رواية ملك واحمد الفصل الثاني 2 بقلم ملك يسري
صحيت تاني يوم وانا حاسة بنشاط مش طبيعى قومت صليت وخرجت بدأت احضر ليهم الفطار لان محدش كان صحى فيهم
_ڪ العادة واقفة وبغنى اغنية ل فنانى المفضل
*وبعدين ي فنانه.
بصيت ورايا كان احمد واقف وساند جسمه على باب المطبخ وبيبصلى.
ملك بتوتر: انت صاحي بدري ليه.
احمد وبدأ ياكل ف الاكل: سلامه النظر هو الساعة 4 دى بقت بدرى.
ملك بصدمة: 4 ازاى ف فونى الساعة 8 الصبح.
احمد قعد يضحك: اصلا بقا.
ملك: طب ازاى طنط نادية مش صحتنى لحد دلوقتى وازاى محدش فيهم صحانى لحد دلوقتى.
احمد: ماما فضلت تصحى فيكى الصبح بس انتى كنتى رايحة خالص.
ملك بصتله بصدمه: يعنى هما فين.
احمد: جدك ياستى عايزنا هناك بس ف هما راحوا ولما انتي مش صحيتى بابا قالى لما تصحى اجيبك ونروح.
ملك: وشغلك.
احمد: اخدت اجازة خلصى بقا جهزى حاجتك.
ملك بتذمر: طب افطر الاول.
قعدوا فطروا واحمد سابها وخرج من المطبخ وهى بدأت تشيل الاكل احمد دخل المطبخ وف ايده السلسلة قرب منها وهى مش حاسة بيه بدأ يلبسها السلسلة لفها وبقا فضل يبصلها وهى بتبص علي الارض بتوتر.
احمد وابتسم: شكلها حلو عليكى.
ملك بخجل: شكرا ي احمد.
احمد: يالا جهزى نفسك علشان نمشى.
ملك جهزت حاجتها هى واحمد وخرجوا وهما نازلين شافوا كاريمان نازلة.
ملك وابتسمت: ازيك ي كاريمان.
كاريمان بصت ليها وشافت السلسلة اللى ف رقبتها وابتسمت ب سخرية.
كاريمان: الحمدلله حلوة اوى السلسلة اللى انا رميتها عليكى.
ملك بصت ف الارض بخجل.
احمد ببرود: كويس انك رميتيها علشان مكنتش هتبقا مناسبة معاكى هى حاليا ف مكانها المناسب يالا ي ملك.
مسك ايد ملك ومشى وكاريمان بتبص عليهن بعصبية.
احمد طول الطريق ساكت وانا حتى مرضتش اكلمه لحد ما وصلنا البلد.
(محمد) الجد: الف حمدالله على السلامة ي حبيبة جدك.
ملك وحضنته: وحشتنى اوى اوى ي جدو.
محمد: لو كنت وحشتك كنتى جيتى ليا.
ملك: حقك عليا ي ميدو.
محمد ضحك: هيبتى بتروح معاكوا ي بنات ولادى.
نور ل رقيه: الحمدلله قال بنات ولادى مش بنات بناتى.
محمد وبصلها: بتقولى حاجة ي نور.
نور: ابدا ي باشا كمل احضانك.
كلهم ضحكوا وسامية عمه ملك قربت عليها حضنتها.
سامية بحب: عاملة اى ي حبيبتي.
ملك: الحمدلله ي عمتو.
سامية بصتلها وعيونها اتملت ب الدموع بس مسحتهم بسرعة.
_ ملك اول لما شافت جوز عمتها استخبت ورا احمد اللى استغرب مسكتها فيه.
احمد: مالك ي لوكا.
ملك بخوف: انا تعبانة ممكن اطلع فوق.
احمد بصلها بشك وشاف نظرتها ل جوز عمتها وزاد شكه.
ماجد: ازيك ي لوكا.... وكان بيشدها علشان يحضنها بس احمد منعه وملك زادت مسكتها من احمد.
احمد وابتسم ببرود: معلش بقا ي جوز عمتى بس ملك كبرت ومبقاش ينفع احضان وكدا يالا ي لوكا علشان ترتاحى.
ماجد بص ل احمد بغيظ.
ملك اول لما دخلت اوضتها قعدت تعيط وهى بتفتكر كلام ماجد ليها سمعت صوت خبط الباب.
ملك بخوف: مين.
احمد: انا ي ملك افتحى.
ملك مسحت دموعها علشان احمد مش يلاحظ دموعها وفتحت.
احمد: كنتى بتعيطى لى.
ملك بتوتر: مكنتش بعيط.
احمد ومسك وشها بين ايده: من امتى وانتى بتكدبى ي ملك.
ملك بصتله وبدأت تعيط تانى احمد شدها ل حضنه.
احمد بقلق: ف اى ي حبيبي اى اللى حصل احكيلى.
ملك هزت دماغها جوا حضنه برفض.
احمد: ملك مش هعيد كلامى تانى.
احمد شدها وقعدوا وهى بدأت تحكى ليه.
Flash Back...
ملك كانت ف المطبخ وبتعمل حاجة تشربها ودخل ليها ماجد.
ملك وابتسمت: اعملك حاجة معايا ي اونكل.
ماجد وابتسم بخبث: اه اعمليلى قهوة.
ملك: عيونى اتفضل وانا هجيبها ليك.
ماجد وقرب منها ومسكها وكان بيحاول يقرب منها.
ملك بخوف: ابعد عنى ابعد اى دااا.
ماجد: ابعد اى دا انا مصدقت انتى احلويتى كدا امتى نفس حلاوة امك بس امك معرفتش اخد منها حاجة بس تتعوض انتى موجودة واياكى تفتحى بؤقك هقتلك فاهمة.
ماجد لسة بيحاول وهى بتبعده عنها مسكت كوباية ازاز وضربته بيها وطلعت تجرى.
Back...
احمد بعصبية وقام وقف: مش هسيبه الحيوان دا.
ملك مسكت بخوف: لاء وحياتى عندك لاء انا مش مستغنيه عنك ممكن يأذيك ونبى لاء.
احمد لما شافها منهارة وخايفة حضنها تانى.
احمد: اهدى خلاص اهدى مش هروح اهدى خلاص انا معاكى اهو.
ملك فضلت ف حضنه لحد ما هديت خالص ادركت الوضع اللى هما فيه وبعدت بتوتر.
ملك بخجل: اسفة.
احمد وبصلها بنظرة تانية غير كل مرة: انتى خوفتى عليا.
ملك: طبعا.
احمد ملس على شعرها: نامى ي حبيبي وبعد كدا حاجة زى كدا اوعى تخبى عنى فاهمة.
ملك: فاهمة.
احمد سابها وخرج وهى قفلت الباب ونامت وهى بتفتكر ازاى كانت ف حضنه مطمنه.
احمد خرج وهو حاسس بكميه عصبية من ماجد نزل تحت شاف ماجد قاعد مع جده.
محمد: ملك نامت.
احمد وبيبص ل ماجد: اه ي جدى الحمدلله.
محمد: مش فاهم لى خافت مرة واحدة كدا.
احمد: اللى فهمته من كلامها وخوفها بما انى ظابط ان حد اتحرش بيها وهى افتكرت وجتلها نوبة خوف.
محمد بعصبية: حد اتحرش بيها ازاى ومين اصلا اللى يجرأ يعمل كدا.
احمد وبص ل ماجد بقوة اللى اتوتر: هعرفه وساعتها محدش هيرحمه منى عن اذنكم اطلع اشوف حسن.
سلمى واقفة ف المندرة الخاصة ب البيت.
سلمى: بس ف انت هتكلم الدكتورة وتقولها ظروفك وهتاخد منك الشيت بإذن الله.
المتصل:........
سلمى: العفو ؤ مازن عن اذنك باى.
سلمى قفلت وبتلف شافت عمر وقاف وبيبص ليها.
سلمى بخضة: اى خضتنى يخربيتك.
عمر: الف سلامه عليكى من الخضة.
سلمى: ف حاجة ي عمر.
عمر: اى جاى اسلم على بنت خالى.
سلمى بسخرية: ومش خايف حبيبة القلب تشوفك.
عمر وقرب منها: وانتى غيرانه بقا ولا اى.
سلمى وبترجع لورا: وانا اغير عليك بتاع اى.
عمر و حاوطها: مين مازن.
سلمى: انت مالك.
عمر: مين مازن ي سلمى مش هعيد كلامى.
سلمى: حبيبي وملكش دتوة بيا خليك ف حياتك.
سلمى زقته وطلعت تجرى.
عمر: ماشى ي سلمى.
نور: واد ي سليم.
سليم: الصبر من عندك يارب.
نور: عايزة اخرج.
سليم ببرود: لاء وامشى ورايا شغل.
نور بعصبية: انا هخرج يعنى هخرج.
سليم بصوت حاد: نور انا مش فاضى ل لعب العيال دا.
نور بصتله بدموع ومشيت.
باليل الكل متجمعين قاطعهم صوت محمد.
محمد: عندى خبر ليكوا.
سالم: خير ي بابا.
محمد: خير ف عريس متقدم ل ملك...
كلهم بصوله بصدمه قاطعهم احمد.
