رواية حب مراهقة الاء وجاسر الفصل الثالث 3 بقلم الاء السيد
_أنا بحبك
"حبك برص "
_الاء أنا مبهزرش
"وأنا كمان يا جاسر ، انت عارف ان..."
_ أنا ماشي سلام
حنين : هتفضلي كدا لحد امتى
" كدا ازاي يعني "
حنين : انتي عارفة قصدي كويس
" أنا عايشة سني وبغني وبحب الحياة "
حنين : الاااااء
" أنا جبانة وخايفة "
حنين : منه
بابتسامة" جاسر عمري ما أخاف منه دا الحاجة الوحيدة اللي حلوة ف حياتي "
حنين : إحم إحم
" بعدك يا عمري "
حنين : خايفة ليه ومن ايه ؟
" أنا واحدة بكره إحساس الفقد ، بخاف اتعود ع صوته واصحي ف يوم ملاقيهوش موجود
بخاف ف يوم ابص لصوره وأقول يا ريتك جمبي أو يا ريتك موجود
بخاف أفتح الشات اللي بينا واقرأه وأنا بضحك وبعدين اعيط عشان هو مش معايا ،
أنا أضعف من الفراق .
وبخاف عليه مني أنا واحدة معقدة ومش قادرة افهم نفسي هو ازاي هيفهمني ،
هو يستاهل أحسن مني "
حنين : مش واثقة فيه ؟
" مش واثقة فيا "
حنين : والحب ؟
" الحب مجازفة ، وأنا جبانة "
حنين : حاولي
" مش هعلق روحي بحبال بايشة "
حنين : مش هتحبي أبدا ؟
" لما اتغير ، ولما يكون لي طوق نجاة "
حنين : بتضحكي ليه ؟
" افتكرت أول يوم اتقابلنا فيه "
فلاش باااااك :
" لازم الاقيه "
حنين : حرام عليكي أنا معتش قادرة
" دا نزار يا حنين "
حنين : بت بقولك ايه احنا بقالنا نص ساعة بندور ع أم الكتاب دا بصي هقولك ع حاجة كملي انتي وانا ماشية سلااااام
"لاقيته لولولووي لاقيته "
حنين : الحمد لله
" حنين استني حنييين اااه "
_ مش تحاسبي
" وأنا برضه اللي حاسب "
_ اومال مين ؟ هو أنا اللي بجري ف المكتبة؟!
" ماشي خلاص ، Excuse me بقى الكتاب "
_ لا والله
"اه والله "
بصدمة _ الرسم بالكلمات لنزار قباني
" مالك ايه سر الصدمة "
_ فإذا وقفت أمام حسنك صامتا
" فالصمت في حرم الجمال جمال"
_ كلماتنا في الحب تقتل حبنا
"إن الحروف تموت حين تقال "
_قصص الهوى قد افسدتك فكلها
"غيبوبة ....وخرافة .... وخيال "
_ تشربي قهوة ؟
بابتسامة " اشرب قهوة "
.........................
حنين : الاء الااااء سرحانة ف ايه ؟
بلاوعي " في جاسر "
حنين : الصلاة ع النبي
" ها يلا هنتاخر علي المحاضرة "
حنين بضحك : يلااا
حنين صاحبتي من اولي جامعة واحنا حاليا ف تالتة وطبعا مع بعض ف نفس الكلية ،كلية هندسة ، حنين بالنسبة لي زي اختي بالظبط مش صاحبتي ، ان كان الصحاب رزق فهي رزقي
..........
بعد المحاضرة
_ الاء
" جاسر "
حنين : طب استأذن انا
_ انا محتاج اتكلم معاكي
" اتفضل "
_ الاء انا مسافر
بخضة " فين "
_ امريكا
" ليه "
_ انتي عارفة اني ف خامسة هندسة يعني اخر سنة ليا ف الجامعة ومحتاج ابني مستقبلي
" طب وانا "
_ انتي ايه ؟!
بدموع " انا ولا حاجة .... مع السلامة يا باشمهندس جاسر "
مديت له ايدي وسلم عليا بصيت لايده اللي حضني يدي ، يمكن دي اخر ذكري بينا
_ مع السلامة يا الاء
كانت اخر جملة سمعتها منه
وجع الفراق صعب بس وجع القلب اصعب. الفراق كان بدري اوي المرة دي ، طب ليه هيمشي ويسبني ؟ وهيفضل ليه ، هيفضل جمب واحدة عندها فوبيا من العلاقات ، هيفضل مع واحدة مش قادرة تبادله الحب ، هيفضل مع وجع ليه ؟! هو احنا ممكن نتعايش مع الوجع ؟
" الفراق هو مسمي اخر للموت ونحن علي قيد الحياة "
...........
بعد اسبوع :
حنين : مش حرام عليكي نفسك
".....
حنين : ليه ممنعتيهوش ؟
بزعيق " اقوله ايه ؟ اقوله متمشيش وتسيبني ، اقوله خليك جمبي ، اقوله متسافرش عشان قلبي هيوجعني اقوله متسافرش عشان انا واحدة جبانة ومحتجاك جمبي. اقوله ايه؟ ها ؟ اقوله ايه ردي "
حنين : اهدي يا الاء عشان خاطري
بدموع " قلبي واجعني اوي اوي يا حنين "
حنين : هيرجع امتي ؟
" معرفش معرفش "
حنين : مسالتيهوش ليه ؟
"انا اضعف من اني اسأله "
حنين بخبث : ليه اللي انتي عامله دا ؟ انتي مش مبتحبوهوش ؟
"....
حنين : طالما انتي مبحبيهوش بكرة هو يشوف حياته ويحب ويخطب و...
بعياط هيستري " خلاااص كفاية بحبه بحبه بحبه والله بحبه والله "
حنين بتحضني وانا شديت ع حضنها جامد انا بجد محتاجة الحضن دا
حنين ف نفسها : اكتشفتي دا متاخر اوي اوي يا الاء وهتندمي ع جاسر بس يا رب يجمعكم سوا
..........
بعد سنتين :
" امتي بقا نخلص من ام السنة دي ونتخرج بقا "
حنين : مستعجلة ع التخرج ليه يا عنيا
" مش احسن من المحاضرات "
حنين : بخصوص المحاضرات فيه دكتور جاي جديد
" ربنا يسترها بقي انا بخاف من الدكاترة الجداد بيبقوا شايفين نفسهم ع الفاضي وهما اصلا ولا بيعرفوا يشرحوا ولا نيلة غير انهم بيعقدوا يسبلوا لبنات الحلوة اللي ف الزفت محاضراه "
حنين : ايه بالعة باكبورت ؟ اخرسي شوية ويلا ندخل المحاضرة
" سمي الله كده واقراي الفاتحة "
حنين : ليه هي المحاضرات بقت مقابر يلا ندخل قبل ما يجي
بضحك " استعنا ع الشقا بالله ، عارفة هيطلع ف الاخر ....... جاسر "
حنين مسكت ايدي جامد ، هو انا ممكن احس بالبرد ف الصيف ؟ ، يااااه اتغير اوي ،بقي اطول ولابس بدلة ، ربي دقن صغننة ولبس نضارة وعيونه وعيونه لسه زي ما هي مفيش حاجة اتغيرت فيها و و .. ودبلة. لا لا ....بالله لا متوجعش قلبي زيادة
_ انا دكتور جاسر اللي هدرس ليكم السنادي يا رب تكون سنة حلوة عليكم
بنت ١ : يالهوي ايه الدكتور القمر
بنت ٢ : هو فيه قمر كدا ؟
بنت ٣ : ايه يا بت منك ليها مش شايفة الدبلة ولا ايه ؟
بنت ١ : يخساارة
بنت ٢ : والف خسارة والله
كنت بسمع ليهم وانا دموعي ف عيني ، معقولة حب غيري ، معقولة كمل حياته ، طب انا ليه مش قادرة اكمل حياتي من غيره ، ليه ؟! ، وليه النظرة دي في عينه ، ليه نفس نظره عيون ليا زمان ؟ ليييه ؟! شوق ..حنين ...فرحة ...خوف ....حزن .....حب ....و وجع
" وقد يأتيك الغائب الاحب لقلبك علي هيئة وجع "
............
_ انسة الاء
دا دا صوته دا نطق اسمي تاني
بضحك " هههه انسة ... نعم يا دكتور جاسر "
_ ازيك ؟
" الله يسلمك "
_ كنت حابب اعرفك ع حد
" حد حد مين ؟! "
_ اهي هناك اهي وراكي
كانت بنت جميلة جدا او زي ما الكل بيقول بنت اية ف الجمال كانت بشرتها بيضة وعينها مزيج من الاخضر والازرق وشعر اصفر ، اكيد مش محتاجة حد يقولي دي مين. لا الصراحة عرفت تنقي يا دكتور جاسر
سلمي: هاااي انا سلمي ، خطيبة جاسر
بصوت مبحوح "اا اهلا انا الاء "
سلمي : ممكن نتكلم شوية ؟
" لا لا معلش ورايا محاضرات وو"
سلمي : مش هاخد من وقتك كتير
بارتباك_ سلمي انتي قولتي عايزة تشوفيها لكن مش تعقدي معاها
" وانا موافقة ف كافتيريا قريبة من هنا "
_ بس اا...
سلمي : متقلقش مش هكلها يا جاسر بعد اذنك
عيونها كانت بتجبرني اني اوافق كانت عينها بتقولي ف كلام مهم لازم تعرفيه ، لغة العيون ابلغ الف مرة من اي لغة
" بتتكلمي عربي ازاي "
سلمي : انا عشت ف مصر فترة كبيرة
" تشريي ايه "
سلمي : بتحبيه ؟!
" هو مين دا "
سلمي : جاسر
" مش من حقي اني احبه "
سلمي : ليه
" بقي لغيري "
سلمي : قلبه معاكي
"قصدك ايه "
سلمي : جاسر لسه بيحبك يا الاء وعمره ما حب غيرك ، انا اللي حبيت جاسر وانا اللي طلبت منه نتخطب ف اميركا دا عادي ، بس كان فيه دايما مشكلة ف حياتي ، وهي انتي ، كان بيحبك ولسه بيحبك ف كل مرة كنا بنبقي فيها سوا كان بيتكلم عنك بس ، حاولت كتير انه اخليه ينساكي بس مقدرتش عمره ما نساكي ، الاء جاسر بيحبك بجد ، والدبلة دي مش من حقي ، اتفضلي ..
ببص للدبلة و كلامها بيتردد ف وداني " جاسر لسه بيحبك يا الاء " " بيحبك بجد " " عمره ما نساكي "
ابتسمت ما بين دموعي وانا بقول " لسه بيحبني "
طلعت اجري زي الهبلة ف الشارع انا بحبه ومش هضيعه تاني انا ضيعته زمان ومش هعيد غلطي ابدا وهو لازم يعرف اني بحبه وان ف كل يوم ف غيابه كنت بتعذب عشان مش جمبي
" دك..... جاسر "
رفع حاجبه _ جاسر..، مش الدكتور اللي شايف نفسه
بضحك " انت تشوف نفسك براحتك "
_ انا مبعرفش اشرح
" مين المتخلف اللي قال كدا "
_ انتي
" انا متخلفة يا عم وبحبك وغبية كمان "
_ ايه ؟
" غبية "
_ لا اللي قبلها
" متخلفة "
_ لا برضه اللي بعدها
" هي ايه دي "
_ يا ولي الصابرين
" بحبك والله العظيم بحبك "
بضحكة تخطف القلب _ هسبل للبنات الحلوة
" هقتلك "
_ هحضنك وهيبقي فعل فاضح ف الطريق العام
" هو اي دا "
بيحضني _ دا
" وقد يكون حضن احدهم هو عالم اخر وانت لا تعلم "
" اطلت النظر اليك فضللت بمحراب عينيك "
الرابع من هنا
