رواية ورد بشوكه الفصل التاسع 9 بقلم سارة عبدالحليم
انس فى اوضته و كان حزين و فى راسه الف سؤال دخلت ورد ليهتف انس بلهفة: ورد
ورد كبتت دموعها: لا انا الممرضة
ورد: اسمى زهرة
انس ابتسم و تاه فى ملكوته مرة أخرى
ورد قربتله و مسكت ايده و دمعوعها نزلت منها فى سكوت تام و هدوء و قومته سندته
انس شم ريحتها اتعذب اكتر و اول ما لمست ايده اتاكد انها ورد و حس بدوار بسيط ليستند عليها بقوته و تلامس خده مع شعرها و فجأة زقها بعيد عنه
ورد: انت كويس؟
انس: نادى جمال او نوارة مش عاوزك هنا
ورد: ليه بس؟
انس: اتصلوا بالمستشفى يبعتوا ممرضة تانية
ورد بكت: يا فندم اهدى بس
انس: اطلللللعى برا نادى جمال
ورد: جمال مش موجود
انس ابتسم بهسترية ومش كالمجنون فى غرفته و خبط فى كرسى و هى خافت عليه فجريت ناحيته و سندته فزقها
انس بغضب: قلتلك ابعدى يا ورد
ورد و بتكتم شهاقتها: انا زهرة مش ورد
انس شرد مرة اخرى يمكن يكون بيتخيلها انها ورد و فعلا مش ورد و يمكن تطلع هي
اما هى فقلقت عليه : انت كويس؟
انس بهدوء: اطلعى برا و اما جمال يجى خليه يدخلى
ورد: هطلع بس هجيلك اتطمن عليك و اديك دواك
انس باستسلام اومأ رأسه فى هدوووء و شرد مرة اخرى فيما حدث فى تلك الليلة الملعونة
بعد فترة ورد دخلت تانى انس بخضة: مين؟
ورد: انا زهرة متخافش
انس: جمال جه؟
ورد: لا
انس بتيه و سرحان: زهرة
ورد: نعم
انس: ممكن تقوليلى الاخبار؟
ورد: حاضر
و مسكت ايده قعدته على الكنبة و قعدت على الكرسى بجانبه و معها فنجان من القهوة اللذيذة و ابتدت تروى له الاحداث و تشربه
انس: هاتى انا اشرب
ورد: لا انا هساعدك
انس: لا انا عارف مكان بؤى
ورد ناولته الفنجان و هو سحبه بسرعة فوقعه و اتعصب من عجزه فحدف الفنجان و ورد خافت عليه فقومته و مسكت فوطة و بتتشف القوة من عى رجله و صدره
ورد: تعالى انت لازم تغير
انس: انت مبتتكسفيش
ورد بتردد : دة شغلى
انس بقلة ادب: شغلك تقلعى الناس
ورد: حضرتك مريض و مفيش بينى و بينك حاحة علشان تقول كدة
انس مسك ايدها: طب ناولينى الهدوم بس و انا هغير بنفسى
ورد بابتسامة: حاضر
ناولته الهدوم و غير و بعدها جابتله الاكل و الدوا و ظلت تعتنى بيه
انس:هو جمال لسة مجاش
ورد: قال وراه حاجات كتير يعملها
انس:طيب الساعة بقت كام؟
ورد: تمانية
انس: انتى مش هتروحى؟
ورد: انا مقيمة
انس: و المقيمة ملهاش اهل؟
ورد نزلت دموعها: ليها
و قامت ترفعله المخدة من على رقبته ليرتاح قليلا و قربت بانفها لتتنفس انفاسه
انس بتوتر: و اهلك مبيسألوش عن المقيمة؟
ورد قربت شفايفها من شفايفه و بهدوء تمتمت : اهلى هو شغلى
انس حس بتوتر اكتر حس بوردته مش ممرضة لا دى ورد: انتى بتعملى ايه
ورد: بظبطلك المخدة علشان اريحلك رقبتك
انس: انا مش عاوز انام دلوقتى انا مش كتكوت
ورد ضحكت عليه و هو اول ما سمع صوت ضحكتها اتعصب: وررررد
ورد: قلتلك زهرة مين ورد
انس: ورد دى هوايا اللى كنت بتنفسه بس
ورد: بس ايه
انس بحزن: فضلت اتنفسه لحد ما قتلتى كان سم مش هوا
ورد حطت ايدها على بؤها و كتمت بكااااءها و صراخها و حاولت تتماسك: مش ممكن تكون غلطان؟
انس بعصبية: اطللللللعى برااااااااا
ورد جريت على برا و فضلت تعيط و تبكى بحرقة و تشهق و جت نوارة سندتها
نوارة: اهدى يا بنتى
ورد ببكاء: بيقول عنى انى سم انا سم يا خالة
نوارة: يا بنتى جمال هيقعد معاه يفهمه
ورد: ازاى مش واثق فيا يا خالة ازاى شك فيا كدة
نوارة: اهدى اللى فيه مكفيه
خدتها على اوضتها ارتاحى و انا دخلاله
دخلت نوارة لانس وجدته قاعد على السرير و حاطط ايده على راسه
نوارة: انت كويس يا ابنى
انس اتنهد: كويس
نوارة: ايه اللى انت عملته فى الممرضة دة؟
انس بابتسامة مستهزءة: الممرضة برضو؟ انتو شكلكوا استعميتونى بجد
نوارة: ليه بتقول كدة يا ابنى؟
انس: دى ورد يا خالة ورد اللى خانتنى مع المجرم التانى
نوارة: استهدى بالله انت ظالمها
انس: ظلمتها ايه بس دول كانوا سوا
نوارة: اما جمال هيجى هيحكيلك بس متقساش عليها طالما مانت عارف انها ورد متقساش عليها
انس بعصبية: مشوها من هنا بتخنقنى وجودها بيخنقنى
نوارة: حاضر
انس: متعرفيهاش انى عرفتها
نوارة: حاضر يا ابنى
دخل عليهم جمال
جمال: ازيك يا انس دلوقتى
انس بتعجب: زى مانت شايف الدنيا ربيع و الجو بديع و اعمى و مبشفش لا و كمان صاحب عمرى و اخويا خاننى و طعنى فى ضهرى
جمال بص لنوارة و هى اومأت براسها انه عرف كل حاجة:انا مخنتكش يا انس
انس: جيبهالى على اساس انها ممرضة
جمال: اهدى انا كنت عند ياسين بيه
انس سكتت ثم:فى حاجة
جمال: اعمليلنا يا امى فنجانين قهوة
نوارة عرفت انه بيطرقها: حاضر
انس قام من السرير و اخده جمال و قعده على الكنبة
جمال: احنا طول بقالنا يومين بنفرغ الكاميرات و حققنا مع البنت
انس: انهى بنت
جمال: معلش اصل الصراحة متوتر
انس بتعجب:فى ايه قلقتنى؟
جمال: بص يا انس اللى قطع فستان ورد مش جاسر زى ما قالك من الشوق و اللهفة
انس وشه احمررر: جمااال
جمال: يا عم اهدى كدة بطل تبقى تور هايج
انس: اخلص
جمال: الكاميرات بتاعة المكان لقت بنت فى الطرقة كانت ماشية فى اتجاه ورد و باين انها شدت فستانها بالطريقة دى علشان يتقطع بالشكل دة و جبنا البنت و حققنا معاها و بعد ضغط اعترفت انه واحد اداها فلوس علشان تعمل كدة و طبعاً بعد ما ورينا صورة جاسر اعترفت عليه
انس غمض عينه : كممل
جمال: دة غير التحليل بتاع ورد اثبت انها شربت مادة مخدرة فى العصير و فضل فى دمها لفترة علشان كدة كانت فى الحالة اللى انت شفتها بيها
انس: و الكلب دة اذاها
جمال: محدش يعرف اللى حصل جوا الحمام الا هو وورد بس معتقدش انه اذاها لانه فى الكشف بين انها كويسة
انس: و انا برضو كنت شارب حاجة
جمال باسى: اه بس انت كل اللى عملته فقدت توازنك وانت بتسوق و العربية اتقلبت بيكم
انس: و اتعميت؟
جمال: يا انس استبشر خير احنا اتواصلنا مع الدكتور و كلها شهر و يكون هنا و يعملك العمليه و مش هنسافر كمان
انس: طب ورد؟
جمال: انت قسيت عليها جامد و هى فعلا متمدرة
انس: متعرفهاش يا جمال انى عرفت انها ورد ابدا
جمال بتعجب: ليه
انس: انا دلوقتى اعمى يا جمال فاهم؟
جمال: ماهى جنبك و متقبلاك فى كل احوالك
انس: لا مش دى القصة بس هشوف قدرة تحملها ايه و كمان علشان بعد ما تتم العمليه انت عارف وضعنا هيكون ايه
جمال بتعجب: مانت هتكون زى الفل
انس بيشاور على عينه: مش العملية دى يا غبى عملية الزينى
جمال: اااه. وانت خايف من ايه؟
انس: لو ورد اتحملتنى و انا اعمى هتتحملنى وانا فقير و ببنى نفسى
جمال رتب على كتف صديقه: بس هى بتحبك اوى
ابتسم انس بمكر: هنشووووووف
و كانت فى نيته شئ اخر ليتسلى بوردته
بعد وقت من الحديث مع جمال دخلت عليهم ورد بصينيه الاكل و الدوا و عيناها منتفختان
جمال ميل على انس و وشوشه: باين عليها مموتة نفسها عياط
انس حزن بداخله: طب برا بقى
جمال: يا ابنى راضيها
انس: ملكش فيه برا و متقلهاش حاجة
ورد واقفة متنحة و مستغربة من المحادثة السرية دى و استأذن جمال فلحقته برا
ورد: جمال هو انس عرف حاجة
جمال بانكار: لا لا بس متضايق علشان وضعه
دمعت عيناها: ربنا يعدى الفترة دى على خير
دخلت سريعاً : لازم تاكل قبل الدوا
ابتسم بمكر ليرد: طيب
قربت منه و حطت الاكل على الترابيزة و قعدت بجانبه
ورد : عملتلك سندوتش علشان يكون سهل فى الاكل
انس: ماشى
ورد استغربت هدوءه:و مسكت ايده و حطت فيها السندوتش
انس : زهرة
ورد: نعم
انس: مش هتأكلينى
ورد: حضرتك مبيعجبكش....
انس قاطعها: يعنى تحبى اوقع على نفسى زى الصبح
ورد : لا طبعاً
و اخدت منه السندوتش و بدأت تأكله براحة
انس: عاوز اشرب
ورد مسكت كوب اللبن و بتشربه و انس قرف: ايه دة دى مياه دى
ورد ببراءة: دة لبن 
انس: قلتلك عاوز اشرب مياه هتشربينى لبن
ورد: اسفة
انس: متشربنيش لبن تانى
ورد: ليه
انس: مبحبهوش
ورد: حاضر
انس : زهرة
ورد: نعم
انس: انتى مرتبطة؟
ورد: نعععععم؟ و دة يخص حضرتك؟
انس: اصل يعنى لو مرتبطة ازاى جوزك ولا خطيبك سامح ان تباتى برا
ورد : مش مرتبطة
انس ابتسم: زهرة
ورد: نعم
انس: ممكن تساعدينى اخد دش
ورد استغربت: ايييه؟
انس: هو دة مش شغلك؟
ورد لنفسها ( دة بيستعبط ولا بيستهبل ولا ايه) : اه شغلى بس حضرتك رفضت انى اغيرلك الصبح
انس: ماهو انا كدة الصبح حاجة و بليل حاجة تانية
ورد: هجهزلك الحمام و هدومك
ساعدته ورد فى اخد هذا الشاور اللعين و هو بيتدلع عليها اخر دلع و مرقعة الصراحة و بعدها
انس و بيتك على الزين: ززززهرة
ورد: نعم
انس: ممكن تقريلى كتاب
ورد: حاضر
و جابت من على الرف كتاب 
و بدأت تقراله و بعد مدة هو حس بنعاسها
و بدأت تقراله و بعد مدة هو حس بنعاسهاانس: ززززززهرة
ورد: نعم
انس: عاوز انام
قفلت الكتاب و قامت تسنده فمثل انه هيقع و ضمها ليه و اول ما ضمها هى اتنفست عطره و دثرت انفها فى رقبته و هو دثر انفه فى شعرها ليستنشق عبيرها
انس: اسف كنت هقع
ورد بتوتر: عادى يا انس بيه يلا اتفضل اقعد
قعدته على السرير ثم نام هو واغمض عينيه و غطته و ظلت تنظر اليه و همست: انس انت نمت
و هو لم ينم بل مثل النوم و السكوت و اما اتاكدت انه نام وضعت قبلاتها على راسه و عيناه و انفه و شفاه ليشعر براحة كبيرة و يغط فى نوم عميق و هى قربت الكرسى من السرسر و جلست عليه بجواره لتغط فى نومها
مرت الايام ما بين دلع انس الزائد على ورد و اهتمام ورد بيه ما بين الرعاية الصحية اكل و شرب و قراية و تمشيه فى الجنينة و و و و مر اسبوع و لم يحدث شئ و فى يوم تأخرت ورد فى الحمام قليلا و هو ظل يتحرك يمينا و يسارا فى الاوضة كالمجنون و هو ماشى اتكعبل فى طرف السجادة على راسه لتدخل ورد وتشهق
ورد: اننننننس
انس حاسس بدوار شديد و سواد ثم حس بضوء شديد و نظر اليها لييندهش ثم ابتسم بمكررررررر
