رواية هربت لتسكن قلبي الفصل الخامس 5 بقلم رحمة محمد
بدا الي في العربيه ينزلو ويقربو من قصر قاسم وصوت ضر.ب النا.ر بقا مالي المكان وحرس قاسم اتجمعو عن البوابه السوده وبقا يضر.بو عليهم نا.ر هما كمان
والخدم الي جوا القصر اول ما سمعو صوت ضر.ب النا.ر بداو يصوتو ويجرو في كل حته
سماح: الحقي ي داده في ناس هتهجم علي القصر برا
داده فاطمه شهقت من الخو.ف: ربنا يسترها يبنتي متقلقيش محدش يقدر يدخل القصر هنا
في نفس الوقت
قاسم كان بيسمع كل كلام معتز ببرو.د: ليله كويسه
معتز بخ.بث:لا صراحه مش مصدقك انا شويه وهعرف لوحدي
قاسم رفع كتافه بلامبالاه وفتح الاوراق الي قدامه وتجاهل نظرات معتز الي كلها غ.يظ من برو.ده
وفجاه تليفونه رن وكان هيثم واول ما رد سمع دوشه عليا وهيثم بيتكلم بر.عب: معتز كل الرجاله الي معايا اتصا.بت ومقدرناش ندخل القصر
معتز جز علي سنانه وبص لقاسم الي في الوقت دا ساب الاوراق وبص لمعتز ببتسامه: خد الرجاله وامشي
وقفل معاه
قاسم وهو بيحاول يستف.زه اكتر: شوفت طلعت فهمك ازاي كنت عارف انك غ.بي ومش هتفكر وهتبعت رجلتك عشان يدخلو قصري.. بس مكنتش اعرف انك غ.بي اوي كدا وفكرت فعلا اني هسبهم يدخلو قصر قاسم الراوي
معتز خبط علي المكتب وهو بيقوم: مش هسبهالك ي قاسم
قاسم ضحك بصوت عالي خلي معتز كان هيو.لع وهو واقف وخرج من المكتب بسرعه
قاسم فضل باصص لمعتز ببتسامه لغايت ما خرج من المكتب وبعدها قام بسرعه عشان يمشي ويروح القصر يشوف ليله.. اكيد هيلاقيها بتعيط ومستخبيه في اي مكان اول ما سمعت صوت ضر.ب النا.ر
ركب عربيته وساق بسرعه وبعد فتره وصل للقصر لقي كل الحرس واقفين وقليل منهم متصاب في كتفه او رجله
قرب منه كبير الحرس: كله تمام ي قاسم بيه
قاسم بص للي متصا.ب: خدهم علي المستشفى
وسابه قاسم وبخطوات سريعه دخل القصر لقي كل الخدم موجودين وكلهم بيعيط.و وباين عليهم الر.عب فضل يدور بعنيه علي ليله بس ملقهاش وسطهم
قاسم: داده فاطمه فين ليله
داده فاطمه وهي لسه واخده بالها ان ليله مش موجوده: معرفش يبني من ساعة ما مشيت وهي فوق مشوفتهاش نزلت
قاسم سابها وجري علي الجناح بتاعه يشوفها ومشيت وراه داده فاطمه: زمانها يقلب امها منهاره عيا.ط من الي سمعته.. ي حبيبتي ي ليله
قاسم كان بيسمع كلامها وهو بيقر.ب اكتر من باب الجناح وفجاه سمع صر.خه منها خلاه يفتح الباب بسرعه وجري عليها: ليله
ليله بصتله بستغراب وشالت الهاندفري من ودانها: في حاجه؟!
وهنا كانت الصد.مه لقاسم ولداده فاطمه
ليله بستغراب اكبر: انتو بتبصولي كدا ليه
قاسم بغ.صب: انتي كنتي بتصو.تي لي دلوقتي
ليله ضمت حواجبها: بصو.ت(وضحكت) لا دي الاغنيه
داده فاطمه بصد.مه: دا انا افتكرتك هتبقي متبهدله عيا.ط ومخبيه نفسك في ايه حته من الي حصل
ليله: هو اي الي حصل؟؟!
قاسم ببرو.د: ولا حاجه كملي شغلك (وبص لداده فاطمه بصه هي فهمتها) يلا ي داده
داده فاطمه: ماشي يبني
وخرجت داده فاطمه وقاسم لسه هيخرج بص ليله الي كانت حرفيا مش فاهمه حاجه: نضفي كويس تنضيفك مش عاجبني
وسابها واول ما خرج اترسمت ابتسامه علي وشه بسبب المجنو.نه الي جوا دي..وهو الي كان متوقع فعلا انه هيلاقيها بتعي.ط وخا.يفه طلعت بتسمع اغاني ولا حست باي حاجه حصلت اصلا
ليله بغ.يظ: بار.د
ورجعت لبست الهاندفري تاني وبدات تغني وترقص مع الاغنيه الي بتسمعها وهي بتمسح الارض
معتز وصل قدام مخزن كبير ولقي هيثم واقف قدامها واول ما شافه جري عليه: قاسم شكله كان عارف اننا هنروح.. عدد الحرس كانو اكتر من امبارح حسيت انهم مستنينا ي معتز وكل الي الحرس الي معايا اتصا.بو بس محدش ما.ت الحمدلله مكنتش عارف اعمل ايه فجبتهم هنا
معتز جز علي سنانه: ما يغو.رو في دا.هيه انا الي يهمني دلوقتي ليله انا هرجعها ليا بأي طريقه
هيثم: ازاي
معتز فضل ساكت وعلي وشه علامات الغ.ضب: في الوقت المناسب هتعرف المهم تبعتلي اتنين يقفو قدام القصر ليل نهار ومن غير ما حد يحس بيهم مفهوم
هيثم حرك راسه بالايجاب: طب والي جوا دول
معتز بغ.ضب: عرفهم اني طردهم
هيثم حرك راسه بالايجاب ومشي
ومعتز فضل واقف وهو بيفتكر كل الي حصل من زمان
"عيلة الهلالي كانت اكبر واشهر العيل ومحدش كان يقدر ينافسهم لحد ما ظهر قاسم الراوي وكان ديما هو المنافس ليهم وفعلا قاسم قدر انه ينجح عليهم..عشان كدا ديما كان في مشاكل بين عيله الهلالي مع قاسم الراوي"
معتز جز علي سنانه وهو فعلا متغا.ظ من قاسم: شكله جه الوقت الي لازم اخلص منك فيه ي قاسم الراوي
قاسم دخل مكتبه الي في القصر ومنع اي حد يدخله ورن علي كبير الحرس عشان يشوف ال3 الي اتصا.بو
ولما اطمن عليهم: بلغهم انهم في اجازه مفتوحه لحد ما يبقو كويسين ومرتبهم مستمر زي ما هو
كبير الحرس: اوامرك ي قاسم بيه
قاسم قفل معاه وفضل قاعد يفكر في كل الي حصل واول ما افتكر شكل ليله وهي مستغربه من كلام داده فاطمه ابتسم تاني غ.صب عنه
واتلاشت ابتسامته بسرعه وهو سامع صوتها بتخبط علي الباب: ادخلي
دخلت ليله وباين علي وشها الت.عب واول ما شافت كرسي جريت قعدت عليه: انا خلصت
قاسم رجع بضهره وسند علي الكرسي: ان سمحتلك تقعدي
ليله بصتله بعدم فهم: نعم؟!
قاسم: قومي واستأذني انك هتقعدي الاول
ليله بغ.يظ وقامت: ممكن اقعد ي قاسم بيه لو سمحت
قاسم ببرو.د: لا هااا كنتي جايه ليه
ليله بصد.مه: بقولك عايزه اقعد انت اي معندكش احساس
قاسم: لا
ليله جزت علي سنانه وهي حقيقي مش قادره تقف: كنت جايه اقولك اني خلصت الي طلبته كله وجايه اروح اوضتي ارتاح سماح قالتلي ان لازم استأذن منك عشان مطربقش البيت علي دماغهم.. هو انت كل ما حد يتكلم بطربق البيت؟!
قاسم تجاهل سؤالها وهو باصص في اوراق قدامه: تمام
ليله لسه هتخرج من المكتب بصتله: انت شوفت معتز النهارده؟
قاسم بصلها: بتسألي ليه؟ قلقانه عليه يعني؟!
ليله بسرعه: اقلق علي مين دا انا بتمني يبعد عني(وهمست بغ.يظ) وغو.ر من البيت دا
قاسم ببرو.د: اشمعنا بتسالي؟
ليله: اصلي مستغربه انه مظهرش النهارده ولا حتي عمل حاجه يمكن حس علي د.مه وفعلا بعد عني
قاسم ابتسم بسخريه وهو بيحرك كتفه وعينه رجعت للاوراق تاني: يمكن
ليله بسعاده كبيره: دا ياريت بجد
قاسم بصلها بستغراب: لدرجه دي نفسك يبعد عنك
ليله من غير ما تحس راحت وقعدت علي كرسي جنب المكتب: اوي اوي كمان اصل انت متعرفش.. عمي طول عمره عايز يجوزني لمعتز من ساعة ما اتولد بس بابا كان رافض تماماً ولما عمي ما.ت معتز بدا يخو.في ويقولي لازم توافقي عليا ويهددني (دمو.عها نزلت بحز.ن) لما هد.دني خو.فت ولما اتقدم لبابا انا وافقت بس بابا كان حاسس اني مش موافقه وهو مكنش موافق اصلا بس وافق لما انا وافقت.. ولما فضل يضغط عليا قولتله ان معتز هدد.ني انه لازم اوافق او يمو.تك.. وطبعا لما عرف نهي الخطوبه وهدد معتز يبعد عني وبعدها بشهر بقا حصلتله حاد.ثه وما.ت ومعتز اول ما عرف خدني وحبسني في شقه والي حصل حكيته ليك
ليله كانت بتفتكر كل الي حصل وهي بتع.يط وزعلانه اوي.. باين علي صوتها القه.ر والحز.ن بس فجاه بصت لقاسم بصد.مه من كلامه
قاسم ببرو.د: خلصتي؟
ليله مسحت دمو.عها بإهمال وبصتله بعدم فهم
قاسم: برا
ليله بصتله بصد.مه وووووووو
