رواية وقعت في حب طفل ثلاثيني الفصل الثامن 8 بقلم اوشا مصطفي
ملك بدموع:يعني اي يادكتور مالك كدا مش هيفتكرني
الدكتور:لاء للأسف بس في حل
شويه ب شويه
لكن لو اتضغط عليه هنرجع لنقطه الصفر....
فاطمه:شكرا يادكتور تعبناك معانا
دخلت فاطمه لكن ملقتش مالك وسمعت صوت الدوش بيتقفل
بعد مده خرج ولبس بدلته السودا ولبس ساعته الماركه...ورش من برفانه المفضل ورجع شعره ع ورا...
وبص لنفسه واخد مفاتيح العربيه والفلوس ونزل..
مالك باس علي ايد فاطمه وقال:امي انا رايح الشركه عاوزه حاجه
فاطمه:بصدمه لاء ياولدي انت لسه تعبان
مالك:مش حادثه امبارح الي هتأثر عليا ولدك حديد ياما..
فاطمه؛في رعايه الله يابني
خرجت ملك من المطبخ بعد م مالك خرج
ملك بدموع:انا كدا لازم امشي وجودي خطر علي مالك
فاطمه:انتي بتقولي اي يابنتي
ملك:والله يا أمي اول م مالك يتفكرني علي طول هرجع
لكن مقدرش اقعد كدا حالته النفسيه هتتأثر ...هبقا
ازورك علي طول
وطلعت علشان تلم هدومها من الاوضه وكانت دموعها مغرقه وشها.....واتصلت ب أدهم علشان تقعد عنده
وبعد مرور سنتين ونص كانت حاجات كتير اوي إتغيرت
ملك اتخرجت من الكليه وبقت دكتوره جر..احه مخ واعصاب
ومالك اتغير جدا وكان بيكبر اكتر واكتر والصحف والجرايد مبتتكلمش غير عن اعماله
جاسر سافر بره وقرر يشتغل ويفتح شركه من الصفر
خالص ويكبرها ويبعد عند اي حاجه تفكره ب كوثر
حتي .....
اما سراج كان كل مدا بيكبر كان بيكره الستات كلهم ومبقاش بيحب يتعامل مع بنات خالص....
******
ف بيت أدهم كانت قاعده ملك بكل ملل وهي بتسمع لكلام اخوها ومرات اخوها كالعادة
أدهم:ياملك ياحببتي مالك خلاص طلقك علشان هو اصلا مش فاكرك ولا حاول هتوقفي حياتك عليه لحد امتا
نادين:وانتي لسه صغيره وجميله والف مين يتمناكي
عدي؛وانا يا عمتو بتمناكي
أدهم:اجري يابكاش اعمل الواجب
نادين:طالع ل ابوه
ملك خلصت اكل وقالت:سوري لو قطعت عنكم أجمل
لحظات ف يومكم المشرق وإنكم تقنعوني بس ورايا شغل مهم والمهم اكتر إني متأخرش يله سلام
وقامت واخدت مفاتيح عربيتها ونزلت علشان تروح المستشفى
وكالعاده اول واحد بتقابله هو دكتور مازن
مازن:صباح الخير يا دكتورة ملك
ملك؛صباح الخير يا دكتور مازن
مازن:ها فكرتي
ملك:بص يادكتور مازن انت بصراحه راجل مسؤل
ويعتمد عليه والف بنت غيري تتمناك وانت تستاهل
تقابل حد شبهك وطيب اتمنالك السعاده مع بنت الحلال
مازن:يعني بطريقه كلامك دي افهم انك رافضه صح
ملك:عن اذنك يا دكتور مازن عاوزه الحق اشوف المرضى بتوعي...
ومشيت وسابته...
دخلت ملك وقعدت تكشف وف اخر اليوم دخل عليها اخر شخص كانت تتوقع انها هتشوفه
مالك بتعب:دكتوره ملك؟
ملك بصدمه.........
