رواية عشق بلا مقابل بدر ورقية كاملة وحصرية بقلم شاهندا امام
البنت: لو سمحتى هى دى شركه بدر بيه الدمنهورى
السكرتيره بذوق: ايوه يا فندم هى دى الشركه الرئيسيه بتاعتو
البنت بتوتر: طب هو كان فى إعلان ان بدر بيه كان عايز مُربيه لبنتو وأنا كُنت عايزه أقدم فيه
السكرتيره: تمام يا فندم حضرتك ثانيه هقول لبدر بيه اتفضلى استريحى بس ممكن بطاقتك
البنت بإحترام: اه اتفضلى
رقيه: اتفضلى
قعدت رقيه على الكرسي بتفتكر أيه اللي خلاها تدور على شغل
فلاش باك
رقية فى السكن بتكلم ابن عمها فى التليفون
رقية: هو احنا هنعيد نفس الكلام يا يوسف
يوسف بضيق: ايوه هنعيده هو مش انتِ اخر سنه ليه رافضه اننا نتجوز وتكملى السنه وانتِ فى بيتى
رقية: بس أنا هخلص وهشتغل
يوسف: والله عايزه تشتغلى وأنا أخد المصروف منك صح مش كفايه بدفعلك فلوس الكُليه وساكت
رقية بصدمه: هو أنا كُل ما أكلمك تزلنى بالفلوس اللى انت من نفسك بتدفعها
يوسف: أنا بدفعلك الفلوس عشان متتعبيش نفسك
رقية بسخريه: لا انت بتعمل كده عشان تقعد تزل فيا وبعدين مش بابا قالك متدفعش تانى بتروح من ورايا ليه
يوسف: مش حكايه أزل فيكِ فى حد يزل خطيبتو
رقية: أنا مش خطيبتك احنا عيال عم وبس
يوسف: لا يا رقية أهل البلد كلهم عارفين انى هخطبك
رقية بدموع مكتومه: سلام يا يوسف عشان تعبت بصراحه
يوسف: متزعلش منى يا رقية أنا مش قصدى ازلك بالفلوس
رقية: تمام يا يوسف سلام
قفلت رقية مع يوسف عينها دمعت عشان هو دايماً بيزلها بالفلوس دخلت عليها نهال صحبتها الاوضه
نهال بخضه: مالك يا رقية فى ايه
رقية: نفس حوار كُل يوم
نهال: أنا مش فاهمه انتِ مش راضيه تقولى لاهلك ليه
رقية: مش عايزه الموضوع يكبر مش عايزه ادخل بابا وعمى فى الموضوع
نهال: طب انتِ هتعملى ايه
رقية: هدور على شغل كده كده أنا شوفت إعلان لشركه الدمنهورى صاحب الشركه عايز مُربيه لبنتو وهدفعلو الفلوس كلها
نهال: طب والكُليه بتاعتك
رقية: مش عارفه بس أنا هحاول المهم يوافق انى اشتغل
باااك
السكرتيره: استاذه رقية استاذه رقية
رقيه بإنتباه: ايوه
السكرتيره: كُنت بكلم حضرتك من بدرى
رقية: معلش مأخدتش بالى
السكرتيره بإحترام: اتفضلى بدر بيه مستنى حضرتك فى المكتب بتاعو
رقية: ح..حاضر
دخلت رقية المكتب وهى متوتره لقت بدر قاعد على الكُرسي بس ضهرو للباب وقفت رقية عند الباب
بدر بصوت رجُولي... يتبع
