رواية احتواء قلب الفصل الثاني والعشرون 22 بقلم عبير سليم
في مدينة السحر و الجمال عروس البحر المتوسط حيث ترتطم الأمواج بتلك الصخور التي تقف حائلا بينها وبين الشط حيث يجلس البعض و هم يتمتعون بالنظر إلى ذاك البحر الذي ياخذهم لآخر الدنيا و منهم من هو سعيد الحظ و يقع مسكنه عليه و يتمتع برؤيته كلما بدأ يومه او كلما احس بالضيق والسأم
و ها هم قد ذهبوا جميعهم إليهم للتحدث معهم و اقناعهم بما نوى عليه ولكن هل نتركهم وحدهم لا فلنذهب معهم و نجلس قريبا منهم و نشاهد ماذا سيحدث بينهم
ياااه اخيرا شفناكم حمد الله على السلامة يا استاذ.....
يرد فهد بالنيابه عنه : عارف
صلاح : عارف ايه هو انا كلمتك انا بكلم والدك يا بني
يرد والده : عارف يا استاذ صلاح
صلاح : هو ايه اللي عارف دي هي ايه الحكايه هو انتوا علقتوا على عارف دي ليه هو حضرتك مكنتش تعرف ان ابنك خطب بنتي و اللا إيه
فهد : هههههههه عارف ده يبقى بابا يا عمي بابا اسمه عارف
صلاح : هو حضرتك اسمك عارف
عارف : أيوة انا حضرتك عارف الأحمدي هو حضرتك مكنتش تعرف اسم خطيب بنتك بالكامل
صلاح : وهو ابنك ده حد عارفله حاجه انا مش عارف جالنا منين ده بس يا ربي الصبر من عندك يارب
فهد : هههههههه عسل و ربنا يا عمي اعرفك والدي الاستاذ عارف الأحمدي
صلاح : عرفت انه عارف خلاص ياريتني ما عرفتك و لا شفتك كان يوم مطلعتلهوش شمس انا مش عارف ياربي انت وقعت علينا منين
عارف : ليه بس كده يا استاذ صلاح هو فهد مزعلك في حاجه
صلاح : ماهو لو حضرتك كنت بس تفضالنا شويه و تفكر تطل و تشوف عمايل ابنك كنت حتعرف يا استاذ عارف
عارف : معلش بقى اصلي كنت بستجم شويه
صلاح : بتستجم هو مش حضرتك كنت تعبان
عارف : تعبان
يمسكه فهد من ايده بسرعه قبل ما يعك الدنيا
عارف يفتكر ان فهد قاللهم انه تعبان : آه فعلا ماحضرتك عارف بقى
صلاح : والنبي غير كلمة عارف دي عشان بدأت اتشائم منها
عارف : هههههههه شكل حضرتك دمك خفيف اوي يا استاذ صلاح
بس بسم الله ماشاء الله ايه الجمال ده كله انتي احلى من الصور بكتير
نجلاء : ميرسي يا اونكل
فاديه : اسكندريه منورة والله يا جماعه
مامت فهد : منورة بأهلها يا حبيبتي
والله انا كان نفسي اشوفكم اوي و ما صدقنا ان فهد عاوز يتجوز و يحدد معاد الفرح عشان نيجي معاه
صلاح : نعم هو مين ده اللي عاوز يحدد معاد الفرح و مين ده اللي عاوز يتجوز
فهد : يعني حيكون مين بس يا عمي اكيد انا ماحضرتك عارف خطوبه يعني بعديها فرح وحضرتك سيد العارفين
صلاح : هو انا مش قلتلك مش عاوز اسمع كلمة عارف دي و انا اصلا معرفش حاجه عن اللي انت بتقوله ده فرح ايه اللي بتتكلم عنه و جواز ايه هو لسه حد عرف اصلا ان نجلاء اتخطبت عشان نقول فرح و جواز
ده انتوا مكملتوش اسبوعين خطوبه و جاي تقوللي فرح ده اسمه ايه ان شاء الله
عارف : وايه المشكله بس الشقه جاهزة والولاد بيحبوا بعض يبقى نستنى ليه و بعدين هو مش فهد بيجيلكم وحضرتك اطمنت ليه
صلاح : هو من ناحية بييجي فهو مبيمشيش من ساعة ما قرينا فاتحتهم لكن اطمنتله لاء الصراحه
فهد : ليه بس كده يا عمي انا عملتلك ايه بس هو ليه حضرتك واخد موقف مني كده
صلاح : معرفش يا اخي كلامك بيعصبني
عارف : اسكت يا فهد متعصبش حماك
كلمني انا يا استاذ صلاح دلوقتي انا عاوز افرح بابني و اكيد حضرتك يعني نفسك تفرح ببنتك و تشيل ولادها و اللا انا غلطان
صلاح : لا طبعا مش غلطان و لا حاجه
فهد : طب ماحضرتك عارف
ااه معلش نسيت اديني سكت اهوه
صلاح : يا استاذ عارف دلوقتي ابن حضرتك لسه خاطب البنت من كام يوم ازاي يعني نجوزهم بالسرعه دي سلق بيض هو و اللا إيه و نقول لأهلها ايه
مامت فهد : عادي حضرتك حتعزمهم عالفرح اكيد يعني وتقولهم البنت جالها عريس كويس ايه المشكله و خير البر عاجله يا استاذ صلاح واحنا عاوزين نفرح بفهد احنا معندناش غيره نفسنا نشوف ولاده قبل ما نقابل وجه كريم
فهد بصوت واطي لأبوه : ما هو طول مانتوا مش راحمين نفسكم ممكن فعلا تقابلوا وجه كريم
عارف : أخرس يا زفت انت جتك الهم مبيجيش من وراك غير وجع الدماغ انا اول مرة اشوف واحد مش طايق عريس بنته كده انت عامله ايه اكيد لسانك ده مانا عارفك لسانك متبري منك
فهد : بقى كده بردو يا والدي ماشي مقبوله منك يا برنس بس عديلي الليله عشان خاطر ابنك الغلبان وانا حريحك مني خالص والجو حيفضالك يا معلم
عارف : معلم على اساس اننا فالسوق
تتحدث مامت فهد لمامت نجلاء : انتي ايه رايك يا حبيبتي مش نفسك بقى تفرحي بنجلا القمر دي
فاديه : ياااه ده يوم المنى بس اصل المشكله ان فهد عمايله بتعصب صلاح يعني مفيش حد عاقل ييجي من القاهره لاسكندريه كل يوم و يا دوب يمشي و التليفونات تشتغل لتاني يوم يعني هو يا اما معاها يا اما بيكلمها لما باباها اتج.. نن و الله ده سبحان اللي مصبره عليه لحد دلوقتي ده انا كمان بلم من وراه و بفضل اهديه لولا كده معرفش كان حيعمل فيه ايه الصراحه
مامت فهد : هههههههه حبيبتي ربنا يخليكي ليهم يارب و بعدين ده فهد عسل و ربنا بس هو اللي مندفع شويه و ده من حبه لنجلاء ده مفيش على لسانه غير نجلاء نجلاء
قولي كلمتين حلوين بقى عشان باباها يهدى شويه علينا ده احنا حتى اول مرة ندخل بيتكم
فاديه : ده انا اللي عاوزاكم تهدوا احسن انا خايفه تكون أول و آخر مرة و حياتك
فهد : أنا عاوز افهم بس هو ايه اللي مضايق حضرتك اني عاوز اعمل الفرح و اتجوز دلوقتي
صلاح : و هو ده كان اتفاقنا هو مش احنا اتفقنا على خطوبه اقل حاجه لمدة ست شهور جايلي بعد كام يوم و تقوللي جواز هو لعب عيال و اللا إيه
فهد : بص انا حقولك الصراحه هو يعني اصل جنه و هادي فرحهم اول الشهر و انا عاوز اتجوز معاهم
صلاح : ليه هما حيعملولكم تخفيض عالقاعه لو اتجوزتم سوا
فهد : تخفيض ايه بس يا عمي
هو انا بس عاوز اتجوز مع صاحبي يعني يرضيك هو يتجوز و ينبسط و انا اجي و اتبهدل
صلاح : اه يرضيني يعني بزمتك يرضيك انت تتجوز و تنبسط و انا افضل قاعد كده زهقان ملقيش حد ابهدله
انت بتستعبط هي فسحه شبطان فيها مليش دعوة عاوز اطلع و النبي خدوني معاكم انت عقلك ده ماله صغير كده ليه
و بعدين انا عاوز اعرف هما فين اللي الاساتذه اللي كانوا معاك المرة اللي فاتت البشمهندس يونس و الاستاذ هادي اللي حيتجوز ده سايبينك تيجي تقرفني ليه
فهد : قلبوني
صلاح : ده انا اللي حقلبك دلوقتي من بير السلم لو ما عقلتش كده و هديت
عارف : استاذ صلاح خلاصة الكلام عشان انا مش حمل مناهده حضرتك موافق نعمل الفرح و نجوزهم و اللا لاء
صلاح : لاء
نجلاء : ليه بس يا بابا
صلاح : انتي عاوزة تتجوزي و تسيبيني يا نجلا بالسرعه دي
فهد : سرعة ايه بس يا عمي ما هي عايشه معاكم بقالها اكتر من خمسه و عشرين سنه ده مؤ.. بد يا عمي و تقوللي بسرعه
صلاح : ده انا اللي حاخد فيك مؤ.. بد ان شاء الله لو ما اتخرستش خالص إياك اسمع لك صوت انت فاهم
استاذ عارف معلش انا اسف انا مش موافق قبل ست شهور مفيش جواز يعني مفيش جواز و كلمه زياده حقوم اجيبله حاجته و يبقى مفيش خطوبه كمان عشان أبقى ارتحت
مامت فهد : حضرتك التفاهم معاك صعب اوي يا استاذ صلاح يعني ده جزاة ابني انه بيحب بنتك و شاريها و عاوز يتجوزها بسرعه ليه حضرتك ترفض دي فرحتنا كلنا و حضرتك نفسك حتحس انك أديت رسالتك و سلمت امانتك للي حيصونها و يشيلها فعنيه. ليه تكسر بخاطرهم كده و هما بيحبوا بعض قوليلي يا نجلا مش انتي يا حبيبتي موافقه نعمل الفرح
نجلاء وهي بتبص لابوها : آه
مامت فهد : شفت بقى حضرتك اهي العروسه موافقه و مامتها موافقه يبقى مش ناقص غير موافقتك واول الشهر لسه فاضل عليه شويه يعني حتقدروا تلحقوا تجيبولها اللي ناقصها و تيجوا تفرشوا الشقه براحتكم و نفرح بيهم بقى
هاه يا استاذ صلاح قلت ايه دي اول مره ندخل بيتكم مش عاوزين نخرج و احنا مك.. سورين الخاطر
نجلاء : عشان خاطري يا بابا و حياتي عشان خاطري نفسي اتجوز بقى يا بابا انا كل زمايلي اتجوزوا و خلفوا و انا قاعده انا حعنس يا بابا
كلهم يفضلوا يتكلموا معاه و يقنعوه لحد ما يضطر انه يوافق : بس بشرط الفرح حيتعمل هنا في اسكندريه بين أهلها و قرايبها وده شرط مش حتنازل عنه يا اما كده يا اما مفيش جواز و لا فرح
فهد : أيوة يا عمي بس احنا حنعيش في القاهره يبقى لزمته ايه نعمل الفرح هنا
عارف : طب ايه رايك نعمل كتب الكتاب هنا و الفرح في القاهره
صلاح : لاء انا قلت الفرح و كتب الكتاب هنا يعني هنا غير كده مفيش لا جواز و لا فرح و ده اخر كلام عندي عشان انا خلاص جبت اخري
عارف : ما احنا بردو عندنا أهلنا وعاوزين نعزمهم عالفرح و بعدين المتعارف عليه أن الخطوبه عند العروسه و الفرح عند العريس مش هي دي الأصول يا استاذ صلاح
استاذ صلاح متحطش العقده في المن. شار بقى الولاد عاوزين يتجوزوا مع اصحابهم يعني يبقى فرح واحد و مش معقوله نحكم على هادي و اللا جنه ان فرحهم يبقى هنا
ده كل معارفنا و أصحاب فهد و زمايله من القاهره
فهد : و اطمن يا عمي إذا كان على اهلكم انا مستعد اجيبلهم أتوبيس رحلات اشحنهم كلهم فيه
صلاح : تشحنهم على اساس انهم شوية خضار و اللا فاكهه
سيبوني افكر و ارد عليكم
فهد : ابوس ايدك يا عمي وافق بقى الله يخليك واوعدك مش حزعلك مني تاني و حجيبلك البت دي عندك كل أسبوع تشبع منها بس جوزهالي بقى جوزهالي بدل ما حقوم ارمي نفسي في البحر و اجيبلكم دا. هيه
صلاح : و هو في دا.. هيه اكتر من الدا..هيه اللي حدفتك علينا
فهد : طب هات ايدك بقى يا عمي
صلاح : عاوز ايدي ليه أن شاء الله
عشان تحطها في ايد العريس حضرتك يا للا اتفضل قول ورايا : زوجتك ابنتي و موكلتي الانسه نجلاء صلاح الدين محمد البكر الرشيد على كتاب الله وسنة رسوله صلى الله عليه وسلم و على الصداق المسمى بيننا يرد عليه فهد : وانا قبلت زواجها و بعد أن ينتهي المأذون من عقد قرانهم تطلق ام نجلاء الزغاريد هي و كل اللي في الفرح و يحتضنه صلاح : الف مبروك يا فهد
فهد : الله يبارك فيك يا عمي
صلاح : عمك ايه و زفتك ايه قوللي يا بابا مانت بقيت ابني يا فهد
فهد : يا حبيبي يا ابوصلاح اخيرا رضيت عني
صلاح : نجلاء يا فهد
فهد : فعنيه و ربنا
و يحتضن نجلاء و د.. موعه تغرق وشه
نجلاء : يا حبيبي يا بابا ربنا يخليك لية ياحبيبي يارب
و يكون هادي و جنه سبقوهم و كتبوا كتابهم و نجلاء و جنه يحضنوا بعض و هادي و فهد هما كمان ياخدوا بعض بالحضن
و مرزوقه و سعيد يحضنوهم و يباركولهم و رقيه وخديجه و فاطمه يباركولهم و أولادهم فرحانين و بيجروا و بيرقصوا
و يبدأ الفرح و أصوات الاغاني تملا المكان و هادي و جنه و فهد و نجلاء طول الفرح يرقصوا وفرحانين و كل ما هادي يبقى عاوز ياخد جنه و يقعدوا فهد و نجلاء يشدوهم عشان ميمشوش و يكملوا معاهم رقص و شاركتهم همسه و عمرو فرحتهم
عمرو : عقبالنا يا همستي
همسه : ان شاء الله يا حبيبي
اسماء قاعده جمب ناديه اللي الدنيا مش سايعاها من الفرحه وقاعده و شايله جنه الصغيره اللي يدوب عمرها شهر على رجلها و مامتها قاعده مش قادرة تقف معاهم كتر خيرها و الله لسه قايمه من ولاده لكنها أصرت تحضر فرح جنه هي و الولاد اللي كانت جنه بترقص معاهم و هي فرحانه اوي
و يونس بيستقبل رجال الأعمال اللي عزمهم على فرح هادي و صلاح بيسلم على أهلهم و اصدقاءهم اللي جم القاهره مخصوص عشان يشاركوهم فرحتهم
و جاسر طول الوقت مع اخته يرقص معاها و فرحته بيها ملهاش حدود
يمر الوقت و الكل سعيد و مبسوط و كل الموظفين حضروا الفرح و الكل شاركهم فرحتهم
و ينتهي الفرح ويطلعوا العرسان على شهر العسل و طبعا كل واحد يدخل مع عروسته جناحهم في الفندق و هو شايلها و الدنيا مش سايعاهم من الفرحه : ينزلها و يمسك وسطه
اه يا ضهري يخرببيت سنينك ايه التقل ده كله
نجلاء : انت قصدك اني تخينه
فهد : لا يا روحي فشر ده اكيد المقطوره اللي انتي لابساها انتي كنتي مستحمله تقل الفستان ده ازاي يافقريه
نجلاء : عجبني مالك ماسك ضهرك ليه هيا من اولها
فهد : لا بقولك ايه مسمحلكيش ده انتي الليلادي حتصوتي و صوتك حيجيب لاسكندريه
نجلاء : هههههههه يا فهد يا جامد طب انا حدخل الحمام اغير الفستان واجيلك
فهد : مش عاوزة مساعده
نجلاء : لاء اوعى بقى
يرمي فهد نفسه عالسرير : لاء جامد يستحمل آآآه يا ضهري ربنا يستر و تعدي الليله على خير
يحتضن وجهها بين ايديه : الف مبروك يا جنتي جنه بفرحه : الله يبارك فيك يا حبيبي
يقبلها هادي من جبينها و يساعدها في خلع فستانها و يتوضوا عشان يصللوا مع بعض و يبدءا حياتهم الزوجيه
انتي يا بنتي انتي يا زفته هي البت ما.. تت جوة و اللا إيه يخرببيتك اتكلمي طمنيني انك عايشه تفتح الباب و تخرج زي ما دخلت : يعني انتي بقالك ساعه في الحمام و في الآخر تطلعيلي برضو بالفستان انتي حد محلفك متقلعيهوش
نجلاء : مش عارفه افتح السوسته
فهد : ما قلنا نساعد قلتوا لاء
لفيلي يا همي
ياربي ايه السوسته دي جنزير انا قلت الفستان ده انا مش مرتاح له انتوا بتعملوا فنفسكم عمايل منيله اهيه انفتحت
نجلاء : خلاص سيب بقى
رايحه فين تاني لاء والله مانتي داخله الحمام
خليكي هنا و انا حطلع من الأوضة خالص هي ليله مبصوص فيها انا عارف ربنا يستر و تعدي على خير كملها معايا بالستر يارب ده انا غلبان
يقف برة واللي رايح و اللي جاي يبص له و هو واقف بالبيجامه و هو يضحك للي معديين من ادامه لحد ما نجلاء تفتحله : فهد
فهد : ادخلي يا ماما انتي بتفتحي بالمنظر ده ليلتك مش فايته هو انتي متجوزة سوسن
يخربيتك ايه الحلاوه دي يا بت يا نوجه
نجلاء : دي اقل حاجه عندي وحياتك
فهد : أيوة بقى دي حتبقى ليله يا معلم
نجلاء : بس بقى انا بتكسف
فهد : لا بقولك ايه الله يخليكي دي اول مره بتجوز فيها يعني ايه بلاش بتكسف دي احنا بصي نشجع بعض كده عشان الليله تعدي
نجلاء : نشجع بعض امال فين حتصوتي و صوتك حيوصل لاسكندريه اوعى تكون بوء عالفاضي
فهد : بوء انا بوء ليلتك مش فايته انتي بتشككي فقدراتي يا بت طب تعالي بقى انتي اللي جبتيه لنفسك
يشيلها و يرميها عالسرير : لقاء الجبابرة
نجلاء : هههههههه هههههه مج.. نون وربنا
ياااه اول مره احس بالأمان و السعاده دي انا مش مصدقه نفسي انا خايفه اكون بحلم هادي : لا يا حبيبتي ده مش حلم دي حقيقه و احلى حقيقه في الدنيا حنعيشها سوا
جنه : ربنا يخليك لية يا هادي انت احلى حاجه حصلتلي فحياتي كلها انا بحمد ربنا على كل اللي حصللي عشان هو السبب اني عرفتك و حبيتك
هادي : أنا لو كنت اعرف ان ربنا شايلك لية مكنتش عمري حزعل و لا حخاف من شئ كنت حعيش حياتي و انا مطمن بيكي و بوجودك فحياتي
بحبك يا احلى جنه في الدنيا
انها ليلة عمرهم ليلة من الف ليله وليله يعيشان بها ملك و ملكه يتذوقان فيها الحب و العشق بطعم و نكهه لم يعهداها من قبل حب يطغى على القلوب و يجعلها اس.. يرة للهوى ويقلبها كيفما يشاء
طائر حر طليق يطير بجناحيه في الهواء يرفرف و السعاده تملاء قلبه و يغرد و يشدو اعذب الألحان احساس يملا فؤادهم و مشاعر تغمر قلوبهم نشوة و سعاده ليس لها حدود
جواد عربي أصيل تتحكم هي بزمامه و تتركه يجري بها وهي مستسلمه مطمئنة القلب تفتح ذراعيها للحياه غير قلقه فقط كل ما تشعر به هو الأمان و هو يجري بها لدنيا تتمنى ألا تتركها ابدا
ريح طيبه هبت عليهم بنسيمها العليل جعلتها تشعر بمذاق الحياه و هدوئها و صفو جمالها
ولأول مرة تشعر باحاسيس لم تعهدها من قبل فشتان بينه و بين من استحل جسدها من قبل فلطالما كانت تشعر معه بفؤاد يتمز.. ق و رو. ح تقتلع من جذورها فكم ارهقها و اتعب جسدها بمتطلبات لا تمس للحب بشئ فقط رغبه ليست إلا كانت تقوم من تحت يديه كقطعة قماش تمذقت و بليت و لا تقدر على شئ نتيجة كانت تجلس تحت المياه طويلا لتتخلص من آلام تركها بجسدها و جعلها تت. ألم من ق. سوتها عليها
اما الآن فهي تشعر معه و كأنها ملكه بين يدي ملك لا يرضى الا بسعادتها و رسم البسمه على وجهها لا يريد لها العناء من شئ فقط يريد لها السكينه و الأمان و ان تغفو بين يديه كطفله تنام في هدوء طفله ظمئانه و شربت حتى ارتوت
كان معها رقيقا لأبعد الحدود أخذها لعالم لم تدخله او تطرق بابه من قبل وكلما توغل بها في ذاك العالم تشبثت به أكثر و أكثر و لا تريد الإبتعاد عنه لحظه واحده و لما لا و قد أصبح أمانها في هذه الدنيا و سبيل نجاتها و ملاذها الوحيد
نائمه هي بين الحضانه طفله بريئه صوت دقات قلبها تعلن عن حبها الشديد له و استسلامها لقلب عشقها بكل ذرة في كيانه بينما هو لا تقوى عيناه عن الإبتعاد عنها للحظه واحده خائف من أن تغفو عيناه و يحرم لساعات من رؤية هذا الوجه امامه و لكنه ياخذها بين احضانه ليغفو معها و هو يحمد الله على ما أنعم به عليه و على كرمه الواسع له
..............................................
تنام هي الأخرى بين احضانه بعد أن فعلت له كل ما يريده و بعد أن لبت له كل متطلباته الشه.. وانيه فكل ما يريده منها جسد ليس إلا
تاخذ السيجارة من فمه و تضعها في فمها بغيظ : و هما ازاي اتلموا على بعض ايه اللي لم الشامي عالمغربي
شهاب : زي ما احنا اتلمينا على بعض با ذكرى و اللا نسيتي
تخيلي مراتي و جوزك مع بعض هههههه حاجه تضحك مش كده
ذكرى : يشبعوا ببعض
شهاب : إيه يا قطه انتي غيرانه و اللا إيه
ذكرى : و انا ايه اللي يخليني اغير انت ناسي اني انا اللي سايباه
شهاب : لا مش ناسي بس اصل اوقات الواحد بيحن بردو
ذكرى : يعني انت حنيت و اللا إيه شهاب هو انت لسه بتحب جنه
شهاب : جنه دي جنه مينفعش يعيش فيها غير الملايكه و بس إنما أنا شي... طان مكاني مع اللي زيك يا قلبي
ذكرى : انت قصدك ايه يا شهاب
شهاب : قصدي انك انتي اللي فاهماني يا مزتي و يغمزلها بعنيه : و مريحاني
هاه قوليلي بقى ايه آخر الأخبار عندك
ذكرى : كله تحت السيطرة متقلقش
شهاب : مالية ايدك منه
ذكرى : عيب عليك ده من ايدي دي لايدي دي
شهاب : حنشوف بس خدي بالك المناقصه دي بالنسبه لي مهمه جدا
ذكرى :طب و حتكون مكافئتي ايه
ذكرى : عيوني ليكي
ذكرى : نتجوز رسمي و. تعملي فرح زي اللي عمله هادي لجنه الليلادي
شهاب : احلى فرح لذكرى ست الستات
بقولك ايه ما تيجي نكمل اللي كنا بنقوله
ذكرى : هههههه هو انت كل ده و مشبعتش ده النهار حيطلع
شهاب : و انا من امتى بشبع منك الجمال ده ميتشبعش منه ابدا و بعدين ما يطلع النهار بكرة اجازة يعني مورييش حاجه طب ايه رايك بقى بكرة طول اليوم في السرير مش حقومك منه
ذكرى : ياااه للدرجه دي بتحبني
شهاب :مانا قلتلك كل ما تسمعي كلامي ححبك اكتر يا مزتي
اه على فكره بعد يومين في حفله كبيره عاملها احمد لاشين في فيلته و حاخدك معايا ده راجل تقيل اوي و حينفعني فشغلي
ذكرى : بجد حتاخدني معاك
شهاب : طبعا يا روحي واعملي حسابك حتنزلي تشتري فستان بس بالمواصفات اللي حقولك عليها
ذكرى : عينيه يا حبيبي
شهاب : أيوة برافو عليكي وعاوز اشوف الشغل بقى
