رواية خطوة عزيزه الفصل الثاني 2 بقلم هيام ختعن

رواية خطوة عزيزه الفصل الثاني 2 بقلم هيام ختعن

الحلقه (2)

يسر.: طيب خليكي في مسلسلاتك وهاتي رقم معتز

عزيزه.: لا يافالحه سيبي انتي رقمك وانا ابقي اخليه يكلمك

وكتبت يسر رقمها لعزيزه في ورقه ومشت وناديت ام عزوز ع عزيزه عشان تطلع لها شقه معتز وفعلا طلعت وكانت اول مره تدخل شقته ومعتز شغال فتوغرفر وكانت الشقه كلها صور واكتر الصور كانت بنات

عزيزه : واقفه قدام صوره لبنت وحاطت ايد في جنبها وايدها التانيه ع دقنها وكانت بتبص للصوره وبتقول ماطلعش سهل معتز دا كل دي بنات يعرفها بس البنات دي حلوه اوي ياخيبتك ي معتز ماشي مع دول كلهم مش حرام عليك كسر قلوب البونيات الغلابه دول وبتبص للصوره اضحكي ي هبله اضحكي بكره تعيطي لما يكسر قلبك ويسيبك انتي لو جيتي البيت وشوفتي صور البنات اللي مصاحبهم والنبي ما هتكملي دقيقه معاه

وفي الوقت دا جاه معتز وكان سامع كلام عزيزه للصوره ومره واحده اتكلم وهي اتخضت

معتز.: بتعملي اي هنا

عزيزه.: بخضه يالهوي عليك خضتني حد يدخل ع حد كده من غير ما يدي اي صوت

معتز.: معلش نسيت استاذن اني ادخل بيتي

عزيزه.: بصوت غير مسموع انا قولت انك قليل الزوق مش عارفه البنات دي كلها مصحباك ع اي

معتز.: بتقولي اي

عزيزه.: مش بقول حاجه في بنت جات سالت عليك

معتز.: مين

عزيزه.: اسمها عسر

معتز.: مين

عزيزه.: استني اديك الورقه اللي فيها الرقم

ومدت ايدها في صدرها طلعت مخله بحبل وطلعت منها الورقه وهو كان باصص للمخله ومتنح

عزيزه.: امسك الورقه اهي

معتز.: هاتي ويلا شوفي انتي وراكي اي

عزيزه.: مش لما اعرف الاول مين دي

معتز.: وانتي مالك

عزيزه.: انا ماعنديش استعداد حد يورطني في قضايا واروح اقسام

معتز.: بيبص لها ومتعصب بت روحي شوفي وراكي اي وانزلي من ع وداني بدال..

عزيزه.: حط ادهاالاتنين في جنبها وبرقت له وبتجز ع سنانها كمل ي معتز بيه

معتز.: لنفسه اهدا ي معتز ماتتعصبش وبص لها يلا انزلي ي عزيزه شوفي شغلك

ونزلت عزيزه وسابته وكان فضولها قاتلها انها تعرف مين البنت دي وحكايه كل البنات اللي في الصور

عزيزه.: بتخبط باديها ع دماغها يالهووي ي عزيزه عليكي نسيتي تساليه عن كل البنات اللي في الصور اي حكايتهم يلا لما اشوفه تاني ابقي اساله وانصحه واقوله ان بنات الناس مش لعبه

وفي الوقت دا كان في نقاش بين ناجي والمحامي

ناجي.: اللي بيحصل دا اسمه استهبال

المحامي: دي الوصيه اللي والدك كاتبها هو وشريكه

ناجي.: بعصبيه انت فاهم هو كاتب اي اني لازم اتجوز البنت دي وانا اصلا ماعرفهاش ولا عمري شوفتها دا بيدمر لي حياتي ولو رفضت اعمل كده كل حاجه تروح لدار ايتام وانا ابقي فاضي ماعنديش حاجه

المحامي.: انا بدات ادور ه البنت وروحت البلد بتاعتهم في العنوان اللي كاتبينه اهل البلد قالو انهم سابو البلد وماحدش عارف هما فين ومامتها بتروح كل فتره البيت وسيبت رقمي اول ما تروح حيكلموني

ناجي.: بعصبيه وبيشاور ع نفسه انا ناجي امجد يحصل في كل دا وينجبر ع جواز من واحدها مايعرفش حتي شكلها

المحامي.: اهدي يا ناجي بيه ممكن تطلع كويسه

ناجي.: اطلع بره وسيبني لوحدي

وطلع المحامي وسابه وهو كان زي البركان بيكسر كل حاجه حوليه وفي الوقت دا جات ياسمين صحبته واول ما فتحت الباب لاقيته بيحدف الفازه اللي كانت ع المكتب وجات قدام رجليها

ياسمين.: في اي ي ناجي مالك

ناجي: رفع راسه ليها وبص لها ابويا كاتب وصيه اني اتجوز واحده ماعرفهاش ياما كل حاجه تروح دار ايتام

ياسمين.: قربت منه وحطت ايديها ع كتفه ك

طيب اهدي اكيد هنلاقي حل

ناجي حاوطه وسطها باديه وقرب منها وباسها

وفي الوقت دا كان عوض قاعد واول ماشاف فوزيه قام وضحك لها

فوزيه.: بابتسامه عامل اي ي عوض

عوض: الحمد لله بخير طول ماانتي بخير

فوزيه.: مدت ايديها بكارت دعوه دا كارت دعوه لخطوبتي انا وسيد قولت لازم اعزمك

عوض : مد ايديه ليها واخد الكارت وكان حزين وبصوت مكسور مبروك ي فوزيه

ومشت فوزيه وسابته وهو قعد ع الكرسي وكان بيبص للكارت وبيكلم نفسه

عوض.: ي حظك القليل ي عوض البت اللي حبيتها بقت لحد غيرك وانت هتفضل طول عمرك لوحدك وقلبك مكسور حتي الكلبه اللي ربتها غدرت بيك وهربت ماستحملتش العيشه معاك تبقي فوزيه هتستحمل

وفي الوقت دا جات عزيزه

عزيزه.: مالك ي عوض مين مات

عوض.: فوزيه

عزيزه.: بتخبط ع صدرها ي مصيبتي امتي دي لسه عطياني كارت الخطوبه مالحتش تفرح

عوض.: ماانا قصدي ع الكارت اللي كسرت بيه قلبي

عزيزه.؛ ماانت عارف انها بتحب سيد وهو بيحبها

عوض.: بس كان عندي امل ي بت عمي انها تسيبه وتبقي معايا بس الامل مات وادفن خلاص

عزيزه.: ماانا قولت للك ي عوض انت مهزا انك بتحب واحده مرتبطه وانك لو ابن عمي كنت اتبريت منك

عوض.: عارفه ي عزيزه كانها جابت سكينه وغرزتها في قلبي انا حظي قليل اوي في الدنيا قبل ما اجي هنا كنت مربي كلبه وسابتني وهربت

عزيزه.: هربت لي ي عوض الكلاب معروفه انها وفيه لصحابها

عوض.: كنت مراعيه وباكلها واجبه واحده في اليوم

عزيزه.: لي ي عوض كنت بتوفر

عوض.: لا كنت بعملها رجيم عشان صحتها

عزيزه: كان لازم تهرب ي عوض هو في كلبه بيتعمل لها رجيم

عوض.: يلا بقي ي بت عمي انا هقوم اتمشي شويه واخرج من جو الحزن واشوف اعمل اي عشان اخلي فوزيه تندم عليا

وقام عوض وكانت عزيزه قاعده زعلانه انه حزين ع فوزيه وانه مش حاسس بيها ولا بحبها لي وكانت بتفكر تعمل اي عشان تقرب منه وتخليه يحبها

ياسمين: يعني خلاص هتبقي راجل مستقر بيبت وعيال

ناحي.: وهو واخدها في حضنه بلاش رخامه وهزار انتي عارفه اني ماليش في جو الالتزام انا بحب اعيش حياتي كده انبسط وبس

ياسمين.: افرض البنت دي رفضت انك تعيش حياتك

ناجي.: قام مره واحده وبعصبيه مش هنخلص من السيره دي جاي انبسط معاكي وانسي اللي ابويا عمله معايا انتي بتفكريني انا ماشي

ياسمين.: لا خلاص حقك عليا هسكت

ناجي.: لا قفلتيني منك

ولبس ناجي وساب ياسمين ونزل راح البيت ودخل ع اوضه واخد شور وطلع وقف قدام المرايا وكان بيكلم نفسه

ناجي.: انت تعمل فيا كده ياامجد ماشي انا هخليها تندم ع اليوم اللي هتتجوزني فيه بس الاقيها

وفي الوقت دا خبطت مامته وسمح لها انها تدخل

نهي.: مالك

ناجي.: شوفتي الوصيه اللي جوزك كاتبها

نهي.: هو كان نفسه انك تتجوز وتستقر قبل مايموت فكتب كده

ناجي.: انتي كنتي عارفه

نهي.: ايوه انت بقي عندك 30 سنه ومقدرتك انك تتجوز وانت رافض وحياتك كلها عبارة عن شرب وبنات يمكن لما تتجوز حالك ينصلح وتفوق من اللي انت في

ناجي.: بعصبيه انا حر في حياتي انتو مالكم بيا انا مبسوط كده انا مش بحب الالتزام

نهي.: ي بني انا نفسي افرح بيك واشيل ولادك قبل ما اموت

ناجي.: بعصبيه اطلعي بره وسبيني لوحدي

وفي الوقت دا كانت عزيزه قاعده سرحانه

عزيزه : لي محدش بيحبيني ويعجب بيا انا حلوه وروحي كمان حلوه مش بيقول ان الجمال جمال الروح مش جمال الشكل الله يسامح يا بابا زي ماكنت بخيل عليا وحارمنا من حاجات كتير وخلتنا نلجي اللشغل والبهدله والناس تعطف علينا انا وامي انا كان نفسي اعيش في مجتمع حلو والبس زي البنات بدل الجلبيه اللي بلبسها بداره فيها بس ربنا كبير وهيراضيني

وفاقت ع صوت امها

ام عزوز.: مالك

عزيزه.: بتمسح دموعه وبتبص لامها انا بحب عوض اوي يااما ونفسي يحس بيا

ام عزوز.: بلاش تعلقي قلبك بحد ي عزيزه عشان ماتتوجعيش خلي قلبك متعلق بربك وبس هو الحنين عليكي وهيعوضك وهيراضيكي

عزيزه.: هو انا وحشه يااما عشان مااتحبش

ام عزوز.: انتي ست البنات وانتي حاجه غاليه اوي ي بت ماهو الغالي الناس الحلوه بس اللي بتجيله اما الرخيص ي بنتي بيقي الكل ملموم عليه

عزيزه.: ودموعها نازله انا نفسي احب واعيش زي البنات

ام عزوز.: هتحبي وهتعيشي وهتبقي اسعد الناس بس خلي عندك يقين وثقه في ربنا انه هيراضيكي

وفي الوقت دا جاه عوض وعزيزه وام عزوز كانو متنحين

الثالث من هنا

تعديل المقال