رواية مشاكل عائلية كاملة وحصرية بقلم رحاب القاضي
البارت الاول
ــــــــــــــــــــــــــــــــــــــــ
مالك بغيظ _
يا وليه اطلع فين بالليل كده ده احنا داخلين علي الفجر..
مالك بغيظ _
يا نور ما تشوفي جدتك بقي...
رفعت فريال العكاز بتاعها عليه وقالت بحده _
وكمان بتعلي صوتك تاني عليها قدامي بررررره...
ــــــــــــــــــــــــــــــــــــــــ
_وقبل ما نبدأ حكايتنا اعرفكم علي بطلتنا النهارده واللي اسمها نور وعندها اربعه وعشرين سنه، باباها ومامتها متوفين في حادثه وهي صغيره وكبرت مع جدها فاروق العدوي وجدتها فريال...
_وفي يوم كان فاروق قاعد في مكتبه وعامل اجتماع للموظفين اللي عنده ومال علي موظف جنبيه وقال بقلق....
فاروق _
بقولك ايه يا مالك انا نسيت ان نور حفيدتي جايه النهارده من باريس ممكن تروح تجيبها من المطار..
مالك بضيق رد عليه وقال_
ايه يا فاروق بيه اللي حضرتك بتقوله ده، انا لازم احضر الاجتماع ده المشروع ده بتاعي ولا انت عايز احمد هو اللي مشروعه يتقبل..
فاروق _
بص انا اللي هختار المشروع وبقولك ان مشروعك انت اللي هيتاخد لان من غير ما اتناقش انا واثق فيك انك عامل المشروع احسن منه، بس روح هات نور ووصلها البيت عشان انا ما ينفعش اسيب الاجتماع.....
مالك بغيظ _
طيب ما تبعتلها سواق حضرتك يجيبها او اي حد من بره اشمعنا انا..
فاروق بحده _
انت عايزني ابعت لحفيدتي اللي بقالها اسبوع مسافره سواق يجيبها من المطار، هتزعل مني..
مالك بسخريه قاله _
هو انت ليه بتتكلم علي الاسبوع علي انه قرن ده اسبوع سبع ايام بس يعني..
فاروق بعصبيه _
ما تخلص يا ولد انت بقي وتروح تجيبها...
وقف مالك وقال _
هجيبها بس المشروع يتقبل، والا هخطفلك نور..
فاروق بجديه قاله _
صح نسيت اقولك بلاش تتكلم معاها خالص، هاتها من سكات كده ووصلها..
مالك ما فهمش هو ليه طلب منه كده بس قاله حاضر ونزل اخد عربيته وراح المطار نزل من العربيه ووقف مستني نور هو مش عارف شكلها بس كتب اسمها علي ورقه وفضل واقف، وبعد شويه شاف بنت حلوه اووي شعرها اصفر وطويل وعينيها زرقه طالعه من الباب وعدت من جنبيه فقالها بصوت واطي..
مالك _
ايه يا خواجه الحاله تعباانه..
زعقت فيه نور وقالت _
فيه ايه يااد انت ما تلم نفسك..
مالك بصدمه _
معقول انتي مصريه اسفين يا حجه طريقك اخضر...
نور بغيظ _
ومالها المصريه بقي ان شاء الله وبعدين انا واقفه في ارض الحكومه..
مالك بضيق _
باااس خلاص انا سيبهالك وماشي..
_جه يمشي فخدت بالها من اسمها اللي مكتوب علي الورقه اللي في ايده، فقالتله بسرعه...
نور _
خد يا ولد انت هنا...
مالك بعصبيه _
اللهم طولك يا روح مش كفايه لسانها مترين لا وكمان قليلة ذوق، عايزه ايه؟..
نور بحده _
انت تعرفني منين..
رد عليها مالك وقال _
ما حصليش القرف والله عشان اعرفك..
نور بغيظ قالتله _
قرف في عينك اومال اسمي اللي مكتوب علي الورقه اللي في ايدك دي ايه؟..
مالك بصدمه قالها _
استني هو انتي نور خالد فاروق العدوي؟..
ردت عليه نور بغرور وقالت _
ايوه انا انت السواق اللي باعته جدو عشان يوصلني..
مالك بعصبيه قالها _
سواق مين يا بت انتي ما تتعدلي بقي انا ساكتلك من الصبح، مش بتعد سبع سنين تعليم في هندسه وخمس سنين شارب المر عند جدك ابقي سواق..
نور ببرود قالتله _
اومال انت تطلع مين يعني؟..
مالك بثقه قالها _
معاكي البشمهندس المعماري مالك مندور..
نور ببرد شاورتله علي الشنط وقالت _
طيب يا بشمهندس حط الشنط دي في العربيه يلا وافتحي الباب عشان اركب...
_رمي. مالك الورقه اللي عليها اسمها علي الارض وبصلها بغيظ وقال..
مالك _
انا اللي غلطان ومتربتش اني سمعت كلام جدك وجيت اجبك انا مالي شالله تروحي بعربيه كرو انا مااالي..
خافت نوى وقالتله بسرعه _
استني بس هو حضرتك بتتعصب ليه كده بسرعه انا مقصدش اللي فهمته يا استاذ معتز...
مالك بغيظ _
وكمان بتغلطي في اسمي..
نور بخوف قالتله _
لا لا لا طلعا مقصدش يا استاذ مروان..
مالك بحده قالها _
مااالك ومش استاذ اسمي بشمهندس مالك فاهمه ولا لا...
نور بغيظ بتحاول تخفيه _
حااضر يا بشمهندس مالك اللي تشوفه، افتحلي الباب بقي..
بصلها مالك بغيظ وقال _
نعم؟؟...
نور بخوف قالتله بسرعه _
قصدي انا هركب لوحدي والله..
_راحت ركبت العربيه وهو حط الشنط، وراح ركب جنبيها وسألها وقال..
مالك _
ايه العنوان بتاعكم؟..
نور بهدوء _
وديني الشركه...
مالك بفضول _
ليه انا فاروق بيه قالي اوصلك البيت..
نور بحده _
وانت مالك ما توصلني وانت ساكت..
اتنهد مالك بضيق وقال لنفسه _
انا عرفت فاروق بيه قالي ليه ما اتكلمش معاكي، عشان المترين اللي فبوقك دول..
نور بحده _
اخلص طيب ووصلني لجدو..
مالك بغيظ زعق فيها وقاال _
يا بت انتي شايفه نفسك كده علي ايه، ما تتكلمي بأدب يا ما تتكلميش خالص مش ناقصين تناكه علي الصبح..
خافت نور وقالتله _
طيب سوري خلاص، ممكن بقي توصلني لجدو انا عايزه اشوفه ده هو واحشي اووي..
مالك بسخريه قالها _
محسساني انك كنتي مهاجره وراجعه، ده كله اسبوع سبع ايام، انتو ليه اوفر كده..
نور بغيظ ردت عليه وقالت_
يا ابني انت مالك ما تخليك في حالك وتسوق وانت ساكت...
مالك بحده _
طيب ايه رئيك بقي اني مش هتحرك غير لما تقوليلي بعد اذنك يا بشمهندش مالك وصلني الشركه...
نور بغيظ ردت عليه وقالت _
لا علي فكره انت كده مذودها اوووي انا ممكن اخلي جدو يرميك في الشارع بكلية الهندسه بتاعتك دي اللي نافخ نفسك بيها علينا...
مالك بخبث _
تمام انزلي بقي انتي وشنطك اللي ماليه العربيه دي وروحي لجدك لوحدك هاا لوحدك قوليلو يطردني ودقني اهي لو وافق اصلا...
_بصت نور حواليا بضيق وبعدين بصتله وابتسمت وقالت بهدوء...
نور _
يا بشمهندس مالك حضرتك ليه بتقفش بسرعه كده انا بهزر معاك عادي والله..
مالك بحده رد عليها وقال _
دمك يلطش متهزريش تاني معايا...
نور بغيظ قالتله _
طيب ممكن توصلني بقي مش هنفضل نألف ونرد علي بعض..
مالك بسخريه _
اولا اسمها نغني ونرد علي بعض، ثانيا مقولتيش لو سمحت..
نور بنفاد صبر _
يا ربنا بقي، ممكن لو سمحت يا بشمهندس مالك توصلني الشركه عند. جدو لانه واحشني خالص مالص، هااا حلو كده..
مالك بخبث _
اممم مش حاسسها من قلبك..
اتعصبت نور وزعقت فيه وقالت _
هو اي ده بقي انت كده قاصد تستفزني و..
ضحك مالك وقالها بسرعه _
ههههههههه خلاص طيب اهدي شويه انا والله ما اقصد كده ما تتعصبيش بس يخربيت حلاوتك..
اتكسفت ووشها احمر وقالت _
ما تحترم نفسك..
مالك بخبث _
هو انا قولت حاجه...
_بصت الناحيه التانيه وابتسمت وهو مكسوفه، فبصلها وقال بعد ما غمز..
مالك _
طيب ما انتي بتتكسفي وتحمري وكيوت وحلوه اهو..
اتوترت نور اووي وقالتله_
ممكن توصلني الشركه بقي...
مالك بهدوء رد عليها وقال _
من عيوني يا نور...
ــــــــــــــــــــــــــــــــــــــــ
_وصلو بعد شويه الشركه ونزل مالك، ونزلت نور وقالتله بحده وغيظ..
نور _
والله لاقول لجدو انك رخمت عليا وعاكستني..
مالك بخوف _
يخربيتك ما انتي كنتي حلوه من شويه...
نور بخبث _
ان ما خليتك تترد النهارده ما ابقاش انا...
_قالت كلامها ودخلت جوه وهو راح وراها بسرعه وهو خايف ووصلو قدام مكتب جدها فشدها من ايدها وقال...
مالك _
استني يا بنت انتي رايحه فين؟...
سحبت ايدها منه وقالت بعصبيه _
ان ما ندمتك علي اللي عملته فيا ما ابقاش انا نور العدوي..
_في الوقت ده طلع احمد اللي شغال في نفس القسم مع مالك من مكتب فاروق واول ما شاف نور ابتسم وقالها...
احمد _
ازايك يا انسه نور وانا اقول الشركه منوره ليه؟...
جات نور ترد عليه بس سبقها مالك وقال بغيظ _
ليه منوره، عادي يعني انا مش شايف اي نور زياده...
احمد بخبث بصله وقال _
ازاي بس يا بشمهندس مالك، ده وجود الانسه نور بنفسها هنا نور الشركه كلها...
نور بهدوء قالتله _
ميرسي يا احمد ده من ذوقك، جدو جوه..
احمد رد عليها وقال _
ايوه جوه، هو انتي كنتي مختفيه ليه الفتره اللي عدت ما كناش بنشوفك خالص هنا بتيجي عند فاروق بيه..
مالك بحده _
ما خلاص يا احمد وروح شوف شغلك..
وبعدين بص لنور وقال بعصبيه وغيره واضحه _
وانتي مش كنتي عايزه تشوفي جدك اتفضلي وخلصيني...
قربت منه نور وقالت بخبث _
اانت لسه شايفني من اقل من ساعتين لحقت تغير عليا...
اتوتر مالك ورد عليها وقال بصوت واطي _
تخيلي ان ده حصل بجد بقي...
بصلهم احمد وهما بيتكلمو بصوت واطي وقال بغيظ _
هو في حاجه يا انسه نور..
رد عليه مالك بحده وقال _
لا مفيش يا احمد، ممكن تتفضل علي مكتبك...
_قال كلامه وفتح باب المكتب ودخلت نور وهو كمان دخل وقفل الباب في وش احمد اللي كان بيبصله بحقد..
قام فاروق بسرعه اول ما شاف نور وحضنها وقال _
وحشتيني اووي يا حبيبتي، كل ده تاخير عليا..
ردت عليه نور وقالت _
معلش يا جدو بس انت عارف انا كنت حابه اخد الماجستير بتاعي من فرنسا، المهم انا كنت عايزه اشتكيلك من استاذ مالك..
بصلها مالك ببرود وقال _
بشمهندس لو سمحتي ...
فاروق بقلق _
ماله مالك يا نور عيني؟..
قبل ما تتكام نور قال مالك بكل ثقه _
بعد اذنك يا فاروق بيه انا طالب منك ايد الانسه نور..
نور بصدمه قالتله _
نعممم طالب ايه يا سكر؟؟...
مالك بهدوء رد عليها وقال _
طالب اتجوزك علي سنة الله ورسوله في مشكله..
فاروق بفرحه كبيره _
من ناحيتي انا لا هتيجو امتي انت والاستاذ مندور عشان نشرب الشربات..
نور بغيظ _
جدوووو انت بتقول ايه، ده كان بيعاكسني من شويه؟..
بصله فاروق بعصبيه، فقال مالك بسرعه _
لا والله ما حصلش كده بالظبط، انا بس كان غرضي شريف والا ما كنتش طلبتها منك دلوقتي وبعدين انت عارفني كويس ده انت اللي مربيني حضرتك..
رد عليه فاروق بجديه وقال _
تمام يا مالك بس الكلام في الموضوع ده مش هنا، هستناك انت وباباك يوم الخميس الجاي الساعه تمنيه بالليل، ودلوقتي انفضل علي شغلك..
فرح مالك ورد عليه وقال _
تمام يا فاروق بيه بعد اذنك..
وبعدين بص لنور وقالها بغمزه _
سلام يا عورسه غداً القاكي..
اتكسفت وبصت للارض، وزعق فاروق فيه وقال _
اطلع بره يا مااالك...
