رواية طفله في عرين الشيطان الفصل الخامس 5 بقلم مياده السيد الجزار
البارت الخامس
في حي فقير
- لازم هخلص الاكل يا حبيبه قبل ما هدير وابوكي يجوا من الشغل
( حبيبه تالته ثانوي اخت هدير )
سناء بضيق : بس يا بت وقطعي الطماطم يلا على اساس انِ المذاكره مقطعه بعضها
( سناء والده هدير وحبيبه قلبها طيب وربه منزل)
حبيبه بغرور : طبعا يا ماما انا اساسا هدخل كليه الهندسه وبكره هتشوفي
سناء : بالتوفيق يا بنتي هو انا اكرهه انك تحققي حلمك
حبيبه بابتسامه : يارب
سناء : قطعي يلا الطماطم وبعدين قومي ذاكري
حبيبه : لا خلاص وامري لله هساعدك
سناء : ماشي يا لمضه
ــــــــــــــــــــــــــــــــــــــــــــــــ
الداده نعيمه : خلي عينك على الاكل اللي في النار
الداده 1 ( من الخدم) : حاضر بس رايحه فين
الداده نعيمه : هكون رايحه فين يعني ! طالعه لي الهانم الصغيره اديلها كوبايه العصير
الداده 2 : والله البنت دي صعبانه عليا جدا و
الداده نعيمه بحده مقاطعا : كل واحد يخلي في حاله ها وبلاش تنسوا انكم بتاكلوا عيش في البيت ده
ثم نظرت للداده 2 : وانتي اتعدلي في الكلام وزوجه كبير القصر اسمها الهانم الصغيره ومحدش يتعدي حدوده بعد كده ويلا مش عايزه رغي كتير خلي عينكم على الاكل
الداده نعيمه خرجت من الطبخ
الداده 3 بضيق : هي لي الداده نعيمه اضايقت اوي كده
الداده 2 : علشان الداده نعيمه هي اللي ربيت جاسم بيه وبيعتبر زي ابنها
الداده 3 : عارفه بس مش لدرجادي يعني
الداده 2 : انتي علشان لسه جديده فمتعرفيش الداده نعيمه كويس طيبه جدا ومن قبل ما جاسم بيه يتولد وهي بتشتغل هنا
الداده 1 : كفايه رغي انتي وهي علشان الداده نعيمه لو سمعتنا هنطرد من هنا يلا كل واحده تشوف شغلها
الداده بتخبط على الباب
الداده بقلق : معقول تكون نايمه بس لو فعلا نايمه كانت هتصحا
الداده نعيمه فتحت الباب براحه ودخلت
الداده نعيمه بتبص على السرير ملقتش مِسِك ولكن بتبص على الارض لقيتها
الداده نعيمه بصريخ : مِسِك فوقي اصحي يلا اي اللي انتي عملتي ده يلا فوقي
ــــــــــــــــــــــــــــــــــــــــــــــــ
جاسم : ساندي خلي مدير الحسابات يجي
ساندي : تحت امرك يا فندم
جاسم : تمام روحي يلا
ساندي : تمام عن اذنك
جاسم هز راسه
موبايل جاسم بيرن
جاسم باستغراب : الو يا داده
داده نعيمه بدموع : الحق يا جاسم مِسِك انتحرت
جاسم قام بعدم استيعاب والكلمه اللي بتتردد في ودنه إنتحرت : انتحرت !
داده نعيمه بدموع : ايوه قطعت شرايين ايدها
جاسم : حاولي تواقفي النزيف بسرعه
داده نعيمه بدموع : ماشي يا ابني بس يلا بسرعه
جاسم بيجري بره المكتب : انا جاي اهو يا داده مش هتاخر
ساندي باستغراب : جاسم بيه جاسم بيه رايح فين
جاسم نزل جري ركب عربيته
ــــــــــــــــــــــــــــــــــــــــــــــــ
مروان باستغراب : نزل بيجري من الشركه !
ساندي : ايوه
مروان بقلق : تمام
مروان فضل يرن على جاسم بقلق
جاسم : الو
مروان : في اي يا جاسم ولي مش بترد واي اللي حصل كل الشركه بتقول انك نازل بتجري
جاسم بقلق : مِسِك قطعت شرايين ايدها يا مروان
مروان بصدمه : يا نهار اسود ازاي ولي عملت كده
جاسم : سلام دلوقتي يا مروان
مروان : طب ثواني طيب هتاخدها على مستشفي اي
جاسم : هاخدها على مستشفي ال
مروان : تمام وانا هجيلك على هناك
جاسم : تمام
جاسم اغلق الخط وساق باقصي سرعه
ــــــــــــــــــــــــــــــــــــــــــــــــ
هدير : الو يا ماما
سناء : هتمشي امته يا حبيبتي
هدير : على الساعه 8 كده
سناء : طيب يا حبيبتي تيجي بالسلامه خلي بالك من نفسك
هدير : حاضر يا ماما سلام
هدير اغلقت الخط وظلت تفكر ماذا تفعل
ــــــــــــــــــــــــــــــــــــــــــــــــ
الشخص : بينزل يجري
البنت : ايوه
الشخص باستغراب : طب معرفتيش لي
البنت : لا مش عارفه
الشخص بضيق : وانتي مسالتيش لي
البنت بضيق : لو سالت كانوا ممكن يشكوا وبعدين مروان بيه وجاسم بيه مش موجودين حاليا
الشخص بضيق : ماشي اما هشوف اخرتها معاكي
البنت : وانا عملت اي
الشخص بحده : انا باعتك تشتغلي في الشركه عندهم بس انتي لغيط دلوقتي معملتيش اي حاجه
البنت بضيق : شكل حضرتك نسيت انِ انا
الشخص مقاطعة بحده : انا منستش بس انتي اللي شكلك نسيتي اي سبب شغلك في الشركه
البنت : لا منستش وانا بحاول هجيب اي اسرار المناقصه اللي جايه
الشخص بحده : بتحاولي !! لا انتي المفروض تنفذي الاوامر لانك لو منفذتيش ساعتها الكبير مس هيسكت ومش عايز هقولك هيعمل اي
البنت بقلق : طب انا هنفذ الاوامر كلها اكيد بس اديني فرصه
الشخص : تمام بس مش هنصبر كتير سلام
الشخص اغلق الخط مع البنت وتركها وهي خائفه
ــــــــــــــــــــــــــــــــــــــــــــــــ
جاسم دخل الجناح بقلق : مِسِك
داده نعيمه بدموع : يلا يا ابني خدها للمستشفي بسرعه
جاسم نزل جري وهو شايل مِسِك
ــــــــــــــــــــــــــــــــــــــــــــــــ
اشرف بتافف : الو نعم
بوسي بدلع : مالك بس يا روحي
اشرف بضيق : هيكون مالي انا نفسي هعرف هنام
بوسي : طب انت جاي انهارده
اشرف : ايوه بس يمكن هتاخر شويه
بوسي باستغراب : لي
اشرف : رايح لي اختي
بوسي : طب وانت رايح لي
اشرف بضيق : مع الاسف بتكون اختي
بوسي : طب وهتتاخر
اشرف : لا مش هطول عندها
بوسي بدلع : تمام يا روحي يلا باي
اشرف : باي
اشرف اغلق الخط
الشخص : هيجي انهارده
بوسي : ايوه علشان تعرف بوسي بتعمل اي
الشخص : طبعا يا روحي عارف بس قوليلي بتحطي المخدرات في اي حاجه بيشربها
بوسي : ايوه طبعا ده يوميا
الشخص : تمام يارات تزودي الجرعه
بوسي بقلق : بس مش كده غلط
الشخص : لا مش غلط انا عايز هشوف تاثير الادمان عليه عايز هشوف وجعه
بوسي : تمام يا روحي من عيني
الشخص بخبث : طب ما تيجي بقا
بوسي بضحك صوت عالي : يلا
ذهبوا يفعلوا ما حرموا الله
ــــــــــــــــــــــــــــــــــــــــــــــــ
في خلال نص ساعه جاسم وصل المستشفي
جاسم بصوت عالي : انتوا يا بهايم
الممرضه بقلق : جاسم بيه
جاسم بغضب : انتي غبيه روحي نادي اي دكتوره
الممرضه بقلق : حاضر حاضر
في خلال دقيقتين كانت الدكتوره خدت مِسِك للعمليات
مروان : متقلقش يا جاسم هتكون كويسه
جاسم بقلق : يارب يارب
الداده نعيمه بدموع : يا حبه عيني شافت وجع وشالت الهم بدري
جاسم غمض عيونه بوجع وقلق
الدكتوره خرجت
جاسم بقلق : مِسِك عامله اي
الدكتوره : نزفت دم كتير بس من حسن حظها انه كان موجود فصيلتها
مروان : ايوه يا دكتوره يعني هتفوق
الدكتوره : شويه كده وهتفوق بس
جاسم بقلق : بس اي
الدكتوره : هي حاولت تنتحر وباين عليها مش بتتغذا كويس ده غير كمان انِ ضغطها عالي وانا علقت ليها محاليل والاحسن انكم تعرفوا اي سبب معامله انتحارها
جاسم : تمام هي هتفوق امته
الدكتوره : شويه كده
ثم نظرت للممرضه : لما المريضه تفوق قوليلي
الممرضه باحترام : حاضر يا دكتوره
الدكتوره : عن اذنكم
الدكتوره تركتهم
جاسم ذهب للغرفه ومن ثم دخل
ظل جاسم ينظر اليها بقلب موجوع وهي نائمة
الداده نعيمه : الحمدالله قدرنا نلحقها الحمدالله
مروان : بس اي اللي حصل يا داده علشان تحاول تنتحر
الداده نعيمه بحزن : مينفعش هحكي هنا وهي ممكن تصحا في اي وقت
مروان : طيب تعالي بره قوليلي
مروان ومعه الداده خرجوا من الغرفه
الداده نعيمه حكيت كل حاجه مِسِك قالتها
مروان بحزن على هذه الطفله البريئه : هي شافت كتير مش يصدق إنِ عيله في سنها تكون جواها كل الحزن ده
جاسم كان خرج من الغرفه وسمع الداده وهي بتحكي
مروان خد باله إنِ جاسم واقف وفيه عيونه وجع وحزن نظر لِ جاسم بحزن
الداده نعيمه نظرت لي جاسم بحزن : كويس انك سمعت يا جاسم ، شوفت مِسِك إنتحرت علشان بس ملقتش السعاده ولا مع اهلها ولا معاك دي يا حبه عيني كانت عايزه حنيه وحب
جاسم بوجع : لو سمحتي يا داده كفايه وبعدين اذا كان ابوها نفسه باعها ليا
الداده نعيمه بحزن : تروح انت برده معذبها يا ابني كفايه اللي حصل المرادي المره الجايه ممكن تروح مننا
نظر جاسم بصمت للداده
سمعوا صوت صريخ جاي من غرفه مِسِك
جاسم بقلق وخوف جري على الاوضه ومعاه الداده ومروان
جاسم فتح الاوضه بسرعه
جاسم : مِسِك مالك في اي
مِسِك بتصرخ وعايزه تشيل المحاليل
الممرضه : انا هروح هنادي على الدكتوره بسرعه
جاسم : مِسِك اهدي
مِسِك بصريخ : لي انقذتوني انا كنت عايزه هموت زي ماما لي حرام عليكم
ثم نظرت لي جاسم : انت عايز مني اي سيبني هموت ارجوك
جاسم اتصدم لدرجه هي عايزه تموت
جاسم بحزن ووجع : اهدي يا مِسِك بلاش اللي بتعملي ده
مِسِك بتحاول تشيل المحلول : سيبوني هموت بقا
جاسم حضنها فجاءه وفضل يهديها لغيط لما قدر يسيطر عليها وبدات تهدا
الدكتوره دخلت الغرفه
الداده نعيمه بحزن : اي اللي حصل يا دكتوره لي مِسِك فضلت تصرخ كده ومصممه تشيل المحلول
الدكتوره : هي دلوقتي لسه فايقه يعني ده من تعب نفسيتها علشان كده قولتلكم لازم تعرفوا سبب محاوله الانتحار
جاسم غمض عيونه بوجع
الدكتوره : هي لازم تفضل في المستشفي يومين وهتتحسن إن شاء الله
جاسم بتنهيدة : ينفع تخرج وانا هجيب ليها طقم ممرضين
الدكتوره : مفيش مشكله بس المهم تكون رعايه ليها وتقدر تخرج انهارده بليل
الداده نعيمه : طب وضغطها يا دكتوره
الدكتوره : ضغطها لسه عالي بس لو نفسيتها بقيت احسن يبقي ضغطها هيكون طبيعي
جاسم : تمام يا دكتوره يارات تخرجلنا فريق تمريض شاطر علشان لو تعبت نلحقها
الدكتوره : تمام وحضرتك متقلقش انا هكون متابعها برده
جاسم : تمام
جاسم نظر لي مِسِك بحزن
ــــــــــــــــــــــــــــــــــــــــــــــــ
البنت : هاي عامله اي انا ندي
هدير بابتسامه : اها اهلا بيكي انتي عامله اي
ندي بابتسامه : الحمدالله بخير اسفه لو ازعجتك
هدير بابتسامه : لا مفيش ازعاج
ندي بابتسامه : بس انتي بقالك قد اي بتشتغلي هنا
هدير : بقالي فتره وانتي !
ندي بابتسامه : انا بقالي فتره برده بس مش كبيره ، تعرفي إنِ كنت دائما بلاقيكي دايما قاعده ساكته وبصراحه كنت بتحرج هكلمك
هدير بابتسامه : بتتحرجي لي تعالي في اي وقت انا بكون موجوده هنا في البريك بشرب كوبايه القهوه بتاعتي
ندي : اممممم بس انتي مالك صح
هدير باستغراب : مالي !
ندي : يعني دايما بلاقيكي قاعده هنا وجواكي حزن
هدير بابتسامه حزن : لا مفيش انا كويسه اهو
ندي : متاكده
هدير بابتسامه : ايوه
ثم قالت وهي بتنظر لِ ندي : بس انتي متعرفيش اي اللي حصل يعني لي جاسم بيه طلع بيجري من الشركه ومروان بيه نفس الحكايه
ندي : مش عارفه بس اكيد هنعرف
هدير : إن شاء الله
ندي بابتسامه : انتي مخطوبه يا هدير
هدير : لا
ندي : وانا برده لا
هدير بابتسامه : الشباب إتعميت في عينها
ندي بضحك : لا مش لدرجادي
جاء شاب يقاطع حديثهم
الشاب : بتضحكوا على اي
هدير نظرت له بصمت
ندي بضيق : ياربي وانت مالك يا بارد
الشاب بضيق : انتي اللي بارده
ثم نظر لي هند بابتسامه : عامله اي يا هدير
هدير : تمام يا استاذ مجدي طيب عن اذنكم بقا
مجدي : ثواني بس رايحه فين هو انا كل ما هاجي هقعد معاكي تقومي انتي
( مجدي 26 سنه وبيشتغل في الشركه ودايما بيتابع هدير )
هدير : معلش بقا وقت البريك خلص ولازم هخلص الشغل قبل ما مروان بيه يجي
ندي : شوفت اهو هتخليها تمشي يا رخم وبعدين بطل ترخم عليها
هدير : يا بنتي محصلش حاجه لكل ده انا بس خلصت القهوه والبريك خلص لازم هقوم هخلص الشغل يلا عن اذنكم
هدير ذهبت الي مكتبها
ندي بتنظر لي مجدي بضيق
مجدي : انتي نحس يا ندي
ندي بسخريه : انا اللي نحس دي هيكل ما تشوفك بتقوم
مجدي : هي عندها شغل بس وبعدين يلا قومي علشان الشغل
ندي بضيق : مستفففففز
مجدي بابتسامه صفره : عارف
مجدي ترك ندي وهي مضايقه منه
ــــــــــــــــــــــــــــــــــــــــــــــــ
سناء : مالك بس يا عصام
عصام بحزن : مش لو كنت بشتغل في اكتر من مكان كان زمان هدير متكونش متبهدله كده
( عصام موظف حكومي والد هدير وحبيبه وقلبه طيب )
سناء : وانت فيك صحه تشتغل اكتر من شغلانه
عصام بحزن : انا مكنتش عايز حد من بناتي بيشتغل
سناء بحنيه : عارفه يا حبيبي بس هدير حابه الشغل وهي عايزه كده
عصام بحزن : هي مين امته هدير بتشتكي يا سناء ما انتي عارفه بنتك
سناء بطبطب على كتفه : علشان كده بقولك متقلقش على هدير هي حابه شغلها وبلاش تشيل نفسك الهم علشان متتعبش
عصام : غصب عني يا سناء مش قادره هشوف بنت من بناتي تشتغل
حبيبه ادخلت : وفيها اي يعني يا بابا كل البنات بتشتغل وبعدين هدير مش صغيره وانا برده هشتغل لاني مش صغيره
سناء : امشي يا زفته ذاكري مش لما تفلحي الاول السنادي
حبيبه : وبعدين بقا معاكي يا ست ماما مش علشان انا ساكته تفضلي تزيدي فيها ها
سناء : بس يا بت احترمي نفسك فيها بنت تقول لي امها كده
عصام : اهدي يا سناء
ثم نظر لِ حبيبه : وانتي يا حبيبه عيب تتكلمي مع والدتك كده
حبيبه باسف : انا اسفه يا ماما مش قصدي والله
ثم اكملت بمرح : وبعدين انا جايه هفرفش الجو وهشوف بابا السكر زعلان لي
عصام بابتسامه : مفيش حاجه يا حبيبة بابا
حبيبه : اممممم مش باين يا حاج انا عارفه انك زعلان يا بابا علشان هدير بتشتغل بس والله يا بابا ده احسن من قاعده البيت وبعدين اذا كان عليا انا وهدير نفسنا انت متشتغلش واحنا نشيلك انت وماما على راسنا
عصام بابتسامه : يا حبيبتي ربنا يبارك فيكم
بس قوليلي بعد الكلام الحلو ده عايزه كام
حبيبه بابتسامه : عيب يا حاج الكلام ده من قلبي مش علشان الفلوس
سناء : هو انتي بتعملي حاجه ببلاش
حبيبه : ايوه بحبكم ببلاش
عصام بضحك : ماشي يا لمضه يلا روحي شوفي مذكرتك
حبيبه : حاضر
حبيبه ذهبت الي غرفتها
سناء : انت عجبك دلعك فيها
عصام بضحك : في اي يا سناء البنت بتنكشك
سناء : والله انت اللي مدلعها
عصام : خليها تتدلع براحتها اومال تدلع على مين وانا عايش
سناء بابتسامه : ربنا يخليك لينا يا حبيبي يلا بقا قوم ارتاح لغيط لما الغدا يخلص
عصام بابتسامه : ماشي يا حبيبتي تصبحي على خير
سناء بابتسامه : وانت من اهل الخير
ــــــــــــــــــــــــــــــــــــــــــــــــ
مِسِك صحيت
جاسم : هجبلك تشربي
مِسِك ساكته ودموعها على خدها
الداده نعيمه بحزن : يا بنتي خدي طيب اشربي العصير
مِسِك : لا مش عايزه انا عايزه هخرج من هنا
جاسم بتنهيده : متقلقيش هتخرجي بس لازم تشربي العصير كله
مِسِك بعناد : وانا قولت مش هشرب حاجه وانت مالكش دعوه بيا
جاسم بغضب : احترمي نفسك ومش علشان
مروان مقاطعا : جاسم تعال ثواني معايا يلا
جاسم خرج مع مروان بالعافيه
جاسم : نعم يا مروان
مروان : اهدا انت مش سامع كلام الدكتوره مينفعش تخاطر وممكن المره الجايه تاذي نفسها
جاسم بضيق : انت مش شايف عنادها
مروان : برده مينفعش وبعدين يعني كنت عايز هتكلم معاك في موضوع مهم
جاسم : هو وقته
مروان : ايوه وقته الموضوع يخص مِسِك
جاسم باستغراب : موضوع اي
مروان : مِسِك لازم تكمل دراستها اعتقد ده سبب من اسباب إنِ نفسيتها تعبانه كده
جاسم ساكت
مروان اكمل كلامه : وبعدين كل المستشفي عرفوا انها مراتك يعني كلها شويه والصحافة تعرف وطبعا انت عارف لو عرفوا إنها مش مكمله تعليمها انت هتكون منظرك اي
جاسم نظر له بضيق ثم قال : انا داخل ليها
جاسم دخل الاوضه
مروان بتنهيده : ربنا يهديك
مروان كلم اماني
مروان : الو يا اماني ممكن بس تسمعيني
اماني : ايوه معاك
مروان : احم مِسِك حاولت تنتحر
اماني بصدمه : اي !!! ازاي طب هي كويسه وانت لي مقولتش لي
مروان : اماني اهدي هي ايوه كويسه وهتخرج انهارده يعني كلها ساعه وهتخرج اما بقا لي مقولتش ليكي علشان متقلقيش وتفضلي تعيطي
اماني بحزن : بس ده مش سبب
مروان : لا سبب وبعدين هي والله كويسه ويا ستي علشان هرضيكي اي رايك لما تخرج بس هاجي هخدك
اماني : يارات علشان هطمن عليها
مروان بابتسامه : حاضر يلا سلام
اماني : سلام
اماني بحزن اغلقت الخط مع مروان
اماني بدموع : ياربي اي يخلي عيله زي مِسِك تحاول تنتحر يارب ريح قلبها
ــــــــــــــــــــــــــــــــــــــــــــــــ
ايهاب : رانا اعملي حسابك بكره في اجتماع مع جاسم
رانا بدلع : تمام متقلقش كل حاجه هتكون تحت السيطره
ايهاب بابتسامه : عارف اكيد ويلا بقا شوفي شغلك
رانا : اوك باي
رانا خرجت
ايهاب بشرود : ياتري ناوي على اي يا جاسم بس استحاله هخليك بس استحاله هخليك تفوز كتير ده انا مستحمل معاملتك بقالي كتير علشان بس مصلحتي
ــــــــــــــــــــــــــــــــــــــــــــــــ
في احد القصور
رامي بابتسامه : صباح الخير يا حبيبتي
( رامي 30 سنه كان صديق جاسم ولكن الآن بقا عدوه لي اسباب هنعرفها بعدين ومتزوج ولكنُ لا يوجد لدي اولاد )
رودينا بابتسامه : صباح الفل كل ده نوم
( رودينا 27سنه كانت صديقه رامي ولكنُ تزوجها ويعتبر هي الوحيده اللي وقفت جنبه بعد اللي حصل في حياته )
رامي بابتسامه : اصل امبارح كان عندي شغل كتير
رودينا : ماشي يا روحي يلا تعال افطر
رامي قعد على السفره وهو شارد
رودينا : بتفكر في اي
رامي بابتسامه : مفيش يا حبيبتي يلا نفطر مع بعض
رودينا بابتسامه : ماشي
رامي ابتسم لها ولكن بداخله شي يخفيه لا يعرفوا الا الله
ــــــــــــــــــــــــــــــــــــــــــــــــ
بعد ساعتين
مِسِك ذهبت الي القصر
الداده نعيمه بابتسامه : يلا يا بنتي اطلعي ارتاحي وانا هجيبلك علشان تاكلي
جاسم : تعالي يا مِسِك
مِسِك بتجاهل نظرت إلي مروان بحزن : هي فين اماني معقول مجتش تشوفني
مروان : لا لا هي اساسا مكنتش تعرف والله ولما انا كلمتها قولتلها هاجي هاخدك بس لما انتي تخرجي
مِسِك بحزن : طب ينفع تيجي دلوقتي
جاسم ينظر لي مروان : مروان روح انت جيب مراتك
ثم نظر لِ مِسِك : مش يلا بقا علشان ترتاحي
مِسِك نظرت له ثم ذهبت من امامه
مروان : جاسم بلاش تنسا اللي قولتوا في المستشفي
جاسم : روح جيب مراتك اخلص
مروان : ماشي
مروان ذهب
ـــــــــــــــــــــــــــــــــــــــــــــــ
ندي : شكلك إعجبت بي هدير
مجدي بابتسامه : بصراحه ايوه بس هي كل لما هاجي هكلمها بتقوم
ندي بضحك : انت اللي بطفشها
مجدي بضيق : لا والله وبعدين هي اكيد بتقوم علشان بيكون وراها شغل وكده
ندي بسخريه : هو ده عذر ولا اي
مجدي بضيق : قومي يا ندي من وشي مستقزه
ندي بطلع لسانها : اهو انت
مجدي بضيق : طفله والله
ــــــــــــــــــــــــــــــــــــــــــــــــ
حبيبه : الو مين
الشاب : عامله اي
حبيبه بضيق : مين معايا
الشاب بضحك : معقول مش عارفه صوتي
حبيبه : والله لو مقولتش هقفل السكه
الشاب : لا خلاص وعلى اي هقولك ، احم انا عبد الرحمن
حبيبه باستغراب : جيبتي رقمي منين
عبد الرحمن بابتسامه : هيكون منين يعني اكيد من السنتر
حبيبه بضيق : وهي دي الامانه
عبد الرحمن : انا معملتش حاجه غلط انا بس كنت عايز هتكلم معاكي
حبيبه بنفاذ صبر : عايز اي !
عبد الرحمن بابتسامه : انا بحبك يا حبيبه وعايز هرتبط بيكي
حبيبه بحده : انت اتجننت انا مش بفكر في الحاجات دي
عبد الرحمن : وفيها اي نرتبط دلوقتي بس وساعتها هتفكري
حبيبه بضيق : انا مش برتبط ويارات تبعد عني
عبد الرحمن : لي لا انا والله ناوي السنه الجايه هتقدملك
حبيبه بحده : ابعد عني واياك تحاول تكلمني تاني
حبيبه اغلقت الخط بغضب
عبد الرحمن بحزن : ماشي يا حبيبه
( عبد الرحمن 24 سنه وبيشتغل في السنتر اللي حبيبه بتاخد فيه الدروس )
حبيبه بضيق : بني ادم مش محترم
ثم عملت له حظر
ــــــــــــــــــــــــــــــــــــــــــــــــ
مروان ومعه اماني وصلوا الي القصر
الداده ( واحده من الخدم ) : جاسم بيه بيقول لي حضرتك اتفضلوا على الجناح
مروان : يلا يا اماني
اماني دخلت الغرفه
مِسِك بسعاده : اماني وحشتيني اوي
اماني بابتسامه : وانتي اكتر يا حبيبتي
ثم اكملت كلامها بحزن : كده برده تغضبي ربنا
مِسِك بحزن : غصب عني تعبت من الدنيا
اماني : تعبتي ارجعي لي ربنا مش تعملي ذنب زي ده
مِسِك نظرت لها بحزن
جاسم بضيق : يلا بقا كلي وبلاش دلع عيال
مِسِك بعناد : انا حر ومش عايزه اكل
اماني : لا طبعا يا مِسِك لازم تاكلي يلا
مِسِك : انا مش جعانه
الداده نعيمه : يا بنتي مينفعش كده الدكتوره قاله لازم تاكلي كويس علشان صحتك
مِسِك : ماليش نفس
مروان : يعني انا جيبت ليكي اماني وانتي برده عايزه تزعليها
مِسِك نظرت لِ اماني بحزن : مش عايزاكي تزعلي بس انا ماليش نفس
جاسم محاولا الهدوء : تعرفي لو كلتي هخليكي بعد ما تقومي بالسلامه تروحي المدرسه
مِسِك نظرت لُ بصدمه وكل اللي في الاوضه اتصدموا
مِسِك بصدمه ممزوجه بسعاده : بجد انا ممكن هنزل من بكره المدرسه و
جاسم مقاطعا : لا مش بكره كام يوم كده تكوني قومتي بالسلامه بس الكلام ده لو كلتي وشربتي العصير
مِسِك بفرحه : لا انا اكل اهو
مِسِك بدات تاكل تحت انظار مروان والداده واماني
جاسم ينظر للممرضه : بعد ما هي تاكل يبقي تديلها العلاج
الممرضه : تمام يا فندم
جاسم خرج ومعه مروان والداده نعيمه
الداده نعيمه : شوفت يا ابني كلمه منك بس فرحتها ازاي ربنا يسعدك زي ما فرحتها
الداده نعيمه ذهبت الي المطبخ
جاسم : بتبصلي كده لي
مروان بخبث : مستغرب
جاسم : مين اي
مروان : ما تقول إنِ الصناره غمزت وخلاص
جاسم بضيق : صناره اي يا مجنون انا بس لقيت إنِ كلامك صح وبعدين افرض لو انتحرت تاني ساعتها سمعتي هتبوظ وانا مش عايز كده
مروان بابتسامه : اها انت هتقول
جاسم بضيق : بارد والله
داخل الجناح
اماني : اياكي يا مِسِك تعملي كده تاني فاهمه
مِسِك بابتسامه : حاضر متقلقيش والله بس انا مبسوطه اوي واخيرا الراجل الضخم وافق هرجع لِ دراستي
اماني بضحك : قصدك جاسم بيه الراجل الضخم
مِسِك : ايوه انا فرحانه اوي
اماني بابتسامه : ربنا يفرحك دايما يا قلبي
ــــــــــــــــــــــــــــــــــــــــــــــــ
مروان كلم الموظفين في الشركه وقالهم يمشوا
ندي : انتي بيتك فين يا هدير
هدير بابتسامه : بيتي في حي شعبي مش معروف اوي
ندي : طب وبتركبي اي
هدير : بركب من المحطه يلا بقا باي
ندي : اوك باي
مجدي : هدير ثانيه
هدير : ايوه
مجدي بابتسامه : تحبي هوصلك
هدير : لا شكرا عن اذنك
هدير ذهبت
ندي بشامته : احسن
مجدي نظر لها بضيق وذهب هو الآخر
ــــــــــــــــــــــــــــــــــــــــــــــــ
اشرف : ايوه يا عاطف
عاطف : مش جاي ولا اي
اشرف : لا طبعا جاي بس رايح لي الزفته اللي اسمها مِسِك
عاطف : لي
اشرف بسخريه : رايحين نمثل على جوزها
عاطف : طب انا عايز هروح
اشرف : لا طبعا مينفعش
عاطف : لي مينفعش ابعت انت بس العنوان ومتقلقش
اشرف : لا يا عاطف
عاطف : اشرف وفيها اي انا صحبك مش هيحصل حاجه
اشرف : ماشي خلاص هبعتلك اللوكشين دلوقتي
عاطف : تمام
اشرف اغلق الخط ومن ثم ارسل اللوكشين لِ عاطف
ــــــــــــــــــــــــــــــــــــــــــــــــ
هدير ذهبت لي بيتها
هدير بابتسامه : مساء الخير
عصام بحنيه :مساء النور يا بنتي عامله اي
هدير بابتسامه : الحمدالله يا حبيبي
سناء بابتسامه : بس جيتي بدري يعني
هدير : مفيش حصلت مشكله بس في الشغل فـ المدير مشينا بدوي
سناء : طب كويس قومي يلا غيري عقبال ما هحط الاكل
هدير : حاضر
هدير ذهبت الي غرفتها ولكن بعد ثواني الباب خبط
سناء : هدير
هدير : ايوه يا ماما
سناء : في واحد عايزك بره
هدير باستغراب : عايزني انا
سناء : ايوه
هدير : طب قاعد فين
سناء : قاعد مع ابوكي يلا البسي الاسدال واخرجي
هدير : حاضر
حبيبه بغمزه : مين ده يا هدير ها
هدير باستغراب : معرفش لسه هخرج هشوف اهو
هدير خرجت وهي لابسه الاسدال
هدير : ايوه
عصام : تعالي يا هدير الاستاذ بيسال عليكي
هدير بتنظر لُ ولكنها إتصدمت
هدير بصدمه : انت
ــــــــــــــــــــــــــــــــــــــــــــــــ
اي اللي هيحصل !!
مين البنت اللي بتساعد الشخص المجهول !!
اي سبب عداوه رامي وجاسم !!
هل محاوله انتحار مِسِك هتخلي جاسم قلبه يحن ويبدا يحبها ولا هيكون قاسي !!
هل جاسم فعلا هيخلي مِسِك تكمل دراستها !!
جاسم هيعمل اي لما يشوف اهل مِسِك !!
لي بوسي بتحط مخدرات لِ اشرف ! ومين هو الشخص المجهول !
هل حبيبه هتحب عبد الرحمن ولا لا !!
مين الشخص اللي هدير اتصدمت لما شافته ، وهل هي البنت اللي بتنقل اخبار الشركه !
عاطف هيخطط لِ اي علشان يوقع مِسِك !!
