رواية الاميرة والمغترب الفصل الخامس 5 بقلم الاء اسماعيل
بارت 5 
سحر : الو يا ماما
فاتن بغضب : ليكي عين تقولي ماما ؟؟ الساعة عدت ثمانية و حضرتك انتي و البرنسيسة لسة ما شرفتوش و يا عالم هي ف انهي داهية !!
سحر : لا احنا في الطريق كمان ربع ساعة و نوصل اتصلت عشان اطمنك
فاتن : انتي و مين ؟؟
فاتن بتعجب: و اتلميتي على المخفية فين بقى ؟؟
- بعدين يا ماما المهم احنا قرينا نوصل اهو
وصلت سحر برفقة أميرة المتعبة و المحدقة الى اللاشيء
شكرت السائق و خرجت برفقتها ثم ادخلتها إلى المنزل و هي تسندها و تهمس بعطف : أميرة احنا وصلنا يالا بالراحة يا حبيبتي
سمعت فاتن الباب و هو يفتح
فاتن بملل و هي تقلب هاتفها دون أن تنظر اليهم: ما لسة بدري يا هوانم كنتو تعمللوكم كمان لفة و ترجعو انتي و هي تنامو بس ماهي بقت لوكندا مش بيت !!
سحر بصوت عال : ماما بلاش الكلام ده دلوقت أميرة عيانة ده بدل ما تساعديني نسندها !!
رأتهما فوقفت بتعجب : خير ؟؟ مالها دي ؟؟
سحر : مش عارفة ...هي تعبت و الاسعاف وصلها المستشفى و أتصلوا برقمي ..رحت عندها و فضلت مستنياها لحد ما صحيت عشان كدة اتأخرنا .
وصلتها كل من سحر و فاتن الى مكانها
سحر بعطف: يالا اتمددي كدة و حاولي تنامي عشان ترتاحي
اسندوها في سريرها و خرجتا من الغرفة و هي في عالم اخر نصف نائمة و نصف صاحية
في الصالة
فاتن : عايزة افهم اللي حصل بالضبط ؟؟ و بعدين شكلها مش عاملة حادثة ولا عليها كدمات يبقى تعبت ازاي و فين و امتى ؟؟
سحر : و انا ايش عرفني ايه اللي حصل ؟؟ ما انا قلتلك أتصلوا بيا و رحتلها المستشفى استنيتها و جبتها و جيت
فاتن : يا سلام !! و يتصلوا بيكي انتي ليه ؟؟ما اتصلوش بيا انا ليه ؟
سحر بحنق : يمكن لأنها ما معاهاش رقم حد هنا غيري ؟؟
يمكن مثلا لإن محدش بيهتم بيها في البيت ده غيري ؟؟
فاتن ؛ يا ختي مالك محموقة اوي كدة !! هي كانت ماتت ؟؟ ماهي زي القردة جوة اهي !!
سحر بحدة: قردة ايه يا ماما دي كانت هتموت ؟؟؟
- ايوة يعني انا مالي هو انا اللي موتتها ؟ ماهي كانت مع حنان و طلعت بعدها تلف لوحدها يعني لاهي صغيرة ولا قاصر عشان عايزانا نكون ولايا امرها أو نقلق عليها 
سحر بحنق : طب فين حنان ؟؟
فاتن : جوة في اوضتها نايمة.... تعبانة يا عيني طول اليوم على حيلها معاها عشان مقابلة العمل بتاعتها
همست سحر في سرها بتهكم: لا حنينة اوي .. بجد اسم على مسمى
تركت سحر والدتها و توجهت الى غرفة حنان بغضب
طرقت الباب كثيرا لكنها لم تجب
همست سحر بغضب : طيب يا حنان ماهو انتي مش هتفضلي في الاوضة دي طول عمرك !
في الصباح
استيقظت أميرة و هي تنظر الى نفسها بتعجب و تهمس بينها و بين نفسها بخفوت
- أنا جيت هنا ازاي ؟! هو ايه اللي حصل ؟
في تلك الأثناء تململت سحر في فراشها و استيقظت بعد ان رأت حيرة أميرة
سحر بنعاس: صباح الخير يا ميرو ازايك النهاردة ؟؟
أميرة بدهشة : صباح النور ..انا كويسة بس ...بس مش فاكرة هو انا جيت هنا ازاي يا سحر ؟!
فركت شعرها بضياع لتتذكر ما حدث ثم قالت : مش انا امبارح رحت مع حنان عشان مقابلة عمل ؟؟ رجعت ازاي ؟؟
قامت سحر واعتدلت في جلستها و قد رتبت افكارها ليلا و فكرت فيما ستقول
- بصي يا ستي انا كل اللي اعرفه انك تعبتي و أمن الفندق
أتصل بالإسعاف و هوما اخذوكي المستشفى و أتصلوا بيا
أميرة بتعجب: ايوة بعني تعبت ازاي مش فاكرة؟
سحر بكذب : الظاهركان عندك هبوط حاد في الدورة الدموية و شكلك كدة بتعاني من انيميا الحمد لله انهم لحقوكي في الوقت المناسب .
- هبوط و انيميا ؟!
سحر بتأكيد : اه .. ماهو انتي مش بتهتمي بأكلك أبدا و آدي النتيجة اهي !!
أميرة : بس ..هو.... .مش انا كنت مع حنان ؟!
سحر بكذب : لا ماهي حنان طلعت برة عشان كان عندها مشكلة مع عربيتها و انتي لما وقعتي كنتي لوحدك محدش عرف عنك حاجة قاموا عملوا اللازم ..ما هو المستشفى ده جنب الاوتيل !
أميرة بدهشة طب انتي جيتي ازاي مش فاهمة... و ما اتصلتيش ليه بحنا ....
سحر بمقاطعة: بصي هوما لما لقوا رقمي أتصلوا و بلغوني اللي حصل و انا حاولت أتصل بحنان بس تلفونها كان مقفول مقدرتش استنى و اخذت تاكسي و جيت لك على طول و بعدها اتلخمت من خوفي عليكي وفضلت مستنية الدكتور يطلع ...
كانت أميرة تنظر إليها بتعجب و تنصت بإهتمام و لكنها لا تتذكر اي شيء من هذا
- هااا و بعدين ؟؟
سحر : يا ستي أول ما اتطمنت عليكي رجعت اتصلت بحنان لقيتها بتقولي انها لما دورت عليكي و ما لقتكيش قامت رجعت البيت تاني و احنا رجعنا بعدها متأخر حبتين بعد ما فقتي ...المهم سيبينا من ده كله ... انتي حاسة ب ايه يا حبيبتي ؟؟
أميرة : مش عارفة .... حاسة جسمي كله بينمل و دماغي لسة مصدعة عايزة أنام تاني ...
تذكرت أخيرا سبب تواجدها بالفندق فقالت بإمتعاض
يعني ضاعت عليا مقابلة العمل 
قامت سحر من مكانها و جلست بجانبها و هي تحتضنها و تقول بإصرار : بصي يا أميرة انتي تنسي مقابلة العمل دي خالص انا سألت عن الشركة دي و عرفت أن عندهم اعمال مشبوهة كثير و المحاسب اللي كان معاهم استقال ما طلعش معاش .. لإنهم كانوا هيورطوه في قضايا تبييض اموال لما رفض يمشي لهم الشغل القذ"ر بتاعهم ...و انتي لسة متخرجة و خبرتك قليلة مش بعيد يدبسوكي في قضية ثقيلة مش هتعرفي تطلعي منها ابدا !
أميرة بدهشة : يا ساتر !! طب إنتي عرفتي كل ده منين؟؟
سحر بكذب : انا كمان عندي معارفي مش بس حنان ... المهم مش عايزاكي تصدقي اي حاجة تجيبها لك حنان لإن اصحابها كلهم ناس مش سالكين و اخاف تتورطي مع شغل مافيا و عصابات لا سمح الله !
أميرة بخوف : يا خبر !! للدرجة دي !!!
سحر : اومال يا حبيبتي !! المهم انتي دلوقت ترتاحي و انا هقوم اجيبلك حاجة تاكليها و بعدين تنامي ...انتي من امبارح على لحم بطنك .
أميرة بتردد: لا ملوش لزوم أنا هنام و لما اصحى هأبقى اكل اي حاجة
سحر بحدة: ايه الكلام العبي'ط ده انتي امبارح لا اتغديتي ولا اتعشيتي اومال جالك هبوط منين ؟؟ انتي هتاكلي يعني هتاكلي مش عايزة مناقشة مفهوم؟؟
أميرة بإحراج: طب هي ... احم ..هي خالتي ما قالتش حاجة لما اتاخرنا ؟
سحر : هتقول ايه يعني ؟؟ انتي تعبتي و انا لحقتك في المستشفى كل الناس بتتعب أكيد مش هتعترض على المرض!!
ثم أكملت بكذب :
بعدين هي كانت قلقانة عليكي اوي امبارح انا هقوم اطمنها و اجيبلك لقمة يالا ارتاحي انتي دلوقت
أميرة بإستسلام : حاضر يا سحر ...و ميرسي اوي مش عارفة اشكرك ازاي !!
ضربتها سحر بالمخدة : شكر ايه يا غب"ية مش انا زي اختك ندى !!
أميرة بحب : و أكثر كمان 
خرجت سحر و بقيت أميرة تفكر في كلامها و تحاول أن تتذكر كيف وقعت لكنها لا تتذكر اي من هذا !!
سحر : صباح الخير يا ماما ...
فاتن : صباح النور ..
سحر: كويس ان الفطار جاهز انا هآخذ لأميرة لقمة عشان ألحق البس و اروح المدرسة
فاتن بلوية بوز : اومال البرنسيسة ما صحيتش ليه و جات تاكل هنا ؟
سحر : ماما أميرة تعبانة و مش قادرة تقوم من السرير ! انا اللي طلبت منها تاكل لقمة و تنام تاني انتي ناسية انها امبارح ما حطتش لقمة في بطنها طول اليوم ؟؟
فاتن بملل : قصره ...يالا بسرعة انتي عشان ما تتاخريش عن مدرستك .
سحر : حاضر .. اومال حنان ما صحيتش ليه ! كنت محتاجاها في موضوع
فاتن: حنان بتقول محدش يصحيها سيبيها نايمة و روحي شوفي اللي وراكي يالا !!
همست سحر بينها و بين نفسها: و الله ما مضيع البنت دي غير دلعك يا ماما ..
اخذت سحر بضع ساندويشات الى أميرة و جهزت نفسها و انصرفت
في مصر
فاطمة : بقولك ايه يا ابو أميرة انا عايزة اكلم البت اتطمن عليها
- هو احنا مش هنخلص من الحكاية دي يا فاطمة ..الرصيد الدولي بيكلف اوي و زي ما اتفقنا هي اللي تتصل واتس اصبري لما تفتح و تطمنك
- عايزة اتطمن عليها دلوقت مش قادرة اصبر ...ايه ؟مش من حقي ؟ من ساعة الحلم إياه و انا قلبي مقبوض أوي و هي قافلة الموبايل و مش بترد عالرسايل الواتس بتاعتك دي !!
- حاضر هأنزل اشحن رصيد و اخليكي تكلميها
في غرفة حنان
رن هاتفها فقامت بنعاس لترى المتصل
حنان بنعاس حين رأت اسم دانيال:قالت لنفسها كنت عارفة انك هتتصل .. ما انت بخيل مش هتعديها
امسكت الهاتف و فتحت الخط و هي تقول بدلع:
صباح الخير حبيبي 
دانيال بغضب: انا لست حبيبك ... أين الأسوارة أيتها اللصة ؟؟
اعتدلت في جلستها و قالت بنبرة خبيثة : لا تصرخ كثيرا تكلم بصوت هاديء حتى اسمعك...الاسوارة معي اخبرني بثمنها فقط و سوف احضره لك
دانيال بغضب جحيمي : حنااااان !!! انتي لا تعلمين مع من تعبثين !! اسوارة أميرة ليست للبيع امامك ساعة بالضبط و تكون الامانة عندي و إلا فلن تتخيلي أبدا ماذا سأفعل !
حنان بخوف : ما بك يا دانيال ؟؟ لماذا تاخذ هذا الأمر على محمل الجد كثيرا !! انها مجرد اسورة عزيزي؟؟
دانيال : نعم ...مجرد اسورة ثمنها ثلاثون ألف دولار كندي ... لن اعيد كلامي مرتين ...ان لم تحضريها في ظرف ساعة فستكون كل الفيدوهات التي جمعتها لك في هاتف والدك في نفس اللحظة...
حنان بدهشة : فيديوهات ؟! أي فيديوهات هذه؟؟!
دانيال بخبث: هل نسيت أن اخبرك ؟؟ إن هوايتي المفضلة هي توثيق اللحظات الجميلة ..لذا اضع كاميرات مراقبة في كل مكان اذهب اليه ..و كل لحظاتنا الحميمية منذ أن عرفتك الى غاية يوم الأمس موثقة في فيدوهات لطيفة جدا و كنت كلما اشتقت اليك اشاهدها
بلعت ريقها بخوف : م ..م ...ماذا تقول يا دانيال !!
اكمل دانيال بضحكة خبيثة : اه نسيت أن أقول لك ايضا ...أنا لا أثق بك أبدا لهذا أضفت إليهم فيديو جديد بالأمس و هو لحظة سرقتك للأسوارة و الذي بالمناسبة تظهرين فيه عار"ية تماما و ستسعد الشرطة الكندية كثيرا بهذا التسجيل و سيشاهده كل من في المركز مرارا و مرارا ..و من الممكن أن ينشر على مواقع التواصل و تصبحين ترند في خلال ساعات فقط ..
حنان بخوف : ماذا تقول يا دانيال !!!
دانيال بشر : أقول ان لم استعد اسوارتي و تجدين لي موعدا آخر مع أميرتي فسيصل فيديو السرقة الى الشرطة و الفيديوهات الجن'سية الى والدك و لا أعتقد أنه سيتقبلها بصدر رحب مهما كنتم متحررين فأنتم في النهاية عرب مسلمون و أمور الشرف لديكم صعبة جدا كما سمعت اليس كذلك ؟؟؟
حنان بخوف : حسنا حسنا ... سنعقد اتفاقا ... الاسوارة و أميرة ستكونان عندك اليوم و لكن ليس بعد ساعة ...امهلني بعض الوقت فقط لأتصرف...أعدك اني سأنجز المهمة و ما أن أنجح سأتصل عليك لتفعل اللازم
دانيال : اريد توضيحا اكثر ...فكما اخبرتك انا لا أثق بك عزيزتي
حنان : حسنا اسمعني جيدا ....
