رواية انتقام مجنون الفصل السادس 6 بقلم عادل عبدالله
الحلقة السادسة
: عجبك الاكل يا حبيبتي ؟
: اوي اوي تحفة يا حبيبي .
: الف هنا يا قلبي .
طبعا انا من جوايا كنت مستنية اللحظة دي من زمان .
ايوه الصراحة انا كنت حاسة بالحرمان ورغم كده عمري ما فكرت اعمل حاجة غلط او حرام علشان اعوض النقص والحرمان ده .
ايوه من زمان كنت مستنية اللحظة دي علشان اعوض حرمان طويل .
لأن كنت لأول مرة من فترة طويلة جدا كنت أشعر من ناحيته بالرغبة فيا مش بس علشان يسعد نفسه لكن كمان علشان يسعدني .
قبل كده كان دايما اناني ، مش بيهمه الا انه ينبسط وخلاص !! وانا كنت بحس اني وسيلة هو بيبسط بيها نفسه مش اكتر !!!
انما المرة دي كانت مختلفة تماما !! كنت حاسة أنه عايز يسعدني ويبسطني بأي وضع وبأي طريقة .
بين ايديه نسيت الدنيا وحرفيا غيبت عن الواقع اللي عيشاه وروحت في دنيا تانية خالص وكأني كنت بحلم اجمل حلم حلمته في حياتي !!
كنت مغيبة لدرجة اني مش حسيت بأي حاجة الا والنهار طلع ومعتز بيقولي : تصبحي علي خير يا عمري .
نمت بين درعاته وهو حاضني وروحت في النوم وكأني من اسبوع مش دوقت النوم !!
فتحت عينيا بعد ما نمت كتير اوي معرفش قد اي !!! كنت مش قادرة اقوم ولا اتحرك ، بصيت جنبي مش لقيت معتز جنبي قولت في بالي اكيد صحي وبياخد شاور .
قومت من السرير بالعافية وروحت ناحية الحمام لكن معتز مش موجود ولا في الحمام ولا في الشاليه كله !!
يبقي اكيد معتز نزل يجيب فطار .
دخلت انا اخدت شاور دافئ خرج كل التعب والكسل من جسمي المتكسر !!
خرجت من الحمام ولسه معتز مش رجع !!!
معقول كل التأخير ده !!!! طيب لما ترجع يا معتز هتشوف هعمل فيك اي !! الظاهر لازم اوريك شوية من العين الحمرا .
قعدت علي السرير ومسكت الفون بتاعي ولسه بفتحه لقيت رسالة ولما فتحتها كانت رسالة من معتز بيقولي فيها : اول ما تقومي من النوم وتقري الرسالة دي عايزك تعرفي ان مش انا الراجل اللي واحدة زيك تعلي صوتها عليا وتغلط فيا !!!
انا كنت ممكن ساعتها ادفنك مكانك وانتي واقفة لكن كنت هروح في داهية علشان واحدة زيك متسواش مليم !!
انا بقي اخدت حقي بمعرفتي وعملتلك فيديو جميل كده فيه كل تفاصيل ليلتنا الحلوة البارح وظبطت لك زاوية الكاميرا علشان تبين كل جمالك وحلاوتك .
بصراحة فيديو روعة يليق بواحدة زبالة زيك !!
انا كنت بقرأ الكلام وانا مذهولة ومصدومة ومش فاهمة انا بحلم ولا ده بجد ؟ !!!
معقول كل اللي حصل ده كان معتز بيرتبه علشان ينتقم بالطريقة البشعة دي !!! لا لا لا انا مش مصدقة ، اكيد دي حركة من حركات معتز .
كنت مش عارفة ارد علي الرسالة دي ولا لأ ؟ ولو رديت هقوله اي ؟؟؟
واثناء تفكيري جاتني رسالة تانية من معتز وفيها فيديو .
فتحت الفيديو وكانت الصدمة المرعبة لما شوفت نفسي في الفيديو و وشي وكل حاجة واضحة وضوح الشمس !!!
انا لسه مش مستوعبة هو ممكن يكون معتز صور ليلتنا البارح ليه ؟؟ اصل مش ممكن يكون ناوي يفضح مراته وام عياله !!!
وبعدين انا كنت مع جوزي مش مع راجل غريب علشان تبقي فضيحة !!!
جات رسالة بعدها من معتز بيقول فيها : طبعا انتي دلوقتي بتفكري انا هعمل اي بالفيديو ده ؟! ما اللي كان معاكي في الفيديو جوزك مش راجل غريب !! هفك انا ليكي اللغز ، اولا لو اتفرجتي علي الفيديو كويس هتلاقي انا وشي مش ظاهر خالص ، واللي هيشوف الفيديو مش هيتأكد اذا كنت انا ولا راجل تاني !!! وعلي افتراض ان اللي شاف الفيديو اتأكد ان انا الراجل اللي في الفيديو فكفاية اوي ان اللي هيشوف الفيديو لما يشوفك بعدها في اي وقت هيشوفك وكأنك عريانة قدامه !!!!!!! اظن ده كفاية اوي أني مش اشوف وشك تاني ابدا !!! عايزك تختفي نهائي من حياتي ولا اشوفك ولا اسمع صوتك ولا حتي اشوف كلمة ولا حرف منك !!! ولو حصل وشيطانك ضحك عليكي وحاولتي ، هتتفضحي وتباني عريانة قدام كل اللي يعرفوكي !!! يلا بقي غوري في داهية مش عايز اشوفلك اثر بعد كده !!!!!!
كنت متوقعة انه ناويلي على مصيبة لكن مش تخيلت ابدا ان يكون انتقامه بالشكل ده !!
مش قادرة استوعب الصدمة !! حتي دموعي جمدت و رافضة تنزل .
معقول كل ده لأني فكرت بس اني ارد عليه الاهانة بأهانة ؟؟ ولا يكون عرف اني كلمت اسامة ؟؟؟
معقول اسامة يكون قال لمعتز اني كلمته وأننا كنا بنحب بعض زمان ؟!!
انا مش قادرة افكر خلاص تفكيري اتشل !!! مكنتش لاقيه حلول ولا اجابات ولا افكار تطلعني من اللى انا فيه ده .
الكارثة كمان أني مش معايا اي فلوس لأني نزلت مع جوزي واكيد مش عملت حسابي يكون معايا فلوس .
يعني انا دلوقتي مش هقدر اتحرك من مكاني ولا عارفة حتي لو مشيت من هنا هروح فين ؟؟!!
طيب اعمل اي ؟ اتصل بأهلي ؟؟ لو اتصلت بيهم مش هيقتنعوا بكلامي لأنهم بيحبوه اكتر مني !!
مفيش قدامي الا اسامة ، ايوه هو اسامة الوحيد اللي ممكن يقف جنبي دلوقتي في المصيبة دي .
اتصلت باسامة : ألحقني يا اسامة .
: مالك يا مني؟ فى ايه؟
: أنا فى مصيبة ، مش هينفع احكيلك في التليفون ، تعلالي حالا .
: طيب انتي فين ؟
قولتله عنوان الشاليه قالي مسافة السكة هكون عندك .
قعدت على السرير اقرأ فى رسايل معتز وعايزة اكلمه وافهم هو عمل كده ليه ؟ لكن خوفت يستغل ضعفي اكتر واكتر ويذل فيا !!
قولت في نفسي ده مش وقت خوف ، لازم اتصل !! اتصلت كتير وهو بيكنسل عليا !!! مرة واتنين وتلاتة .
بعتله رسالة : معتز انا اسفة ، اوعى تعمل اللى انت ناوى عليه ده ، ارجوك انا هعيش خدامة تحت رجليك بس بلاش فضايح ليا وليك ولأهلي ولولادنا !! ابوس رجليك كلمني بس وانا اعمل كل اللى انت عايزه .
بعت الرسالة وحاولت اتصل به تاني لكن بدون فايدة ومش بيرد عليا !!
فضلت قاعدة بعيط وانا هموت وحاسة ان الدنيا بتلف بيا .
معقول هقدر اواجه الناس اللي حواليا لو شافوني في الفيديو ده !!
وصل اسامة وخبط عليا كتير وانا مش قادرة اتحرك او اقوم من مكاني ، لحد ما سمعت صوته وهو بينادي عليا : مني ، متخافيش انا انا اسامة افتحي علشان خاطري .
قومت روحت فتحت الباب وبمجرد ما شوفته اترميت فى حضنه وانهارت من العياط .
جسمي كله بيتنفض من الخوف !!
طبطب عليا و اخدني ودخلنا جوة الشاليه وقعدني على السرير ومسك وشي بأيديه وقالي : انا معاكي متخافيش ابدا ، اهدي بقى وفهميني حصل ايه بالظبط؟
فضلت اعيط ومش قادرة اتكلم ، سابني لحد ما خلصت عياط خالص وبعدين بدأت اتكلم واحكيله كل اللى حصل .
اسامة كان بيسمعني ومصدوم ولحد ما خلصت كل اللى قولته من اول معاملة معتز القذرة معايا لحد ما جينا الشاليه انا وهو البارح ، واخيرا الرسايل والفيديوهات اللى بعتهالي .
اسامة قال : انتي متأكدة انك بتتكلمي عن جوزك يا مني ؟ بتتكلم عن ابو ولادك !! عن معتز ؟؟
: ايوه ، والله زي ما بحكيلك كده .
: وهو مصورك وانتي معاه فى السرير؟ و بيساومك كمان ؟؟!! لالالا مش ممكن !! مستحيل !! انا كنت عارف كل بلاويه وعارف قذارته لكن مش للدرجة دي !!!
: اسامة انا دلوقتي مش ليا حد تاني في الدنيا بعد ربنا غيرك ، ارجوك خليك جنبي واقف معايا ، هفضل مديونالك طول عمري .
: متخافيش ، هو اكيد بيهددك ويعرفك ممكن يعمل فيكي اي علشان بعد كده تخضعي ومش تفكري تكرري موقفك اللي عملتيه ده تاني ، وده هيكون مجرد تهديد مؤقت وبعد كده هترجعي بيتك تاني لكن المرة دي هترجعي ذليلة مكسورة اكتر من الأول .
اترميت فى حضنه وانا خايفة وحاسة ان هو المنقذ الوحيد ليا دلوقتي وهو الوحيد اللي ممكن اتسند عليه !!
أسامة اخدني في حضنه بحنان وسألني : يعني انتي دلوقتي مش هتقدري تحكي لمامتك وتقوليلها اللى حصل وتروحي تقعدي عندها ؟
: للأسف يا اسامة مش هيصدقوني وحتي لو صدقوني هيخافوا من الفضايح !!
: طيب انتي معاكي بطاقتك؟ او اي ورق خاص بيكي ؟
: لأ .
: يبقى لازم دلوقتي نشوف مكان ينفع تقعدي فيه مؤقتا….
: مكان فين ؟ انا مش معايا فلوس !!
: متخافيش، موضوع الفلوس سهل وقدور عليه هننزل دلوقتي نروح نشوف اي شقة مفروشة و تقعدي فيها لحد ما نشوف حل .
حسيت وقتها ان اسامة ده احسن راجل في الدنيا وحسيت بالندم اني فرطت فيه !!
وغصب عني اترميت في حضنته تاني وانا
