رواية المستحيل تحقق الفصل الثالث 3 بقلم زهرة عصام
البارت 3 المستحيل... تحقق_ بقلم/زهرة
بسم الله الرحمن الرحيم 
تحية بغضب قلت مفيش حضانة و لا قلم و لا كراسة و غوري من وشي يلا
تحية يووووه انتي شكلك مش عاوزة تتعلمي الادب انا هعلمك الادب
و دخلت المطبخ و جابت معلقة و سخنيتها علي النار و راحت ل روان
تحية قولتيلي بقي عاوزة اي
روان بخوف عاوزه الوح الحضانه
تحية انا بقي هخليكي تقولي حضانة تاني و مسكت المعلقة و لسعتها في رجليها
روان اااااااه خلاث مس عاوزة الوح خلاث
(خلاص مش عاوزة اروح خلاص)
تحية عارفة أن سمعتك بتقولي حضانة تاني هعمل فيكي اي
روان و هي و تاخذ أنفاسها بصعوبة من كثرة البكاء و الخوف في آن واحد
لا مس عاوزه الوح مس هتول حضانة تاني
(لا مش عاوزة اروح مش هقول حضانة تاني)
تحية ايوه كدا يلا غوري من وشي حرقتي دمي يا بعيدة
جريت روان خرجت راحت علي اوضيتها و قعدت تعيط لحد ما نامت
باااك
نزلت دموع روان مجددا هتعلم بس انتوا الي هتشيلوا زنبي في الآخر
و قالت بتصميم هيجي يوم و هبقي فيه مثال لكل ست و هتعلم حتي لو آخر يوم في عمري
مش انتوا ختوها عند ثم مسحت دموعها انا بقي اعند منكم مهي جينات بقي هههههههه
وجت تقوم وقعت علي الأرض من كتر الم جسمها
روان ااااه الهي نتشكوا انتوا الاتنين في اديكم
استغفر الله العظيم دول اهلي برضوا مهما عملوا
يا رب قدرني يا رب و قامت تاني و دخلت الاوضة نامت من كتر تعبها النفسي قبل الجسدي
******
تاني يوم الصبح
تحية انتي يا زفتة قومي روحي هاتي العيش
روان حاضر
روان اخدت الفلوس و راحت تجيب العيش بس و هي ماشية كل اما عيل يشوفها يقعد يضحك عليها
روان بيضحكوا علي اي دول يلا اروح اجيب العيش و اروح علي طول
بس برضوا كل ما تشوف حد يبصلها منهم نظرت شفقة و منهم نظرت شماتة و منهم نظره عاديه بس كلهم بيضحكوا
روان محطيتش في بالها و راحت تقف في طبور العيش
خلاص جه دورها و هتدخل تجيب العيش عشان و تروح بسرعة عشان متاخدش علقه علي التاخير جت واحده تخينه و زقت روان و قالت
السيده روحي يا بت انتي من هنا انا الي هاخد الاول
روان بس دا دوري يا طنط مينفعش كدا
السيده بشهقة معنش غيرك يا جاهلة يا بنت الجاهلة الي هيعيب عليا غوري من وشي و هتقفي في آخر الطابور دا لحسن اموتك هنا
روان برضو مينفعش حضرتك كدا هي مش سايبه ترضي اجي اخد دورك و امشي قبلك
السيده ابقي اعمليها يا جاهلة عشان يبقي آخر يوم في عمرك
مش كفاية جاهلة لا و كمان عاوزه تمشينا علي مزاجها
كل الي كان واقف ستات و رحالة فضلوا يضحكوا من غير ما حد يدخل أو يتهزلزا جفن
رجعت روان الي اخر الصف و هي تكتم دموعها في نفسها
*****
جت سميحة وقفت ورا الست الي كانت بتبهدل روان
سميحة جدعة يا وزه برافوا عليكي
وزه خدامتك يا سموحة
سمعت امل كلامهم
امل بقي انتي يا سميحة الي ورا كل دا طب والله لوريكي
كانت امل دورها في الصف قبل دور وزه و سميحة المتكادة
امل بصوت عالي سمعوه الرجالة قبل الستات
روااان يا رواااان
روان نعم يا طنط امل
امل تعالي يا حبيبتي خدي روري انا مش عاوزة العيش النهاردة
فرحت روان و راحت عند امل عشان تقف مكانها
وزه نعم يختي بقي انتي هنخلي الجاهلة دي تاخد قبلي لا استوب بقي دا انا اولع فيكم سوا
امل تولعي في مين يا ولية يا الي مشافتش بربع جنية تربية جاية تتشطري علي عيلة قد احفادك
وزه متدخليش انتي يا ست امل انا مش عاوزة مشاكل معاكي
امل انا بقي عاوزه مشاكل معاكي عملتلك اي البت الصغيرة دي وألا انتي البق و بصت علي سميعة الكيادة و الباقي الدماغ
وزه بردح نعم يختي لا بقولك اي دا انا اجيبك من شعرك هنا و لا يهمني حد
امل طب يلا بقي اعمليها عشان بدل قضية سب و قذف طفلة تبقي قضيتين و لعلمك بقي روان هتقف في دورها و انتي الي هتروحي اخر الصف
سميحة خلاص يا جماعة ما كفاية بقي يا امل و بعدين مالك محموقة كدا ليه للبنت الجاهلة دي
روان خلاص يا طنط امل هروح اقف في اخر الصف و بلاش مشاكل
امل خدي هنا يا بت
روان نعم يا طنط
امل اي واحده او واحد في الحي العره دا يجي تحيتك بشبشبك و انزلي بيه علي دماغة امه
ثم نظرت إلي وزه و سميحة إذا كان كبير او صغير انتي هنا مش اقل من اي حد بالعكس انتي احلي منهم كلهم في الشكل و الطبع
سميحة و بالنسبة لحتت الجهل دي نسيتها
ضحك كل الي كان واقف
بصت امل ليهم و قالت الجهل مش فيها هي الجهل فيكم انتم يا الي يتسلموا ودانكم لواحده زي دي ثم أشارت علي سميحة
الي كلنا عارفين انها مبتحبش تهاني لي بقي عشان احلي منها في الشكل و سمعتها انضف منها بكتير
سميحة لا عندك بقي هي مين الي سمعتها انضف مني الجاهلة
امل علي الاقل الجاهلة دي ماشية بلبس محتشم مش زي المتعلمين الي واحده ماشية و نص شعرها باين و التانية ماشية و العباية مبينه جسمها كلة
خرسوا هما الاتنين و معرفوش يقولوا اي
امل يلا يا روان ادخلي يا حبيبتي هاتي العيش و تعالي يلا هنروح سوا
روان حاضر يا طنط
دخلت روان جابت العيش و خرجت راحت مع امل
امل لي يا روان لما حد يقولك انتي جاهلة مبترديش عليه
روان عشان هما عندهم حق يا طنط و بعدين هرد اقول اي
امل وقفت و قالت تردي عليهم تقولي ليهم الجاهلة دي احسن منك و من عيلتك كلها الي مشافتش ساعتين رباية
روان تفتكري هيسبوني في حالي بعد الكلمتين دول
امل اي حد يقرب منك شبشبك الي في رجلك دا و تنزلي علي دماغ الي خلفوه بيه متخلكيش ضعيفة كدا
خليكي قوية و مهما كان لازم يكون ليكي حلم تسعي وراه و الحلم دا الي هيخليكي تقفي و تعدي قدام الكل
قوليلي ماما قالتلك اي لما قولتلها عاوزه اروح المدرسة
روان مين قالك اني قلتلها
امل بسمة قالتلي انك عاوزه تروحي المدرسة و نهي بنت سميحة الكيادة دي شتمتك و خليتك تعيطي
روان عيطت في اللحظة دي و قالت اول ما قلتلها اني عاوزة اروح المدرسة زعقتلي جامد و لما رحت قولت لبابا نزل فوقي ضرب بالحزام
و بعدين حت هي و كملت عليا و مش بس كدا دا قبل كدا قلتلها عاوزه اروح الحضانة و انا صغيرة لسعتني بالمعلقة في رجلي
نظرت امل لها بشفقة و قالت روان انتي عاوزه تتعلمي
روان بلهفة ايوه يا طنط اي هتكلمي ماما تخليها توديني المدرسة
امل بخبث لا احنا لو قولنالها مش هترضي احنا هنعمل
*****
تستطيع تعليم البشر كل شي ماعدا الاحساس....
فولتير...
يتبع...
الريتش بقي في النازل خالص اي يجماعة الرواية وحشة 
أوقفها يعني
أوقفها يعني