرة صوت حازمه ٠٠٠٠يلا بينا يا مليكه وماتقلقيش أنا هكلم سيادة اللوا عزت صديق بابا وأحنا في الطريق وأخليه يتصل بيهم ويسمحولي أحضر معاكي الإستجواب ،،يلا يا حبيبتي متخافيش أنا معاكي ومش هسيبك !!
تحدثت جيجي بحنان٠٠٠إسمعي كلام طارق يا مليكه ومتخافيش وإن شاء الله خير
اوصلاها للخارج ثريا ويسرا وجيجي
◇◇◇◇¤◇◇◇◇
في اليوم التالي !!!!
كان يرقد فوق تخت المشفي بجسدٍ مٌتعب ،،كتفهٌ مٌضمد بالشاش أثر طلقة الرصاص وكدمات بجميع جسده أثر قفزتهِ من السيارة قبل الإنفجار بلحظات !!!
كان يقف بجواره والدهٌ ورئيس جهاز المخابرات وبعض الرجال ذات المناصب العاليه !!!
تحدث رئيس الجهاز ٠٠٠٠حمدالله علي سلامتك يا سيادة العقيد !!
تحدث ياسين بتألٌم وصوتٍ ضعيف٠٠٠الله يسلم سعادتك يا أفندم !!
تحدث الرئيس برضي٠٠٠٠الحمدلله إني كنت واخد إحتيطاتي وممشي وراك عربية حراسه تحرسك من بعيد،،لإني كنت مٌتأكد إنهم هيحاولوا ينتقموا منك رداً علي عملية المعمورة،،وبالفعل اللي حسبته لقيته،،
ثم نظر لهٌ وتحدث بعمليه٠٠٠٠ أنا عارف إنك تعبان يا ياسين،، لكن لازم تحكيلنا إللي حصل بالظبط بكل تفاصيله علشان نقدر نوصل للأ ******** دول في أقرب وقت ونجبلك حقك !!
تحدثَ ياسين بنبرة صوت حازمه وعيون غاضبه كعيون الصقر٠٠٠٠بعد إذن سعادتك ياباشا،،حقي أنا إللي هاخده بإيدي،،لازم أجبهم بنفسي وأمد إيدي وأخلع كبدهم من مكانه وأنا باصص جوه عنيهم،، غير كده مش هعرف أرفع عيني ف وش رجالتي ،،، وأظن ده ما يرضيش سعادتك !!
فرقَ الرئيس نظراته بين الواقفين ينظرون لياسين بإعجاب ثم هز له رأسهٌ بإيماء وتحدث بفخر٠٠٠٠كنت هستغرب لو سمعت منك كلام غير ده يا سيادة العقيد،، وأنا معنديش أي مانع إنك تاخد تارك بنفسك ،،
بس الأول إدينا تفاصيل علشان نعرف نوصل لبداية الخيط قبل مايختفي،،ورجالتك هيراقبوهم ولما تقوم بالسلامه أبقي إنتقم منهم بطريقتك إللي ترضيك !!!
هز له ياسين رأسهٌ بإحترام وإيماء وبدأ بتذكر ما جري وقصه علي رجال المخابرات
فلاش بااااك
ياسين ٠٠٠بجد يا مليكه،،بجد إنتي أسفه
كان يستمع لها وعينه علي الطريق وفجأه ظهرت بجانبهِ سياره ذات زجاج مٌعتِم (فاميه) كانت تقترب منه مٌسرعه ،،ونظر أمامه وجد سياره أٌخري تتجه في الطريق المٌعاكس ويبدوا أنها تعرف وجهتها جيداً،،ألا وهي سيارته لا غير،،
شعر بريبه حاول الإسراع والإفلات منهم لكنهم كانوا أقرب منه ،،نزل زجاج السياره المٌعتم وظهر منهٌ شاب مكشوف الوجه،،وبمهارة عاليه وتدريب أطلق من السياره المجاوره طلقه ناريه كانت تتجه نحو القلب مٌباشرةً ،،تفاداها ياسين بأخر لحظه بحركه ذكيه وسريعه فاستقرت داخل كَتِفهْ !!
بعدها هرولوا بسيارتهم ثم أنتظروا بعيداً جداً بعد إعتقادهم نجاح مٌهمتهم،، أما الجزء الثاني من المهمه فهو للسياره المقابله !!
هدئ ياسين من سرعتهْ وتحاملَ علي حاله وتحرك بجانب الطريق وسط الأشجار وبحركه سريعه وغير مٌلفته،،لم يرها غير سائق السياره المٌقتربه منه لتنفجر به،،
ألقي ياسين بنفسه وسط الأشجار بحركه خفيه سهله وسلسه بالنسبةِ لرجٌل مخابرات ذات تدريبات عاليه علي تلك المواقف !!
وبلحظه أصتدمت السيارتان ببعضهما وحصل إنفجار هائل نتيجة المفرقعات المتواجده داخل سيارة ذلك الإرهابي المٌنتحر مٌنفذ العمليه !!
تدحرج ياسين مٌحتكاً بالأشجار مما تسببَ بكدمات وجروح بجميع أنجاء جسده ،،علي الفور نزل رجال المٌراقبه بحذرٍ شديد وأخذوا ياسين وبسرعة البرق إختفوا من المكان !!!
علي الفور أبلغ أحد الرجال الذي شاهد الحادث ،،،،ولكنهٌ لم يٌشاهد ياسين الذي قفز من سيارته قبل الإنفجار بعدة مترات ،، ثم أتي رجال الشرطه وبعدها رجال النيابة العامة وأنقلبَ الحال عند الكشف عن هوية صاحب السيارة !!!
وأخذا رجلين المراقبه ياسين الذي كان مازال مٌستيقظاً وتعرف علي شخصيتهم إلي مشفي وجههم إليها رئيسهم المسؤل عن مٌهمتهم !!!
كانت تلك السيارة ذات الزجاج المٌعتم مازالت تنتظر من بعيد حتي رأي الشخص الذي وجه الطلقه سيارة ياسين وهي تتفحم فتهللت أساريره وذهب سريعاً ليبشر أميرهٌ المزعوم بتلكَ البٌشرة !!!
رجوع للوقت الحالي !!
عز وهو ينظر لفلذة قلبه الراقد يتألم ٠٠٠٠٠حمدالله علي سلامتك يا سيادة العقيد، ،الحمدلله،، إنتَ ربنا كتبلك عمر جديد !!
رئيس الجهاز بجديه٠٠٠ حمدالله علي السلامه يا بطل،،يا تري تقدر توصفلنا شكل الراجل اللي أطلق عليك الرصاص ولا نسيبك ترتاح ويبقي الرسام يجيلك وقت تاني؟؟
أجابهٌ ياسين بتحدي وإصرار٠٠٠٠٠ أنا راحتي في إن سعادتك تجبلي بداية خيط الكلاب دي في أسرع وقت يا أفندم، وأنا أن شاء الله هخليهم عبرة لمن لا يعتبر وهخلص البلد من شرهم !!
أجابهٌ الرئيس بتفاخر٠٠٠هو ده ياسين المغربي إللي أنا أعرفه !!!
وأشار للرسام ٠٠٠٠تعالي يا أحمد وأرسم كل تفصيله هيقولك عليها سيادة العقيد ،،عاوز دقه،،فاهمني !!
في ذلك اليوم خرج المتحدث بإسم الجهاز عبر وسائل الإعلام المرئيه ونفي ما أٌشيع عن وفاة ياسين وكذبهٌ،،،وكانت ضربه قاضيه لتلك الجماعات الإرهابيه الخائنه لبلدها التي تمول من الخارج لزعزعة وأستقرار أمن الوطن والمواطن !!
وبهذا ظهر كَذب هؤلاء الحٌقراء أمامَ شٌركائهم الأجانب،،وأمام العالم أجمع ،،فقد كانت ضربه قاضيه في مصداقيتهم وشهد العالم أجمع علي كذبهم وحقارتهم ،،وبهذه الحركة فقد كسبت المخابرات المصريه نقطه عليهم !!!
◇◇◇◇¤◇◇◇◇
في إحدي الأماكن المٌتطرفه البعيده !!!
كان ذلك المدعو بالأمير يجول المكان بغضب وهو ينظر بإشمئزاز علي ذلك الواقف بخجل ناظراً للأرض
تحدث ذلكَ المدعو بالأمير بوجهٍ غاضب٠٠٠٠ألا لعنة الله عليك يا رجل،،خزاك الله في الدنيا والأخره،،
وأكمل بحيره٠٠٠٠ ماذا نحنٌ فاعلون الآن بعد أن ضٌربت مِصداقِيتٌنا أمام شركائنا الأجانب،،
كيف سنفسر لهم هذا الخطأ الفادح ،،أعٌميتْ عيناك حتي أنك لم تري ذلك الفاجر وهو ينفد من الهلاك المٌحتم له ؟؟
تحدث الشاب بخزي ومازال ناظراً أرضاً ٠٠٠٠٠أستميحٌكَ عذراً أيها الأمير،،أعفو عني أرجوك،،لقد خدعني هذا الذنديق بمراوغه ،،لقد شاهدت السياره التي كان يقودها وهي تتفحم بأم عيني،،وقبلها شاهدت طلقتي وهي تنغرس داخل قلبهِ اللعين
وأكمل بتساؤل وحيره٠٠٠٠٠كيف كانت له النجاه أنا لا أعلم ؟؟
تحدث المدعو بالأمير والشر يتطاير من عيناه٠٠٠٠إنهم ملعونون ذات سبعة أرواح ،،المهم الأن لابد لك أن تختفي عن الأعين في أقرب وقت،، لابد أن تهرب خارج البلاد لانك أيها الأبله كٌنت كاشف الوجه وبالتأكيد ذلك الكافر أدلي لهم بملامحك !
أماء له الرجل دون حديث وأنصرف !!!
◇◇◇◇¤◇◇◇◇
في مساء اليوم التالي !!!
كانت منال تجلس في بهو منزلها حزينه علي حال ولدها الماكث بالمشفي ،،كانت تجاورها ثريا وليالي وجيجي ويسرا ونرمين وأيضاً إبنتها شرين التي اتت مهروله عندما شاهدت ذلك الفيديو المزعوم عن إستشهاد أخيها ،،،
كٌلهن حاضرات إلا مليكه التي كانت تجلس بصحبة أطفالها هي ويسرا وأيضاً بحالتها المزريه حزناً علي حبيبها !!!
دلف طارق من الباب مٌبتسماً وهو ينظر لوالدته وتحدثَ٠٠٠٠ليكي عندي مفاجأه حلوه أوي يا منول !!
نظرت له وتحدثت بتساؤل ٠٠٠٠مفجأة أيه يا حبيبي قول وفرح قلبي يا طارق !!
أشار بيدهِ للواقف خارج الباب وتحدث٠٠٠٠إظهر وبان عليك الأمان !!
دلف عٌمر ولدٌها الصغير ذاتَ السادسه والعشرون من عمره،، الماكث منذٌ ثماني سنوات يدرس هندسة الإلكترونيات بالخارج !!!
صرخت منال وجرت عليه من فرحتها تحتضن صغيرها بحنان وقلبٍ يطيرٌ فرحاً ،،بادلها إياه تلك الأحضان الحانيه بسعاده !!!
وتحدث وهو يدور بها بسعاده٠٠٠٠منوووول يا روح قلبي وحشتيني !!
نظرت له وتحدثت وهي تحتضن وجنتيه وتقبلهما بشغف٠٠٠٠يا قلب منول وعقلها أيه المفاجأه الحلوه دي يا عٌمر !!
حضنته ثريا وتحدثت ٠٠٠٠حمدالله علي السلامه يا حبيبي،،وحشتني يا عٌمر !!
تحدث ذلك المٌدلل ٠٠٠وإنتي كمان وحشتيني أوي يا عمتو !!
تحدثت شيرين٠٠٠حمدالله علي السلامه يا حبيبي، ،مقولتليش يعني إنك جاي وأنا بكلمك فيديو إمبارح ؟؟
أجابها بمرح ٠٠٠٠كنت حابب أعمل surprise لمامي !!!
إحتضنته يسرا ٠٠٠وحشتني يا عٌمر
أجابها بإبتسامه ٠٠٠وإنتي كمان يا يسرا وحشتيني جداً !!!
ثم نظر إلي نرمين وتحدث بدعابه٠٠٠٠برنسيس عيلة المغربي الجميله !!
أجابته وهي تحتضنه بحنان٠٠٠حبيبي يا مورو وحشتني يا قلبي !!
بعد سلامه علي الجميع إلتفت بتمعن وهو يتسائل ٠٠٠٠أومال فين مليكه ؟؟
ثم نظر إلي ليالي وتحدثَ بنبرة ساخره٠٠٠أوعي تقوليلي إنكم عايشين دور الضراير بقا ومنعتيها من الدخول هنا ،،أنا عارفك يا بنت خالي جباره وتعمليها !!!
تحدثت بعصبيه ٠٠٠عٌمر الموضوع ده غير قابل للهزار !!
تحدثت ثريا كي تفض ذلك الإشتباك ٠٠٠أدخل يا حبيبي خد شاور وبعدها إتغدي علشان تروح تزور أخوك وتطمن عليه !
ثم أشارت لإبنتيها٠٠٠٠يلا يا بنات علشان نسيبه يرتاح وكمان علشان ولادكم تلاقيهم تعبوا مليكه !!!!
◇◇◇◇¤◇◇◇◇
مرت ثلاثةٌ أيام علي تلك الواقعه
كانت تجلس فوق سجادة الصلاه تبكي وتتضرع سائله الله عز وجل أن يشفي حبيبها ويعافيه،،إنتهت وخلعت عنها ردائها المخصص للصلاه
ثم جلست علي تختها شارده حزينه تريد الإطمئنان عليه تريد رؤية عيناه ورؤيتهٌ ليطمئن قلبها ،،
نعم لقد إطمئنت من ثريا التي ذهبت مع منال وليالي وأيسل لزيارته ،،فهم فقط الذين ذهبوا لزيارته وهي لم تجرأ علي ان تطلب منهم الذهاب لزيارته ولا هم عرضوا عليها
وللأسف تحطم هاتفه في الحادث ولم تستطع مهاتفته،،
ولم يكن حاله بأفضل منها كان يشتاقها بجنون ولكن حزن منها لعدم سعيها لزيارته والإطمئنان عليه،،
أتتها فكره فنزلت لثريا وتحدثت معها ٠٠٠ماما،،بعد إذن حضرتك أنا مخنوقه اوي وعاوزه أروح أبات عند ماما إنهارده !!
نظرت لها ثريا بتعجب قائله٠٠٠معقوله هتسيبي البيت في الظروف دي يا مليكه ؟؟
طب أصبري لما ياسين يخرج بالسلامه ونطمن عليه !!
أجابتها مليكه بعيون حزينه وصادقه٠٠٠٠٠أرجوكي يا ماما أنا مخنوقه أوي وحادثة ياسين فكرتني بحادثة رائف الله يرحمه وبجد مش متحمله أجواء البيت والحزن ده !!!
تحدثت ثريا بقلة حيلة٠٠٠خلاص يابنتي إللي تشوفيه،،بس ياريت تيجي بكره بدري علشان أخلي عز ياخدلك إذن من الإداره إنك تزوري ياسين،،إنتي عارفه انهم مشددين ومش أي حد مسموحله إنه يزوره،، لكن كمان إنتي إسمك مراته ولو حتي قدام الناس ،،فلازم تزوريه وتطمني عليه علشان شكلك قدام العيله !!!
إبتلعت لعابها وتحدثت٠٠٠٠حاضر يا ماما أنا هسيبلك الأولاد وهروح لوحدي وإن شاء الله هكون هنا قبل أذان الظهر !!
خرجت مليكه وحدثت طارق وهي داخل سيارتها٠٠٠٠٠طارق أنا عاوزه أطلب منك طلب !!
وطلبت منه أن يأخذها لياسين ليلاً حتي تطمئن عليه،،وطلبت منه أن يكون ذلك سراً بينهما !!
كانت تجلس ليلاً بغرفتها بعد تناولها العشاء مع أبيها وأمها وشقيقها !!
دلفت سٌهير إلي غرفتها مٌبتسمه٠٠٠٠الجميل بتاعي قاعد لوحده ليه ؟؟
هو إحنا مش وحشينك يا بنوته إنتي ولا أيه ؟؟
أجابتها مليكه بإبتسامه باهته٠٠٠لا طبعاً يا ماما وحشتوني وجداً كمان !!
جلست سٌهير بجوارها فوق التخت وتحدثت بحزن٠٠٠٠مالك بس يا حبيبتي،،ليه نظرة الحزن دي ما بقتش تفارق عيونك،،لو علي ياسين إن شاء الله هيبقي كويس !!
نظرت لها بريبه وتحدثت مٌتلبكه ٠٠٠٠ماماااا،أناااا،أنا عاوزه أطلب منك طلب !!
نظرت لها سٌهير بترقب وتحدثت٠٠٠خير يا حبيبتي ،،قولي إللي إنتي عوزاه !!
تحدثت بخجل وهي تفرق أيديها بتوتر ٠٠٠أنا عاوزه أخرج دلوقتي مع طارق ،،ومش عاوزه بابا ولا شريف يعرفوا
ردت سٌهير بتساؤل ٠٠٠٠هتروحي تزوري ياسين ؟؟
نظرت لوالدتها بخجل وهزت رأسها بإيماء !!!
إبتسمت سٌهير لإبنتها وتحدثت ٠٠٠٠طب إنتي ليه مكسوفه أوي كده،،هو عيب إن الواحده تحب جوزها وتبقي عاوزه تطمن عليه ؟؟
إرتعبت مليكه وتحدثت سريعاً بنفي كاذب٠٠٠٠٠حب أيه بس يا ماما إللي بتقولي عليه،،أنا أحب ياسين،،لا طبعاً ده مستحيل يحصل !!
ضحكت سٌهير علي كذب إبنتها المكشوف وعشق ياسين المٌطل من داخل عيناها وتحدثت٠٠٠٠طب خلاص خلاص ماتزعليش أوي كده،،ألبسي وأجهزي وكده كده بابا وشريف نازلين ومش هيرجعوا غير متأخر ،،بابا هيسهر مع أصحابه وشريف رايح عند خطيبته !!
إبتسمت بمرح وسعاده وأحتضنت والدتها بحب
______________________________
كانت ثريا تخرج من فيلا عز بعد أن إطمئنت علي منال وتأكدت أنها غفت بسلام،،
وجدت عز يجلس بالحديقه شارداً حزيناً ذهبت إليه وتحدثت بإبتسامه حانيه٠٠٠٠قاعد لوحدك ليه يا عز ؟؟
فاق علي ذكر إسمه من أجمل نبرة صوت يعشقها نظر لها تائهاً داخل عيناها وتحدثَ مٌستغرباً٠٠٠٠يااااه يا ثريا ،،من زمان أوي مندهتليش بإسمي !!!
إبتسمت بحنان وهي تجلس بالمقعد المقابل وتحدثت٠٠٠٠من وقت ما بقيت لوا ياسيادة اللوا ،،قولي بقا قاعد لوحدك كده ليه ،،وأيه لزمتها نظرة الحزن إللي مرسومه علي وشك دي؟؟
أجابها بأسي وغيمة حزن داخل عيناه٠٠٠٠ياسين كان هيروح مني يا ثريا،،رجعلي من الموت بأعجوبه !!
تحدثت هي٠٠٠٠٠بعد الشر يا عز متقولش كده،،الحمدلله ربنا نجاه وكرمنا فيه ،،نحمد ربنا بقا ونشكرة ولا نزعل ؟؟
نظر لها وتحدث بإمتنان ورضي٠٠٠٠الحمدلله طبعاً،،،بس لما سمعت الخبر أترعبت عليه وكنت هموت،،مش متخيل فكرة إني كان ممكن أفتقده،،
وأكملَ بحنان٠٠٠٠٠٠ياسين مش بس إبني يا ثريا ،،،لا ،،،،ده صاحبي ورفيق أيامي،، عوضي من ربنا إللي بشوف فيه شبابي الضايع ،،
ثم أبتسم لها وتحدث بحنان٠٠٠٠٠فاكرة يا ثريا يوم ما أتولد وشيلته علي أديا وأدتهولك ؟؟
إبتسمت بحنان لأيام صِباها ورجعت بذاكرتها للخلف،،،،،
كانت تجلس في بهو المنزل بجانب والدتها وأحمد خطيبها مٌمسكه بيدها كتاب الله العزيز وتقرأ بهِ سورة ياسين،،،
خرجَ عز من الغرفه الماكثه بها منال والطبيب الذي أشرف علي ولادتها،،
خرج وهو يحمل ياسين بين يديه بسعادة بالغه نظر لهم جميعاً وتحدث ٠٠٠٠ولد،، ربنا رزقني بولد !!
جري عليه أحمد إحتضنهٌ بسعادة وتحدث ٠٠٠٠ألف مبروك يا حبيبى يتربي ف عزك إن شاء الله !!
إبتسم له وتحدث ٠٠٠٠٠عقبال جوازك يا أحمد !!
ثم إقترب منها ليضع طفلهِ بينَ يديها وتحدث٠٠٠٠سمي الله وشيلي الولد يا ثريا !!
أبتسمت وهي تٌعطي كتاب الله لوالدتها
وتحدثت والدتها ٠٠٠٠أنا هقفل المصحف يا ثريا ، إنتي عارفه إنتي واقفه عند سورة أيه ؟؟
إبتسمت ثريا وهي تنظر لوجه الطفل بحنان وقلبٍ سعيد وتحدثت٠٠٠٠٠ياسين،،،ياسين يا ماما !!
نظر لها الجميع بإستغراب من نظرتها للطفل وجمال صوتها وهي تنطق إسم ياسين،،
ومن بينهم عز الذي نظر لها بسعادة وتحدث بتأكيد٠٠٠٠ياسين يا ثريا، ،،هسمي إبني ياسين !!!
إبتسمت بسعادة وتحدثت ٠٠٠٠الله يا عز ،،حلو أوي إسم ياسين،، ولايق علي نور وشه الله أكبر !!!
فاقا إثنتيهم من ذكرياتهما وتحدث هو ٠٠٠ ربنا سبحانه وتعالي إختارله إسمه علي لسانك يا ثريا !!!
إبتسمت وتحدثت ٠٠٠٠٠إن شاء الله دايماً محفوظ من رب العالمين،،،،ياسين ده إبني إللي مخلفتهوش يا عز !!!
وأكملت بإهتمام٠٠٠٠٠٠قولي بقا إتعشيت ؟؟
هز رأسهٌ وتحدث بنفي٠٠٠٠مليش نفس !!
في تلك الأثناء دلف عبدالرحمن من البوابه هو ووليد وأتجها ناحيتهما وتحدث عبدالرحمن٠٠٠٠السلام عليكم ورحمة الله وبركاته !!!!
ردوا عليه السلام وجلسَ هو ووليد
ثم وقفت هي وتحدثت ٠٠٠٠٠٠عبدالرحمن ،، عز لسه ما إتعشاش ،،أنا هروح أجهز عشا خفيف وأستناك تجيبه وتيجي علشان نتعشي مع بعض زي زمان،،
ثم نظرت إلي عز وتحدثت بأمر وهي تٌشير له بأصبعها ٠٠٠٠٠هستناك !!!
أماءَ لها بعيون سعيده وتحدث ٠٠٠٠٠حاضر يا ثريا !!!
ذهبت هي لتٌعد لهم العشاء وجلس هو وأخيه ووليد ليتحدثوا
______________________________
وصل طارق بصحبة مليكه إلي المشفي القانط بها ياسين وذلك بعد تأكده خلو المشفي من أي شخص من العائله فقد كان يتبادلان مناوبة المبيت معه هو وأباه وكانت تلك هي ليلة طارق فلذا كان من السهل عليه إدخال مليكه والإستئذان لها بالزياره داخل المشفي العسكري المٌشدد !!!!
دق علي الباب وفتح باب الغرفة نصف فتحه ،، وجدهٌ مٌسطح نظر لهٌ ياسين وتحدثَ بتعب ٠٠٠٠كٌنت بتعط فين ده كله وسايبني لوحدي يا سي طارق !!
إبتسم له طارق وغمز لهٌ بعينه مٌتحدثاً٠٠٠٠معايا ضيف عايز يشوفك،،أدخله ولا أسربه !!
إستغرب ياسين من حديث طارق وتحدث بتساؤل٠٠٠ضيف ،،ضيف مين في الوقت ده،،علي العموم يا سيدي إنتَ مرحب بيك وبضيوفك في أي وقت !!
فتح طارق الباب علي مصرعيه ودلفت منه مليكه بطلتها المٌهلكه لذلكَ العاشق الولهان ♡
إتسعت عيناه بذهول من رؤيتها الغير متوقعه في تلك الساعه المٌتأخره ،،،
بدأت دقات قلبه في الإرتفاع تعلن عن دق طبول الحرب والسلام معاً ،،رعشه سرت داخل جسده بالكامل،،
فبرغم تعبه وألامه المبرحه إلا أنه لم يشعر إلا بلذة اللقاء وألتقاء العيون المٌشتعله بالإشتياق ♡
رفع رأسه ناظراً عليها بسعاده محاولاً الجلوس وأستقبالها مٌتناسياً جراحه ،،فتأوه
جري عليه طارق الذي إنبهر بلقاء ذلك الثنائي
وبدء بحديثهٌ مع النفس٠٠٠٠من هذا بحق الله ؟؟
هل هذا العاشق الولهان ذات العيون الهائمه هو ياسين المغربي ذات الشخص المتجبر صاحب القلب اليابس المتحجر ؟؟
♡أهٍ وأهْ من العشق حين يتملك من قلوبِنا ويجعلها فراشاتٍ تتطايرٌ في سماءٍ حالمه♡
تحدث طارق بلهفه ٠٠٠بالراحه يا حبيبي،،إستني أرفعلك السرير من تحت راسك !!
وما كان حالها بأفضل منه ♡
كان جسدها ينتفض من رؤيته كان قلبها ثائر يريدٌ أن يٌجبرها علي الذهاب إليه والإرتماء داخل أحضانه
ولكن ،،،،اللعنه علي خجلها فهو لا غيره الذي يمنعها !!
تحدث بعيون لامعه من الإشتياق٠٠٠٠قربي يا مليكه،،واقفه بعيد كده ليه ؟؟
حاولت مٌجاهده أن تخرج صوتها وأخيراً نطقت بإرتباك وخجل٠٠٠٠حمدالله علي سلامتك يا ياسين ،، إنت كويس ؟؟
شعر طارق بأنهٌ هادم اللذات ومفرق الجماعات فقرر الإنسحاب قائلاً ٠٠٠٠طب أنا هطلع أقعد في الإستراحه بره وأسبكم براحتكم،،لو إحتجت حاجه يا ياسين إنده عليا !!
خرج وأغلق خلفه باب الغرفه !!
نظر لها بلهفه وتحدث بصوتٍ عاشق٠٠٠قربي يا مليكه ♡
تحركت بخطوات مرتجفه مٌرتبكه إقتربت منه أمسك يدها وأحتضنها بإشتياق إلتقت العيون في نظرات مٌتلهفه مٌشتاقه ♡
أخرجت صوتها بصعوبه ٠٠٠سلامتك يا ياسين،،إنت كويس ؟؟
رد عليها بلهفه٠٠٠بقيت كويس لما شفتك ♡
إبتسمت بخجل وتحدثت ٠٠٠أنا كٌنت عاوزه أجيلك من أول يوم لكن إتحرجت أقول لعمو عز إني عاوزه أجي !!
ثم أكملت بحزن٠٠٠ومحدش منهم عرض عليا إني أجي معاهم !!
جذبها من يدها بحنان وأجلسها بجواره فوق التخت
ثم أجابها بحزن ٠٠٠٠وليه تتحرجي يا مليكه،،هو مش المفروض إني جوزك ومن حقي عليكي تيجي تزوريني وتطمني عليا ؟؟
نظرت لهٌ وأمتلئت مقلتيها بدموع وتحدثت٠٠٠أنا أسفه يا ياسين والله كان غصب عني،،ربنا يعلم أنا قضيت الكام يوم دول إزاي ،،أنا كٌنت هموت من القلق عليك،،وكان نفسي أشوفك وأطمن عليك جداً !!!
تحدث بلهفه وتساؤل ٠٠٠بجد يا مليكه،،بجد كنتي قلقانه عليا ؟؟
أجابتهٌ مليكه بتأكيد ٠٠٠٠وهو أنتَ عندك شك في ده يا ياسين !!
أجابها بلؤم وهو ينظر لمقلتيها بترقب٠٠٠٠لا طبعاً يا مليكه،،إنتي المفرض مراتي وقلقك ده طبيعي جداً !!
نظرت له بحزن وتحدثت بترقب ٠٠٠٠مراتك بس يا ياسين ؟؟
أجابها وهو يتنهد بتعب٠٠٠خايف أقولك إنتي أيه بالنسبالي ألاقي رفضك ليا زي كل مره،،بس المرادي هتكوني بتكسريني بجد يا مليكه !!
وقفت وأقتربت من وجهه وبدون مقدمات مالت علي شفتاه وقبلته بنعومه وهيام تحت ذهول ذلك الراقد مقيداً علي تخته من أثر تلك الطلقله اللعينه !
إبتعدت قليلاً ونظرت له بعيون هائمه عاشقه متيمه بحبه قائلتاً بصوت رقيق ٠٠٠بحبك يا ياسين،،بحبك ومبقتش قادرة أستغني عنك ،،بحبك ومشى هقدر أبعد عن حضنك لحظه واحده بعد إنهاردة ♡
نظر لها بذهول غير مصدقاً لما بدر منها للتو مٌتسائلاً٠٠٠إنتي قولتي أيه ؟؟
هو إللي أنا سمعته ده بجد ولا أنا من كتر ما أتمنيت أسمعها منك بقيت بتخيلها ؟؟
إبتسمت لهٌ برقه ولمست بيدها الرقيقه وجنته وتلمستها بنعومه قائله٠٠٠٠أيوه بحبك يا ياسين،،ومش هبطل أقولها تاني،،أنا أتأكدت من حبي ليك لما حسيت إني ممكن أخسرك،،
أنا كنت بموت من الرعب عليك وقت الحادثه،،وقتها بس إتأكدت إني مش بس بحبك،،لا،،،،،أنا بعشقك يا ياسين ♡
نظر لها بعشق ثم زفر بضيق رامياً رأسه للخلف بإستسلام مٌتحدثاً بعتاب ٠٠٠٠٠وجايه تقوليها دلوقتي يا مليكه، ،ملقتيش وقت أحسن من ده علشان تعترفي بحبك وعشقك لياسين إللي عاش عمره كله يتمني يسمع الكلمه دي من بين شفايفك،،
ما أخترتيش تقوليها غير وأنا راقد علي السرير زي قلتي مش قادر أتحرك !!
خرجت من بين شفتاها ضحكه خفيفه وتحدثت ٠٠٠وهي الحاجات دي ليها وقت يا ياسين؟؟
رفع رأسه ناظراً لها وأجابها بعيون عاشقه٠٠٠٠أه يا قلب ياسين ليها وقت ♡
وأكمل بتمني٠٠٠٠٠كان نفسي لما أسمعها منك أخدك في حضني وأرفعك وألف بيكي زي الفراشه وأضمك أوي لقلبي،،
وأصرخ وأسمع العالم كله إني بحبك،، .وبعدها أدوقك من عشق ياسين المخصص لمليكه لوحدها ،، ونغرق في شهد الحب ونشرب منه لحد ما نكتفي ♡
كان نفسي أخدك في حضني وأنام وأغمض عيوني وأنا مطمن إنك أخيراً بقيتي ليا بكل ما فيكي ♡
نظرت له بغصه وتحدثت بملامه٠٠٠عشق ياسين المخصص لمليكه وحدها،،،زي عشق ليالي إللي سمعتهولي في الفون كده ؟؟
تحدث بدعابه ضاحكاً ٠٠٠دي كانت قرصة ودن صغيره علشان أقدر أوصل للحظه اللي إحنا فيها دلوقتي ،،
حبيت أأكدلك إنك غلطانه،،وإنك بتعشقي ياسين، مش بس بتحبيه ♡
تحدثت بحزن٠٠٠٠طب مٌمكن بقا ماتكررش الموضوع ده تاني،،ده موت بالبطئ يا ياسين،،الغيره دي إحساس بشع، ،مش حابه أعيشه تاني ولا أدوقه !!
أجابها بغرور ٠٠٠٠طول ما أنتي بتحبيني وبتسمعي الكلام ومريحاني مش هكررها لكن ممكن أفكر أعملها تاني لو
حزنت وأنزلت بصرها للأسفل فتحدث هو بصوتٍ عاشق ٠٠٠٠أوعدك إني عمري ما هعمل حاجه تزعلك مني تاني يا قلبي ♡
نظرت له بحب وتحركت ثم صعدت بجانبه علي التخت وتمددت بجواره واضعه رأسها فوق ذراعه الغير مٌصاب وتحدثت٠٠٠٠٠وأنا عمري ما هاخرج من حضنك تاني ♡
كان ينظر لها بتعجب من جرأتها التي لم يعدها منها ،،
نظر لها بنصف عين وتحدث٠٠٠٠ده أنتي قاصده تضايقيني بقا !!
مدت شفتاها بحركه طفوليه وتحدثت بدلال٠٠٠أنا،،هو أنا لما أخدك في حضني أبقي بضايقك يا حبيبي ،،خلاص لو قربي وحضني بيضايقوك أنا هبعد ،،
كادت أن تنسحب ولكنه جذبها برقه داخل أحضانه ونزل علي شفتاها بنهم ليتذوق شهدها الذي طالما حلم به وبرضاها عنه،،عاشت داخل أحضانه لحظات تضاهي عمر بأكمله ♡
نظر لها مسحوراً بجمال عيناها العاشقه قائلآ ٠٠٠٠خليكي بايته معايا إنهارده !!
أجابته بإستفهام وسعاده٠٠٠٠هو ينفع ؟؟
أجابها بحب٠٠٠٠لو إنتي حابه كده يبقي ينفع جداً !!
إبتسمت وأمائت لهٌ تهز رأسها من بين أحضانه قائله ٠٠٠٠أنا حابه كده وجداااااااً
ضمها إليه بإشتياق عارم وعشق جارف وفرحة من شدة إقترابها المٌهلك له
إستمعت لدقات خفيفه علي باب الغرفه هبت بفزع وبلحظه قفزت من فوق التخت و كانت تقف أرضاً
مٌتناسيه تماماً ألام ذلكَ المسكين، ، صرخ متأوهاً
وضعت يدها علي قلبه برعب ٠٠٠٠أنا أسفه يا حبيبي ،،والله أسفه
وأكملت بإستفسار ٠٠٠٠وجَعتكْ ؟؟
أجابها بعيون عاشقه متجاهل تلك الدقات المتعاليه علي باب الغرفه٠٠٠٠٠ جرحي ما وجعنيش أد ما وجعني بعدك عن حضني ♡
تعالت أنفاسها وتهللت أساريرها من كلماته وتحدثت بعيون عاشقه ٠٠٠٠بحبك يا ياسين،،بحبك أوي♡
تعالت الدقات من جديد إبتعدت مليكه وتحدثت بحرج ٠٠٠٠أدخل !!
دلف طارق وهو يتنحنح بإحراج وتحدث٠٠٠٠ الممرضه عاوزه تغيرلك علي الجرح وتديلك الحقنه يا سيادة العقيد !!
دلفت الممرضه تتمشي بدلال وغنج نظرت إلي مليكه بإستغراب وعندها فهمت لما أصر طارق النقر فوق الباب وعدم الدخول قبل أن يستمع لإذن الدخول
بدأت ترفع عنه ثيابه وتتلمس صدره وهي تزيل له قطع الشاش تحت أشتعال صدر مليكه وأمتلائه بنار الغيره
لاحظ هو تغير وجهها وأبتسم بسعاده لا توصف لذلكَ الإحساس المٌرضي لرجولته !!
تمادي ياسين وأراد أن يشعلها أكثر فقال بصوتٍ حنون٠٠٠٠أه بالراحه عليا !!
تحدثت الممرضه بدلال٠٠٠سلامتك يا سيادة العقيد ،،ده حضرتك كنت لسه بتقولي إنهارده إن إيدي خفيفه ومش بوجعك،،أيه إللي حصل،،، علي العموم أنا خلصت خلاص !!
إقترب طارق من مليكه وهمس بلؤم ف أذنها بمحاوله منه لإشعال غيرتها ٠٠٠٠الباشا بتاعنا شكله مرتاح هنا ع الأخر والقاعده عجباه ،،بس بصراحه معاه حق !!!
حولت بصرها سريعاً ونظرت له بغضب وشرود،،ثم نظرت بقلبٍ مٌشتعل علي تلك السخيفه
وجدتها تمسك بقطعة الملابس بدلال لتلبسه إياه تحركت سريعاً وأنتزعتها من يدها بحده متحدثه بحسم٠٠٠٠خلاص يا حبيبتي مش عملتي إللي عليكي وغيرتيله علي الجرح،، سيبي بقا التي شيرت أنا هلبسهوله،، مش عاوزين نتعبك معانا أكتر من كده !!
نظر طارق لياسين بضحكات مكتومه وغمز بعينه مٌهنئاً إياه علي حب وغيرة مليكه الواضحان للضرير
تحدثت الممرضه بإستغراب٠٠٠٠ تعب أيه بس يا مدام إللي بتتكلمي عنه،، ده شغلي حضرتك !!
ثم نظرت لها بإستفهام٠٠٠٠مش بردو المدام ؟؟
تحدثت مليكه بقوه وفخر ٠٠٠٠أيوه المدام ، وقولتلك خلاص سيبي التيشرت أنا هلبسهوله وخلص الكلام !!
وبدأت تساعده في إرتدائه مع سعادة ياسين البالغه وقد تمادي وتعلق بعنقها مٌدعياً الإرهاق والتعب وهو يرتدي ثيابه تلاقت عيناها بعيناها وتاهت بهما ولولا وجود طارق والممرضه ل أنهال علي شفتاها يقبلها
وكانت هي إرتمت بين أحضانه تطلب وده وعشقه وأن يذيقها من وابل قبلاته التي باتت تعشقها ،،
إبتلعت لٌعابها بخجل تحت إنهيار حصونه
ثم إبتعدت
إقتربت الممرضه من جديد وتحدثت بتحدي ٠٠٠٠تسمحي تبعدي شويه يا مدام علشان ادي لسيادة العقيد الحقنه،،ولا تحبي حضرتك تديهاله هي كمان ؟؟
تنهدت بخجل وأبتعدت قليلاً لتٌفسح لها المجال !!
إنتهت الممرضه من عملها وأخذت أشيائها وخرجت
وتحدث طارق ٠٠٠٠٠أنا بقول كفايه كده يا مليكه ويلا بينا علشان إتأخرتي ؟؟
نظرت له سريعاً تستنجد بعيناه
تحدث ياسين مٌوجهاً حديثهٌ إلي طارق٠٠٠٠ سيبنا لوحدنا شويه لو سمحت يا طارق !!
أجابهٌ طارق بطاعه ٠٠٠٠حاضر يا ياسين،،بس ياريت ما تتأخروش !!
خرج طارق جرت هي عليه وتحدثت بدلال ٠٠٠٠ مش إنتَ قولتلي إنك عاوزني أبات معاك هنا في حضنك ؟؟
أجلسها بجانبه وتلمس وجنتها بحب وتحدث بأسي٠٠٠٠للأسف مش هينفع يا حبيبي،،أنا طول الليل دكاتره بتدخلي بتابع حالتي وكلهم دكاتره عسكريين وأصحاب رٌتب كبيره،،
وعز باشا بييجي بدري يفطر معايا،،صدقيني يا حبيبي مش هتكوني مرتاحه،،ولو ينفع مكنتش هتأخر علي إني أوافق ثانيه واحده ،،
وأكمل بعيون عاشقه ٠٠٠وعلي فكره لو إنتي حابه تبقي في حضني،، أنا بقا بقت كل أمنيتي إني أدخلك جوة ضلوعي وأقفل عليكي وما أخرجكيش تاني أبداً ♡
زفرت بإستسلام وتحدثت بدلال٠٠٠طب مٌمكن بقا ما تتأخرش عليا وتجيلي بسرعه،،،أنا هستناك !!
تنهد براحه وتحدث بإيماء وأبتسامه هادئه ٠٠٠٠٠حاضر
مد لها يده نظرت ليده وأبتسمت بوجهٍ سعيد وضعت يدها ،،
وضع هو قبله داخل باطن يدها ثم جذبها ووضع قٌبله فوق شفاها بث بها عشقه وأشتياقه لها ♡
وبعد مده إستقامت لترحل إبتعدت عنه ومازالت الأيادي تتشابك والعيون تتناغم بهيام ♡
لم يجرأ أياً منهما أن يترك يد الأخر كان الحب والعشق والغرام سيد موقفهما ♡
تنهد هو بأسي وتحدث ٠٠٠٠٠٠يلا يا مليكه ،،أخرجي لطارق خليه يوصلك ،،وصدقيني يا حبيبي مش هتأخر عليكي !!
نظرت له وغيمه من الدموع تغطي عيناها وتحركت مسرعه للخارج وأغلقت خلفها الباب !!
زفر بضيق وشعر بألم داخل صدره ورمي رأسه للخلف بإستسلام ،،وكأن روحه قد فارقته للتو !!
