رواية مشاكل عائلية الفصل الثالث 3 والاخير بقلم رحاب القاضي

رواية مشاكل عائلية الفصل الثالث 3 والاخير بقلم رحاب القاضي

_البارت الاخير

ــــــــــــــــــــــــــــــــــــــــ

_وقبل الفرح بشهر كان مالك عندهم برضو وفريال عماله تزعق وتقول..

فريال _

ما هو يا الشرط بتاعي يتنفذ يا كل واحد يروح لحاله..

مالك بغيظ _

دي مش طريقة تفاهم علي فكره..

فاروق بضيق _

اهدي يا ابني وهنلاقي حل ان شاء الله..

نور بحزن _

خلاص يا مالك وافق عشان خاطري...

مالك بحده رد عليهم وقال _

يا جماعه حد يفهمني من امتي العريس بيعيش بعد الجواز في بيت العروسه...

فريال ببرود قالتله _

عادي بتحصل كتير...

مالك بغيظ رد. عليها وقال _

وحتي لو بتحصل انا مش هوافق، انا عندي بيتي ومش ناقصه حاجه...

نور بقلق قالتله _

طيب ما الشقه اللي فوق جاهزه ومش ناقصها حاجه...

فريال بحده _

بقولك ايه انا حفيدتي مش هتسيبني خالص فاهم يا حلو انت ولا لا...

نور بحزن _

وافق يا مالك عشان خاطري انا...

فريال بخبث _

هه مش هيوافق، هو مش بيحبك عشان كنتو تسمعو كلامي، روحي يا نور هاتي الشبكه بتاعته من جوه وارميها ليه في وشه...

مالك بغيظ رد عليها وقال_

هوافق بس بشرط..

قاله فاروق بسرعه _

انت بس وافق علي انكم. تسكنو في الشقه اللي فوق واللي عايزه نعمله ليك...

نور بحماس _

انا موافقه من قبل ما تقول..

فريال بضيق _

وكمان هتتشرط علينا قول عايز ايه؟..

بصلها مالك بتحدي وقاال _

الفرح يبقي الخميس الجاي..

فريال بعصبيه قالت _

لا طبعا انا مش موافقه...

زعق فيها فاروق وقال _

خلاص بقي يا فريال الواد موافق علي كل حاجه طلبناها منه، وبصراحه كده انا كمان شايف ان ما مفيش داعي للتأجيل خير البر عاجله..

_سكتت فريال وهي ومالك كانو بيبصو لبعض بتحدي وغيظ...

ــــــــــــــــــــــــــــــــــــــــ

_عدي الاسبوع وجه فرح مالك ونور ودخلو شقتهم اللي كانت في بيت فاروق وكانو مبسوطين جدا...

مسك مالك ايدها وقالها _

ده اسعد يوم في حياتي...

سحبت نور ايدها منه وقالت _

مين البنت اللي جات وحضنتك في الفرح...

مالك بضيق رد عليها وقال _

امممم انا كنت عارف ان اليوم مش هيعدي كده، علي العموم دي علا كانت زميلتي في الجامعه وكمان شغاله في القسم اللي انا مديره في الشركه..

نور بغيظ _

وكمان معاك في الشغل، اقسم بالله يا مالك لو الموقف ده اتكرر تاني انا مش هخلي الدكتور يعرف يخيط فيك غرزه.

ضحك مالك وقالها _

ايه القمر ده متجوز ابراهيم الابيضه يا نااس..

نور بتوتر _

اوعي طيب كده هروح اغير هدومي واجيلك، متاكلش استناني نتعشي سواا..

مالك بفرحه كبيره _

حاضر يا قلبي مستنيكي..

_بعد شويه طلعت نور وكانت لابسه الروب بتاع الفرح ومكسوفه وقبل ما مالك يتكلم موبيلها رن، فقال مالك بضيق..

مالك _

ده مين الغلس اللي بيرن في وقت زي ده؟..

بصت نور للموبيل وقالت بقلق _

دي تيته...

مالك بغيظ _

ما انا قولت غلس..

نور بحده قالتله_

لم نفسك بقي، انا هرد اشوفها لتكون في حاجه..

ردت نور وقالت _

ايوه يا تيته يا حبيبتي..

فريال بصوت متألم قالت _

الحقيني يا نور تعبانه وشكلي هروح فيها..

جريت نور بسرعه علي بره وهي بتقول بخوف _

الحقني يا مالك تيته تعيانه جدا، تعالي بسرعه نشوف مالها...

لطم مالك علي وشه وقال بغيظ _

انا كنت عارف ان الوليه دي مش هتجيبها لبر...

_بعد شويه وقفو كلهم في اوضة فريال والدكتور بيكشف عليها وخلص، فسأله فاروق بقلق وقال..

فاروق _

مالها يا دكتور طمني عليها؟..

الدكتور بهدوء رد عليه وقاال _

الضغط واطي شويه والحجه بتدلع عليكم يا سيدي..

مسكت فريال ايد نور وقالت _

قلبي انا حاسه ان قلبيي هيقف..

مالك بغيظ قال _

ياريت..

بصو ليه كلهم بحده، فقال بسرعه _

بعد الشر يا تيته ما تقوليش علي نفسك. كده...

_مشي الدكتور ورجع فتروق ومالك جوه الاوضه لقيو فريال نايمه وعامله تعبانه جدا ونور قاعده خايفه عليها، اتنهد فاروق بضيق وهو عارف ان فريال بتعمل كده عشان تنكد علي مالك، فقال بحده لنور..

فاروق _

نور قومي يلا اطلعي مع جوزك شقتك وجدتك كويسه..

نور بقلق _

كويسه ايه بس يا جدو دي تعبانه جدا...

رد عليها مالك وقال بغيظ _

فاروق بيه معاه اهو يا نور لو حصلت حاجه بعد الشر هيقولنا...

فريال وهي بتمثل الحزن وقالت لنور _

روحي يا بنتي مع جوزك واتبسطي انا المهم اني شوفتك عشان لو مطلعش عليا صبح اكون شوفتك..

عيطت نور وقالت _

لا يا تيته انا مش هسيبك واللي يحصل يحصل...

مالك بغيظ قال _

ماشي يا نور انا طالع انام، ويارب ما يصبح صبح علي اللي في بالي..

_طلع مالك شقته بس ما نامش وكان قاعد في الصاله مدايق ومتعصب ان مراته يوم فرحهم تنام في مكان وهو ينام في مكان تاني، وتاني يوم الصبح طلعت نور ولقيت قاعد مدايق فقالتله..

نور بقلق _

ااا انت ما نمتش يا حبيبي؟..

رد عليها بحده وقال _

لا لا ده مش مهم، المهم الست فريال هانم احسن دلوقتي؟..

ردت عليه نور وقالت _

الحمد لله هي احسن بكتير دلوقتي..

وقف مالك وقال بحده _

طبعا لاوم تكون احسن من الاول، هي اصلا ما كانش فيها حاجه بس عملت الفيلم الهندي ده عشان تنكد عليا يوم فرحي..

نور ببكاء_

متقولش كده يا مالك هي كانت تعبانه بجد وانا خوقت عليها جدا ارجوك متزعلش حقك عليا...

اتنهد مابك بضيق وابتسم ليها وقال _

متعيطيش طيب انا مقدرش ازعل منك..

ــــــــــــــــــــــــــــــــــــــــ

_بعد كام يوم كان مالك ونور قاعدين في الصاله بيتفرجو علي التلفزيون وبياكلو فشار..

نور بفرحه كبيره _

دي احلي لحظه في حياتي اني قاعده في حضن جوزي وبتفرج علي فيلم رومانسي...

مالك وهو بيبوس راسها وقال _

ربنا يقدرني واخلي ايامك كلها سعاده يا حبيبتي..

_في الوقت ده اتفتح باب الشقه ودخلت فريال وهي ماسكه مفتاح الشقه بتاعتهم في ايدها وقالت بهدوؤ..

فريال _

تعالي خدي يا نور عليزه اخد رئيك في كام حاجه اشتريهم...

وقف مالك وزعق فيها وقال _

انتي ازاي تدخلي كده مش في باب تخبطي عليه، مش في ناس قاعده هنا وليها خصوصيه..

نور بقلق قالتله _

اهدي يا مالك هي بس تلاقيها مخدتش بالها...

فريال بحده قالت _

لا انا اخدت بالي كويس، بس ده بيتي وادخل وقت ما انا عايزه واللي عاجبه واللي مش عاجبه الباب يفوت جمل يغور في ستين داهيه...

بص مالك لنور وقال بحده_

شايفه اهو ده اللي انا كنت خايف منه..

فريال بعصبيه قالتله _

انت متوجلهاش كلام وكمان بتزعقلها قدامي...

ماللك عصبيه لنور ـ

انا فعلا استاهل اكتر من كده لو قعدت هنا تاني، ولو عايزاني يا نور انتي عارفه بيت جوزك فين ابقي تعالي..

نور ببكاء _

استني بس يا مالك انت رايح فين..

زعق فيها مالك وقال _

رايح اغير هدومي وغاير في ستين داهيه..

شدته فريال من دراعه ورمته في بره الشقه وقالت بعصبيه..

فريال _

انا تزعق في بنت ابني قدامي اطلع بره وباللي انت لابسه البجامه والفنله الحملات ومن غير ولا قرش ولا موبيلك حتي عشان تعرف تزعقلها كويس...

مالك بغيظ _

يا وليه اطلع فين بالليل كده ده احنا داخلين علي الفجر..

فريال بحده _

وانا مالي مش عامل فيها ديك رومي وعمال تزعق...

مالك بغيظ _

يا نور ما تشوفي جدتك بقي...

رفعت فريال العكاز بتاعها عليه وقالت بحده _

وكمان بتعلي صوتك تاني عليها قدامي بررررره...

_قفلت فريال الباب في وشه ومشي مالك اخد تاكسي وراح لبيت باباه، ونور فضلت تعيط وزعلانه...

ــــــــــــــــــــــــــــــــــــــــ

_تاني يوم راحت نور الشركه عشان تصالح مالك واول ما دخلت المكتب لقيت علا اللي شغاله معاه قاعده معاه وبيضحكو، قام مالك بسرعه وقال..

مالك _

نور انتي ما قولتيش انك. جايه..

نور ببكاء _

لا كمل ضحك مع الهانم انا غلطانه اني كنت شايله همك ، طلقني يا مالك..

_قالت نور كلامها ومشيت ومالك اخد موبيله ومفاتيح عربيته ومشي وراها، وبعد شويه كانت نور قاعده بتعيط في حضن جدتها...

فريال بخبث _

انا اللي غلطانه اني قولتلك تروحي تصالحيه وتقوليلو انك هتقعدي معاه..

نور ببكاء _

كانو قاعدين جنب بعض وبيضحكو وانا هنا بعيط وفكراه زعلان..

_قبل ما ترد. عليها فريال الباب خبط، فقالتلها فريال بخبث..

فريال _

ده تلاقيه هو ادخلي جوه وانا هخلص الموضوع ده خالص..

_دخلت نور اوضتها وهي حزينه، وقامت فريال وفتحت الباب وكان مالك ومعاه فاروق، ودخلو جوه وقالت فريال...

فريال بخبث _

نكلم الماذون عشان تطلق...

رد. عليها مالك ببرود وسالها _

قوليلي يا تيته هي البيضه جات الاول ولا الفرخه؟..

فريال بعدم فهم _

قصدك ايه بعني..

مالك بحده _

السؤال ده احتار فيه كل علماء الارض لما يلاقولو اجابه بقي ابقي اطلق نور...

اتغاظت فريال وطلعت نور وقالتله بحده _

بس انا مش عايزاك وعايزه اطلق...

مالك بهدوء رد عليها وقال _

بس يا نور واهدي واعقلي وادخلي هاتي حاجتك عشان نروح بيتنا..

نور بحده _

مش هروح معاك مكان انت خونتني..

فاروق بحده قال _

جدتك هي السبب..

اتصدمت نور وخافت فريال وقالت_

ايه اللي بتقوله ده يا فاروق..

رد. فاروق وقال _

امبارح سمعتك بتكلمي وحده اسمها علا واتفقتي معاها انها تقرب من واحد وانا ما كنتش فاهم حاجه ولما سالتك قولتي دي صحبتك وجوزها بتصالحيهم، وطلعتي متفقه مع علا انها تقرب من مالك وانتي تبعتي نور في الوقت ده هناك وتحصل مشكله، بقي هان عليكي تخربي بيتهم وهما لسه عرسان جداد...

نور بعدم تصديق _

انتي يا تيته تعملي كده، وبعدين مالك كمان غلطان استجاب ليها وكان بيضحك...

وقف مالك وقالها بحزن _

كنت مدايق وهي جات فكرتني بكام موقف في الجامعه ضحكوني واللحظه اللي قعدت فيها جنبي اللي دخلتي فيها انتي، هما مرتبينها سوا..

فريال يحده ودموع_

انا عايزه حفيدتي ما تسبنيش..

نور ببكاء _

وانا ما كنتش هسيبك وكنت ديما هختارك. انتي، بس بعد اللي حصل انا اسفه هختار جوزي يا تيته وهروح معاه مكان ما هو عايز..

مالك بفرحه كبيره _

واخيرا ده انا ريقي نشف خلاص..

فريال ببكاء _

وانا هتسبوني لوحدي..

فاروق بهزار _

لو عايزه حد يونسك انا ممكن اتجوز عادي واجيبلك وحده تونسك...

ضربته فريال علي كتفه وقعد مالك جنبيها وقال _

رغم انك. مطلعه عيني من يوم ما حبيت نور، بس متخفيش هجيبهالك كل يوم تشوفيها وكمان هخليها تبات عندك يوم في الاسبوع..

فريال بحده _

طيب اوعي كده من جنبي انا مش بطيقك، وبعدين متزعلوش خلاص انا عملت كده عشان خايفه ابقي لوحدي..

قعدت نور جنبيها وقالت _

انا مش هسيبك وهاجي ازورك علي طول..

_حضنتها فريال، وبصت لمالك بحده وبعدين ابتسمت وحضنته هو كمان مع نور...

_وبكدا تكون خلصت حكايتنا

تعديل المقال