رواية البريئة والمطارد الفصل السادس 6 بقلم بنت الجنوب
نجيه بخضه : كيف ياولدى عايز تمشى دلوك
صالح : زى الناس .. الله يرضى عنك .. سندينى عشان اجوم .. دلوك احسن وجت .. اطلع فيه
نجيه : ياولدى . . انت مش جادر ترفع راسك يبجى ازاى هتمشى بس
صالح . كل مايحاول يقوم نفسه يرجع تانى . وبرضوا بيحاول
نجيه : لاااااه انا راحه اندهلك حد يشوفك . دا انت
راسك ناشفه صح
قالتها وخرجت على طول بره الاؤضه
******************
فى اؤضة البنات " ندا " و" سمر " كانت قاعده معاهم " يمنى " بتتفرج عالتليفزيون معاهم
ندا : على كده انتى مابتخافيش من الراجل اللى جوا ده يا" يمنى "
يمنى : واخاف منه ليه ؟
ندا : وااه انتى ناسيه انه كان هايخطفك .. حد عارف كان هيعمل ايه معاكى
سمر شهقت و" يمنى " شخطت فى " ندا"
- احترمى نفسك ونجى كلامك يا" ندا"
سمر : دى كانها اتجنت دى ولا ايه !!
ندا : انا اتجنيت .. ولا انتوا اللى بتستهبلوا .
يمنى : احنا برضوا بنستهبل يا" ندا "
سمر : انتى فاكره كل الناس زيك ياك
ندا : وانا مالى ان شاء الله ياست " سمر"
سمر : وشك مكشوف وجريئه
ندا : وشى مكشوف وجريئه .. الزمن بيتطور دلوك
يمنى : بلاش كلامك ده يا" ندا " احنا فاهمين كل حاجه . بس ميمنعش اننا نستحى من الكلمه اللى بتطلع مننا .. وان كان على الراجل اللى بتتكلمى عليه فهو كان غرضه العلاج والرصاصه اللى فى كتفه تطلع
ندا : ماشى
فجأه دخلت عليهم " نجيه " تتكلم بلهفه
جمالهن لا يقاوم: 10 من أجمل النجمات العربيات
- ابوكم راح فين يابنات ؟
ردت سمر : ابويا فوج عالسطح بيتساهروا .. هو وعمى "يونس "
نجيه : طب روحى اندهيلوا وجوليلوا امى عايزاك على طول .
قامت فورا " سمر" تنده لوالدها تنفيذا لطلب والدتها
يمنى : انتى عايزاه فى ايه ياما ؟
نجيه : يابتى الجدع اللى اسمه" صالح " مصر يمشى وهو مش جادر يصلب طوله ..
يمنى : يمشى كيف ؟ .. دا مابيجدرش يحرك راسه .. تعالى ياما نشوفه انا وانتى على ماينزل ابويا
ندا : ماتسيبوه يمشى يمكن يجدر ... خليه يحل عنينا .. مش ناجصين نصايب
باصلوها الاتنين بعتاب ولوم وبعدها خرجوا وسابوها
**************************
كل لسه بيحول عشان يقوم .. لما . دخلت" يمنى " و شافته كده .. قربت عليه تسنده
- حاسب حضرتك .. انت كده بتأذى نفسك
بصوت ضعيف اتكلم : سيبنى اجوم امشى ..
يمنى وهى بتحاول تمنعه باايديها بخفه وهى محرجه - تمشى فين بس وانت مش جادر تصلب طولك
صالح : لا انا عايز امشى انا هجدر بس لوساعدتينى ارفع نفسى بس
- ترفع فين بس وانت مش جادر تصلب طولك
قالها " سالم " اللى كان داخل الاؤضه .. هو و"نجيه" مراته
صالح : ارجوك ساعدنى عشان اجف على رجلى بس وبعدين انا هاجدر امشى
- اساعدك انا
صالح : و انت مين ؟
ودا كان رد "صالح " ل" يونس" اللى قالها وهو داخل الاؤضه
يونس : انا اخوا " سالم " وبجولك تعالى اساعدك تجف عشان تجدر تمشى
دخل بعدها يسنده ويوقفه بالعافيه .. بس هما خطوتين . واترمى منه فى الارض
صرخت " يمنى " ووالدتها
وسالم جرى يشيلوا : شيل معايا .. يا" يونس "
يونس وهو بينفخ : بس لوكان صبر لما نطلع من البيت
سالم وهو بيشيل فيه هو وزوجته وبنته وبيزعق فى " يونس" : ماتخلص يا "يونس ".. الراجل تجيل والحريم مش جادره تشيل معايا
نفخ مره تانيه قبل مايساعد " سالم " ويشيلوه معاه ويرجعوه السرير تانى
خرجوا بعدها وسابوا" يمنى " وهى مش عارفه ليه صعبان عليها ليه مع انه مجرم
*****************************
يونس وهو بيضرب كف على كف : دا انا كنت خلاص هاطلع بيه وبعدها ارميه فى اى حته ونخلص من جرفه .. مكانش جادر يتحمل
يمنى : يتحمل فين ياعمى .. دا المخ هو اللى اتصاب
يعنى هو لو فى مستشفى دلوك كان اتعملوا اشعه عشان تبين ان كان عنده ارتجاج ولا حاجه تانيه .
يونس : افندم ياست " يمنى " انتى هاتجبيها فيا بعد دا كله .. طب افتكرى . انك لولايا .. كان زمانه خاطفك دلوك
سالم : ما خلاص يا" يونس" .. هى لا بتجيب ولا بتنيل .. هى بتجول اللى حاصل . وانت شوفت بعينك انه حاول وماجدرش لحد اما وقع سطيحه فى الارض .
نجيه وهى صعبان عليها : ايوه والنبى ياابو محمد .. دا جطع جلبى
هذا ما سيؤدي إليه التخلي عن السكر تماماً. ربما ليس لديك فكرة!
يونس : جطع جلبك .. دا مش بعيد لو بصحته كان جطعنا حتت ولا صعبنه عليه
يمنى : مش لدرجادى ياعمى
يونس : لا لدرجادى ياروح عمك
سالم بضيقه : ماخلاص فضوها انتوا الاتنين . الواحد مافهوش دماغ للهرى بتاعكم
يونس : طب انت قررت ايه فى النصيبه اللى احنا فيها دى
سالم : وهى فيها قرار .. احنا هنستنى بس يجوم على حيله وبعدها . هانخليه يمشى من عندينا على طول
يونس : ماشى ياخوى .. خليك انت بجلبك الحنين ده لحد اما يجوم بصحته ويخلص علينا
*****************************
بعد يومين
دخلت يمنى بصنية الاكل .. لاقته صاحى وبيتعدل بخفه على الفرشه
يمنى : صباح الخير
صالح : صباح النور
حطت صنية الاكل عالطربيزه وقربتها منه قبل ماتسأله
- عامل ايه النهارده .. كويس
صالح : الحمد لله احسن من الاول بكتير . والبركه فيكى
يمنى بخجل : على ايه بس .. انا اديتك من العلاج اللى بياخدوه المرضى اللى زى حالتك . وحمد لله جاب نتيجه .. انا خوفت للعلاج ميجيبش نتيجه
صالح : خوفتى عليا !!!
يمنى بخجل زياده : اااحضرتك جرب افطر .. ولا تحب افطرك بنفسى
صالح : لا كفايه عليكى كده .. بجالك كام يوم وانتى متعذبه معايا .. بس انت خلى الصنيه على الفرشه جنبى عشان تبجى اجرب ليا
- حاضر
قالتها وهى بتعمل اللى قالها عليه
- طيب بعد ماتخلص الاكل .. انده عليا عشان اديك علاجك
قالت كده وكانت خارجه لكنه وقفها لما ندهلها باسمها
- يمنى
متعرفش ايه اللى جرالها لما سمعت اسمها بصوته الدافى اللى مافيهوش قسوه
ردت هى كمان بنفس النبره : نعم
صالح : مش هاتجوليلى .. كيف رسمتى عيونى من جبل ماتشوفينى !!!!!.
