رواية كيان وليل مريض نفسي الفصل السابع عشر17 بقلم بسملة حسن
حماتى:يختى لو كنا نعرف انك هترجعى تتخنى تانى وتبقى حلوة كده لما جوزك يرجعلك كنا جبناهولك من زمان
ماما:اه والله
بصيتله بحب وانا ماسكه ايده وسانده على دراعه
ليل:متكسفوهاش ياجماعه وشها قلب طمطمايه
ضحكت بكسوف...وفضلنا نتكلم فجأه وشى قلب وقربت من ليل اوى وقولتله بهمس
كيان:ليل بطنى بتوجعنى
بصلى بقلق:مالك بتوجعك اوى؟
كيان:ايوه حاسه انى عايزه ار*جع
ليل:طب اهدى
ماما:اقوم اعملك حاجه سخنه
ليل:لا احنا نروح لدكتور احسن مش يمكن رجعت تعبانه تانى
حماتى:عندك حق روح واتصل طمنا عليها
ليل:تمام
سندنى وانا كنت ماشيه بوجع نزلنا ركبنا العربيه وسندت راسى على رجله كنت شبه نايمه وهو كان بيسوق
ليل:جسمك هيوجعك من النومه دى
كيان:مش قادره خالص
ليل:معلش ياحبيبتي استحملى على اما نوصل
شويه وكنا وصلنا ساعدنى انزل من العربيه وطلعنا فوق كانت العياده فاضيه وقتها ف دخلنا الكشف على طول
الدكتور:تمام انتوا هتعملوا التحاليل دى عشان نعرف عندها اى بالظبط
ليل بشك:انت شاكك فى حاجه يادكتور
الدكتور: مقدرش احدد دلوقت واقولك انا شاكك فى اى غير بعد التحاليل
ليل:تمام شكرا
روحنا عملنا التحاليل وقعدنا نستناها تطلع لكن اتأخرت
كان ليل نزل يجيب اكل عشان مفضلش من غير اكل لكن وقت ماهو بره انا خدت التحاليل
فضلت مستنياه لحد ما جه
كيان:ليل انا خدت التحاليل يلا نروح للدكتور بقا
ليل:طيب مش هتاكلى
كيان:نروح الاول بعدين ناكل
ليل:الاكل هيبرد وانتى تعبانه ف كلى الاول
كيان:اممم موافقه...
قعدنا فى العربيه وبدأنا ناكل
كيان: بصراحه انا قلقانه خايفه يكون التحاليل فيها حاجه
ليل: متخافيش حتى لو فيها حاجه هنعديها سوا
بصيتله بقلق ف ابتسملى بإطمئنان
كيان:الاكل طعمه جميل
ليل:ايوه
شويه وكنا خلصنا وروحنا للدكتور
الدكتور وهو بيبصلنا:مبروك يامدام انتى حامل
فتحت بوقى من الصدمه وليل شدنى لحضنه وهو بيحمد ربنا
ابتسم الدكتور وهو بيكتبلى على شويه فيتامينات اخدها
الدكتور:هتاخد الدوا ده وتنتظم عليه وتهتم بأكلها كويس وان شاء الله يجى الطفل بسلامه
ليل:شكرا ليك يادكتور عن اذنك
مشينا وانا كنت طايره من الفرح ركبنا العربيه وهو منطلق نحيه بيت ماما
كيان بفرحه:هيبقى عندى نونو هييييي وسقفت ب ايدى
ليل:انا مش قادر اصدق يعنى هيبقى عندى بيبى صغير واخد منى ومنك انا بجد فرحان اوى
كيان:وانا كمااان
ليل:طب يلا اطلعى طمنى مامتك بس براحه
كيان:حاضر
طلعنا فوق وقولنالهم على الخبر
ماما:خلاص كيان تقعد معايا لحد ماتولد
ليل:اى لا طبعا أنا مراتى مش هتقعد مع حد
ماما:يبنى عشان اتابعها
ليل:انا هتابعها الله
حماتى:خلاص سيبيه الواد واقع خااالص
ماما:ايوه واضح
فضلوا يضحكوا وقضينا اليوم معاهم وبليل روحنا
كنت نايمه فى حضنه بهدوء بفكر فى حياتى بعد ما اولد هتبقى عامله ازاى
كيان:تفتكر مش هنحب بعض بعد ما اولد ؟؟اصل يعنى هبقى مشغوله مع البيبى وهتشغل عنك
ليل:ابطل احبك؟طب ازاى فكرك لما تهتمى ب ابننا مثلا دى حاجه تزعلنى بالعكس ده انا افرح اكتر انك بتحبى حته منى ومنك
رفعت راسى من على صدره وبوسته بحب:ربنا يخليك ليا انا فعلا بحبك اوى ياليل رغم كل حاجه حصلت انت حبيبى للابد
ليل:وانا لو الزمن اتعاد تانى هختارك تانى بس هغير بدايه جوازنا وهغير اللى حصل زمان
ابتسمت وهو بيضمنى له اوى...ليل: بحبك يامزتى
كيان:روح قلبى انت
ليل بهمس:عاوز اقولك حاجه متروحيش الشغل بقا لحد ماتولدى
كيان بزعل:لا بقاا لى هفضل قاعده
ليل:عشان متتعبيش
كيان:مش هتعب ياحبيبى ولو تعبت هستأذن واروح
ليل وهو بيبوسنى من رقبتى:ماشى
كيان:عاوز تنام
ليل:مش اوى خلينا نتكلم شويه لحد ماننام
كيان:ماشى ياحبيبى
ليل:تعرفى نفسى اخبيكى جوايا ومطلعكيش ابدا
كيان بابتسامة دلع:امم ده حب تملك
ليل وهو يلتهم شف*تي*ها:مش هتفرق بقا
كيان بكسوف:ليل
ليل وهو بيحط ايده على ضهرها من تحت التيشيرت:قلبه
كيان:مش هتصالح بباك
ليل:ملكيش دعوه بالكلام ده انا عارف هعمل اى
كيان:بس متأذيش نفسك
ليل: متخافيش عليا يامزتى
كيان:بطل تقولى الكلمه دى عشان بتكسف
ليل:مانتى مزتى فعلا المهم هنسمى الولد اى ولو بنت اى
كيان:بنت تبقى نجمه عشان انت ليلى وهى نجمتى
ليل بابتسامة:ياحلوة
كيان:ولو ولد زين
ليل:وانا موافق
كيان بنعاس:يلا ننام بقا
ليل:يلا
نمنا وهو حاضنى كنت نايمه مبسوطه بجد اخيرا بقيت حامل من جوزى حبيبى
"صباح تانى يوم"
كنت فى الشركه وطبعا خبر حملى انتشر بين زميلاتى
حازم:اى كيان حامل؟؟!!!
