رواية قلوب ارهقها العشق الفصل التاسع والاربعون 49 بقلم ياسمين رجب
نظر إلى ملامحها التي تبدلت إلى الضيق الخوف الذي سكن ملامحها فأصابه القلق ليقترب منها بهدوء وهو يهتف برقه.......... سلمي سلمي انتي كويسة
فتحت عينيها ببطئ لتجد وجهه مقابل لها لا يفصل بينهما سوي سنتيمترا قليلة ليهتف بقلق....... انتي كويسة فيكي حاجه...
مازالت تطالعه وكأن صوته هو ذاك الصوت لتنتبه إلى يده التي وضعها على كتفها يهزها برقه حتى تعود إلى رشدها
خير في حاجة....... قالتها سلمي بعدم نهضت من الفراش بقلق وضيق
نظر إلى توترها وذاك الخوف القابع بعينيها ليهتف بتساؤل...... كان كابوس وحش
نظرت إليه بعدم فهم ليكمل هو........ اقصد وانتي نايمة كنتي بتحلمي.....
لاحت منها نظرة إلى هيئته ربما يشبه كثيرا بالطبع يشبه ذاك الشاب ولكن هي لم تراه نفضت تلك الافكار من رأسها وهتفت....... اه كابوس بس مش مهم
تنهدت بضيق وقالت بتساؤل...... انت كنت عايز حاجه....
طالعها بعدم تصديق ليهتف بعدها...... اه كنت جاي اقولك معاكي عشر دقايق تلبسي وتنزلي ورانا مشوار مهم جدا
مشوار ايه...... قالتها بتساؤل
ليهتف هو بعدم اوشك على الخروج من الغرفة...... لم تجهزي هتعرفى كل حاجه...
ثم اغلق الباب خلفه بينما وقفت هي حائرة في امرها ماذا ستفعل الان وعن اي مكان سيأخذها تنهدت بنفاذ صبر لتدلف بعدها إلى المرحاض واخذ حماما سريعا و ادت فريضتها ومن بعدها شرعت في ارتداء ملابسها لتخرج من الغرفة متجهة إلى الصالون
كل ده بتغيري هدومك....... قالها كريم وهو يطالعها بغضب
تنهدت بضيق حتى لا تتعارك معه كعادتها وهتفت بهدوء...... أسفه اتأخرت عليك
أبتسم نصف ابتسامة وسار امامها ليهتف بثقة....... زمان شهاب واقف مستنيا وحرارته ألف....
صعدت إلى السيارة بجواره وقالت بعدم فهم...... ممكن اعرف هنروح فين وشهاب دخله ايه بالموضوع
ألتفت لها وعلى وجهه ابتسامة جذابه جعلت قلبها يخفق بجنون يقرع كطبول الحرب لتضع يدها محاولة اخماد تلك النبضات
بينما هتف هو.......... هنفذ وعدي ليكي....
قالها وقاد سيارته بينما كانت هي في عالم اخر تطالعه خلسة ربما يكون هو من تراه بأحلامها ولكن لم تتوتر من نظراته لما يخفق قلبها بجنون
اغمضت عينيها وهي تحاول اخماد مشاعرها الجديدة
بعد وقت ليس بكثير وقف كريم بسيارته امام كلية الطب
بينما نظرت إليه سلمي بخوف قائلة بتوتر..... احنا هنا ليه يا كريم.....
اطبق بكفه على يدها قائلا بثقة...... طول ما انا معاكي اوعي تخافي خلي عندك ثقة فيا
كلماته بثت الطمائنية بداخلها ليترجل من سيارته وهو يشير لها بالخروج......
________________
امام شركة عمار
وصل الموظفين كعادتهم من اجل العمل ولكن حينما علموا بما حدث اذادت حالتهم سوءا فما سيكون مصيرهم هل سيتوقف عملهم بالشركة
وقفت مرام وهي تنظر إلى جميع الموظفين بالشركة لتنتقل ببصرها إلى عمار الذي اصبح في حالة لا يحسد عليها
لتهتف بثقة........ انا عارفه ان كلكم دلوقتى بتفكروا ياتري هتشتغلوا ازي والنظام هيكون ايه بس احب اطمنكم اننا مش هنستغني عن اي موظف في الشركة
تعالت الهمسات بين الموظفين ليهتف واحد من بينهم.... بس يا استاذة مرام احنا كده هناخد وقت كتير بعيد عن الشغل لحد ما الشركة ترجع
تفهمت ما يقصده لتهتف هي........ معاك حق بس احنا مش هنستنا لم الشركة ترجع زي الاول كل الحكايه ان البشمهندس عمار كان عمل فرع جديد منفرد بيه لواحده بدون شريك معاه والفرع ده كامل من كل شيء حتى الموظفين موجودين هناك فكل المطلوب منكم حاليا اننا من بكرا هنشتغل كلنا في الفرع الجديد صحيح هيكون في عدد كبير من الموظفين بس احنا منقدرش نستغني عنكم لان الشركة كبرت بيكم وهتكبر اكتر واكتر
انا بس كان ليا طلب عندكم... محتاجة من كل مهندس او محاسب اي ان كانت وظيفته في الشركة يحاول يجمع اخر صفقات قامت بيها الشركة
احد الموظفين...... طيب ليه نحاول ما احنا عندنا حساب الشركة حافظين عليه كل كبيرة وصغيرة وكل مهندس فينا عنده حساب خاص بالشركة مجمعين عليه اي حاجه بتم في الشركة......
ارتسم الامل على ملامحها لتهتف بسعادة...... بجد لو الكلام ده مظبوط الشركة هترجع زي الاول واكتر
كان عمار يتابعها من بعيد كيف تتحدث بثقة وكيف حلت اكبر مشاكله في غمضة عين لينتبه إلى ذاك الصوت...
وانا يا تري ليا مكان معاكم..... قالها معتز الذي جاء مؤخرا لتبتسم مرام قائلة....... احنا مش هنكمل من غيرك يا بشمهندس....
معتز بهدوء...... وده الي كنت متاكد منه...
رغم انه يعلم بعشقها له هو فقط مازال يغار عليها تقدم منهما وهو يري ان التعامل بينهما اصبح في نطاق العمل ليس إلا ولكن دائمآ ما يجن العاشق حينما يقترب احد من معشوقته
ابتسم معتز حينما لمح اقتراب عمار وهو يري الغيرة اوشكت على الخروج من عينيه ليقترب منه معتز وهو يمد يده يصافحه قائلا....... عامل ايه يا عمار اخبار صحتك
نظر عمار إلى يده وصافحه قائلا...... انا بخير يا معتز
ابتسم معتز بهدوء ليهتف...... مبروك على جوازك من مرام صدقنى احلي خبر سمعته واحسن قرار اخدته
طالعه بعدم تصديق ليجد الصدق في نبرته فقال...... اخر واحد ممكن اتوقع منه الرد ده......
ابتسم معتز وابتعد قليلا وهو يردد بثقة...... صدقنى يا عمار اناا نفسي مش عارف ازاى اتغيرت كده بس الي متاكد منه اني بقي عندي احساس مختلف تجاه مرام صداقة اخوه اي حاجه غير مشاعر حب
شعر بالضيق من حديثه فهو كان يكن لها مشاعر في قلبه يعلم أن تلك المشاعر اصبحت سراب وماضي ولكن قلبه مازال يغار ليهتف بضيق وغيرة..... الاحسن انها اختلفت....
قهقهه معتز على غيرته الظاهرة ليهتف بثقة....... وانا لو كنت واثق انها مش بتحبك صدقنى مكنتش غيرت مشاعري
لينظر إلى عمار متعمد اثارة غيرته ثم تابع بنبرة لينه...... اتاكد انها محبتش غيرك وعلى العموم انت اهو معاها حاول تكسب قلبها من تاني الدور والباقى على الي مبقاش عارف قلبه هيوديه لفين
متخافش بتحبك..... قالها عمار وهو يغمز له بعينيه مما جعل معتز يشعر بالتوتر ليهتف بتعلثم...... هي مين
رفع حاجبيه قائلا بمشاكسة...... الي مخليك رافض اي سكرتيرة غيرها لمكتبك نڤين
خفق قلبه لذكر اسمها ليهتف بتساؤل....... طيب انت عرفت ازي يعني اقصد مرام هي الي قالتلك
هز عمار رأسه بالنفي ليهتف....... لا بس كان باين عليها من اول يوم نقلتها مكتبك شفت العشق في عنيها
ابتسم بسخرية وهو يضيق عينيه ليهتف بنبرة ارهقة قلبه....... ده كان الاول دلوقتى هي اتغيرت....
_____________
في باريس....
وقفت رهف وهي تضع يدها بخصرها قائلا بغضب....... مش هتدخل المستشفى يا اسلام يعني مش هتدخل...
ضرب كفه بالكف الاخر قائلا بنفاذ صبر...... لا حول ولا قوة إلا بالله.... يا رهف يا حبيبتي انتي هتكونى طول اليوم في المستشفى علشان الاشعاعات بتاع النهاردة مينفعش اسيبك لواحدك
رفعت سباتها بوجهه قائلة بغضب وصوت مرتفع...... وانا مش هستنا لم البت اللبنانية ام لسان معوج دي تخطفك مني دي وشها واخد سكنتين معجون و شايفها من كتر النفخ بقت شبه زلومة الفيل
تعالت ضحكاته من غيرتها المجنونه ليهتف من بين ضحكاته...... طيب انا راضى ضميرك دي زلومة فيل دي البت مفيهاش غلطة كأنها ملكة جمال...
شعرت بالضيق من حديثه حتى لمعت الدموع بعينيها لتهتف بنبرة حزينة...... خلاص استني لم اموت وابقا اتجوزها طلما عجباك
قالتها و همت بالانصراف ليجذبها هو بقوة حتى ارتطمت بصدره نظر إلى عينيها التي هرب منهما دمعة تمرادت و أبت الصمود بعينيها ليمد يده يمسح دموعها التي بدأت في الهبوط وهتف وهو يقبل عينيها...... نفسي تفهميني لو مرة واحدة وتعرفي ان قلبي ليكي انتي وبس
طالعته بعشق قائلة....... وانا نفسي تفهم ان غيرتي دي اساسها عشق ليك
احتضن وجهها بين كفيه قائلا بعشق هز اوصال قلبها...... وانا بحب غيرتك وبعشق تفاصيلك بس مش عايزك تخافي من اي حاجه واي وحدة تشوفيها تغيري منها لان انتي في نظري بكل نساء الدنيا
رفعت كفه إلى فمها وقبلته برقة لتهتف بسعادة....... انا بحبك يا احن اسلام في الدنيا.....
وانا بموت فيكي يا قلب اسلام...... قالها وهو يقبل رأسها
ليهتف من بعدها بهدوء..... خلاص يالا بينا ندخل المستشفى...
ابتعدت عنه كمن لسعها تيار كهربائي لتهتف بغضب....... لا مش هتدخل انسي
ابتسم بسخرية على حالها الذي يتبدل في الدقيقة ألف مرة ليهتف...... برضوا يا رهف ماشي اتفضلي بقا ادخلي لواحدك ومفيش حد معاكي
اخرجت لسانها قائلة بسعادة...... اهو ادخل المستشفى لواحدي احسن من ما تخطفك البت الملزقة دي تخطفك مني خطافة الرجالة بتاع... مو مبين عحضرتك انك متزوج باينتك صغير....
تعالت ضحكاته ليهتف من بين ابتسامته الجذابة...... انتي بتتكلمي زيها ليه كده امشى يارهف الله يخليكي روحي شوفي هتعملي ايه
ابتسمت له وهي تقترب منه وطبعت قبلة رقيقة على ثغره قائلة بعشق...... حاضر همشي اشوفك فالبيت
تركته مبتسم من عشقها المجنون ليمرر يده بشعره قائلا........ والله مجنونة لا مجنونة رسمي بس بحبها
ليرفع وجهه إلى السماء قائلا..... يارب احفظها يارب ورجعها ليا بخير
ليشق وجهه ابتسامة عاشقة وعاد إلى المنزل___________________
امام جامعة سلمي
ترجلت من السيارة بخوف من ما حدث وهي تري نظرات الجميع تخترق
قلبها لتسيير بخطوات ثقيلة حتى وصلت إلى كريم الذي سبقها حتى وقف بجوار شهاب لتهتف مرحبة به....... صباح الخير يا حضرت الظابط
ابتسم شهاب بهدوء وهو يمد يده يصافحها قائلا بمرح...... صباح الجمال..... ايه الحلاوه دي
صافحته بسعادة قائلة...... ده من ذوقك
طالعهم كريم بأمتعاص فهي لا تحدثه برقه هكذا ليهتف محاولا تغيير مجري الحديث بينهما...... انت جبت أذن النيابة يا شهاب
التفت له شهاب قائلا..... اه معايا كل حاجه تمت زي ما اتفقنا.....
مرر كريم يده بشعره قائلا والشر يتطاير من عينيه....... كده بقي هو الي جابه لنفسه
لينطلق كالبرق إلى داخل الجامعة
بينما نظرت سلمي إلى شهاب قائلة...... هو في ايه وكريم ناوي على ايه
هز كتفيه قائلا..... مش عارف بس هتعرفي جوا اكيد هيعمل مصيبة.... روحي وراه وانا دقيقتين وهكون عندك...
نظرت إليه بعدم فهم ثم انطلقت خلف كريم الذي بدأ يتساءل عن احد ما إلى أن صعد للطابق الثالث وهي خلفه ليدلف إلى احد المدرجات دون استأذن
لينظر الجميع إليه في حالة من الذهول بينما ابتلع المعيد ريقه قائلا بغضب...... انت ازي تدخل هنا من غير استأذن...
طالعه كريم بسخرية وهو يحك خده الايسر بغضب ثم كور يده ولكمه في أنفه حتى كاد يسقط من قوتها
ليهتف المعيد بغضب....... انت ازي يا بني ادم انت ترفع ايدك عليا ان ما خليتك تدفع عمرك كله مقابل الضربة دي مبقاش انا عمر ال....
لم يكمل فقد انهال عليه كريم باللكمات والركلات حتى لم يستطيع الدفاع عن نفسه
بينما صرخت سلمي حينما وجدته ينهال على معيدها بالضرب امام الطلاب لتركض إليه وهي تحاول ابعاده عنه قائلة بصراخ....... ابعد عنه يا كريم هيموت في ايدك
لم يعير حديثها ادني انتباه بل اكمل ضربه في عمر
لتصرخ هي في الطلاب قائلة....... متيجوا تبعدوه عنه انتوا هتقفوا تتفرجوه عليه
تحرك بعض الطلاب الواقفين وحاولوا ابعده حتى تمكنوا من ذالك
ليهتف هو بغضب...... انتي مش عارفه الكلب ده عمل ايه
مهما كان الي عمله مش حيوان علشان تعامله كده...... قالتها بغضب..
ألقي كريم نظرة على عمر الذي كان مسطحا على الارض وهو يسعل بشده ليهتف كريم بغضب........ الدكتور المحترم هو الي عملك الصور وغير كده هو الي حاول يقتلك
شهقت سلمي بعدم تصديق لتهتف بدموع......... مستحيل انا معملتش حاجه تضره انا من يوم ما دخلت الجامعة في حالي حتى صحاب مليش طيب ليه تعملي صور بالشكل البشع ده حراام عليك معندكش اخوات
لتبكي بقهر وهي تردد بكاء مرير جعل من في المدرج يشفقون عليها......... مخفتش من عقاب ربنا طيب مفكرتش مرة اني ليا اهل لو شافوا الصور دي هيحصلهم ايه
ركعت على ركبتيها امامه وهي تمسكه من ياقته لتهتف بنفس النبرة الباكية....... عملتلك ايه علشان تعمل فيا كده اتكلم قولي عملتلك ايه
لتنهال عليه بالضرب و أظافرها انغرست بوجهه
بينما اقترب منها كريم وهو يحاول ابعادها عنه حتى استطاع ذالك لتهتف ببكاء وهي تطالع عينيه التي عصف بهم الضيق من اجلها....... ليه عمل فيا كده يا كريم هو انا استاهل يحصلي كده انا طول عمري في حالي قولي ليه يعمل كده ليه
كانت تبكي وهي تمسك بياقته فلم يتحمل بكائها فما كان منه إلا أن ضمها إلى صدره وهو يربت على ظهرها قائلا...... خلاص يا سلمي ربنا كشف الحقيقة
ليدلف بعدها مدير الجامعة ومن خلفه شهاب الذي جاء ومعه عناصر من افراد الامن
ليهتف العميد موجها حديثه إلى عمر المنهك من التعب....... طبعا يا دكتور عمر حضرتك متحول للتحيق في النقابة بعد الي عملته ده مبقاش يشرف الكليه يكون فيها دكتور زيك
ليتقدم شهاب قائلا وهو يشير لرجال الشرطة..... خدوه على البوكس
لينظر بعدها إلى كريم قائلا....... يالا يا كريم هات سلمي وحصلنا على القسم علشان نقفل المحضر
هز كريم رأسه بالايجاب
ليتقدم العميد قائلا...... دكتور كريم انا كلي اسف ليك و للانسة سلمي واتمني تنسوا الي حصل
خبأت سلمي وجهها بصدره فأصبحت لا تريد رؤية احد
هز كريم رأسه دون حديث بل رفع وجهها بأنامله قائلا بنبرة هادئه........ خلاص كفاية بكاء اخد جزائه يلا خلينا نمشي
ابتعدت عنه ببطئ وهي تمسح اثر الدموع من وجهها
___________________
بعد ذاك الحريق عاد كلاهما إلى المنزل وفي داخل كلا واحد عشق اصبح يحلق من جديد
جلس عمار على اقرب اريكة مقابلة له لتهتف مرام بهدوء....... انا هدخل اخد شاور وبعدين هحضرلك الغداء تمام
ابتسم بحب قائلا...... تمام خدي راحتك
تركته وانصرفت بينما بقي هو علي حاله يفكر بها كل هذه السنوات وما استطاع أن يعشق امرأة اخري غيرها كأنها ملكت القلب وما عليه لم تترك مجال لدخول احد بعدها لم عشقها كل هذا العشق..... ربما لانها الوحيدة التي رأته من الداخل او ربما لانها احتوته كطفل صغير يبحث عن الامن وربما لانها رأت عيوبه وتلك الندوب التي به ومع ذلك عشقته
ابتسم بحب على قلبه الذي يأبي ان ينهي التفكير بها لينهض من مجلسه متجه إلى غرفتها ليجدها امام المرأة تمشط شعرها وقف يطالعها بعشق ونظرته لم تكن إلا اشتياق إليها اعترف لقلبه انه لم يري آنسي بجمالها هذا
لتنظر إليه هي قائلة....... معلش اتأخرت عليك دقيقتين بس وهخرج اجهز الغداء
ابتلع ريقه بتوتر وهو يطالعها كالابله ليدلف إلى الداخل متجه إلى الخزانة قائلا...... لا خدي راحتك انا كمان هدخل اخد شاور
فتح خزانة الملابس وهو يحاول ان يخرج ملابسه إلى أن لفت انتباه شيء ذات بريق لامع
جذبها بهدوء وهو يطالعها بعدم تصديق فهل حافظت على السلسال الذي اهدا إليها كل هذه السنوات ليتقدم منها حتى اصبح خلفها وقال...... كانت لسه معاكي....
نظرت إليه عبر المرأة قائلة..... هي ايه
السلسلة دي....... قالها وهو يريها السلسال لتلتفت إليه مرام قائلة بتوتر..... اصلها كانت معايا من وقت الحادثة انا
انتي ايه يا مرام..... قالها وهو يطالعها بنظرة حزينه يكسوها العشق ليكمل بعدها...... ازي قدرتي تحفظي على كل تفاصيل حبنا في الوقت الي انا كنت بحاول اهدم كل حاجه
انا متوقعتش للحظة تكون معاكي ابسط حاجه مني
طالعة الاخري بعينين لمع بهما العشق لتهتف بنبرة باكية....... مقدرتش اني اخلعها من رقبتي خصوصا انك طلبت مني احافظ عليها كان عندي امل اننا في يوم هنرجع وصدقني هي الي كانت بتصبرني على فراقك لم كنت بلمسها بحس انك معايا ويوم ما قلعتها كنت خلاص فقدت الامل فينا يوم فرح رهف
لتهبط دمعة مريرة حينما تذكرت ذاك اليوم
بينما شعر هو بالالم الذي سكن قلبها ليجذبها بقوة داخل احضانه وهو يضمها بعشق توغل بداخله لسنوات ليهتف بنبرته العاشقة...... بحبك
ابتسمت وسط دموعها ربما اشتاق لحروفه ليبعدها عنه وهو يمد يده بالسلسال قائلا..... اظن لازم تلبسيها تاني
نظرت إلي عينيه التي عصف بهم عاصفة العشق من جديد لتواليه ظهرها وهي ترفع شعرها للاعلي
ليبتسم الاخر حينما تذكر المرة الأولى التي ألبسها بها السلسال وضع طرفه على رقبتها ولم يستطيع أكمال مهمته بسبب يده المعلقة برقبته لتساعده هي في وضعها وما ان انتهت حتى وقفت تطالع السلسال بعشق وهي تتحسس حروفه وتشعر بقلبها قد عاد إليها لتنتبه على يده التي حاوطت خصرها من الخلف ورأسه على عنقه وهو يهتف بهمس...... بعشقك يا مرام
حروف اسمها التي خرجت من شفتيه كانت كفيلة لتوتر اوصالها بينما كان هو تائه في جمالها ليهبط بشفتيه على عنقها يقبله بعشق
بينما شهقت هي بتوتر وهي تبتعد عنه تحاول الخروج من الغرفة ليجذبها من معصمها حتى ارتطمت بصدره وعينيه تقابل عينيها التي اشتعلت بالتوتر ليهتف هو بنبرة ارهقت كل دوافعها...... كفايه بعاد يا مرام خلينا نكمل حياتنا انا مش قادر ابعد عنك اكتر من كده
طالعت عينيه التي عصف بهم العشق لتغمض عينيها بخجل وهي تشعر بيده تقربها إليه
لينحني قليلا وهو يطالع شفتيها لينال منهم قبلة رقيقة تبعها سيل من القبلات التي لا تنتهي
ليرفع يدها واحاط بها عنقه ثم رفع الاخري حتى جعلها تمسك بعنقه جيدا ليطالع عينيها التي تخفيها عنه وهو يطبق على خصرها بقوة حتى ارتفعت قدميها عن الارض ودار بها في ارجاء الغرفة لينزلها بعد ذلك على الفراش وهو بجوارها يزيل تلك الخصلات المتمردة عن وجهها وهو يهتف بهمس....... مرام
كانت بعالم اخر لا تريد أن تفتح عينيها ربما كان هذا حلم ولا تريد الاستيقاظ منه..... ليهتف بأسمها مرة أخرى مما جعلها تفتحهما ببطئ ورأته بجوارها يطالعها بنظرته القديمة التي لم تتغير يوما ليهمس بعشق...... لسه بتحبينى
نظرت إليه بعينيها وهي تردد...... عمري ما بطلت احبك علشان تسألني السؤال ده
يبقى نوعد بعض...... قالها بهدوء ليكمل بعدها...... ان محدش فينا يخبي حاجه على التانى واننا مهما حصل مش هنسمح لحد يدخل بنا
ابتسمت بحب وهي تهتف...... اوعدك بكده
شقت الابتسامة شفتيه وهو يمرر يده على وجهها قائلا بهمس........ بقيتي اجمل بكتر من زمان...
ضيقت عينيها بضيق قائلة...... يعني انا كنت وحشة الاول
طالعها بنظرة حانية خبائة خلفها عشق لابعد الحدود
مررا اصابعه على وجهها ثم طبع قبلة على رأسها قائلا بعشق....... بالعكس من يوم ما عرفتك وانتي جميلة بس دلوقتى بقيتى اجمل
ابتسمت بخجل وهي تطالعه بعشق بينما اقترب هو اكثر حتى مست شفتيه شفتيها ليتعمق في قبلته وهو يبث عشقه لها بطريقته الخاصة.....
_________
بأحد القصور الفخمة
اعتدل في جلسته في الفراش وبيده كأس النبيذ
ريان توفيق رسلان...... شاب في اوئل الثلاثين من عمره ولكن خبرته بالحياة وعالم الاعمال تفوق الخمسين عاما عرف بوسامته التي جعلت اجمل النساء يركضنا خلفه على امل نظرة واحدة منه ويأملنا في قضاء ليلة في فراشه فقد عرف عنه انه قاهر النساء لا يميل إلا لفريسته المتمردة التي تلفت انظاره من النظرة الاولي.......
ازاح الفراش عنه ونهض بعدما ارتدي بنطال قطني ليجذب علبة السيجار الخاصة به وبدأ في التدخين بشراهة وهو يزيح الستار حتى دخلت اشاعة الشمس الغرفة.....
بينما تململت في الفراش بأزعاج حينما ضايقتها اشاعة الشمس لتفتح عينيها ببطئ وجدته يقف امام النافذة بصدره العاري مما جعلها تبتسم من هيئته الجذابة
لفت جسدها جيدا بغطاء السرير ونهضت حتى وقفت بجواره وهي تردد بسعادة صباح الخير يا بيبي......
اخذ النفس الاخير من سيجارته ثم ألتفت إليها وهو يطالعها بنظرة لم تعرفها مقصده منها إلا حينما جذبها بقوة وهو يلوي ذراعها خلف ظهرها ثم اطفاء سيجارته بيدها حتى صرخت بآلم......... اه ريان الي بتعمله ده
نظر إليها بغضب قائلا....... بيبي دي تقولها لعيل من الي تعرفيهم مش ليا
رأي الالم سكن ملامحها ليدفعا بقوة حتى اصتدمت بالارض ثم هتف بغضب......... هدخل الحمام 10 دقايق واطلع ملقيش ليكي أثر في القصر فاهمة
قال جملته وانصرف بينما نهضت هي كالمجنونة تبحث عن ثيابها بجنون..... لترتدي ثيابها وغادرت القصر قبل خروجه بلحظات
بينما خرج هو من المرحاض وهو يلف خصره بنشفة والاخري بيده يجفف بها شعر رأسه وهو يطالع هيئته عبر المرأة بغرور
لفت انتباه صوت طرقات على باب غرفته ليهتف بعدها قائلا..... ادخل
انفتح باب الغرفة ودلف شاب في منتصف العشرين قائلا...... صباح الخير يا ريان بيه
لم يجيبه بل تحدث بأقتضاب قائلا...... عملت ايه في الي طلبته منك
ابتلع الشاب ريقه وهو يهتف بهدوء....... جبتلك عنوان المستشفى وقدرت اعرف ان حالته مش مستقرة نهائي
اما بالنسبة لابنه بعد حريقة شركته اعتقد مش هيقدر يرجع زي الاول تاني لانه خسر كتير فيها بس الي عرفته انه هيحول كل شغله للفرع الجديد بتاعه
أكمل ارتداء ملابسه وهو يجوب بعينيه الغرفة إلى أن وجد ساعته المفضلة التي لا يرتدي غيرها رغم انها ماركة قديمة..... ليهتف بتساؤل....... نزلت الاعلان الي طلبته منك
اه نزل بكل المواصفات والشروط الي طلبتها...... قالها احمد مدير اعماله
لينظر إليه ريان قائلا.... خليهم يجهزوا العربية علشان هنروح المستشفى....
________________
في المستشفى....
خرج أدهم من غرفة الطبيب وعلى وجهه ابتسامة صافية ليهتف بتفاؤل...... اخيرا هرتاح من قاعدة البيت انا كنت اتخنقت
نظرت إليه ياسمينا بضيق لتهتف بغضب...... اتخنقت مني ولا تقصد ايه
جذبها من يدهاو اوقفها حتى اصبحت امامه ليهتف بعشق........ هو انا خلانى بقيت عايز اطير غيرك انا لو عليا مش عايزك تبعدي عن عيني دقيقة بس كل ما في الموضوع اني عايز نرجع زي زمان اخرجك واعملك كل الي نفسك فيه
ابتسمت بحب قائلة....... وانا طول ما انت بخير كفايا عليه مش عايزة غير كده
رفع كفها إلى فمه وقبل راحة يدها ليهتف بعشق....... بحبك اوي
ابتسمت بخجل وهي تبتعد عنه قائلة.... طيب خلينا نمشي بقي
هنروح مشوار الاول...... قالها ادهم وهو يجزبها من يدها دون أن يعطيها فرصة للتساؤل.........
_______________
في باريس......
عادت رهف بعد ان اكملت فحوصاتها وتلك الاشاعات فقد بقي يومين على معاد العملية...
فتحت باب المنزل وهي تري المنزل مظلم
وما ان مدت يدها حتى تنير الضوء وجدت الورود تتساقط فوقها والمنزل مزين بطريقة جعلت قلبها يخفق بسعادة
ليأتي صوته من الداخل قائلا..... كل سنة وانتي طيبة....
طالعته بعدم تصديق فهل تذكر يوم مولدها لتهتف بسعادة..... انت عملت كل ده ليا
اقترب منها وهو يمسك يدها قائلا بعشق....... ولو اطول اجبلك نجوم السماء مش هتأخر
ادمعت عينيها وهي تحضنه بحب قائلة....... انت اكبر نعمة في حياتي انت مش عارف انا بحبك قد ايه
ربت على ظهرها بحنان وقال....... وانتي متعرفيش انا بعشقك قد ايه
ابتسمت بحب وهي تبتعد عن احضانه وعينيها تبحث عن شيء ما لتهتف بتساؤل هو مش عيد الميلاد بيكون في تورته وهدايا وكده يعني
امممممممم هدايا و تورته....... قالها وهو يرفع حاجيه ثم تابع...... من جهة التورته موجودة انما الهدايا فأنا هديتك يا حبيبتي تبا لتواضعي
تعالت ضحكاته وهو يطالع وجهها المشتعل بالغضب
لتهتف بغضب طفولي...... اسلام فين هديتي....
لحظة واحدة....... قالها وهو ينحني حتى حملها بين يديه لتتعلق برقبته قائلة بخوف..... انت بتعمل ايه يا مجنون
ابتسم بخبث ثم اقترب من اذنها وهتف بشئ مما جعل وجهها يحمر خجلا لتهتف بغضب...... انت قليل الادب يا اسلام
تعالت ضحكاته وهو يهتف بخبث..... هو في احلي من قلة الادب
ليدلف بها إلى داخل غرفتهما....
____________
في منزل مرام
كانت تحاول النهوض من جواره ولكن كيف لها ان تنهض وهي لا ترتدي شيء وغير ذلك كان يده تطوق خصرها بقوة حاولت ابعد يده دون جدوي لتهتف بغيظ...... طيب هو مسك فيا ليه كده هو انا ههرب اوففف
نظرت إليه بغيظ كيف ينام بهدوء هكذا وهي تشتعل من الخجل
حاولت مرة أخرى رفع يده ولكن فتح عينه بهدوء قائلا....... كان ممكن تقولي ابعد ايدك علشان اقوم مش تقولي اوووف
ليبتسم بمشاكسة حينما راي وجهها مشتعل بالخجل والدهشة بينما هتفت هي بتساؤل...... انت كنت صاحي
هز رأسه بالايجاب وهو يطالعها بعشق
بينما هتفت هي بغيظ...... طيب انا عايزه اقوم....
هز رأسه متصنع عدم الفهم..... هو انا مسكت فيكي ما تقومي....
طالعته بدهشة فكيف تخبره بذالك لتهتف...... طيب ممكن تقوم انت وتطلع لحد ما اغير هدومي....
طالعها بمشاكسة قائلا...... ليه هو انتي لسه هتتكسفي مني
ليبتسم بخبث وهو يرفع احد حاجبيه مما جعل الدماء تتدفق بعروقها لتهتف بغيظ........ عمار بطل قلة ادب
تعالت ضحكاته وهو يجذبها بقوة حتي تمددت على الفراش
مجددا ليهتف بعشق عصف قلبه........ ده مش قلة ادب ده عشق
كادت تتحدث ولكنه انهي حديثه بقبلته الحنونة
_____________
ريان بطل في رواية مختلفة عن دي بس دوره هنا مهم جدا تمام وانا لسه شغالة في الرواية الي هو فيها..........
ياتري بقا عمار ومرام قصة عشقهم هيقابلها مشاكل تاني وياتري العشق هيصمد ولا هينهار مقابل اي مشكلة تقابله
كريم هيتقبل عشق سلمي ولا حنينه للماضي هيخليه يكسر قلبها....
شهاب وحبيبته المجهولة الي دخلت حياته وخرجت من غير ما يفهم ايه حصل...... ياتري هيتقابلوا تاني ولا قصة عشقه هتتقفل على الحرمان....؟؟؟؟؟؟؟!!
ريان حكايته ايه وعايز ايه من عمار ده الي هعرفه في الحلقات الجاية
احنا خلاص قربنا من النهاية.....
