رواية اشواك العشق الفصل التاسع 9 بقلم سندس محمد
ياسين بهدوء: احنا هنعيش هنا علطول
روان بصدمه: ازاي يا ياسين
روان بصتله بحزن وقامت قعدت على الكنبه وسكتت هي عارفه انه مش هيرجع في قراره
ياسين بصلها وسكت هو مش عارف يعمل ايه بس مش قادر يتقبلها هي بنت اللي قت..ل اخته وابوه
عند كامل كان قاعد في مكتبه
كامل في نفسه: ياترى اللي انا بعمله ده صح بس ده لازم يحصل بس ياترى ياسين هيعمل ايه لما يشوفني ولا فاطمه اللي انا هتجوز اختها وكمل بخبث بس اللي جاي دمااار على الكل
عند توحيده كانت قاعده في اوضتها وهي هطير من الفرحة
توحيده بفرحه: انا مش قادره اصدق نفسي اخيرا هتجوزه وهكسر فاطمه اكتر ماهي مكسوره ياهه على فرحتي وكملت بخبث طب ماروح اقولها بقاا
ياسين بحزن: انا مش قادر اتقبل انك بنت اللي ق..تل ابويا يا روان
روان بدموع: وانا مش قادره اتقبل اني بنت قاتل يا ياسين سامحني
ياسين بصلها وسكت بس من جواه هيموت من الحزن والوجع وهو للاسف حبها بس مش قادر يقول
توحيده دخلت اوضة فاطمه لقيتها راقده على السرير زي العاده بس مفتحه عنيها واول ماشفتها فتحت عنيها بصدمه
توحيده بخبث: ايه اتصدمي انك شوفتيني صح والله وحشتيني يافاطمه
فاطمه بصتلها بكره وهي مش عايزه تعرفها انها اتكلمت
توحيده كملت بخبث: اممم كنت جايه اقولك على حاجه مهمه اوي
وقربت منها وهمست بشر: انا هتجوز كامل المنشاوي يافاطمه عارفه مين كامل المنشاوي يبقى ابو روان طب عارفه روان مين روان بنتك يافاطمه روان بنتكك
فاطمه دموعها نزلت وحست بفرحه كبيره اوي
توحيده بصوت عالي شويه: انا هقت..لك يافاطمه ومش هخليكي تتهني في حياتك خالص وهق..تل روان يافاطمه وهحسرك عليها وبعد كده هق..تلك انتي
عند روان وياسين
روان: هو انا ينفع اروح اشوف خالتك
ياسين باستغراب: خالتي فاطمه
روان: اه
ياسين بهدوء: روحي يا روان
روان فرحت وخرجت من الاوضه واتجهت ناحية اوضة فاطمه بس قبل ماتدخل اتصدمت من اللي سمعته ومقدرتش تتحرك من الصدمه
روان فرحت وخرجت من الاوضه واتجهت ناحية اوضة فاطمه بس قبل ماتدخل اتصدمت من اللي سمعته ومقدرتش تتحرك من الصدمه
بس فاقت من حالة الصدمه اللي هي فيها ودخلت الاوضه بسرعه ولقت توحيده واقفه قدام فاطمه وبصلها بشر
توحيده بتوتر: انتي عايزه ايه انا بكلم اختي انتي ايه اللي دخلك
روان قربت منها ببطئ: ايه ياطنط مالك ارتبكتي كده لي ده انا كنت داخله اطمن على طنط فاطمه لقيتك وعجبتني لمة الحبايب دي ايه رأيك اروح انده طنط اعتماد ونقعد كلنا سوا
توحيده كانت جايه تخرج راحت روان منعتها وقالت بقوه: لا لا هتخرجي واحنا قاعدين سوا ينفع كده ياطنط ده انا بحبك والله تعالي قوليلي بقا كنتي بتقولي لطنط فاطمه ايه عشان يمكن اكون سمعت غلط ولا حاجه
توحيده بقوه مصتنعه: ايه كنت بكلم اختي انتي مالك يابت انتي
روان رفعت حاجبها: اممم ماشي اما اروح اقول لياسين بقا وطنط اعتماد انك كنتي بتقولي لطنط فاطمه انك هتموتيها
توحيده بصوت عالي: انتي هبله يابت انتي بتقولي ايه تعالى يا ياسين شوف مراتك بتقولي ايه
عند ياسين
ياسين باستغراب: ده صوت خالتي
وخرج من الاوضه واتجه ناحية اوضة خالته ودخل لقا توحيده واقفه قدام روان ومتعصبه
ياسين: مالك ياخالتي في ايه
توحيده بصوت عالي: شوف مراتك اللي بتهيني شوف يا ياسين
ياسين بهدوء: اهدي بس ياخالتي
توحيده بصوت عالي: لا مش ههدى يا ياسين ولازم تجيبلي حقي
اعتماد جت على الصوت وقالت: في ايه ايه الصوت العالي ده
توحيده: تعالي شوفي مرات ابنك بتبجح فيا ازاي
اعتماد بعصبيه: في ايه يا توحيده مالك ومال روان
توحيده بصوت عالي: في ايه يا اعتماد اسمعي واتكلمي الاول
روان بسخريه: تسمع ايه يا طنط طب استنوا ياجماعه بقا اقولكوا انا سمعت ايه
وبصت لفاطمه لقيتها بتبصلها بدموع وهي دموعها نزلت وقالت: انا بنت فاطمه الرواي فاطمه اللي ضحكوا عليها فاطمه اللي توحيده عايزه تموتها وتموتني هاا عايزين تسمعوا ايه تاني
يتبععع
