رواية دار الايتام الفصل الثاني 2 بقلم شهد احمد

رواية دار الايتام الفصل الثاني 2 بقلم شهد احمد

وبعد ما ام حمزه مشيت ليندا فضلت تعيط وتقول إنه مش ذنبها أنها اتربت من غير أهل ومتعرفش حاجه عن أهلها وأنه ليه الدنيا قاسيه معاها كده وأنه حتي الشخص اللي بتحبه وعايزاه أمه عايزه تفرق ما بينهم وأنه مفيش فرحه بتكمل معاها

ام حمزه. مشيت ورجعت البيت واول ما وصلت حصل أنها لقت حمزه في وشها وبيقول انتي اي اللي خلاكي تروحي عند ليندا ي ماما

ام حمزه. هيا السنيوره لحقت تتصل عليك وتقولك أن امك جات عندي

حمزه. محصلش ي امي ليندا مش قالتلي حاجه ولا اتصلت بيا

ام حمزه. اومال عرفت ازاي اني روحت

حمزه. شوفتك بعيوني ي امي لاني كنت عندها قبل ما انتي تاجي بس من حظي اني نسيت ورق مهم عندها ورجعت علشان اخده بس لقيتك عندها ف مرضتش اروح اخده انتي اي اللي خلاكي تروحي عندها

ام حمزه. بعصبيه ايوه روحت علشان اقول ليها انها تبعد عنك لاني مش هقبل بيها تكون مراتك وجيت علشان اديها فلوس علشان تمشي من هنا ومترجعش بس هيا رفضت أنها تاخد الفلوس عامله فيها وحده محترمه وهيا تلاقيها متقربه منك بس علشان فلوسك وعايزه زياده ولا تلاقيها عايزه حاجه اكتر من كده بس مستنيه الوقت المناسب

حمزه. بعصبيه حتي لو هيا بعدت عني انا مش هبعد لاني متعلق بيها وبعشها وانا واثق من ليندا انها بنت محترمه وانا بتحبني لنفسي وبس مش علشان حاجه تاني وهياجي الوقت اللي انتي تقتنعي فيه أن ليندا بنت كويسه ومحترمه

ام حمزه. هنشوف ي حمزه مين فينا اللي هيكون علي حق وسابته ومشيت

حمزه. انتي ليه ي امي مش مقتنعه أنه الواحد هو اللي بيعمل نفسه مش الأهل ولا الصحاب ولا اي حد ما الواحد جايز يكون عنده عائله بس يكون شخص مش كويس ومش محترم وهيا ذنبها اي انها لاقت نفسها في دار ايتام وبدون عائلة وقام علشان يتصل بيها بس هيا مش بترد

حمزه. ردي بقا ي ليندا عليا ردي وفضل يتصل بس هيا مش بترد عند

ليندا. عايزه مني اي ي حمزه ابعد عني بقا ومتوجعش قلبي وقلبك بقا سبني في حالي انا هعيش واموت لوحدي بدون ما يكون عندي أهل ولا حبيب ولا قريب ولا حتي يكون عندي ولد اربيه لانه مفيش حد هيقبل بوحده زييي وفضلت تعيط وفجاه لقت جرس الباب بيرن قامت فتحت ولقت حمزه

ليندا. كانت هتقفل الباب بس حمزه منعها

حمزه. استني انتي لي بتعملي كده لي عايزه تبعدي عني اي هتتخلي عني بس علشان امي طلبت منك انك تبعدي عني هو ده الحب وانك بتحبيني يعني انا متمسك بيكي وانت عايز تبعيني وتتخلي عني

ليندا. اه ي حمزه ابعد عني أنا اه بحبك بس امك اهم مني روح ليها ومتخسرهاش يلا امشي ومتجيش هنا تاني

حمزه. بعصبية لو فكره انك لما تبعديني عنك انا هبعد تبقي غلطانه انا لو بموت مش هبعد عنك افهمي الكلام ده كويس تمام وقولتلك قبل كده مش هتكوني غير ليا انا وهقنع امي وهتجوزك واخد الورق بتاعه ومشي

ونزل من عندها وهو متعصب وراح علي شغله حمزه شغال محامي وهو بيشتغل مكنش مركز وكان بيفكر في كلام ليندا وأمه وأنه ازاي يقنع أمه أنه يتجوز ليندا ودخل عليه صاحبه زين

زين. كنت فين ي صاحبي ومختفي فين احنا عندنا قضيه مهمه اووي ولازم نحلها مع بعض

حمزه. انا عندي قضيه اصعب من اي قضيه تانيه ي زين وفيها حياتي

زين. مالك ي صحبي احكيلي ونحلها مع بعض

حمزه. بدء يقول ل زين عن ليندا وأنه أمه رفضه أن ليندا تكون مرات حمزه وأنها مش هترضا أن بنت من دار ايتام تكون مرات ابنها

زين. طيب اهدا ي صحبي وهنحلها مع بعض الاول تعال نركز على القضيه دي الان المحكمه بكره ومفيش وقت وبعدها وعد مني الاقي حل وهخليك تتجوز حببتك وامك توافق

حمزه. بجد ي زين هتساعدني

زين. بجد ي حمزه يلا نشوف القضيه دي

حمزه. خود بص كده الورق ده اكيد هيفيد في القضية

زين. اخد الورق وقراه وفعلا لقي حل

وهيا قضيه قت،،ل وصاحبها بكره هيطلع برااءه

حمزه. ان شاء الله ي صحبي

وتاني يوم حمزه وزين راحوا المحكمه واترفعوا عن صاحب القضيه وطلعوا براااءه .

وفي الوقت ده ليندا كانت في الشركه اللي بتشتغل فيها مترجمه

وبعد المحكمه زين ،،، حمزه راحوا قعدوا في كافيه

زين. انا فكرت في موضوعك وعندي فكره بس ممكن تكون خطيره وكمان هنحتاج مساعده وكده

حمزه. قولي ي صحبي مش مهم تكون خطيره المهم تجيب نتيجه واقدر اني اتجوز ليندا وامي تقتنع بيها

زين. طيب اسمع وقاله أنه انت هتعمل حادثه بالعربيه بس هتكون مترتبه ومش حقيقيه وبعدين هننقلك علي المستشفى وهنكون متفقين مع الدكتور وهنخليه يقول انك مش هتقدر انك تمشي علي رجليك تاني وهنخلي الموضوع يوصل لل الصحافه أن المحامي المشهور حمزه عمل حادث سير خطير وبكدا الخبر هيوصل ل ليندا واكيد لما تلاقي كده هتاجي جري علي المستشفى علشان تطمن عليك وانت هتقول كلام يستفذها زي انك مش هتقدر تمشي تاني وانك خلاص عجزت وأنه مين اللي هتقبل ب واحد عاجز ومش هيمشي تاني والكلام ده هيكون قدام امك وبكده حتي تشوف قد اي ليندا بتحبك لو وافقت انها تتجوزك وانت بالحاله دي وامك هتقتنع وهتشوفها بنت كويسه وأنها هتقف جانبك وهضحي علشان تكون معاك ولو رفضت ي صاحبي انها تكون معاك ف اكيد هيا مش بتحبك وامك معاها حق هااااة قولت اي

حمزه. انا موافق ي زين بكره ننفذ وانهارده روح وظبط كل حاجه

زين. تمام اتفقنا ومتقلقش انا مستحيل اسمح أنه يحصل ليك حاجه

حمزه. وانا واثق فيك ي صحبي

زين. تمام هروح اضبط كل حاجه وانت روح واتعامل عادي وطبيعي

حمزه. تمام وكل واحد فيهم روح بيته

ام حمزه. اهلا ي ابني ثواني والأكل يكون جاهز

حمزه. تمام

عند ليندا. كانت قاعده مع صحبتها فريده بعد الشغل وحكت ليها علي موضوعها هيا وحمزه

وفريده. قالت ل ليندا انها غلطانه بتفكيرها انها تبعد عن حمزه طالما هو بيحبها وهيا بتحبه

ليندا. هعمل ايه ي فريده مقدرش افضل قريبه منه وامه مش موافقه ومش عايزاه يخسر أمه بسببي أو يحصل مشاكل انا اكتر واحده عارفه قيمه الام والأهل ومحدش هيفهم ده غيري وهيا من حقهما تختار مرات ابنها وأنه يكون عندها عائله تناسبها وتكون فخوره أن مرات ابنها عندها عائله ومحدش يقول ليها انها جابت وحده من الشارع وعملتها مرات ابنها هيكون فيها احراج ليها وليه وانا هقعد اعيط علي كلامهم ومش هبقا واثقه في نفسي وهيقعدوا يتكلموا عليا ولو فيه تجمع ولا حاجه محدش ينظر ليا نظره وحشه ولا شفقه ولا يقولوا هيا دي البنت اللي اتجوزها ي خساره دي خساره فيه دي بنت من الشارع ومعندهاش أهل

فريده. انا اهلك ي حبيبتي واهلي هما اهلك وتفكيرك غلط انتي بنت كويسه وانتي عائله نفسك لو وحده مكانك مكنتش قدرت أنها تعمل اللي انتي عاملتيه واللي وصلتي ليه انتي بنت عاقله ومثقفه وشغاله في شركه حلوه وليكي مستقبل حلو وعايشه وبتصرفي علي نفسك ومتحمله مسؤوليه نفسك ودي حاجه كويسه دلوقتي الأبناء بيعتمدوا علي اهلهم وقليل اللي بيعمل اللي انتي عملتيه ويعتمد على نفسه انتي بنتي قويه وشجاعه وبالرغم من انك لوحدك عارفه تحافظي علي نفسك كويس في مجتمع عايز فيه القوي مش اللي الضعيف

ليندا. تسلميلي ي فريده علي كلامك انا فعلا بنت قويه وشجاعه تسلمي علي وقفتك معايا

فريده. ي حبيبتي انتي اختي ومتفكريش كتير وادي ل حمزه فرصه أنه يقنع أمه

ليندا. حاضر ي فريده وبعدها كل واحده روحت بيتها

عند زين. كان ظبط كل حاجه واتصل وبلغ حمزه

وحمزه. كان خلص اكل وقاعد شغال علي قضيه جديده

ليندا. روحت اكلت ونامت علشان كانت تعبانه

تاني يوم وليندا في الشغل شافت خبر عاجل المحامي المشهور حمزه عمل حادث سير

وكانت صدمه علي ليندا

الثالث من هان

تعديل المقال