رواية انتقامي مختلف الفصل الثامن 8 بقلم عادل عبدالله
وبعد ما مشيت اكتر من ساعتين قررت اني اتصل بعلاء في النهاية وكان لسه بدري علي ميعاد رجوع مدحت من شغله .
طلعت تليفوني واتصلت ب وعلاء .
و لأول مرة اتصل به يكون تليفونه مغلق !!!
قولت في نفسي كويس ان تليفونه مقفول لأني لو كنت طلبت منه كده كنت هبقي رخصت نفسي اوي وهيبيع ويشتري فيا زي ماهو عايز !!
قررت اغير الخطة واخليه هو اللي يطلب ويجري ورايا !!
روحت البيت واخدت البنتين ونزلت روحت عند اختي .
قعدت معاها لحد لما جوزها رجع من شغله وقعدنا نتغدا كلنا .
مدحت اتصل بيا وسألني : انتي فين يا حبيبتي ؟
: عند هند اختي .
: تاني يا ولاء !!! روحتي هناك ليه ؟
( استأذنت منهم وخرجت البلكونة علشان ميسمعوش الكلام )
: كانت وحشاني يا مدحت ولما كلمتها عرفت ان جوزها مسافر وهيقعد كام يوم قولت فرصة ازورها .
: اه اذا كان كده ماشي ، طيب انا هاجي علشان اخدك اروحك .
: لأ بلاش هي طلبت مني ابات معها علشان زهقانه من القعدة لوحدها .
: طيب خلاص ماشي ، هتباتي النهارده وهتيجي بكره ؟
: ايوه انا جاية الصبح علطول .
رجعت قعدت معاهم علي ترابيزة السفرة اكمل غدا .
هند سألتني : هو مدحت كان عاوز ايه ؟
: كان بيسأل عليا ولما عرف ان انا هتا قالي خلاص براحتك انا رايح مشوار وهتأخر حتي لو عاوزة تباتي عند اختك مفيش مشكلة .
: هو قالك كده !! طيب كويس علشان تسهري معانا الليلة وابقي روحي الصبح .
: ماشي يا هنوده هبات معاكم .
وفجأة لقيت رجل علاء بتلمس رجلي من تحت السفرة !!
لميت رجلي بسرعة وبصيت له وضحكت ضحكة خفيفة .
بعد الاكل هند راحت تعمل الشاي وعلاء قرب وقعد جنبي وقالي : وحشتيني اووووي .
: انت مجنون .
: مجنون بحبك .
: يخربيتك اسكت هند تسمعك .
: انا نفسي الدنيا كلها تسمعني .
: مش بقولك انت مجنون ، هند لو سمعتك هتبقي مصيبة .
: عادي ، هطلقها واتجوزك .
: علشان يقولوا خطفت جوز اختها !!!
: مش لينا دعوة بكلام الناس ، كده كده بيتكلموا .
: انت ناسي ان انا متجوزة ؟!!
: وايه يعني ؟ تطلقي منه .
: بالسهولة دي !!! مدحت مستحيل يطلقني .
: ليه ؟
: بيحبني وبيدوب فيا .
: مش اكتر مني ، انا بقي بموت فيكي .
: طيب اسكت هند جاية .
هند جابت الشاي وقعدنا كلنا نتكلم ونضحك وبعد شوية علاء قالها : انا نازل يا هنودة عاوزة حاجة من تحت ؟
: رايح فين ؟
: هنزل اجيب عصير وحاجة سقعة ولب وسوداني لزوم السهر .
: ماشي يا علاء . بس متتأخرش .
نزل علاء وطلع بعد نص ساعة وكان معاه عصاير ولب وسوداني وحاجات كتير وقعدنا نفتكر ذكرياتنا انا وهند ونضحك .
بعدها قولت لهند انا عاوزة اشرب قهوة ، قالتلي : من عينيا بس هتشربي قهوة بالليل كده ؟؟
: اصل دماغي مصدعة اوي .
: طيب هقوم اعملهالك .
: لأ خليكي انتي انا هعملها لنفسي .
: علي راحتك ، انا هقوم انيم البنات جوه .
دخلت المطبخ اعمل القهوة وكنت عارفة ان علاء هييجي ورايا ، وفعلا انا قومت اعمل القهوة وعلاء استغل ان هند دخلت تنيم البنات و دخل ورايا المطبخ وفضل يتحرش بيا وانا بهرب منه : بطل يا مجنون هند هتشوفنا .
: انتي اللي جننتيني .
: جنانك ده هيوديك في داهية .هند هتصحي وهتبقي وقعتك سودا .
: طيب لو نامت ؟؟
: متخافش انا هنام قبلها .
: لأ وحياتك ربع ساعة بس واخلهالك تنام .
حسينا بهند خارجة من الاوضة راح علاء قالي : اعمليلي معاكي قهوة يا ولاء انا كمان عندي صداع .
هند : اي حكاية الصداع معاكم ؟
عملت لعلاء قهوة معايا .
قعدنا نشرب القهوة ونكمل كلام وضحك وبعد اقل من نص ساعة علاء ضحك وقال : انا بقي دوري اعملكم حاجة تشربوها .
هند : انت اللي هتعمل يا علاء ؟ اول مرة يعني تعمل حاجة في البيت !!
علاء : انتي عملتنا الشاي وولاء عملت القهوة اقوم انا بقي اعمل العصير .
ضحكت هند اوي وقالت : طيب يا عم شكرا مقدما .
دخلت علاء صب العصير في كاسات و جابهم معاه وقعدنا شربنا العصير ، وانا كنت قلقامة حاسة ان ورا العصير ده فيه لغز او ملعوب وفعلا بعد دقايق هند مسكت دماغها وقالت : انا مش عارفة مالي !! انا كمان عندي صداع وراسي بتلف ودايخة اوي .
علاء : طيب ادخلي نامي لو تعبانه .
هند : طيب تعالي معايا مش قادرة اقوم لوحدي وكمان عاوزاك جنبي علشان حاسة اني تعبانه اوي .
علاء : حاضر يا حبيبتي .وقام علاء سند هند ودخل معاها اوضتهم .
وانا فهمت كده ان علاء وضع منوم لهند في العصير علشان تنام و يستفرد بيا !!!
لكن انا مكنتش عاوزة كده !!! انا كنت عاوزة اغريه واخليه يجري ورايا مش اكتر واسحبه بكره في الشقة عندي علشان اصوره و يبقي معايا الفيديو اللي هحرق قلب مدحت به زي ما حرق قلبي !! انما هنا لو حصل حاجة مش لها اي لزمة !!!!!
قولت لنفسي انا لازم اهرب منه علشان اعرف اسحبه علي شقتي بكره !!!
دخلت اوضة الاطفال علشان انام فيها وقفلت ورايا الباب .
وبعد دقايق علاء كان بيحاول يفتح باب الاوضة لكن انا قفلته بالمفتاح من جوه .
علاء : افتحي يا قلبي .
: لأ .
: خلصي وافتحي بقي .
: بقولك مش هفتح .
: بلاش نضيع الليلة كده .
: ليلة ايه يا علاء !! الليلة روح قضيها مع مراتك .
: لأ انا عاوز اقضيها مع حبيبتي .
: طيب روح لحبيبتك .
: انتي حبيبتي وروحي وعمري .
: روح نام يا علاء مفيش منه فايده اللي بتعمله ده .
: افتحي بقي اصل انا كده كده هدخل الاوضة دي .
: بطل يا مجنون .
: انا هبقي مجنون لو ضيعتك من ايدي الليلادي .
: يا بني روح لمراتك حلالك انا مش فاتحة الباب .
: تحبي تشوفي جناني ؟
: مش هتقدر تعمل حاجة .
علاء مشي وبعد دقتين رجع و لقيته بيفتح الباب بمفتاح تاني لباب الاوضة كان معاه بره !!
وفجأة بقي علاء معايا في الاوضة لوحدنا والبنتين نايمين ومش عارفة ههرب منه ازاااي ......
لو ماجبتش تفاعل مناسب هاوقفها
