رواية لم تكن هي الفصل الخامس 5 بقلم ياسمين الكيلاني
البارت الخامس... " لم تڪن هي "
ـــــــــــــــــــــــــــــــــــــــــــــــــــــــــــــــ
اسيل حاست انها في ورطة كبيره ومش محضرلها لكن زياد كان واثق إن ادهم هيعمل كده عشان كده قرر إنه يقول بهدوء
: تمام هبعت اجيب المأذون خليك انت مع رنا عقبال ما اجي...
: ايوه بس فيه مشكله.....
" انتبه ليها ادهم وزياد اتوتر جدا من اللي عملته لكنها صلحت الموقف بسرعة
: انا تعبانة شوية وحتي لو كتبنا الكتاب يا ادهم مش هقدر اسافر خلينا نروح السرايا احسن وسط عيلتك وبعد ما اخف نروح مفيش مشكله....
" اتكلم ادهم بحنان وابتسامة جميلة
: مفيش مشكله انا ميهمنيش غير راحتك يا رنا....
" مشي زياد عشان يجيب المأذون اما هي وادهم فضلوا قعدين ف المستشفى و لحظت إنه بيبصلها طول الوقت ذي ما يكون سرحان فيها.."
" كانت خا.يفة من نظرته ليها لكنها حست أنه انسان طيب جدا وحنين اوى عليها فتكلمت بهدوء
: بتبصلي كده ليه؟!
اتكلم بصوت حنون ومشاعر صدقه
: اول مره احس اني مبسوط!
" انتبهت جدا ليِ وفضولها انها تسمعه "
_أول مره القي روحي رجعتلي تاني؛ حاسس إن الحياة كانت واقفه علي اللحظة دي وفجأة جت!...
شعور غريب جوايا مش عايزو ينتهي عشان كده مش عايز اشبع من نظرتي ليكي....
" اتكلمت من غير وعي وحيره وهي بتبصله
: أنت غريب أوي.. للدرجة دي!!
" قرب منها بحُب واتكلم ببتسامة سحرتها
: يمكن تستغربي ادهم دلوقتي بس انا كنت عاجز من غيرك وكنت بالمعني ميـ.ت!
شخص عايش طول الوقت بيدور علي ملاكه عشان يأنس ضلته ووحدته تفتكري لما يشوفه قدامه يعمل اي؟!
" اتكلمت بتوهان
: يجري عليه ويحضنه!
_عشان كده جريت عليكي وحضنتك لأني بحبك....
" قد اي الكلمة دي حلوه من بين كلامه مع انها عارفة انها مش ليها بس هي حلوه بتلمسها كل مره بتتكلم وياه "
" جي زياد وكتب الكتاب ووقف علي اسم العروسة فتكلم ادهم ببساطة
: رنا كامل البحيري...
" مضوا علي العقد مع انها كانت مضـ.يقة جداً عشان هتعيش معاه علي اسم واحده تانية لكنها اضطرت تعدي الموضوع لحد ما تخلص من ور.طتها....
_طيب كده العقد اتنفذ هروح اجيب حاجه من العربيه وجاي... رنا جهزي نفسك عشان هاخدك علي السرايا تتعرفي علي اهلي وترتاحي شويه.....
" هزت راسها بحزن بعدين مشي ووقفت هي بغيظ كبير وغـ.ل
: أنت ازاي تعمل كده انا اتورطت!
_اهدى يا اسيل انا هفهمك...
_تفهمني اي؟ انا كده هعيش معاه ف الحرام أنت متخيل! احنا مش اتفقنا امثل عليه واكرهُ فيا من بعيد لبعيد دا عايزني معاه ف السرايا! قولي هعمل اي؟...
_اهدي انا مش هسبكم لحظه واحده... مش هيحصل اي حاجه تخليكي تخا.في كل دا... انتِ بس حاولي تبعدي عنه الفترة دي عقبال ما اتصرف....
_يعني اعمل اي!!
_انتِ عامله حدثه وادهم فاهم كده كويس متخلهوش يقرب منك مهما حصل ولا حتي يحبك لحد ما اظبطت كل حاجه تمام!
_ايوه بس...
_مفيش بس يا اسيل خلاص احنا ف ورطه ومفيش حل غير كده انتِ....
" سمعوا صوت حركة علي الباب فقلقوا يكون حد سمعهم بعدين عرفوا انها قطة مش اكتر فتكلم زياد بهدوء
: يلا اجهزي عقبال ما ادهم يرجع....
" سابها وهي متغا.ظه جداً ولا اكنها خدامه عنده بس حاولت تسمع الكلام لحد ما تبعد عنهم خالص والقصة تنتهي "
ــــــــــــــــــــــــــــــــــــــــــــــــــــــــــــــــــــــــــ
بعد شويه... "
" جهزت عشان تروح معاه واتكلمت بهدوء
: انا جهزت خلاص يلا عشان.....
" لقيته قرب منها وفي لحظه كان شايلها وسط زهولها واندهاش زياد فتكلمت بحرج
: ادهم نزلني انا هعرف امشي....
_لا انتِ تعبانة والمفروض إن رجلك مجرو.حة ذي ما قال الدكتور مش كده!!
" اتكلم زياد بسرعة
: ايوه فعلا خلاص يلا عشان نلحق نمشي....
" خدها لحد العربية بعدين نزلها بالطف واتكلم بحب
: انتِ كويسة...؟
" هزت راسها وهي تايه ف عينيه وفي حُبه واهتمامه بيها لحد ما فاقت اول ما زياد اتكلم
: ما تنجز يا ادهم عايزين نمشي....
" ركب العربية واتحرك بسرعة علي السرايا؛ كانت طول الوقت ف عيونها لمعة واحساس غريب كرهاه قد اي الحياة قا.سية أوي تخلي العايش مكروه للدرجة دي والميـ.ت كل الحب والدفء دا عشانه "
" حياة مش عادله ولا مفهومه يعني فيها اي لو كنت رنا بجد!
وترجع تاني تفتكر صحبتها ووالدها التعبان وتبتسم بهدوء عشان دول اغلي من كل شيء قدمها "
" فاقت من شرودها علي صوت فتح الباب كان علي وشك أنه يشيلها لكنها اتكلمت برفض
: انا كويسه اه مجر.وحه لكن اقدر امشى ارجوك سبني انا هعرف امشي....
" استغرب جدا رفضها لكنه افتكر انها محرجه شويه فسندها بهدوء عشان تمشي جمبه لحد ما دخل وهي وراه علي طول فتكلمت مي بمياعه وهي بتظبط دوافرها
: اي يا دومي أنت اتاخــ........
" وقفت الكلمة ف زورها اول ما لقتها وقفه جمبه كانت هيغمي عليها من الصدمه والزهول اللي حصلها معقول هي!!
اتكلم ادهم ببتسامة وهو بيقرب اسيل منه
: اقدملك يا مي.... رنا مراتي...
" قربت مي من غير وعي منها وهي بتلمس وشها وجسمها بر.هبه وخو.ف وهي مش مصدقة لحد ما اتكلمت باندهاش
: رنا!!... اا.. ا... ازاي؟؟ يعني هي كانت ما.تت و... و ازاي!
" بعدت مي بخو.ف كبير ونادت بصوت عالي علي امها وابوها و اخوها عامر "
" نزلوا بسرعة واتكلمت زهرة بعدم انتباه
: مالك يا مي بتصر.خي لــ.....
" بصت قدامها والرهبه خدتها هي كمان لما شافت مين وقفه جمب ادهم
كانوا في حالة من الصدمه والر.عب دخل جوه قلوبهم كلهم "
" كل واحد جواه الف قصة وحكاية لكنهم مقدروش يتكلموا وهما بيبص كل واحد فيهم بصدمه عا.رمة مش سيعاهم "
" اتكلم زياد بثقة كبيرة وابتسامة سذاجة ليهم
: اي مش هتسلموا علي رنا هانم مرات ادهم الهلالي....
" اتكلمت زهرة وهي بتصطنع الحب
: حبيبتي الف حمدالله علي سلامتك مش كنت تقول يا ادهم بس ازاي يعني انا اعرف ان رنا ...
" اتكلم زياد بكبرياء
: لا مهو رنا ممـ.تتش!....
" بصوا كلهم لبعض بصدمة بعدين اتكلمت مي بشك
: ازاي!!
_ببساطة رنا بعد الحدثة ودخولها المستشفى بعد كام يوم من خبر وفا.تها كانت هربانه!
_هربانه!!
_اه يا مي قصد رنا هانم عرفت ان الضر.بة كانت مقصوده ف ادهم يوم الحدثة عشان هي متكونش معاه لكن شوفي القدر! ترجع تاني هنا بعد كل السنين دي وتبقي مرات ادهم....
" اتحر.ق دمـ.ها جداً لكنها اتكلمت بشك
: بس اشمعنا انهارده ليه رجعت!
" بعدين وضحت كلمها بطريقة تانية وقالت بتوتر
: اقصد اشمعنا انهارده ليه مش من سنين!
" اتكلم زياد بثقة
: لأنها ببساطة عرفت ان ادهم مسافر بُكره عشان كده حبيت تظهر أخيرا....
" وضحت الحكاية قصدهم كلهم فتكلم ادهم بلطف
: طيب عن اذنكم هاخد رنا اطلعها اوضتها عشان هي تعبانة شوية....
" شالها وسط غيظهم كلهم ونير.ان الحقـ.د اللي جواهم خصوصاً مي اللي حست إن كل شيء بيروح منها وهي ملهاش حق تتكلم "
" اتكلم زياد بستفزاز كبير ليهم
: يلا يا مي وريني ازاي هتتجوزي ادهم! سلام....
" اتكلمت زهرة بعد ما مشي زياد
: حد يقولي ازاي انا هتجنن!
" منير بحيره
: انا مش فاهم حاجه ومش مقتنع بكل اللي اتقال دا...
" عامر بشك
: الموضوع دا مش مظبوط ازاي يعني ممـ.تتش!
" اتكلمت مي بعيون حمره ومكـ.ر شياطين
: البت دي مش رنا...!
" اتكلمت زهرة بغيظ من بنتها
: انتِ كمان هتفتي فيها ما باينه ذي الشمس الطلـ.قة مجتش فيها ذي ما الهانم قالتلنا شوفتي تفكيرك ودانا لفين كان زمان ادهم ما.ت وورثنه مكانه....
_ماما انا متاكده إن رنا ما.تت وشبعت مو.ت لو مكنتش واثقة من ضر.ب النار اللي حصل مكنتش قولت كده...
"لو البنت دي فعلاً رنا هتبقي الخيط الوحيد اللي يعرف مين سبب الطلـ.قة اللي المفروض كانت تيجي ف ادهم
" لكن الخطة اتغيرت ف اخر ثانية لأن ادهم ميستهلش المو.ت....
" عشان كده لو رنا هتبقي عارفه كويس مين اللي ضر.ب عليها نار بدل ادهم....
"لو فعلاً هي رنا هتقول ل ادهم علي القا.تل ودا شخص مش بعيد علي ادهم....!!
ــــــــــــــــــــــــــــــــــــــــــــــــــــــــــــ
" دخلت الاوضة وهي مزهوله من شكلها؛ لقت صورها كلها معلقة علي الحيطة هي وادهم كانت بتبص ل رنا بتركيز اوي وهي حضنه ادهم ومبسوطه معاه "
" قرب منها وحضنها بحب وشاور علي صورتهم ببتسامة
: شايفه دي كانت ف اسكندريه يوم ما عرفتك، كنت مجرد موظف ساعتها ف شركة والدك لحد ما شوفتك يومها ومعرفتش ساعتها انساكي ولا انسي حنانك عليا....
" بعدت عنه بتوتر واتكلمت مغيره الموضوع
: طب.. طب ودي انت ليه كنت فيها لوحدك وبعدين اشمعنا الصورة دي اكيد كنت زهقـ.ت مني.....
_رنا دي الصورة اللي صورتهالي واحنا ف اسكندرية قولتيلي ساعتها أنك حبه تحتفظي بصورة دي ف اوضتنا....!!
_ ااا.. ااه اصل من الحدثة نسيت حاجات كتير طيب انا كنت عايزة اطلب منك طلب....
" قرب منها وباس ايديها بحنان وحب
: انتِ تأمري مش بس تطلبي....
" سحبت ايديها بسرعة واتكلمت باندفاع
: ارجوك كفاية لحد هنا....
" استغرب جداً اللي قالته واتكلم بعد فهم
: في اي؟ انا ضيـ.قتك....!
" اتوترت وعملت نفسها هيغمي عليها عشان تتوهه فتكلم بخو.ف وقلق وهو بيسندها
: رنا انتِ كويسه؟ اجبلك الدكتور!...
_لا انا تمام بس محتاجه انام شويه دايخه....
_حاضر يا حبيبتي " سندها بهدوء علي السرير واتكلم بمرح وهو بيغطيها عشان تنام
: هسيبك تستريحي عشان تعبك مع إني كنت بحلم باليوم اللي تكوني في جمبي وقريبه مني كدا بس مش مشكلة انا مش طماع كفاية إني شوفتك بس...
" قرب منها وباس راسها بحنان كبير واتكلم بهمس لطيف
: تصبحي علي خير يا اجمل ما ليا....
" غمضت عينيها بخو.ف وعملت نفسها نايمه وسابها ونزل تحت اما هي ف فتحت عيونها اول ما مشي واتكلمت بجنون مع نفسها
: طب وبعدين يعني هفضل علي الحال دا كتير انا كده ممكن اغلط واعترف بكل حاجه واللى يحصل يحصل يعني هو ماله حاببها اوي كده ليه!
" قامت بصت علي الصور واتكلمت بغيره
: يعني مفيش مقارنه اصلا انا احلي بكتير المفروض يكشفني اصلا!!
" بعدين بصت لصورة بعيده وهو بيضحك فيها وشكله لطيف فيها؛ ابتسمت وهي بتلمس الصورة؛ حست قد اي انه حنين جدا و متسامح حتي مع الد اعد.ائه "
ــــــــــــــــــــــــــــــــــــــــــــــــــــــــــــــــ
نزل تحت في السرايا لقاهم كلهم مجتمعين فتكلم بتساؤل
: ف اي! حاجه حصلت؟....
" اتكلمت زهرة بغيظ
: ادهم انا مش مرتاحه للموضوع دا اكيد ف حاجه غريبه منعرفهاش! منين رنا ما.تت واد.فنت قدامنا ومنين تظهر فجأة وتبقي عايشة....
منير بموافقه
: ايوه زهرة معاها حق أنت لازم تتاكد عشان متبقاش مجرد واحده شبها! وبعدين نقول ياريت اللي جري ما كان....
" اتكلمت مي بدلع
: ادهم البنت دي مش رنا صدقني تصرفاتها بتقول كده
" كمل عامر بمكر
: بصراحه انا حاسس انها بنت خبيثة وشيطانه عرفت إنك معاك قرشين فقالت وماله والنوع دا بيحب الفلوس ذي عينيه ويقدروا يعملوا اي حاجه مقابل الفلوس حتي لو هتقعد مع واحد مش جو.....
" قبل ما يكمل جملته كان ادهم مسكه من قميصة خا.نقة وسط زهول مي وزهرة ومنير فتكلم بغضـ.ب واتحول لشخص تاني بعيون حمراء
: لو جبت سيرتها تاني علي لسانك هنسـ.فك!
"مراتي مش واحده من الزبا.لة اللي تعرفهم...
" دي رنا وانا واثق من كده وبحبها ومش هسمح لواحد مشبوه ذيك يقول عليها كلام قذ.ر علي لسانك أنت فاهم....
" قربت زهرة بسرعة منه عشان تحوش ابنها بين ايديه واتكلمت بخو.ف
: خلاص يا ادهم سامحه هو ميعرفش حاجه سيبه... سيبه...
" اتكلمت مي بغيظ كبير
: ف اي يا ادهم كل دا عشان بنواعيك دا جزائنا!
" شاور بإيديه قصادها واتكلم بعيون قاتمة
: اسمعي كويس واسمعوني انتوا كمان الكلام للكل اللي هيجيب سيرة مراتي بحرف بس همحـ.يه من حياتي اولهم هحر.مه من العز اللي بقيتوا فيه بسببي!
مراتي " رنا كامل البحيري " هي صحبت السرايا اللي انتوا قاعدين فيها دي ومش هقبل بحد يهيـ.نها وانا عايش أو يجر.حها بكلمه مفهوم....
" سابهم وطلع اوضته من غير محد فيهم يقدر يكلمه كلمه زيادة "
" عيون الشـ.ر والغيـ.ره والحقد بقت محاوطاهم ذي الاغو.ال لحد ما اتكلمت مي بتحدي ونار جواها
