رواية خطوة عزيزه الفصل الخامس 5 بقلم هيام ختعن
الحلقه (5)
سمعت عزيزه صوت كلاكس عربيه وركن العربيه ونزل منها شاب وسيم وكان ناجي وقرب من عزيزه وكان ريحه برفانه جذابه جدا
عزيزه.: كانت بتبص لناجي من فوق لتحت وكانت منبهره بيه وبجماله وسرحانه وفاقت ع صوت ناجي
ناجي.: تعرفي بيت عزيزه سامي
عزيزه.: انت مين وعايزها لي
ناجي.: انا حد قريبها وكنت عايزها في موضوع مهم
عزيزه.: بس هي ماعندهاش قرايب مزز كده اقصد محدش من قرايبها يعرف انها قاعده هنا
ناجي.: بدال انتي تعرفيها وديني ليها وانا وهي نتكلم مع بعض
عزيزه.: وانا اضمن منين انك قريبها مش ممكن تكون جاي ترمي بلاك عليها ولا حاجه
ناجي: بنفاذ صبر هتقولي مكانها فين ولا اسال حد تاني
عزيزه.: طيب ماتقولي انت عايزها قي اي
وفي الوقت دا نادت فوزيه عليها
عزيزه.: لنفسها الله يخربيتك هتجبي لي مصيبه مش تستني اعرف الواد دا عايزني في اي
فوزيه: بتبص لناجي ورجعت وجهت نظرها لعزيزه مين دا ي عزيزه
عزيزه.: امشي انتي دلوقتي ي فوزيه وبعدين ابقي اقولك
ومشت فوزيه وسابت عزيزه واقفه مع ناجي وناجي كان بيبص لها بقرف وبيقول لنفسه
ناجي.: دي اخرتها ياامجد تجوز ابنك بوابه يالهوي ع المصيبه السوده دي مش هلاقي معاها حلول دي ما هتصدق اصلا
وفاق ع صوت عزيزه
عزيزه.: خير يا استاذ عايزني في اي
ناجي.: بابكي كان شريك والدي في شركه تصميم ازياء وكاتب وصيه
عزيزه.: بتضحك وبتشاور بصباعها ع نفسها ابويا انا دا ابويا ماكنش حيلته حاجه دا كان بيصرف علينا بالعافيه يلا ي استاذ شوف انت رايح فين وبطل ترمي بلاك علينا
ناجي.: انا بتكلم جد انتي ليكي نص الشركه والوصيه اننا لازم نتجوز
عزيزه.: بتضحك نتجوز انا وانت انت باين عليك ضارب سجارتين وجاي تطلعهم عليا يلا ي استاذ شوف حالك بعيد عني انا وامي ولايا ومالناش حد غير ربنا ومش بتوع مشاكل ولا حوارات احنا ماشين جنب الحيط
ناجي.: اتعصب ماهو مش عشان انتي ترفضي تتجوزيني انا اخسر كل حاجه
عزيزه.: انا مالي تخسر ولا تكسب روح حل مشاكلك بعيد عني
ناجي.: بيجز ع سنانه انتي تطولي اصلا تتجوزي ناجي امجد
عزيزه.: لي كنت يعني كنت مين اي يعني ماجي دا انت اسمك شبه مرئه الدجاج
ناجي.: بعصبيه انتي بتتريفي ع ناجي امجد اللي البنات كلها تتمني بس انه يسلم عليها
عزيزه.: لي يااخويا كنت مين دا انت واد ملزق في نفسه زي النيش كده منظر ع مافيش
ناجي.: بعصبيه بصي ي بت انتي تلمي لسانك معايا ياما هخليكي تعدي النجوم في عز الضهر
عزيزه.: بتضحك لا دا انت واخد قلم جامد في نفسك عارف انت لو مامشيتش دلوقتي انا هخليك تمشي بفصيحه دلوقت
ناجي.: بص لها بنظرات كلها تحدي وريني هتعملي اي
عزيزه.: بتصوت ياناس الحقوني بتخطف بتخطف
ناجي حط ايده ع بوقها
ناجي.: بس اسكتي انا همش وارجع تاني تكوني فكرتي
ونزل ايده من ع بوقها وسابها ومشي وهي دخلت العماره وحكت لامها اللي حصل
ام عزوز.: اي المصايب دي احنا في حالنا وماشين جنب الحيط
عزيزه.: ماتقلقيش ي ام عزوز ماحدش يقدر يعمل لنا حاجه
ام عزوز.: انا سيبها ع ربنا وعارفه ان ربنا ميش يسيبني
ومر الليل وكانت عزيزه بتفكر في كلام ناجي
عزيزه.: اشمعنا انا اللي جالي وبعدين لو كلامه صح مش كان ابويا صرف علينا وعرفنا قبل ما يموت بدال ماكان منشفها علينا الواد دا وراه قصه طويله وانا لازم اعرفها
وغلبها النوم ونامت واتي نهار جديد مشرق وقام ناجي من النوم ولبس
نهي.: صباح الخير
ناجي: صباح النور
نهي: عامل اي ي حبيبي
ناحي: هكون عامل اي يعني جوزك عايز يجوزني لبوابه لا وكمان المعفنه دي رافضه تتجوزني انا
نهي.: انت روحت لها
ناجي.: ايوه روحت واتكلمت معاها وهزئتني ورفضت تتجوزني هبعت لها المحامي يتكلم معاها لما نشوف اخرتها
ونزل ناجى الشركه وكان كل تفكيره في عزيزه ازاي ترفضه وقطع تفكيره رن موبايله وكانت ياسمين
ناجي: هكلمك وقت تاني
ياسمين.: استني ماتقفلش انا لي يومين مش عارفه اوصل للك في موضوع مهم احنا لازم نتكلم
ناجي.: اجلي اي مواضيع دلوقتي لحد ما احل موضوع الوصيه
ياسمين.: مش هينفع يتاجل ي ناجي
ناجي.: بعصبيه ماقولت مش دلوقت مش فاضي في اي بقي
وقفل السكه في وشها وكان متعصب وطلب من المحامي انه يجي له المكتب
ناجي.: بعصبيه معاك 3 ايام تكون مخلص حوار البت دي عشان نتجوز
المحامي.: بخوف حاضر بس افرض رفضت والموضوع طول
ناجي.: قرب من المحامي وهو كان خايف وفضل يرجع لورا لحد ما سند ع الحيطه ومسكه ناجي باديه الاتنين من قميصه
ناجي.: ببرود انا بحب اللي يسمع كلامي ويقول حاضر وبس وانا بقولك قدامك 3 ايام وتكون البنت جاهزه عشان نتجوز اي كلام تاني مرفوض
وساب ياقه قميصه وعدلهاله وبص له وضحك
ناجي.: عيب في حقك ي متر الخوف اللي باين في عينك دا اجمد شويه كده وبصوت عالي انت لسه واقف ماتروح تشوف شغل
خرج المحامي بسرعه من كتر الخوف ونزل اخد عربيته وراح لعزيزه واول ما وصل سال ع عزيزه والناس شاورت له ع البيت وكانت عزيزه قاعده هي وامها
المحامي.: بص لعزيزه حضرتك عزيزه سامي
عزيزه.: خير مين حضرتك
المحامي.: انا محامي ناجي امجد
عزيزه.: محامي مرئه الدجاج خير عايز اي
المحامي.: والد حضرتك شريك امجد بيه والاتنين كاتبين وصيه ان انتي وناجي بيه لازم تتجوزو عشان تاخدو ميراثكم
عزيزه.: بص ي متر انا مش حتجوز الواد الملزق بتاع مرئه الدجاج اللي اسمه ماجي دا
المحامي.: بس دي وصيه ولازم تتنفذ
عزيزه.: شوف لها حل تاني غير الجواز انا مش هكمل عمري مع واحد مااعرفهوش
ام عزوز.: بص ي متر انا في واحد جالي بعد سامي ما مات وكان عايز يديني فلوس وانا رفضت بس انا دلوقت بدات الصوره توضح قدام بس الوصيه دي ماتنفعش دا اجبار ع الجواز
المحامي.: انا فاهم حضرتك لو الوصيه ما اتنفذتش كل الشركه حتروح لدار ايتام
عزيزه.: ماانا وماجي دا يتمه مااحنا اولي من الغريب من غير جواز
المحامي.: انتي وناجي بيه لازم تتجوزه
عزيزه.: وانا مش موافقه ولو الواد الملزق دا اخر حد في الدنيا مش حتجوزه دا دمه تقيل وعاملي فيها حسين فهمي
المحامي: طلع كارت وعطاه لعزيزه دا كارتي هستني ردك بكره عشان الوصيه اخرها اسبوع وكل حاجه تروح لدار ايتام
وسابهم ومشي وكانت عزيزه وامها قاعدين
عزيزه: هعمل اي ي امي
ام عزوز: مش عارفه ي بنتي اقولك اي فكري ي عزيزه وربك يحلها
ومر الوقت وكانت عزيزه بتفكر تعمل اي وراح ناجي لياسمين
ناجي.: خير ي ياسمين اي الموضوع المهم
ياسمين.: انا حامل
ناجي قعد ع الكرسي ورفع رجليه ع التربيزه وماسك سجارته
نا جي: ممم وبعدين
ياسمين.: لازم نتجوز
ناجي.: وهو بينفخ دخان السجاره وبكل برود ولي لازم
ياسمين.: اومال هعمل اي
ناجي: البيبي ينزل
ياسمين.: لا انا مش حنزله ولو حكمت ي ناجي اني ارفع قضيه نسيب هعمل كده
قام ناجي وكان متعصب ومسك ياسمين من شعرها وهي كانت بتحاول تسلك شعرها من ايديه
ناجي.: مش انا اللي بيتهدد كل حاجه كانت بمزاجك وانتي كنتي موافقه ولو مفكره انك هتهدديني باللي في بطنك دا تبقي عبيطه وانا وانتي مش هنتجوز
ياسمين.: وهي بتحاول تفك شعرها من ايديه سيبني ي ناجي خلاص هنزله
دفعها بقوته ع الارض وهي كانت منهاره من العياط
ناجي.: بكره يكون الموضوع خالص وانا مش بتهدد
السادس من هنا
