رواية رغد ويونس زواج لم يكن في الحسبان الفصل الخامس 5 بقلم امل احمد
زواج لم يكن في الحسبان " الجزء الخامس
التفت يونس لمصدر الصوت وجد والدة قال : بابا عرفت منين إني هنا ؟
محمد: أنت فاكر يا ابني مش حاسس بيك ولا بوجعك على مراتك، أنا عارف انك مغصوب على جوازك من رغد بس الحياة يا ابني مش هتفضل على حالها لازم تتغير وتدي فرصة لقلبك وتعيش حياتك وتكون أسرة أنت لسة صغير
يونس : صغير يا بابا؟ أنا عندي 32سنه جوزتني عيلة وسكت ورضيت لكن مستحيل تشاركني حياتي وقلبي
محمد: رغد مش عيلة أوي الفرق بينكم تسع سنين بس ، مش بالسن يا ابني بالعقل
محمد : عشان خاطري وخاطر ابوها استحملها يرضيك صاحب عمري يلجأ ليا واكسر بخاطرة وموقفش جمبة
يونس بغضب: وانا ذنبي ايييه يا بابا
محمد: ذنبك أنك ابني أنا عملت لكدة لمصلحتك وعشانك قلبي موجوع عليك يا ابني وعلى حالك
يونس : انا كدة كويس ومرتاح
محمد: بس انا مش مرتاح أوعدني أنك هتشوف حياتك
يونس : انا آسف مقدرش لان وعد الحر دين مقدرش أوعدك بحاجة صعب اوفيها يا بابا
محمد بيأس: ربنا يصلح حالك يا ابني وطبطب على كتفة ووتركة وحل
يونس وهو يمسح بيده على قبر زوجتة قال: شايفة مستكترين عليا أعيش مع ذكرياتك بس متخافيش أنا هفضل زي ما أنا حبيبك ، وجوزك ملكك مش هسمح بشريكة تانية تاخدني منك ، خليهم يحلموا الحلم مش بفلوس ورغد استحالة تكون جزء من حياتي استحالة تعوض مكانك أستحالة اتقبلها كزوجة هي مجرد صورة خارجية للمجتمع مش اكتر
عند رغد وهي تبكي وتقول : أنا ايه اللي عملته ف نفسي دة إزاي كنت عامية بحب آسر وتسرح بذاكرتها مرة أخري
فلااااش بااااك
في مكان عام تجلس رغد بتوتر وأمامها آسر
آسر : مالك يا رغد مش على بعضك ليه
رغد: أصل اول مرة اخرج مع حد غريب واكدب على ماما
آسر : وضع مؤقت أوعدك كل حاجة هتبقي رسمي
رغد بنفاذ صبر : أمتي يا آسر بقالنا ست شهور على الوضع دة وكل لم افتح ليك موضوع هتخطبني امتي بتهرب مني
آسر : بس انا حاليا مش مستعد
رغد: يبقي نقطع علاقتنا لم تستعد أنا تعبت
آسر وهو يحاول أن يمسك يدها فبعدت رغد يدها عنه وقالت : أنت أتجننت عايز تمسك ايدي قدام الناس
آسر : وفيها ايه هي أول مرة وبعدين أنا هخطبك قريب مش أنا حبيبك يا رغد
" نعم عزيزي القارئ ف رغد هي ضحية شاب فاسد كاذب اكتسب قلبها باسم الحب والكلام الرومانسي الرائع الذي يذيب الروح والقلب، من أجل الحب والارتباط تنازلت عن الكثير وتعمقت ف تلك العلاقة التي ليس لها مسمى سوى لعبة وستدفع ثمن تنازلتيها قريباً "
رغد وهي لا تجد أي إجابة شعرت لوقت انها رخيصة ولكنها تجاهلت ذلك الاحساس لأنها كانت تثق بآسر ثقة عمياء ظنته رجلاً حقيقي هو حبيبها وبطلها .
آسرمقاطعا شرودها : معلش يا رغد عشان خاطري استحملي وانا وأول ما اكون جاهز هخطبك تأكدي أني مش هتخلى عنك أبدا ومش هسمح لحد ياخدك مني وتكوني لغيري
وبالفعل اقتنعت رغد الحمقاء بهذة الكلمات
بااااااك # يقطع سرحانها دخول يونس
فتنهض وتقول: يونس أنا ..... هو مقاطعا: بس ولا كلمة أنا جاي أقولك أن آسف على تصرفي معاكي بس مكنتش متوقع انك هتسأليني السؤال دة، أنا عارف يا رغد انك اتخدعتي ولسة خارجة من علاقة حب فاشلة وقلبك عايز اللي يداوية بس نصيحة ليكي أوعي تبادلي مشاعرك لحد لمجرد سد فراغ كدة هتبقي بتظلمي نفسك أولا والطرف التاني تخلصي من أثر العلاقة الأولي وبعدين افتحي قلبك مرة تانية يا رغد الحب تجربة مش شرط يكون للحبيب الاول ممكن يكون قلبك ملك التاني أو التالت بس اختاري صح وبعقلك الأول وبعدين القلب ،أنا عارف ان الحب زي الموت بيخبط على قلوبنا بدون استئذان بس الاحساس ديما بيكون إشارة لينا ممكن يكون آسر مكنش حبك الحقيقي وكانت ف إشارات بس انتي عاندتي واقنعتني نفسك أن آسر حب حياتك .
رغد بذهول واعجاب : كيف يعرف يونس كل ذلك دون أن تحكي له أي شئ هل تخبر يونس بسرها الذي تخفية عنه ولكنها لا تتوقع ردة فعله كيف ستكون
