رواية الصقر الجريح الفصل الثاني عشر12 بقلم نوره عبدالرحمن

رواية الصقر الجريح الفصل الثاني عشر12 بقلم نوره عبدالرحمن

اللهم العفو والعافيه

الصقر الجريح 12

عمر احنا بعد مانتجوز هنسافر اوربا ونستقر هناك..مش انتي عايزه تستقري ببلاد براا

عليا بحماس بجد ياعمر ربنا يخليك ليا انا حلمي استقر هناك ..بس تفتكر صقر هيوافق..

عمر ان شاء الله انا هتكلم معاه وانتي كمان حاولي معاه..

عليا بس ازاي وكليتي هعمل فيها ايه ..

عمر متخفيش انا هنقل اوراقك لكليه كويسه هناك..وانا كمان جالي عقد عمل كويس جدا هناك ومش عايز ابقى هناا..

عليا انت مش حاسس ان كل حاجه جت بسرعه ..

عمر ياحبيبتي انا عايزك تبقى مبسوطه مش حلمك تستقري بيلاد براا..وهتكملي تعليمك هناك..ايه هيا المشكله انا عايز ابقى معاكي باسرع وقت ..

عليا بس ياعمر مش عارفه ايه..

عمر متفكريش بحاجه ياحبيبتي ..وان شاء الله كل حاجه هتكون زي محنا عاوزين.

__________

فرح اهدي يافتون ربنا يرحمهم ويصبرك ياحبيبتي..

فتون ببكاء مشفتوش قبل مايموت يافرح ومات وهو زعلان مني ..مش هقدر اسامح روحي..مش هقدر..

فرح متقوليش كده..ياحبيبتي ده كله قدر..ومكتوب ادعيله بالرحمه وانتي من الحكايه اللي قولتهالي معملتيش حاجه غلط ..متزعليش روحك..

فتون زاد بكائها واحتضنت فرح..التي بقيت تهون عليها مصابها.

((فرح ابنة خالة فتون تعيش في المدينه..ولا تأتي الى الريف الا في المناسبات القليله..))

__________

صقر انت جيت ايمتا...

بهاء دلوقتي واصل ازيك ومراتك عامله ايه..

صقر. حاسس اني مخنوق هنا ومش قادر اتحمل الجو ده..تصور حتى مراتي مش قادر اشوفها وعمها كل اما اساله عليها يقولي مع الحريم جوه ومينفعش تدخلها..

بهاء اصبر ياصقر انتا عارف العوايد هنا صعبه شويه..

صقر بقلق بس انا عاوز اطمن عليها..

بهاء هيا بين اهلها ..وانت زي مقولتلي بالتلفون عمها ميعرفش ظروف زواجكم..

صقر ايوا بس انت مشفتهاش ولما عرفت بموتهم ..كانت منهاره جدا وانا قلقان عليها قوي ..

يهاء متقلقش هتبقى كويسه..

صقر اه نسيت اقولك انت عارف ان فرح هنا..

بهاء بصدمه فرح مين... البنت اياها اللي جبتلك الملفات المشبوهه.

صقر ايواا.

بهاء ودي ايه اللي جابها هنا دي غيرهم مش باين انها من البلد..

صقر هي وفتون بنات الاخوات..يعني بنات خاله..

بهاء اممممممم.. ولنفسه الدنيا صغيره قويي.

صقر انت عرفت ايه عنها..

بهاء مفيش الا حاجه وحده مستغربها قويي..

صقر ايه هيا..

بهاء البنت مبتشتغلش بالروضه..بس هي وحده من طالبات مراتك بالكلية..

صقر منا عارف عشان كده قولتلك تسأل عليها انا لما جاتلنا اتصلت بالروضه منتا عارف انها ملكي ..بس مالقيتش موظفه باسمها…

بهاء يعني في حاجه مخبياها البنت دي..

صقر مش عارف بس مش وقت نتكلم بحاجه دلوقتي منتا شايف احنا فين..

بهاء امممم ماشي ياصقر ..بس انتو لايمتا هتفضلو هنا.

صقر مش عارف ..بس انا عاوز اشوف فتون ..

بهاء اجمد ياصقر واتحمل اليومين دول..

بهاء بتردد انت قولتلها ان محمود اخوها كان بيخطط يبعت حد يقتلها..

صقر لا اوعى يابهاء تجيب سيره بالكلام ده قدامها او لحد ..مش هتتحمل الكلام ده ..فتون رقيقه حدا وحساسه.

بهاء متقلقش ياصقر السر ده اتدفن مع محمود خلاص ..

صقر على الله ترجع فتون زي الاول ..

_____________

بعد مرور عشرة ايام

صقر مش كفايه يافتون ونرجع بيتنا بقى..

فتون …..

صقر امسك.يدها بحنان ..فتون انا بكلمك..

فتون جذبت يدها بهدوء اللي تشوفه…

صقر بابتسامه طب اجهزي لحد مااقول للحراسه تجهز العربيات..

فتون حاضر..

_____________

فرح فتون جوزك ده يتقل بالدهب خودي بالك منه وبلاش الحزن ده اللي بشوفه بعنيكي ياحبيبتي…

فتون مش قادره يافرح انا قلبي بيتقطع على اخويا وعياله..

فرح محمود وعياله ربنا يرحمهم ده يومهم وبلاش تنكدي على روحك وعلى جوزك هتخسريه كده..

فتون ربنا يسهل..مش هشفوك تاني..

فرح لا ازاي انت بقيتي قريبه عليا قوي يعني جارتنا احنا ساكنين بمدينه وحده..ايمتا مااحتجتيني كلميني هنا دي نمرتي..وانا هجيلك ..ولو حبيتي تزوريني ده عنوان بيتنا..

فتون احتضنتها ربنا ما يحرمنيش منك ياحبيبتي..

فرح متقوليش كده احنا اخوات

_____________

في منزل الشرقاوي..

عليا بحضن صقر وحشتني قوي ..

صقر وانتي كمان وحشاني والله..بس انتي عارفه الظروف بقى..

عليا وهي تحتضن فتون ربنا يرحمهم ويغفر لهم ويصبر قلبك ياحبيبتي..

فتون يارب ياعليا..

عليا اطلعوا انتو ريحوا شويه وانا هقول لوحده من الشغالات تطلعلكم الاكل على اوضتكم..

صقر ربنا ميحرمنيش منك..وصعد وهي يمسك يد فتون

ووووو

_____________

سليم انا بشوف النهارده انسب وقت..

عامر اللي تشوفه يابابا بس انت متاكد انو الرجاله دول ثقه..

سليم متخفش دول هيقتلوه. ومحدش هيحس بيهمم..ومتنساش انهم جايين من البلد وتعبانيني..

عامر ماشي يابابا ايمتى هينفذوا..

سليم النهارده بالليل..هيكون اخر يوم بحياة صقر الشرقاوي..

يتبع..

الثالث عشر من هنا

تعديل المقال