رواية قلوب ارهقها العشق الفصل الرابع وخمسون 54 بقلم ياسمين رجب

جاء رجال الاسعاف وحملوا ريان إلى المشفى

بينما لحق بهم عمار ومرام بصحبة عماد الذي أمن لهم المكان حتى لا يستطيع احد الاقتراب منهم

ليدخل بعدها إلى غرفة العمليات التي تم تجهيزها على احدث مستوى فكانت المشفى خاصة بشقيق عماد

وبعد وقت قصير خرج شقيق عماد الذي سكن ملامحه الحزن وهو يهتف....... للاسف يا عماد....

دق ناقوس الخطر بقلبه وانقبضت ملامحه لتمسك مرام بيده خوفا من ما يتفوه بيه الطبيب

بينما انقبضت ملامح عماد وهو يردد بخوف.......للاسف ايه

اغمض الطبيب عينيه وهو يستجمع قوته ثم ردد بخوف..........ريان اتصاب ب ثلاث طلقات

شهقت مرام بخوف وتجمدت ملامح عمار وعماد ليكمل قائلا وللاسف من بينها طلقة اخترقت الكلي وفي حالة ريان الوضع صعب كونه عايش بكلي واحدة

رجع عماد للخلف وهو يستند على الحائط بجسده ثم هتفت....... يعني ايه

الطبيب بأسف....... مفيش غير حل واحد

انتبه له الجميع ليهتف....... محتاجين متبرع في اسرع وقت

تقدم عماد بقوة وهو يهتف...... انا موجود خد مني عندي استعداد كامل تاخد قلبي بس هو يعيش

وضع شقيقه يده على كتفه قائلا...... انت مش هتنفع

انا مستعد اتبرع........ قالها عمار بصلابة

لتهتف مرام بذعر....... عمار انت بتقول ايه

اقترب عمار من الطبيب وقال بنفس القوة....... انا هتبرع لاني كنت السبب في الي هو فيه...

انتبه له الطبيب وهو يتفحصه ليهتف بنفاذ صبر....... يا جماعه افهموني ريان جسمه مش هيقبل اي متبرع لان ببساطة هو خسر كليته من وهو طفل وحاليا التانية اتصابت في الحالة دي مش هينفع غير متبرع من الدرجة الأولى يعني اخوه اخته ابنه امه ابوه غير كده الجسم مش هيتقبل.... واتمني تلاقوا حل في اسرع وقت لانه خسر دم كتير

انهي حديثه وانصرف إلى غرفة العمليات مرة أخرى

ليبقى الجميع في حالة من الصمت

كانت حالة عماد هي الاصعب بينهم فهو الان سيخسر رفيق دربه الذي تربي معه لسنوات وحتى في العمل كان يشاركه بكل شئ دون معرفة احد من رجال المافيا

شعر عمار بالاختناق والضيق من هذا المكان وكل مشاعره هي الاشفاق على حال ريان الذي افداه بحياته ليترك مرام وينصرف للخارج

فلحقت به وهي تقف امامه وعينيها ذرفت الدمع...... عمار رايح فين

اغمض عينيه بضيق ثم نظر إليها وهو يكفكف دموعها...... طيب بلاش بكاء علشان خاطري انا مش مستحمل

هزت رأسها بالنفي لتهتف...... طيب رايح فين

محتاج اكون لواحدي شويا يا مرام ارجوكي؛؛

لمحت الضيق بعينيه ورغبته في المكوس لوحده فرفعت كفه إلى فمها وقبلته قائلة برجاء...... طيب علشان خاطري متتاخرش عليا

هز رأسه بالموافقة ثم اقترب منها وقبل رأسها تاركها تعانى من جرح قلبه وشعوره بالذنب.....

__________

على الجانب الآخر

خرجت رهف من غرفة العناية بعدما اجري لها الطبيب الفحوصات اللازمة واطمئن على صحتها

ثم بقت قليلا لوحدها دون أن تري احد إليها وهي مسطحه على الفراش والتعب والحزن حليفها

ليدلف بعدها إسلام وهو يحمل باقة كبيرة من الورد وهتف بصوت هامس...... حمدالله على السلامة

رمقته بنظرة غاضبة ولم تتحدث بعدما التفتت الجانب الآخر

ليشعر هو بغضبها هذا فهتف بقلق...... رهف مالك

ممكن لو سمحت تطلع بره....... قالتها بوهن وتعب

فأمسك وجهها بين كفيه وهو يجبرها على النظر إليه

قائلا بتساؤل........ مالك يا رهف زعلانة ليه

اغمضت عينيها بضيق ثم هتفت وهي تشيح ببصرها عنه..... ارجوك انا تعبانه ومخنوقه ممكن تسبني لوحدي لحد ما اهدي

رأي الحزن بعينيها فجلس على ركبتيه بجوار الفراش وهتف بصوت رخيم........ واحنا من امتي لم حد فينا بيضايق بنسيبه يهدي رهف احنا اتعهدنا محدش يزعل من التاني ويشل في قلبه لا ده يقوله في وقتها علشان الزعل لم بيكبر بيعمل مسافه وفجوة بنا

لمع الدمع بعينيها فهتفت بوهن وحزن...... انا خرجت من العمليات بقالي اكتر من ساعة وفضلت لوحدي محدش سأل عني حسيت اني مليش حد مع اني اول ما فقت سألت عليك

بسسسسسس........ قالها بخوف وهو يمسح دموعها التي هبطت من عينيها ثم هتف بصدق....... انا كنت مستني بره بس لم عرفت ان لسه في فحوصات والكلام ده انتهزت الفرصة وحبيت اجيبلك ورد علشان تكوني مبسوطة اول ما تشوفيه

نظرت بجانبها فوجدت باقة كبيرة من الورد نعم شعرت بالسعادة بداخلها ولكن لم تشاء ان يري ذالك فهتفت بضيق مصطنع........ مكنش لو لازمة

ابتسم بخبث وقد علم بأن باقة الورد اعجبتها فهتف بخبث اتقانه....... خلاص هاخده ارميه بره

ثم هب واقفا وهو يحاول أن ياخذه فتفت هي بضيق...... تعرف انك رخم وغبي

هنا اتقن انها استأت من فعلته وعادت إلى تمردها فهتف بالقرب منها....... رخم وغبي بس بحبك ومقدرش اعيش من غيرك

لمحت شرارة العشق بعينيه فأبتسمت بينما كان هو قريب منها حتى شعرت بأنفاسه لتهتف بتوتر...... اسلام انا

لم يستطيع الهدوء اكثر فخطف شفتيها بين شفتيه وقبلة بشغف وعشق قد سجن بقلبه وكانت هي عليه السجان التي ابت خروجه من سجنها

_____________

بالفيوم وبالتحديد في وادي الريان اجمل محمية طبيعية في مصر

هبط الجميع من الحافلة ونصبوا الخيام على شاطئ البحيرة ولم يشاء احد منهم النزول في اماكن الزوار حتى لا يفقدوا لذة المكان ثم انصرف الشباب بعدها إلى الشلال وهم يشاهدون مدي جماله وقفوا في الاعلي وهم ينظرون للاسفل فكانت كثافة المياة عالية ليقفز احدهما من فوقه حتى سقط وسط المياة وهو يردد بسعادة...... شباب جربوها المياة حلوة اوي...

تبادلوا الانظار سويا وبداء الشباب في القفز واحد تلو الآخر

بينما كانت الفتيات يتابعهن بدهشة وذهول

ليذهبوا هما إلى البحيرة ولكن اوقفهم كريم قائلا...... اول حاجه مش عايز مشاكل الناس هنا عرب يعني لهم عادات وتقاليد مينفعش تنزلوا البحيرة بلبس مش كويس

صاحت احدهن..... يعني هننزل بهدومنا يا دكتور......

كريم بحدة........ لو مش عاجبك متنزليش خالص ثانيا محتكوش باي حد ولو في حد غريب ضايق واحدة فيكم انا الي هرد عليه وهعرفه مكانته ومقامه احنا هنا اغراب لازم نحترم المكان علشان الناس الي هنا تحترمنا واظن كلامي مفهوش غلط

همس بتساؤل....... طيب كريم بيصير نط من فوق الشلال هداك متل الشباب...؟؟؟؟

نعم....... قالها كريم بتعجب..... ثم تابع...... انتي عايزه تنطي من فوق الشلال

اه ليه لا.... ما الشباب هنيك عم تطلع وتنزل كل شوي..... قالتها بأمتعاص

فقال الاخر بغضب....... ده لانهم شباب يقدروا يتحملوا صدمة المياه لجسمهم انما انتي لو نطيني جسمك مش هيتحمل والي مساعدهم ان كثافة المياة عالية عن سطح الارض والا كان زمانهم اتكسروا من الحجارة الي تحت الشلال

ضربت اقدامها بالارض بغيظ ثم هتفت..... لكان في اي اوامر تانية لسه حضرتك ما خبرتنا عنها

ضربها فوق رأسها ثم قال..... فاضل تبطلي لماضة وتبقي عملتي خير

لوت ثغرها بتهكم وانصرفت مع الجميع بينما بقت سلمي تنظر إليهم من بعيد إلى أن هتف هو بتساؤل..... خير مروحتيش معاهم ليه...

ابتسمت بهدوء وقالت...... مش بحب البحر لاني بخاف من المياه وغير كده مش بعرف اعوم

نظر لها مطولا ثم هتف...... طيب ليه اخترتي المكان ده كان ممكن تختاري مكان مفيهوش بحر

هتفت بغيظ....... مش انا الي اختارته دي الزفته ياسووو هي الي اختارت

نعم قالها بعدم فهم ثم هتف بتساؤل.... ياسووو

لويت ثغري بتهكم ثم هتفت...... اه ياسووو يا اخويا جتك الاقرف في حلاوتك كده اتلم بقا احسن كلها ساعة زمن واكون عندك وقسما عظما اخطفك واسيب بيتي وجوزي والي يحصل يحصل....

التفت كريم خلفه وهو ينظر إلى تلك الفتاة التي جائت من الخلف لتهتف بضيق...... انا الي اخترت المكان خير في حاجة

اقتربت منها سلمي وهي تصافحها بحب قائلة...... اهلا ياسووو اتأخرتي ليه

نظرت لها بغضب ثم هتفت بغيظ...... كنت بهرب علشان اجيلكم ولا انتي فاكرة اني علشان من الفيوم سهل اجيلك

طالعها كريم بتفحص كانت فتاة لم تتجاوز الثاني والعشرين من العمر جميلة إلى حد ما عينيها سواد كالليل الدامس وبشرتها بيضاء تزينت ببعض حبات النمش بفم صغير وانف مستقيم لتزين ابتسامتها غمازتين يظهرن حينما تبتسم

لينتبه من شروده على صوتها وهي تعطي حقيبة لسلمي قائلة بتحذير..... اتفضلي دي الاطباق والحاجات الي طلبتيها بس خلي بالك انا طلعتلك اطباق من النيش لو اتكسر منهم واحد وحياتك لنكد عليكي انتي وحبيب القلب فاهمة

ثم القت نظرة على الفانز قائلة...... مش حارمكم من حاجة اهوو حتى انا طلعتلكم في الرواية

انهت جملتها وانصرفت ليهتف كريم بتساؤل..... مين الكائن دي

تركت سلمي الحقيبة بجوارها ثم هتفت.... دي المفترية الي هتنكد علينا في الفصول الجاية ارتحت

قالتها وانصرفت ليركض خلفها قائلا...... انتي رايحا فين

اخرجت هاتفها وقالت بسعادة..... عايزة اصور المكان

ابتسم الاخر على طفولتها وهو يشير لها بكاميرا ثم هتف...... يبقى نصور مع بعض

نظرت له خلسة ثم بدأت في التقط الصور وبين الحين والاخر تلتقط له بعض الصور

بينما كان هو منبهر بالجمال الطبيعي الذي جعل روحه تسكن بين زوايا الجبال وهو ينظر إلى بساطتها و ابتسامتها ليصوب بكاميراته عليها والتقط لها عدة صور مختلفة دون ان تشعر

وبعد وقت ليس بكثير عاد الجميع إلى مكان التخيم ليهتف احد الشباب....... انا جعان تعالوا نروح نجيب أكل من اي مكان

وافقه الجميع لتهتف سلمي برفض بعدما احضرت الحقائب من خيمتها...... شباب استنوا انا معايا اكل يكفينا كلنا

نظر لها الجميع بعدم تصديق ثم فتحت هي الحقائب وبدأت في اخراج اواني الطعام الذي هبت ريحته وجعلت الجميع متشوق للاكل

انتي جايبة اكل لمصر كلها....... قالها كريم بدهشة

لتبتسم الاخري بسعادة........ دي فكرة ياسووو

اخرجت باقي الاواني وكشفت عنها فكانت اعدت جميع اصناف المحشي (ورق عنب و كرونب_باذنجان_فلفل_ممبار_بطاطس)

ولم تنسي اللحوم والسلطات

ثم هتفت بهم...... اتفضلوا يا شباب كل واحد واحدة يأكل الي يعجبه بس خلوا بالكم الطبق الي هيتكسر هيتنكد عليه

تعالت ضحكات الجميع وهم يأكلون بشهية إلى أن نظرت سلمي بداخل الحقيقة التي بها الاطباق لتخرج شيء ساخن

رفعت الغطاء عنها لتهتف همس بأعجاب....... لك يسلموا سلمي كمان صنية بطاطا بالجاج

نظرت لها بعدم فهم لتهتف..... بتقولوا عليها بطاطس مو هيك

ابتسمت سلمي بسعادة وبدأت في اعداد طبقين ثم اخذتهم واتجهت إلى كريم الجالس بعيدا عنهم فهتفت بنبرة راجية...... ممكن تأكل

نظر لها مطولا ثم اخذ منها طبق لتجلس الاخري بجواره وبدأت في تناول الطعام ليهتف هو بتساؤل جعلها تنتبه إليه......... انتي ازاى كده

طالعته بعدم فهم....... ليكمل حديثه....... يعني جميلة وهادية عاقلة وفي نفس الوقت بتكوني مجنونة وغير كده بتهتمي بالي حواليكي

حديثه جعلها تشعر بالخجل لتنظر إلى الطبق الذي بيدها وهتفت بهدوء...... كل الناس كده

انتي مفيش حد زيك....... قالها بنبرة تخفي حولها مشاعر مسجونة تأبي الخروج مشاعر مكبلة بأغلال قوية يصعب كسرها

لم تتفوه بحرفا واحد بل اكملت طعامها وسط تلك السعادة التي حلقت بصدرها من هذا العاشق الذي عزف بحديثه على اوتار قلبها بأشهر معزوفة عاشقة...

________________

بالمشفى انقضي اكثر من اربعة ساعات ولم يخرج ريان من غرفة العمليات بينما بقت مرام على حالها والخوف هو المرافق لها فهو منذ ان غادر لم يعود حتى الان

تنهدت بثقل حتى لفت انتباهها رجل كبير يبدو عليه الوقار في العقد السادس ولكن قوته وصلابته تدل على انه صاحب مكانة مرموقة

بينما كانت بجواره امرأة في منتصف العقد الخامس تميزت بالجمال والرقي

وما ان اقرب من عماد حتى وقف لهم احتراما ليهتف الرجل بسخرية....... ايه يا عماد ياتري المرة دي الاصابة كانت وهو بيتاجر في سلاح ولا في صفقة الماس

ولا مخدرات ولا صفقات مشبوهة

ضيق عماد عينيه ثم هتفت بغيظ....... ولا اي حاجه من الي حضرتك قلتها وبعدين انت اكتر واحد عارف ان ريان مكنش نفسه يشتغل الشغل ده

ابتسم الرجل بسخرية....... ده على اساس ان حد غصبه مش كفايه انه خلي اسمي في الارض ابن توفيق رسلان بقا من اكبر رجال المافيا

اوعا تكون فاكر اني علشان كبرت وسبت شغل الداخلية يبقى خلاص مبقتش اعرف اخبار لا يا عماد انا لحد دلوقتي عارف خط سيره ومعايا ادلة و ورق يثبت كلامي كويس.. انا خلاص مبقتش عارف اعمل ايه معاه يمكن يموت وارتاح من العار الي بقا ماسك فيه

شهقت المرأة بخوف على ابنها الذي لم يتبقي لها غيره بعدم فقدت الاول لتهتف ببكاء..... بلاش الكلام ده يا توفيق ابنك دلوقتى بين ايد ربنا حرام عليك مش هتحمل خسارة التانى كفاية الي خسرته...

هتف الرجل بغضب....... الي زي ده ميستهلش يكون له اهل

كفاية بقا....... صاح بها عماد وهو يشير بسباته بوجه والد رفيق دربه ثم هتفت بغضب وضيق...... صدقنى لو في حد ميستاهلش يبقى حضرتك

رفع يده وصفعه بقوة حتى اهتز عماد لتلك الصفعة ليهتف توفيق بغضب....... يا خسارة تربيتي فيك يا عماد حتى انت

لمعت بعينه الدموع ولكن كان اقوي بكثير من ان يستسلم لهبوطها فهتف بغضب......... فعلا يا خسارة يا ريتك ما ربتني عارف ليه علشان كنت هقدر اوجهك بحقيتك البشعة بس لأول مره هتكلم

صمت قليلا..... ثم هتف بحزن قلب مفتور على صديقه الوحيد......... الي مرمي في العمليات ده ابنك حتة منك الي بقاله 23 سنة او اكتر بيتعاقب على ذنب ملهوش يد فيه بيتعاقب علشان اخوه اتخطف وهو طفل مقدرش يحميه حتى لم اتصاب وقتها واتضرب بالنار وخسر فيها كليته مع ذالك فضلت تأنب فيه وتحسس بالذنب لحد ما كبر وحس ان بالنقص اشتغل وتعب وبقا من اكبر رجال الأعمال ومع ذلك شاف رفضك ليه ونظرة الكره في عيونك

كانت دايما بتقتله فضل زي المجنون يشتغل في كل حاجه علشان يوصل للناس الي خطفت اخوه ولم وصل عرف انهم اعدائك انت

سافر واتغرب وعاش لواحده اتصاب بدل المره عشرة كل ده علشان يمحي وصمة العار الي سيادتك اصريت انه السبب فيها

بس لم قرب من هدفه وحاول ينتقم من الي كان السبب لقي حقه الضايع من زمان

ضيق الرجل عينيه وهو يرى مدي بشاعته ليكمل عماد بنبرة باكية.......ريان حب ينتقم من الي خطف اخوه بس اكتشف ان الرجل ده اخد حاتم وكبروا لحد ما بقا انسان محترم وعنده ضمير

في الوقت الي كان ريان بيحاول يوصل لحاتم اكتشف ان حياة اخوه معرضة للخطر

ريان مهربش علشان يمحي نفسه ده سافر ورجع هنا تاني ومع ذلك كان عارف انه لو انقذ حاتم هيكون هو العدو الاكبر لكل رجال المافيا

ادمعت عين السيدة بخوف من ما تفوه به عماد

بينما هتف توفيق بتساؤل..... حاتم فين

نظر له عماد وعلامات السخرية تجسدت على ملامحه ليهتف بسخرية....... انت ايه معقوله في اب زيك بقولك ابنك الكبير بين الحيا والموت مفكرتش تفهم حتى الي حصل ده كان سببه ايه

صمت قليلا ثم تابع....... تعرف ياريت ريان يموت علشان وقتها انت هتتكسر لم تعرف ان ريان انقذ حاتم ومع انه اتصاب مبينش ده بالعكس بعده وقالوا امشي من غير ما يخليه يحس انه مصاب بتلات رصاصات

ابنك الكبير عمل واجبه وانقذ اخوه

ودلوقتى ابنك الصغير بيعمل واجبه كأخ ورح بتبرع بكليته علشان اخوه يعيش

ولادك الاتنين بين ايد ربنا ومفيش حد غيروا هينقذهم

بس خليك عارف ان لو ريان حصله حاجه حاتم مش هيسامحك العمر كله...

قالها عماد وانصرف تاركا قلب مزقه الفراق وقلب مفتور خوفا على حبيبها

ازدادت شهقات مرام وذرفت عينيها الدمع على حال زوجها الذي لا تعلم متي وكيف دلف إلى العمليات ومتي علم بحقيقة اهله ادمعت بصمت وقلبها يدعوا الله الا يصيبه مكروه

____________

على الجانب الآخر

بمنزل ادهم

استعد بشكل لائق بعدما استعاد جزء من صحته

ليقف امام خزانة ملابسه وهو يربط رابطة العنق بأحتراف ثم خرج من غرفته بعدما انهي ملابسه ليجد والدته بأنتظاره هي و والده فهتفت بحب صادق...... الله اكبر مشاء الله ربنا يحفظك يا ادهم

امسك بذلته بغرور وهتف....... ايه رأيك اعجب ولا هتقولي روح اقعد جنب امك

اتسعت ابتسامة والدته وقالت...... انت تعجب اي حد وبعدين ياسمينا بتحبك

ابتسم ادهم بثقة ثم هتفت...... مهي لازم تحبني هو انا في مني اتنين

اتسعت ابتسامة والده وهو ينهض من مجلسه متجه للخارج.... طيب اتفضل يا خفيف احسن تلاقي واحد غيرك وتطير منك

نظر له ادهم بغيظ ثم اقترب من والدته وهتف........ هو انا لو قتلت جوزك ده هيحصل حاجه

هزت والدته راسها قالها بضحك...... ولا حاجه

تعالت ضحكاتهم ثم خرج كلاهما متجهين إلى السيارة

بمنزل ياسمينا كانت جالسة امام التلفاز ببنطال قصير يصل إلى اسفل ركبتها وتيشيرت كشف عن اكتافها

ثم عصجت شعرها للخلف بأهمال

ليقرع جرس الباب معلن عن وصول احد ما

نهضت بضيق بعدما تركت جهاز التحكم من يدها واتجهت إلى الباب ثم فتحته لتصدم من وجوده امامها

بينما طالعها هو بتفحص وجرأة

ليطلق صفيرا عاليا وهو يرها هكذا لم تشعر بنفسها الا وهي تغلق الباب بوجهه من جديد ثم ركضت إلى غرفتها ليهتف ادهم بغيظ....... يا بنت المجنونه

ليبتسم بسعادة على خجلها منه ثم اعاد قرع الجرس مرة أخرى لتخرج والدتها من المطبخ وهي تبحث عنها بعينيها ثم فتحت الباب لتجد امامها ادهم و والديه لتهتف بترحيب..... ادهم اهلا وسهلا يا ابني اتفضل

دلف إلى الدخل وعينيه تبحث عنها بينما انشغلت والدتها بالترحيب بهم ليتسلل خلسة إلى الداخل حتى وصل امام عرفتها وهتف بصوت منخفض...... ياسمينا افتحي

كانت تقف خلف الباب لتهتف برفض...... مش هفتح غير لم اعرف بتعمل ايه هنا وليه مقولتليش انك جاي

ابتسم بحب وقال....... كنت جاي علشان اخطبك رسمي ونفق على معاد الفرح

اشعل وجهها بالغضب ثم صاحت من خلف الباب...... وهو في حد يروح يخطب واحدة من غير ما تكون عارفة

ابتسم بحب وقال.... كنت حابب اعملها مفاجأة

اتسعت ابتسامتها ولكن غيظها منه جعلها تهتف..... بس مفاجأتك وحش اتفضل امشي لاني مش موافقة

كده يا ياسمينا انا فعلا غلطان وهطلع اخد اهلي وامش شكرا على المقابلة الحلوة دي...... قالها وانصرف بينما بقت هي خلف الباب حينما سمعت صوت اقدمه وهو يرحل لتفر من عينيها دمعة حارة ابت الصمود اكثر من ذلك ايعقل ان يكون غضب ورحل..

ألتفت حتى تعود للفراش ولكن وجدته يقف امامها بطلته الجذابة وابتسامته التي اتسعت بحب ليهتف...... انا يتقفل في وشي الباب بالشكل ده..

نظرت له تارة و إلى الباب تارة أخرى لتهتف بتساؤل...... انت دخلت هنا ازي

اقترب منها حتى اصدم ظهرها بالحائط ثم هتف....... انا ادخل مكان ما احب ومش مهم ادخل من الباب طلما في شباك...

كان وسيم حد الجنون وانفاسه تضرب وجهها بحرارتها لتهتف بتعلثم من اقترابه..... طيب ممكن تخرج

تؤ تؤ تؤ تؤ تؤ...... قالها وهي ينظر إلى لهيب عينيها

ثم تابع بعشق وهو يهمس..... كنتي بتقولي انك مش موافقة

نظرت إلى عينيه التي فاضت بالعشق وهزت رأسها بالنفي ليهتف هو بعشق....... يعني مش زعلانه اني جيت من غير ما اقولك

هزت رأسها دليلا على الموافقة فأبتسم الاخر بعشق على عينيها المتوهجة بحب ثم دنا اكثر وهتف امام شفتيها وقد اطبق بيده على ذراعيها....... تعرفي ان شكلك في لبس البيت مخليكي زي القمر

عينيه واه من عينيه سلبتها لب عقلها واخذتها بعالم اخر يصعب عليها معرفته إلا اذا كان هو رفيقها

دنا اكثر وقبلها بجانب شفتيها لتغمض الاخري عينيها وانفاسها تعلوا ليكمل هو بضعف من اقترابه هكذا ليقبلها بحنوا وعشق توغل في اوصال قلبه لسنوات عديدة ولم يستطيع احد اقتلاعه كانت حصونها قوية فلم يستطيع احد اختراق تلك الحصون التي انشأتها بداخله

ليبتعد عنها قليل وهو يهتف بأنفاس لاهثة...... انا لازم اطلع حالا

تركها وغادر قبل ان يفقد اعصابه

بينما كانت الاخري شاردة به وهائمة في سحر عينيه..

______________

على الجانب الآخر

بعد أن تناول الجميع الغداء ولم يتبقي شيء

جمعت هي كل شيء بالحقائب كما كان اما الجميع انصرفوا حتي يلتقطون الصور في ارجاء المكان لتبقى هي بمفردها فسارت فأتجاه البحيرة و وقفت على حافتها فكلما جائت الموجة ضربت بقدميها

هو انتي جاية هنا علشان تكوني لوحدك....... قالها كريم وهو ينظر إلى البحيرة بأعجاب

لتلتفت له وجدته قد ابدل ملابسه وارتدي شورت من اللون البني الفاتح وتيشيرت ابيض

لتبرز عضلات اكتافه وصدره من خلاله

لتهتف هي بتوتر...... لا بس انا بحب الهدوء....

نظر لها بتعجب ثم ابتسم لتهتف هي بتساؤل..... ممكن افهم بتضحك ليه

رمقها بنظرة خاطفة ثم اقترب منها قليلا وقال...... اصلي اول مره اعرف انك رغم عنادك ومقالبك الي عملتيها فيا بتحبي الهدوء والطبيعة زينا

تنهدت بعشق وهي تنظر إلى عينيه ثم اعادت بصرها إلى البحيرة قائلا...... انا زي البحر رغم الموج وصوته إلا اني اوقات كتير بحب الهدوء علشان احسس الي حواليا بالطمئنينة

كانت نظراته لها لم يستطيع هو تفسيرها كيف تكون هكذا ليمد يده وامسك كفها ثم جذبها داخل المياه وهو يهتف..... اعتقد احنا الاتنين الي منزلناش البحيرة

حاولت جذب يدها منه وهتفت..... لا يا كريم مش بعرف اعوم ارجوك سيب ايدي

اطبق على يدها بتملك وهو ينظر إلى عينيها بعدما اقترب منها ثم هتف بحنوا..... طول ما انا معاكي متخافيش

سرقتها عينيه في دائرة لا تستطيع الخروج منها دائرة عشقه الذي خطفها منذ النظرة الاولى

لم تشعر بنفسها إلا حينما تحدث هو قائلا.. ...... حلوة المياة

شهقت بصوت مرتفع حينما وجدت نفسها وسط المياة لتهتف بخوف...... ايه الي وصلني هنا

لتمسك بيده بخوف فأراد مشاكستها وقام برش المياه على وجهها لتصرخ به ليعود يلقي المياه عليها من جديد وسط صرخاتها......بس يا كريم ايه الهبل ده

لم يكف بل اعاد فعلته لتغضب هي وقامت بترك يده اليسرى والقت عليه المياه وسط ضحكاتها وفرحتها العارمة

_______بسسسسسسسس كفاية انتي وهي بتضحكوا على ايه احنا مالنا دولا انتنين حبيبة قلبك بيدق ليه انتي

شهقت بصوت مرتفع حينما وجدت نفسها وسط المياة لتهتف بخوف...... ايه الي وصلني هنا

لم يكف بل اعاد فعلته لتغضب هي وقامت بترك يده اليسرى والقت عليه المياه وسط ضحكاتها وفرحتها العارمة

خلاص بس يا مجنونة..... هتف بها كريم بضحك بينما هتفت الاخري بمرح....... انت الي ابتديت والبادي اظلم

اقترب منها وكاد يمسك يدها الا انها فرت منه إلى خارج المياة وقالت وهي تخرج لسانها بغيظ......... علشان تعرف مين سلمي

اغتظ من فعلتها فخرج خلفها وهو يهتف....... انا هعرفك بتطلعي لسانك لمين

صرخت بعلوا صوتها حينما رأته يركض خلفها لتركض هي الاخري بقوة وهي تردد........ والنبي يا كريم خلاص عشان خاطري

لم يستجيب بل اكمل ركضه حتى جذب يدها بقوة فأصتدمت به

ليسقط كلاهما على الارض

نظر إلى عينيها فكانت أسفله وهو يعتليها ليمرر يده على وجهها يزيح تلك الخصلات المتمردة وهو يتعمق بعينيها بينما كانت هي مأثورة بعشقه تائهة في محرابه ولا تعرف طريقا للنجاة منه

ظل قريبا هكذا وهو مغيب بسحر عينيها التي تأخذه إلى عالم اخر

لينتبه من شروده على اصوات الشباب فرفع بصره ولاحظ اقترابهم لينهض بتوتر وهو يمد يده لها قائلا..... هاتي ايدك

مدت يدها بخجل ليجذب الاخر بقوة حتى ارتطمت به

ليستمعان إلى صوت همس المرتفع وهي تهتف...... لكان راح نعمل فريقين وانا بكون الحكم تمام

نظر كلاهما إلى بعض بعدم فهم لتقترب منهم همس قائلة..... لك وينكم عم دور عليكن ليا زمان

سلمي بعدم فهم.....ليه

رفعت يدها قائلة..... بدنا نلعب طابة وانتي وكريم معنا

يالا شباب قسموا حالكن ما بدنا نضيع وقت

لم تعطيهم فرصة للرفض ليبقى كريم وسلمي بفريق واحد مع مجموعة من الشباب والفتيات

وكذالك الفريق الاخر بينما اخذت همس كاميرا كريم وبدأت في التقاط العديد من الصور

لتبدأ المباراة وكانت الكرة مع كريم ليمرارها لرفيقه بينما مررها الاخر لسلمي لتظل تمرارها بحرفية وهي تبتسم ليهتف كريم....... شوطي هنا يا سلمي بسرعة

لم تجيبه بل ظلت تمرارها حتى ألقت بها داخل الشبكة

وهي تصرخ بسعادة....... جووووووول

وتتراقص وسط الملعب بين نظرات الجميع لها ليقترب منها كريم قائلا....... بطلي الهبل الي بتعمليه ده

اخرجت لسانها حتى تغيظه قائلة....... ايه زعلان علشان عرفت اجيب جووول وانت لا

ابتسم بسخرية عليها ثم قال....... لا بضحك على جهلك علشان انتي دخلتي جووووووول فينا

نظرت حولها وهي تري الجميع يبتسم على غبائها لتمررر يدها بشعرها قائلة........... انا كده تفوقت على احمد فتحي

بدأ الجميع في المباراة من جديد فكانت الكره مع الفريق الاخر لتمر بين اقدام كريم ثم مرارها للفتاة المجاورة له لتمرارها الي سلمي بينما كانت الكره بين اقدامها ليهتف كريم بغضب....... سلمي شوطي هنا

رفعت بصرها بتوتر وهي تحاول الهروب من الفريق الاخر لتمررها إلى كريم الذي سجل هدف بسرعة البرق لتصرخ سلمي بسعادة وهي تلقي بجسدها داخل احضان كريم وهي تهتف....... هيهيهيهيهيهي وجوووووووول جووووووول

رواية قلوب ارهقها العشق بيدج حكاوي ياسووو:

ضمها الاخر بهدوء لتشعر بروحها سكنت بداخل زوايا قلبه ابتسمت بخجل وهي تبتعد عنه

ليبدأ هو الاخر في الابتعاد بتوتر بينما كانت همس تتابعهم بسعادة غلفت قلبها لتعلن عن اكمال المباراة لتبدأ الجوله بحماس بينما كانت الكرة مع الفريق الاخر ليمرارها واحد منهم بطريقة عاليا حتى ضربت رأس سلمي بقوة جعلتها ترتطم بالارض

نظر لها الجميع بذهول ليركض كريم إليها وهي ممددة على الارض لا تستطيع الحراك فهتف بقلق......سلمي انتي كويسة

كانت الرؤية امامها مشوشة حتى شعرت برأسها يدور من شدة الضربة لتهتف بصوت متألم...... حاسة دايخه ومش شايفة كويس

انتاب قلبه الوجع من تآلمها ليساعدها في النهوض وحينما لاحظ ضعفها حملها بين يديه

وادخلها خيمتها لتهتف همس بقلق...... كريم هي شو صارلها

كان الغضب حليف وجهه ولكن لم يشاء ان يفقد صوابه فهتف بهدوء على عكس نيران قلبه....... متقلقيش هتكون كويسة اهم حاجه خليكي مكاني مع المجموعة كانوا بيقولوا عايزين يركبوا مركب في البحيرة روحي معاهم وانا هفضل هنا علشان لو احتاجت وكمان متتاخروش علشان هنرجع القاهرة

ارادت الاعتراض ولكنه لم يسمح لها بذالك لتنصرف إلى باقي الرفاق

بينما دلف هو إلى الخيمة وجدها تحاول النهوض ليهتف بتساؤل...... انتي كويسة

هزت رأسها بالايجاب وكان هو يتابعها إلى أن خرجت من الخيمة فكان الدوار حليفها مازالت رأسها تؤلمها ليهتف هو بغضب بعدم اجلسها على احدى المقاعد الخشبية........ رايحة فين وانتي تعبانة كده

تطالعت عينيه وهي تري الخوف بهم لتهرب عينيها بعيدا عنه وقالت....... كنت عايزة همس

همس راحت مع المجموعة هيركبوا مركب........ قالها كريم بهدوء ليهتف...... خلينا نجمع حاجاتنا علشان هنرجع القاهرة

ابتسمت بهدوء ونهضت حتى تجمع اغراضها....

_________

قلوب ارهقها العشق بيدج حكاوي ياسووو بقلم.... ياسمين رجب

على الجانب الآخر

جلسة في غرفتها واحكمت الغلق على نفسها منذ ان علمت بوفاة والدتها شعرت وكأنها يتيمة للمرة الاولي فمنذ ان مات والدها وتولي عمها امرها لم تشعر يوم باليتم إلا حينما خسرت والدتها

طرق الباب لتهتف مليكه بصوت ضعيف....... ادخل

ليدلف بعدها رجل في منتصف العقد الخامس

قائلا بصوت هادئ........ هتفضلي كده كتير

اعتدلت في جلستها ثم هتفت بصوت ضعيف...... محتاجة ارتاح يا عمي اول مره احس اني يتيمة

وضع يده على وجهها وهتف بحنان صادق....... اوعي تقولي الكلمة دي طيب انا ابقي مين لو انتي يتيمة

ابتسمت بهدوء ثم قالت...... انت احسن اب في الدنيا

ابتسم بحنان ثم هتف بتساؤل...... اللواء كلمني وقال انك اعتذرتي عن المهمة الجديدة

اطرفت عينيها بخجل فهي للمره الاولى تتخلي عن عملها فهتفت بصوت راجي..... ارجوك يا عمي متزعلش مني بس فعلا انا كنت محتاجة الاجازة دي علشان ارتاح شويا

ابتسم بحنان وهتف........ وانا مش زعلان بالعكس انا شايف ان ده الصح

ثم هتف بتساؤل....... انا روحت بيت والدتك وسألت عن يارا كلوا قال انها سابت الحارة

فزعت مليكه لمجرد سماع حديث عمها فأكمل هو بحزن....... جدك هيتجنن عليها وعايز يشوفها خصوصا انه مشفهاش ولا مرة

وبصراحة انا خوفت اقول اني ملقتهاش ده كان ممكن يروح فيها

ازي يعني ملقتهاش هتكون راحت فين بس......... قالتها مليكه بذعر

ليهز عمها رأسه بعدم معرفة

__________________

بالمشفى

انقضي اربعة ساعات اخري ومازالت هي علي حالها تضم قدميها إلى صدرها والبكاء حليف عينيها إلى أن فتح باب غرفة العمليات فركضت مرام صوب الطبيب قائلة بخوف....... عمار عامل ايه

نظر لها الطبيب بدهشة لتكمل هي...... انا مرات عمار الي دخل العمليات علشان يتبرع

هز الطبيب رأسه بالايجاب ليهتف..... اهااا عرفتك على العموم جوز حضرتك مفيش اي خطر عليه وهيخرج على العناية المركزة شوية لحد ما يفوق

وبعدها يتنقل اوضة عادية

في تلك الاثناء تقدم كل من والدي ريان وقبل ان يهتف احد منهم بشئ كان عماد يتسائل عن حال رفيقة ليهتف الطبيب بحزن........ عماد انت عارف ان ريان قوي بس المرة دي كانت اصعب من اي اصابة وحالته مش هنقدر نحدد هي كويسة ولا لا غير لم يفوق

تملك عماد الخوف ليكمل الطبيب....... وخصوصا ان قلبه وقف اكتر من مرة في العمليات

هو محتاج دعواتكم لانها هي الي هتفيدوا

انهي الطبيب جملته وغادر بينما نظرت مرام إلى حال عماد بأشفاق ثم انتقلت ببصرها إلى عائلة عمار الجديدة وهي تري الحزن سكن ملامحهم وبالاخص والده الذي رأت الضعف والالم بعينيه

دقائق وخرج عمار من العناية وهو ممددة على ترلة المرضى فأقتربت منه مرام وهي تتحسس وجهه ببكاء بينما تقدمت تلك السيدة هي وزوجها وهم يطالعوه بشتياق جارف سجن في قلوبهم منذ اكثر من ثلاثة وعشرون عام

ليخرج بعدها ريان وممدد بجسده المنهكك من قساوة الزمن عليه فرغم قوته وجبروته الا ان الايام لم تعطيه ما يستحق من حب

ليتم نقله إلى غرفة العناية المجاورة لشقيقه

___________

بالحافلة

بعد هذا اليوم المليئ بالسعادة جلست همس بجوار سلمي وهي وهم يشاهدون تلك الصور التي التقطتها سلمي إلى أن جأت صورته فأبتسمت بحب وهي تنظر إليه بعشق

بينما كان هو في عالم اخري هائم في بحر عينيها كلما تذكرها وهي تبتسم بسعادة ليخرج كاميرته وهو يشاهد صورها التي التقطتها همس اثناء المباراة

من شدة تعب الجميع ذهبوا في ثبات عميق الا هذين العاشقين الذي سجن قلبها في زلزلة عشق موصودة بالاغلال والقيود فهل يستطيع احد كسرها

________

بالنسبة لادهم ومعشوقته

خرجا كلاهما سويا للعشاء بعدم تم قراءة الفاتحة واعلنوا موعد الزفاف خلال الخمسة عشر ايام المقبلة في بداية الامر رفضت ياسمينا فهي تحتاج إلى وقت اكثر من ذالك ولكن استطاع هو اقناعها

على

في احد المطاعم على النيل

امسك كفها وهو يتجه بها إلى ساحة الرقص قائلا بعشق....... مش مصدق اننا خلاص هنكون مع بعض

ابتسمت الاخري وهي تتمايل بين يديه بفستانها الوردي........ احنا مفرقناش بعض علشان نكون لبعض

ضمها إليه بقوة وهو يتفحص عينيها ليهتف بنبرته التي عزفت اجمل الالحان على اوتار قلبها.....

بس المرة دي هتكونى ليا بجد هقدر اصحي من النوم على صوتك ويكون وشك هو اول حاجه في يومي واخر حاجه..

ضمته بعشق وهي تقبل عنقه لتهتف بنبرة ارهقت قلبه....... بحبك يا ادهم

رفرف قلبه لجملتها الاخيرة فحملها وطاف وبها قائلا بصوت عاشق ومرتفع....... وانا بعشقك يا قلب ادهم

تعالت ضحكاتها وهي تري نظرت الحب في اعين الجميع،،،

بقلم.. ياسمين رجب

__________

بينما خرجت فتون من المرحاض وتمسك اسفل باطنها بآلم

ليهتف جمال بنبرة خائفة .....مالك يا فتون انتي هتولدي...

رمقته بنظرة غاضبة ثم هتفت بغيظ....... هو في واحدة حامل في الشهر التاني بتولد

ضرب رأسه قائلا..... اه صح نسيت طيب تخيلي كده انك بتولدي هتعملي ايه

ابتسمت لسؤاله فأعتدلت في جلستها على الفراش وقالت بصوت ضاحك....... هصوت والم الناس واعمل زي الروايات امسك ايدك اعضها

تعالت ضحكاته الجذابة ليهتف بمرح...... اه وتصرخي وتقولي اااانت السبب يا جمال انت الي عملت فيا كده

وانا وقتها هقول كان بخطرك يا عنيها محدش ضربك على ايدك

لم تستطيع كبت ضحكاتها لتهتف من بينهم...... انت ناوي تعمل كده

كان يتابع ابتسامتها بين الحين والآخر ليمسك بكفها وطبع قبلة مطولة قائلا بصوت اقرب إلى الهمس......... بحبك يا فتون بحبك اوي

خفق قلبها لحروفه العذبة فردت له القبلة وهتفت بعشق توغل بأعماقها منذ سنوات...... وانا بعشق التراب الي بتمشي عليه يا سيد الناس...

ابتسم لكلماتها الاخيرة التي لم يسمعها منذ وقت مضى فطرق عقله سؤال كان يخترق اوصاله ولم تسنح له الفرصة بذالك

نظر إلى عينيها بعشق ثم هتف بتساؤل..... فتون عايز اسألك عن حاجه بس متفهمنيش غلط

نظرت له بأنصات فتابع قائلا بنبرة هادئه........ ايه خلاكي صبرتي كل السنين الي فاتت سواء كان قبل ما نتجوز او بعد ما اتجوزنا انا عارف اني كنت اناني بس لو وحدة غيرك كانت مشيت وطلبت الطلاق

نظرت له مطولا وهي تسرق الدفئ من عينيه فتنهدت بعشق قائلة....... علشان كنت عارفه ان ربنا هيعوضني بيك ومش هيكسر قلبي..

حتى لم خطبت سمر الوجع الي سكن قلبي وقتها كان اصعب من الموت نفسه بس بالنسبة ليا سعادتك كانت اهم حاجه عندي الي بيحب حد يا جمال بيستناه العمر كله مبالك بالي عشقاك

حلق عشقها بقلبه وعينيه فأقترب منها وقبل وجنتها بحنان هامسا بصوت اشبه للهمس...... وانا اتخطيت العشق في عيونك انتي لقيت نفسي معاكي يا احن واطيب انسانة في الدنيا

تعلقت انظارهم بنظرة بثت الكثير من العشق الذي حلق في صدورهم معلن عن رحلة عشق لا يعرفها سواهم،،،،،،،

________

اعلنت الشمس عن اشاعتها الذهبية التي توغلت بقلوب المحبين تارك سعادة يغلفها حنين وعشق في صدور بعضهم وستترك غصة والم في نفوس البعض فتري إلى اين ستأخذنا تلك الرحلة...

بالمشفى

ظلت جالسه بالعناية بعدم سمح لها الطبيب بذالك

كان النوم غلبها وهي جالسه بالقرب منه وشبكت اصابعها بين اصابعه

إلي ان تحركت جفونه بآلم سكن ملامحه ليلتفت بجواره وجدها قد غفت بجواره وهي ممسك بيده كان وجهها شاحب وأثار الدموع مازالت تصاحب وجهها

رفع يده الاخري وازاح قناع الاكسجين ليهتف بنبرة متعبه.... مرام مرام

استيقظت على صوته لتفتح عينيها التي التقت بعينيه وما ان رأته حتى انهارت باكية فهتف هو بقلق ونبرة منهكة...... مالك بس ليييه الدموع دي

شهقت ببكاء مزق قلبه ثم هتفت بعتاب..... كده تدخل العمليات وانا حتى معرفش غير لم عماد قال

مد يده وهو يمسح تلك الدموع التي مزقت قلبه هاتفا بتعب..... كان لازم اعمل كده ده اخويا

لثمة كفه بقبلة عاشقة وهتفت بحب..... ربنا يقومه بالسلامة

هو عامل ايه طمنينى عنه..... قالها عمار بتساؤل

فبتلعت الاخري ريقها بتوتر وهتفت بكذب استطع كشفه......... هو كويس

عرف بكذبها ليخفق قلبه بقلق ليسحب يده بغضب و ازال تلك الاسلاك المعلقة به لهتف هي بخوف....... عمار بتعمل ايه؟؟!

ازال كل شيء ونهض من الفراش وسط صرخاتها المتتالية ليدلف كل من عماد والديها الجالسين بالخارج على صرخات مرام

ليهتف عماد بقلق...... في ايه وانت رايح فين

وضع يده على جانبه وهو يحاول ان يستجمع قوته ليهتف بتعب..... عايز اشوف ريان..

كاد أن يسير ليقف والده بوجهه قائلا بنبرة هادئه.... حاتم اهدي يا ابني...

ابتسم عمار بسخرية وهو ينظر إليه ثم نقل بصره إلى تلك السيدة التي لمع بعينيها الدمع والاشتياق ليعود ببصره إلى توفيق قائلا ببرود....... صدقني مش هتفرق كتير عن امجد نصار

قالها وانصرف بتعب إلى الخارج ليركض عماد خلفه محاولا مساعدته وهتف بخوف....... عمار الحركة خطر عليك

لم يجيبه بل هتف بحدة.... عايز اشوف اخويا يا عماد..

رأي عماد العند بعينيه ابتسم قائلا...... سبحان الله نفس العند بتاع اخوك هتكون هتشتريه هي عيلة كلها عند

ابتسم بوهن حتى ارشده عماد إلى غرفة العناية

ثم دلف إلى الغرفة وهو يساعد نفسه على الجلوس بجواره

رأه متمدد على الفراش وتلك الاسلاك متصلة بجسده ليمسك عمار يده وقد شعر بآلم سكن ضلوعه ليهتف بنبرة هزت رجولته....... اول مره احس اني عاجز ومكسور انت عارف انا عشت عمري كله لواحدي عمري ما حسيت اني ليا اهل حتى امجد نصار عاملني زي ما ابوك عاملك بالظبط

صمت قليل وقد لمعت تلك الدموع بعينيه للمرة الأولى... واكمل بأنكسار اول مره اكون محتاج لحد وصدقني وجعي عليك دلوقتى اصعب بكتير من وجعي لم عرفت اني مش ابن امجد نصار....

هاهي رويتنا شارفت على الانتاء فتري من سيكون نصيبه الفراق ومن سيكمن العشق بأوصاله حتى يكون رفيق دربه في ايامه المقبلة

كل هذا واكثر في رحلة من العشق تأخذكم إليها قلوب ارهقها العشق تابعونا على بيدج حكاوي ياسووو كل ما هو جديد ومشوق

_______

يعني اطلع في الرواية واعمل بأصلي وابعت لسلمي اطباق وكمان صنية بطاطس بالفراخ من الي انا بموت فيها تقوم البت تطمع فيهم وتاخدهم معها