رواية احببت زين الصعيد الفصل العشرون 20 بقلم ذات الخمار
احببت زين الصعيد
البارت 20
قبل ما زين يطلع ينام مصطفي نده عليه
زين: خير يا مصطفي مالك
زين: مش دلوقت يا مصطفي هي لسه صغيره
مصطفي بزعيق خفيف: هو ايه اللي مش دلوقت و ريم مش صغيره
زين بحده:مصطفي اتكلم ب ادب و بلاها الجوازه دي و دهبك هيجيلك الصبح و سابه و طلع
فتح الباب و رمي العبايه بتاعته
فرح:مالك يا زين
زين مليش يا حياتي عايز انام بس
فرح:طيب يلا ننام
زين:يلا و خدها في حضنه و نام
عند مصطفي رن علي ريم تطلعله الجنينه
ريم: في ايه يا مصطفي مالك مطلعي ليه
مصطفي حكالها كل اللي زين قاله
ريم بدموع: انت هتسبني صح
مصطفي سكت و مردش عليها و هي دخلت ل جوه جري و كانت بتعيط
الصبح فرح قامت قبل زين و قعدت تبصله
زين فتح عينه بكسل: بتبصيلي كده ليه يا بت
فرح: امم بحبك
زين: لا دا احنا نقوم نتعدل بقا و نشوف الرومانسيه دي
فرح ضحكت: لا نام و انا هنزل تحت قبل ما يطلعو يكسرو الباب ولا حاجه
زين بضحك: طيب يا حبيبتي انزلي و انا هخلص و انزل علشان ماشي
فرح باسته و قامت: ماشي يا عيوني هدومك متحضره جوه و نزلت و زين قام
فرح نزلت ملقتش حد: الحمدلله زمانها مخموده لسه اما اروح اقوم ريم
خبطت علي ريم و دخلت
فرح بخضه: فيه ايه يا بنتي عيونك حمرا كده ليه و بتعيطي ليه
ريم حضنتها عيطت: زين قال ل مصطفي نلغي الجوازه دي
فرح بصدمه: بتهزري ليه حصل ايه طيب
ريم حكتلها اللي مصطفي قالهولها
فرح: طيب اهدي انا هطلع اشوف في ايه و انزلك و بعدين زين استحاله يعمل كده متخفيش هطلع و اجي تكوني غسلتي وشك
ريم: حاضر
فرح طلعت لقت زين واقف قدام المرايا حضنته من ضهره
فرح: حبيبي
زين: نعم يا روحي
فرح: انت قولت ل مصطفي بلاها الجوازه دي
زين بصلها: اه قولت و الدهب هياخده النهارده
فرح وقفت قدامه: زين متهزرش علي فكره ريم تحت مش مبطله عياط
زين ببرود: متبطلش انا نازل رايح شغلي تعالي حضري الفطار يلا
فرح مسكت ايده: زين استن فهمني
زين ببرود: لما ارجع و خد يزن و نزل و هي خدت ياسين و نزلت وراه
علي الفطار و كلهم حاضرين
زين ببرود: حضري الدهب يا ريم مصطفي هياخده و مفيش جواز
كلهم اتصدمو و بصوله
سميحه: فيه ايه ياولدي حصل ايه
زين ببرود: ولا حاجه ياما
مصطفي بزعيق و عصبيه قام وقف: والله العظيم ريم ما هتكون لحد غيري حتي لو انت مش موافق يا زين
زين قام وقف و قرب منه: و انا مش موافق و وريني هتتجوزها ازاي ولا ايه رايك يا ريم
ريم بصتله بدموع و سكتت
حمزه: ياخوي اهدي و فهمنا في ايه
زين ببرود: مفيش حاجه
مصطفي بعصبيه و زعيق: والله ريم ليا و محدش يقدر يقرب منها سامع هيا ليا و بس و مش هتتجوز غيري
زين بصله و ضحك بصوت عالي وكلهم استغربوه
زين بضحك: الفرح الخميس الجاي يلا الحق جهز نفسك يا عريس
مصطفي بصله بصدمه: انت قولت ايه
زين: خليك مصدوم و هغير رأيي
مصطفي مسك فيه: استني يا جدع والله منا مصدق وقعت قلبي منك لله منمتش طول الليل
زين ضحك علي شكله و قرب من ريم و حضنها: انتي بنتي انا اللي مربيكي تفتكري اني هديكي لاي حد كده لازم ابقي عارف انه هيحافظ عليكي
ريم حضنته: ربنا يخليك ليا ياخويا و ابويا و سندي
زين: يلا همشي انا اتاخرت و باس راس امه و فرح و مشي
فرح طلعت وراه
زين بصلها: مالك طالعه ورايا ليه
فرح حضنته: متتاخرش
زين بغمزه: ليه يا تري
فرح ضربته في كتفه: يا بارد امشي
زين ضحك و مشي
الليل جه و زين اتاخر و بترن عليه تليفونه مقفول
فرح بقلق: استر يارب هيكون فين و لسه بتكمل لقت الباب بيتفتح و كان زين و هي جريت عليه
فرح بدموع حضنته: انت كنت فين انا كنت علي اعصابي من ساعتها و تليفونك مقفول
زين حضنها: والله التليفون فصل و كان عندي شغل كتير معلش يا حبيبي حقك علي قلبي
فرح مسحت دموعها: طيب غير يلا عبال ما اجيب الاكل انا مكلتش
زين بابتسامه: حاضر
نزلت تجيب الاكل و هي طالعه سمعت صوت حمزه و رضوي بيتخانقو و كان صوتهم عالي
فرح جابت الاكل و طلعت و قعدو ياكلو
فرح بتوتر: احم زين هو كنت عاوزه اقولك حاجه بس والله انا مقصدتش اسمع
زين انتبه ليها: في ايه
فرح: و انا نازله سمعت صوت حمزه و رضوي بيتخانقو و حمزه بيقولها والله كلمه كمان عليها لتكوني طالق والله مش قصدي اسمع هما صوتهم كان عالي
زين انتهد: مش عارف فيه ايه نشوف الصبح سيبك منهم و قوليلي ايه الحلاوه دي
فرح بكسوف: زين اسكت
زين: اسكت ايه دا بوز الاخص الاتنين نايمين و شالها و هي ضحكت و نسكت علشان عيب
الصبح ياسين عيط و زين قام شاله مكنش بيسكت برضو
زين راح جنب فرح: حبيبتي ياسين بيعيط و مش راضي يسكت شكله جعان
فرح بنوم: هات يا حبيبي و نام انت
زين اداها الولد و نام و هي قعدت بيه لحد ما نام
الصبح زين قام لبس و مرضاش يصحيها باس راسها و باس الولاد و نزل
زين لقي ريم قاعده: ايه يا عروسه قاعده كده ليه
ريم بابتسامه: مفيش حاجه هي فرح فين منزلتش
زين: نايمه مرضتش اصحيها كانت سهرانه ب ياسين
مالك اخوه من وراه:كانت سهرانه ب ياسين ولا مع ابو ياسين و غمزله
زين: والله هضر'بك اخرس احسلك
امه جات و هو باس راسها و فطرو و زين مشي
رضوي قاعده قالبه وشها ل حمزه
حمزه بصلها بقرف: انا ماشي ياما عايزه حاجه
سميحه: سلامتك يا حبيب امك
حمزه مشي و سميحه نادت علي رضوي
رضوي: نعم يا حجه
سميحه: انتي متعاركه مع جوزك
رضوي بتوتر: لا
سميحه باستغراب: ماشي يا بتي
رضوي: هيا فرح منزلتش ليه
سميحه: زين قال نايمه علشان عيالها كانو صاحيين طول الليل
رضوي: ماشي و قامت
سميحه في سرها: يا تري وراكي ايه يا بت مسعود
و طلعت ل فرح خبطت
فرح قامت فتحت ب كسل: تعالي يا ماما معلش والله زين مقومنيش
سميحه بحنان: عادي يا حبيبتي زين قال ان العيال سهروكي لو صحيتي هاتيهم يلا مبقتش اعرف اقعد من غيرهم تحت
فرح بضحك: عيوني اغير هدومي بس و اجي استنيني ننزلو سوا بقا و قامت بسرعه دخلت الحمام
خلصت و نزلو
لقت جدة زين بتزعق جامد و رضوي واقفه ساكته
جدة زين:..
يتبع
