رواية قلوب ارهقها العشق الخاتمة الثالثه والاخيرة بقلم ياسمين رجب
#قلوب_ارهقها_العشق
#النهاية_السعيدة_الخاتمة
على الجانب الآخر بمنزل سميرة
خرج عمار من المرحاض بعدما ابدل ملابسه ثم اتجه إلى الغرفة ليجدها واقفة امام المرأة بطلتها الجذابة التي سرقة قلبه في لمح البصر بفستانها الاوف وايت ذات اكمام شفافة وطويل إلى كعبيها فستان من اختياره هو فقد اشتره لها واخبرها انها عليها ارتدائه اليوم طالعها بعشق وهو يقف خلفها وقلبه يقرع بجنون... إلي أن حاوطها من الخلف ورأسه مثبة على عنقها لتبتسم الاخري بعشق وهي تطالع هيئتهم الخاطفة للقلوب ليهتف بنبرة ارهقت قلبها...... هتجننيني بجمالك الي سارق قلبي قبل عيني..
اتسعت ابتسامتها وهي تلتفت إليه وحاوطت عنقه بعشق..... جمالي بس..
اقترب منها وقلبه هوي بين يديها ليقرب وجهه من وجهها وهو يمرر جانب وجهه على خدها لتشعر بالقشعيرة التي تسللت إلى جسدها حينما لمستها شعيرات ذقنه النامية ولفحتها انفاسه الملتهبة بلهيب العشق وجهها قائل بنبرته العاشقة....... صدقنى مش عارف ايه فيكي سرقني بس انا مبقتش املك غير عشقي وجنوني بيكي
اعلنت دقات قلبها الجنون والتمرد عليها لتصل إلى مسمعه تلك الخفقات الملعونة واقسمت بداخلها انه يشعر بجنونها به لتهتف بنبرة ارهقت رجولته........ انت ملكتني وجنونك وعشقك ميجيش نقطة في بحر عشقي ليك
ابتسم الاخر بسعادة وهو يقبل رأسها بعشق حتى دنا منها ولمست شفتيه شفتيها في قبلة لم تدوم طويلا فقد ابتعدت عنه قائلة بخجل وتوتر....... المفروض نمشي علشان منتأخرش
ابتلع الاخر ريقه وهو يخرج من الغرفة قائلا بصوته الاجهش..... هستناكي بره لحد ما تخلصى..
خرج وتركها بينما ابتسمت هي وتابعت اكمال ما تفعله....
____________
بالمقابر...
وقف يطالع قبرها والحزن الذي تملك قلبه اوشك على قتله لينتبه إلى ذاك الصوت الذي جاء من خلفه....... انت لسه فاكرها
التفت إليها ليجد سميرة واقفة خلفه فأعاد بصره إلى القبر وقال...... عمري ما نسيتها ولا هنساها
ابتسمت بحزن وقالت..... بس ده غلط انك توقف حياتك على شخص مات لو سمر كانت عايشة مكنتش هتفرح
وانتي عايزاني انساها..... قالها بتساؤل
فقالت هي بحزن........ انساها علشان نفسك علشان تكمل حياتك بلاش تعيش بذنب انت ملكش يد فيه
نظر لها بعدم فهم فأكملت هي...... انا عارفه انك حاسس بالذنب علشان موتها
ضيق عينيه وقال بتعب...... بس فعلا انا السبب لو كنت بعدت عنها زي ما طلبت مني لو مكنتش جيت البيت استحالة كانت طلعت في الوقت ده وحصل الي حصل
ربتت على كتفه وقالت بثقة...... ده مقدر ومكتوب يا ابني كده اوي كده امر ربنا كان هينفذ وانت ملكش ذنب فالي حصل
راجع نفسك واخرج من دايرة الحزن قبل ما تتقفل على روحك وتلاقي نفسك خسرت كل حاجه راجع نفسك وانسي الماضي بوجعه وحزنه علشان تقدر تعيش
خلي الحب ياخد حرية في قلبك علشان ترتاح....
انهت جملتها وغادرت بينما بقي هو فما عاد للحديث مجال فحتما هو خسر ذاك الحب الذي لم يحلق كثير حتى سقط على جدار صلب كسرت ضلوعه....
____________
في الفندق صدحت اصوات الموسيقى في اجواء الزفاف
ليصعد عمار وزوجته إلى العروسين وهما يقدمان التهنئة لهما
بينما دلفت نڤين هي الاخري إلى القاعة لتجد معتز يستقبلها بأبتسامته الساحرة فخفضت وجهها بخجل من نظراته ليهتف هو بتساؤل....... هو انا ينفع اجي اشرب القهوة عندكم النهاردة
نظرت له بدهشة فقال وهو يمسك يدها بقوة...... بصي انا ولا اعرف العريس ولا العروسة ولا ليا علاقة بيهم يبقى الاحسن اشوف الي اعرفهم
نظرت له بعدم فهم وكادت تتحدث إلا انه جذبها إليه قائلا بثقة وصوت عاشق....... عايز اجي اتقدم واطلب ايدك من اهلك
نظرت له بعدم تصديق وتابع هو بمرح...... انتي وافقتي يبقى نلبس الدبل النهاردة وبعدين نعمل الفرح الخميس الجاي
معتز انت مجنون...... قالتها بذهول
ليهتف هو........ انا لو متجوزتش على اخر الاسبوع هتجنن فاهمة مهو الكل اتجوز وانا الي هفضل عانس
شقت الابتسامة شفتيها وقالت....... والله مجنون
اتسعت ابتسامته وقال...... فعلا اتجننت بيكي
خجلت من حديثه وهي تشيح ببصرها عنه بينما امسك الاخر يدها بتملك ودلف بها إلى الداخل
بعد أن بارك عمار ومرام إليهم عاد كلاهما إلى مكان جلوسهم فتهتفت مرام بعدم وقفت في منتصف ساحة الرقص..... عايزه ارقص معاك يا عمار
نظر للعيون التي انتبهت لهم وقال بهدوء..... مرام احنا قدام ناس كتير
لم تجيبه بل اتجهت إلى الدي چي واخذت منه شئ ثم عادت إلى مرة أخرى وهي تشير بالمايك له قائلة....... وهتغنيلي كمان
ابتسم بمكر قائلا...... واثقة من كلامك اوي
اقتربت منه الاخري بمكر آنثي لم يعتاد عليه وهي تطوق عنقه بأمتلاك قائلة بعشق......... علشان عارفه انك عمرك ما هتخذلني ابدا
رائ المكر بعينيها فضمها إليه اكثر وهو يطالعها بعشق قائلا....... وانا طول ما انتي واثقة فيا مش عايز من الدنيا حاجه
ابتسمت مرام بسعادة وهي تغمز بعينيها لياسمينا
لتبتسم الاخري وهي تجذب يد ادهم إلى ساحة الرقص
ليغمز معتز بعينيه لنڤين وهو يسحبها إلى جوارهم هو الاخر لغيب كلامنهما بين احضان معشوقته
وحروف عمار التي سلبتها لب عقلها وهو يتعمق النظر إلى عينيها قائلا بعشق تسلل إلى اوتار قلبه....... وأنا بين إيديك تهت في مكاني، ونسيت معاك عمري وزماني
والوقت فات وياك ثواني قربني ليك سيبني أعيش إحساسي بيك
بتحدى العالم كله وأنا وياك، وبقول للدنيا بحالها إن أنا بهواك
وإن إنت حبيبي وقلبي وروحي معاك قربني ليك سيبني أعيش إحساس هواك
كان ادهم يتحسي وجهها بأطراف انامله وهو يردد تلك الكلمات بعشق..........
أنا عشقي ليك عشق القمر للنجمه والليل والسهر، وشوقي ليك فوق الخيال فوق إحتمال كل البشر من يوم لقاك حلوه الحياه
بتحدى العالم كله وأنا وياك، وبقول للدنيا بحالها إن أنا بهواك
وإن إنت حبيبي وقلبي وروحي معاك قربني ليك سيبني أعيش إحساس هواك
بينما كان عمار في عالم اخر وهو يخطف العشق من عينيها
ليمرر وجهه على وجهها وانفاسه تردد بعشق وغرام سكن الضلوع لسنوات عديدة........
أتحدي بيك كل الوجود وياك أكون أو لا أكون أنا مش هعيش من غير هواك أنا قلبي عاشق للجنون من يوم لقاك حلوه الحياه
بتحدى العالم كله وأنا وياك، وبقول للدنيا بحالها إن أنا بهواك
وإن إنت حبيبي وقلبي وروحي معاك قربني ليك سيبني أعيش إحساس هواك.
انتهت الاغنية ومازال هو محتضن جسدها بين ضلوعه وهي مغيبة في دفئ احضانه لينتبه إلى صوت التصفيق الحار من الجميع وهمهمة الاعجاب من الفتيات
لتخجل مرام وهي تشيح ببصرها بعيدا لتهتف..... خلينا نرجع مكانا
كادت ان تغادر إلا انه اطبق على رغسها بتملك وهو يجبرها على النظر إلى عينيه قائلا بعشق وصوت مرتفع صدح في قلوب الجميع قبل اذانهم........ مش هتمشي قبل ما اقول حاجات كتير جوايا
تطالعته بذهول ليكمل الاخر........ حكاينا بدأت بكذبة بيضة اخترعتها انا لحد ما اتحولت لعشق وغرام ومشاعر وقفت قصاد العالم جرح وفراق وجع وآلم بس مفيش مرة العشق اختفي من قلوبنا انا بعترف قاصد الناس دي كلها اني قصاد عنيكي بكون عاجز عن اي حاجه انتي شغفي يا مرام ولو كان الي عايشين فيه حلم صدقيني مش عايز افوق لاني عمري ما هلاقي حبيبة وام وصديقة واخت وبنت وزوجة زيك
كانت تطالعه بذهول إلى أن ركع امامها على ركبتيه وهو يخرج من جيب معطفه علبة قطيفة حمراء ليخرج منها خاتم خطبتها الذي اشتراه قبل خمس سنوات ليهتف بعشق........ عارف اني ظلمتك ومعملتش ليكي فرح يليق بيكي بس اوعدك اني اعملك كل الي نفسك فيه
لم تستطيع تمالك نفسها لتركع هي الاخري وضمته بجنون وعشق قائلة بدموع صادقة........ مش عايزه حاجه غيرك انت يا عمار مش عايزه غيرك
ضمها الاخر بقوة حتى كاد يكسر ضلوعها ليكمل بحروف اشعلت قلبها بالسعادة....... بعشقك يا مرام
ضحكت من بين دموعها وهي تقبل عنقه بسعادة فأبعدها قليلا وهو يمسح تلك الدموع التي انسابت من عينيها ليهتف بحب...... خلاص مش عايز دموع
ابتسمت بسعادة ليحتضن كفها بعشق بين يده ثم وضع دبلته بيدها بعدم لثم باطن يدها بقبلة اذابت الجليد
بينما نظرت لهم ياسمينا قائلة......... ربنا يسعدكم
انتبه كلاهما إلى وضعهما لينهض عمار وهو يساعدها على النهوض قائلا بأسف..... سوري يا أدهم شكلنا بوظنا فرحك
ابتسم ادهم بخفوت وعشق وهو يطالع زوجته قائلا...... بالعكس فرحتنا كملت بيكم خلي بالك منها مراتك زي الدهب غالية اوي
احتضن عمار كتفها قائلا...... دي في عيوني
ليوجهه حديثه إلى ادهم قائلا........ احنا اسفين بس احنا كده اتأخرنا وعندنا سفر بكرا
ياسمينا بحب...... لا ولا يهمكم واحنا كمان كلها اسبوع ونحصلكم على تركيا
لاحت من مرام ابتسامة صافية وهي تضم ياسمينا بحب...... الف مبروك مرة تاني وبجد اختيارك لادهم عمرك ما هتندمي عليه
سعدت الاخري بحديثها وهي تضمها بقوة ليغادر كلاهم الفرح بسعادة وقلب ممتلئ بالفرحة العشق الممزوج بالحنين
_____________
منزل رهف الجديد
كانت رهف على حالتها ملازمة للفراش بعدم عادت من المشفى
ليضع أسلام امامها صنية صغيرة عليها حساء الشوربة الساخن قائلا بحب....... يالا يا رهف علشان تشربي الشوربة وتأخدي العلاج...
بكت رهف بطفولة قائلة...... يا اسلام حراام عليك انا خلاص معدتي زهقت من الشوربة الي من يوم ما عملت العملية وانا بشىربها خلاص زهقت..... نفسي في مكرونة بشامل جمبري سمك طبق محشي كريب اي حاجه ان شالله طبق كشري بس ابعد عني الشوربة دي....
ابتسم اسلام بحب وهو يجلس بجوارها ثم رفع الملعقة امام فمها وقال بعشق..... يا حبيبتي ده كلام الدكتور ومينفعش فيه مخالفة
كانت عينيه تشع بالعشق لتتناول ما بيده دون جدال
ثم تابع حديثه...... وان شاء الله كل الي نفسك فيه هتكليه كلها يومين ونروح للدكتور تانى...
هزت رأسها بالايجاب وقد تاهت في سحر عينيه
بينما ابتسم الاخر بسعادة وانه قادر على ان ينسيها اي شئ حدثها بعشق وجنون ليبعد عنها ما بيده بعدما اطعمها طبق الحساء كاملا ثم هتف....... ايه بقا الي حصل الشوربة حلوة وانتي شربتيها من غير اعتراض
ابتسمت بخجل على سذاجتها وانه الوحيد القادر على السيطرة على عقلها وقالت بعشق لامس قلبها.... ما انت كل مرة تقعد تبص في عيوني وتضحك عليا بيهم فمن الطبيعي انسي نفسي..
تنهد الاخر بعشق تسلل خلسة إلى اوتاره وهو يتمدد بجوارها على الفراش ويحتوي كتفيها بين احضانه قائلا....... وده مزعلك في ايه
علشان مش بعرف ارفضلك طلب قصاد عيونك يا اسلام
اعتدل في جلسته وهو يضم وجهها بين كفيه بعشق قائلا..... ده معناه انك بتحبينى اكتر من اي حاجه يعني عندك استعداد تتخلي عن اي حاجه علشاني بالظبط زي ما انا عندي استعداد اتخلي عن الدنيا بحالها علشانك
ارتمت بأحضانه هامسة بعشق..... بحبك يا اسلام
دق ناقوس الخطر برأسه وقلبه ليهتف هو...... سبت العقل والدين يارب
تعالت ضحكتها وقالت بعدم ابتعدت عنه...... مالك يا اسلام
وانتي مش عارفه يا اختي مالي....... قالها بسخرية ليكمل..... بصي يا بنت الناس من هنا لحد ما تخفي تماما متجيش جانبي ولا تلمسيني انا بقنع نفسي اننا مش متجوزين اه ارحميني يا رهف انا برضو راجل
اقتربت منه بمكر وهي تهتف بميوعة...... ده معناه اني بأثر عليك وانك ضعيف قدامي
اعلن الخطر برأسه فنهض من مجلسه تماما وقال بغيظ...... ماشى رهف عشيلك يومين وبعدها ربنا يحلها انا طالع وسيبلك الاوضة كلها علشان دقيقة كمان هنا ومش عارف انا هعمل ايه
قهقت بعشق على مالك القلب والفؤاد لتتنهد بسعادة وقلب يتراقص على انغام عشقه فقط....
_____________
على شاطئ البحر
كانت تطالع البحر بعينيها وهي تلامس اطراف انامله ليبتسم هو وضمها إلى صدره قائلا........ عجبك المكان
ابتسمت بعشق وقالت...... جدا معرفش جتلك منين فكرة اننا نهرب يومين ونيجي هنا
شدد من احتضانه لها وهو يقبل رأسها قائلا بعشق..... كان نفسي اعملك حاجه تفرحك وتخليكي مبسوطة ودي اقل حاجه ممكن اعملها ليكي يا فتون
ابتعدت عنه وهي تنظر إلى عينيه التي لمعت ببريق العشق....... طول ما انت معايا انا بكون طايره من الفرحه انت الحلم الي عشت عمري كله اتمناه وربنا عوضني بيك
وضع يده على جانب وجهها وقال بنبرة ارهقت قلبها..... انتي كتيرة عليا اوي يا فتون كتيرة اوي وربنا كان كريم جدا علشان رزقني بزوجة زيك
تراقص قلبها لحديثه لترتمي بين احضانه وعينيها تطالع موجات البحر التي تراقصت هي الاخري لعشقهم المفعم بالحياة......
___________
على الجانب الآخر
بمنزل ادهم
بعد أن انتهت حفلة الزفاف ووصلوا سويا إلى المنزل لتكاد تدلف بأقدامها إلى الداخل ولكن وجدت نفسها تحلق بين ذراعيها حتى شهقت بخوف قائلة...... انت بتعمل ايه
ابتسم الاخر بعشق وقال..... بشيلك على كفوف الراحه
ضحكة بخفة ليدلف بها إلى الداخل بعدما اغلق الباب بقدمه وسار بها في اتجه غرفة النوم ثم انزلها ببطئ بجوار الفراش وقال...... عجبتك الاوضة
نظرت حولها بذهول وقالت بسعادة وهي تري بعض الورود المتناثرة في الغرفة....... جميلة جدا يا ادهم ده علشاني بجدا
اقترب منها بعدم نزع جاكته وفك اول ازرار قميصه ليهتف بعشق....... اكيد علشانك ولو اعرف ان ده هيفرحك كده كنت جبتلك من كل ورود العالم تحت، رجليكي
عضت على شفتيها السفلية من الارتباك وحديثه الذي تملك من قلبها ليمد يده اسفل ذقنها قائلا...... مالك ساكته ليه
نظرت إلى عينيه التي سلبتها الارادة واي شئ يقال في تلك اللحظة ليقترب منها الاخر وهو يري الخجل الذي تملك قلبها ووجهها وقال بنبرته العذبة التي اذابت الجليد واشعلت نيران العشق بينهم........ بعشقك يا ياسمينا
غابت في حروفه ليرفع يدها إلى فمه وقبلها ليقترب اكثر بشغف وهو يقبل رأسها وجانب وجهها لتهفت هي بصوت خافت....... ادهم
تنهد لحروف اسمه وكأنه يسمعها للمره الاولى فقال بعدها..... روح ادهم
ثم قبلها من عنقها وهمس..... وقلب ادهم
ليعود بفعلته مرة أخرى هامسا..... وعيون ادهم
انصهرت لحروفها المجنونه التي عزفت على اوتارها لتحتضنه بقوة وهي تخفي نفسها بداخله بعدما وجدت نفسها في برثان عشقه وشغفه...... ليأخذها هو في رحلة عشق لا يجيدها سوه....
________________
بعد عودتهم من حفل الزفاف دلفت هي إلى الغرفة ولم تخرج حتى الان ليبقى هو واقفا امام الباب ما يقارب النصف ساعة ليهتف بتساؤل...... يعني انام بره ولا ايه
لم تجيبه هذه المرة فمد يده على مقبس الباب للمره الاخيرة لينفتح ثم دلف إلى الداخل وهو يري الضوء خافت ليس كعادته ليلتفت خلفه حينما سمع همسها وهو ينظر إليها بذهول وعدم تصديق اغمض عينيه عدت مرات وكاد يشغل الضوء إلا انها امسكت يده قائلا....... بلاش
طالعها بعشق وهو يراها امامه بثوب النوم الابيض الذي كشف ذراعيها ومقدمة صدرها ويصل إلى اسفل قدميها بفتحه كبيرة كشفت عن فخذها ابتلع ريقه بتوتر وهو يرها تعطرت برأحة الياسمين التي لم تكف عن وضعها حتى اليوم مرورا بشعرها الذي عصجته للخلف واضافت لوجهها القليل من مستحضرات التجميل التي ابرزت جمالها ثم اظهرت شفتيها بحمرة الشفاه
بينما شعرت هي بالخجل وهي تقف امامه هكذا وتملكتها القشعريرة حينما لامست يده ذراعها وهو يهتف....... انتي ازي كده
رفعت عينيها حتى قابلت حدقيتين بلون القهوة وهي تنظر له بعدم فهم ليكمل هو...... كل يوم بكتشف انك أجمل من اليوم الي قبله
شعرت بجسدها يرجف حينما قربها إليه وسارت يده على ظهرها العاري لتغمض عينيها بضعف حتى كادت تسقط مغشيا عليها
لتلتفت بسرعة وهي تواليه ظهرها وصوت انفاسها يعلوا بينما ابتسم الاخر بعشق وهو يضمها من الخلف واضعا يده على يسار قلبها وتلك الخفقات تضرب صدرها بعنف فأقسمت انها الان اوشكت على الموت من فرط خجلها فتحتدث هو بهمس..... كل دقة من قلبك في قصادها مليون دقة في قلبي بتعشقك
اغمضت عينيها بضعف بينما مرر الاخر يده وفك رابطة شعرها حتى انساب بحرية على ظهرها إلى ان وصلت رائحة عطره إلى انفه فقشعر بدنه لها ومد يده حتى اجبرها على الالتفات إليه وعينيه تتفحص ملامحها الجميلة قائلا بصوته العذب....... من النهاردة مفيش حاجه ممكن تبعدني عنك يا مرام
لينحني قليلا وهو يحملها بين يديه بينما طوقت الاخري عنقه وهي تدفن رأسها بعنقه
ليضعها بعدها في الفراش وهو بجوارها يزيل تلك الخصلات المتمردة عن عينيها ووجهها ليغيب معها في رحلة من العشق قد اوشكت على الاقلاع.....
#النهاية
______________
الخاتمة
يقال ومن الحب ما قتل.... ولكن هناك من الحب ما احيا وحلق في صدور ونفوس العاشقين فما فائدة الحياة ان لم يشاركنا بها شخص ينسينا مرارة الايام والفراق
فكلما تذوقنا كاسات الفراق وآلم النسيان حينها سنتعلم التمسك بمن نحب ونعشق....
حكايات من العشق سطرتها بحروف ابجدية لامست قلوب البعض منكم من عاشها معي بآلم ووجع ابطالها وحزنا لفراقهم وهجرهم وسعدنا بلقاء الاحبة من جديد
وهاهي النهاية السعيدة للجميع الا البعض منهم سنكمل قصتهم في دائرة العشق... {ريان_يارا_كريم_سلمي_حسن_اسيل_مليكة_شهاب_}
ابطال لقصة جديدة ستفعم بالعشق والارهاق
اما ابطال قلوب عانوا الكثير والكثير من التعب والان جاء دور التعويض الكبير
#مرام_عمار..... حكاية عشق بدأت مابينهم وتضحية كبيرة من الاتنين بدأها عمار لم اتنازل عن املاك ابوه... واشتغل ليل ونهار علشان يقدر يجيب دبله يحطها في ايدها..
وهي اتخلت عنه وفي نظره بقت اسوء انسانة في الدنيا بس علشان تحميه من الغدر وصحته ترجعله ومع ذلك لم رجع يأذيها فضلت لاخر لحظة محافظة على السر الي اندفن جوها
صح هو عذبها بس وجعها كان بيوجعه ومكنش مبسوط بالالم الي بيحصلها بسببه
وفي النهاية لم رجعلها قابلته بفرحة وحب وعشق ساكن ضلوعها
#فتون_جمال....... حكاية مختلفة لبنت بسيطة عاشت عمرها في حب الجزار الي كبرت معاه وعشق سكن قلبها حتى لم القدر خده منها وخطب غيرها اتمنت لهم السعادة
بس القدر رجعهم تاني وخلي الحب ينبض في قلب جمال علشان يعرف ان عوض ربنا كبير
#ادهم_ياسمينا....... اتنين عشاق والمرض كان سببب في الفراق بس كل واحد فيهم عاش بعشق التاني والسنين مقدرتش تمحيه
#رهف_اسلام..... حكايتهم من البداية كانت عشق ورغم الي مرت بيه محدش فيهم استلم
#همس_لبنانيةبسيطةوقلبهاصافي واعتقد قليل جدا نلاقي صديقه وفية زيها...
الرواية كان هدفها الصبر مش اكتر لان الصبر مفتاح الفرج..
الحياة ماشية واحنا بندور فيها لا بنوصل للنهاية ولا حبين نقطة البداية وقلوبنا تعبت في دايرة من الارهاق ومشاكل الحياة فبنلجاء للخيال الي بنعيش فيه حكايات مش لينا ومع ذالك بتلمس قلوبنا
اتمني اكون ضيفة خفيفة على قلوبكم ومحدش يكون زعلان مني ونتقابل في حكاية جديدة وابطال اجمل وقصص مختلفة ياتري الاحداث هتكون ايه.....
شكرا جدا لكل الفانز الي بيحبوني والي بحبهم والي عملوا رفيوهات علشاني ومبسوطة جدا جدا جدا انكم حبيتوا الرواية
وشكرا لكل اصحابي واهلي الي متابعيني وقفين معايا بحبكم جدا ويارب متجمعين على طول...
كنتم مع#ياسمين_رجب
الجزء الثاني جميع الفصول من هنا
