رواية قلوب ارهقها العشق الفصل الثالث والثلاثون 33 بقلم ياسمين رجب
ربما مات قلبي وتناثرت دمائي بين دموعي ربما جفت احلامي وتركت القدر يكتب ما يشاء
وربما كثرة بكائي جعلتني رافضه اظهرها امام بعض الناس هل اصبحت باردة المشاعر هل ماتت كلماتي وقتلت حروفي في معركة الكرامة بين القلب والعقل
الحب... يقال عنه بأنه لحن يعزف على اوتار القلوب تاركا سعادة يغلفها الحنين
وبعضهما قال.... بأنه صرخة مكبلة في صدور المحبين فهل صدق الطرفين إما كلاهما على قلوبها غشاوة كغشاوة العين
العشق..... هو المرحلة الاخيرة من الحب حينما تستنزف كل طاقتك في الحب ويجتاز كل المراحل ليصبح عشق يحلق في الصدور فمن منا لم يتجرع كاسات العشق حتى بلغ أقصي مراحله هو كجرعة مخدرة تعتاد عليها أن تركتها أصابك الجنون وان ادمنتها أكثر أصابك الجنون في كلتا الحالتين سوف تجن اذا ف لعنة العشق سوف تحل حتما ربما تكون سعيدا في نهاية المطاف او مكسور وبقايا وحطام
///////////////////
ابتلعت سلمي ريقها بتوتر بالغ وهي تتحاشي النظر إليه ليهتف شهاب بتساؤل........ هو انت الي خبطت الانسه بعربيتك
نظر كريم إلى شهاب وقال بحده....... انا مخبطهاش هي الي ماشية سرحانه مش مركزة
نهضت سلمي و وقفت امامه قائلة بغضب....... تصدق انك انسان قليل ذوق ده بدل ما تعتذر لسه بتكابر
اقترب منها كريم وهتف بصوت غاضب....... قسما بالله لو ما لميتي لسانك لخليكي تبطلي ترفعي عينك في اي حد
رغم انها اصابها الخوف من حديثه الغاضب الا انها تماسكت جيدا وهتفت بقوه متنافية عما بداخلها من خوف........ ولا تقدر تلمس شعرة مني
اشار لها بسباته وكاد يتحدث لولا صياح شهاب بغضب........ ايه انتوا الاتنين مالكم ما تعملوا حساب لكيس الجوافة الي واقف ولا انا مش مالي عينكم
تراجعت سلمي للخلف قليلا فأكمل شهاب بغضب..... اسمع يا كريم انت غلطان ولازم تعتذر للانسه علشان منعملش محضر
ابتسمت سلمي بأنتصار فأكمل شهاب....... وانتي يا استاذة لازم تعتذري علشان تطاولتي عليه وكمان انتي غلطتي علشان كنتي ماشية في وسط الطريق يبقى انتوا الاتنين غلطانين ولازم تعتذروا لبعض
كريم بغضب...... شهاب انت اتجننت عايزني اعتذر ل دي
هبت سلمي واقفة.... نعم مالها دي ان شاءالله
كاد يرد عليها لولا صوت شهاب....... قسما بربي لو ما اعتذرتوا لبعض لعمل محضر ليكم انتوا الاتنين ازعاج سلطات وابيتكم في التخشيبه فاهمين وانت يا كريم لازم تعتذر علشان الانسه ما تحسش انها كوسه وفقوس علشان احنا صحاب
تمتمت سلمي بغضب..... دي بقت صنية بطاطس حامضة جاتك البلاء
كريم بعصبية..... سامع بتقول ايه
ابتسم شهاب من داخله ربما ذكره هذا الموقف بشئ مشابه ولكن ترك افكاره وقال....... اخلصوا انتوا الاتنين انا دماغي صدعت
زمجر كريم بغضب قائلا...... اسف
ابتسمت سلمي في داخلها ومدت يدها جذبت حقيبتها قائلة..... اسفة
تنهد شهاب وقال....... اخيرا تقدري تتفضلي يا انسه اظن كده مفيش ولا بطاطس حامضة ولا ملوخيه حتي
ابتسمت سلمي له بعذوبة وقالت....بعد أذنك
ولكن قبل خروجها نظرت إلى الاخر بحقد وفي مخيلتها ابتسمت بخبث قبل أن تدهس قدمه بكعب حذئها حتي صرخ بألم لتفر هاربه قبل ان يفتك بها هذا الوسيم
تأوي كريم وهو يجلس على الاريكة الموجودة بمكتب شهاب وهو يسب ويلعن بها قائلا..... اه بنت المجنونه فرمت رجلي قطر
قهقه شهاب وقال....... احسن حتت بت علمت عليك يا معلم
تنفس كريم الصعداء وقال...... دي شبه الفار مفيهاش خبطة
ربت شهاب على كتفه وهتف بمرح...... بس ايه زي القمر
شرد كريم بعينيها المميزة كأنها قطعة من الجنه أجل عينيها كعينين تلك البعيدة ساكنة القبر التي تركت الدنيا ولم تترك قلبه بعد
انتشله من صمته صوت شهاب..... ايه يا ابني احكيلي اخبارك ورجعت امتي واخبار عمار اختفيتوا انتوا الاتنين
هز كريم رأسه قائلا...... ده موضوع كبير يا صحبي وبعدين انت اكتر واحد عارف الي حصلي
ربت شهاب على ساقه وقال...... هتعدي يا كريم كل حاجه هتعدي
اعلن هاتف شهاب عن مكالمة واردة فرفع الهاتف قائلا...... صباح الخير
المتصل.............
شهاب......... معلش مقدرتش اعدي عليكي اوصلك شغلك بس غصب عني كان عندي شغل ضروري
المتصل............
شهاب...... هعدي عليكي ونروح نتعشي بره
المتصل.........
شهاب..... تمام مع السلامه
نظر إليه كريم بترقب وقال...... مين دي يا شهاب
اغمض شهاب عينيه وقام من مجلسه وهو يتجه إلى شرفة مكتبه ينظر منها بشرود........ دي تبقي ياسمينا خطيبتي
تبدلت ملامح كريم واتجه إلى صديقه وهتف بصوت غاضب........ ازاى يعني هو مش انت
قاطعه شهاب....... مفيش داعي تكمل يا كريم انا خلاص عرفت نهاية حكايتي ايه محدش بياخد غير نصيبه
كريم بغضب....... وخطيبتك ذنبها ايه
تنفس بضيق وقال........ كريم لو سمحت متفتحش جروح مقفلة
صاح بغضب........ هو انتوا حصل لكم ايه واحد راجع علشان يدمر حبيبته ويكسرها والتاني رايح يخطب واحدة مابيحباهش فكرتوا مرة واحدة الناس الي بتدخلوهم حياتكم سد خانه مصيرهم ايه انت او عمار فكرتوا في اسيل او ياسمينا هيحسوا بأيه
كاد شهاب ان يتحدث فأكمل كريم بغضب...... فوق لنفسك يا شهاب مضيعش نفسك علشان ما تندمش على حاجه بعدين لمره واحدة حارب علشان حقك اقف في وش الكل وانت تكون مبسوط راجع نفسك يا شهاب قبل ما تلاقي نفسك خسرت كل حاجه
ثم تركه وانصرف
شهاب الحديدي........اثنين وثلاثين عاما ظباط مباحث شاب وسيم ببشرته السمراء الرجولية وهو الصديق الثالث لكريم وعمار منذ الصغر رغم انه يكبرهم سننا الا انه جذاب و وسيم
بقي شهاب واقفا شارد في حياته الماضية وتلك البريئة التي احبها يوما صغيرة إلى ابعد ما يكون ليست صغيرة سن انما صغيرة كطفلته هو احبها حد الجنون ابن الاكابر احب ابنة الخادمة فكان مصيرهما الفراق بسبب تحكمات والده اراد عصيانه ولكن مرض والده جعله مكبل اليدين لا يعلم كيف يتصرف او ما يفعل ولكن ما باليد حيله فقد طردهم والده اثناء سفره إلى إحدى المهمات مستغلا غيابه عن المنزل وحينما عاد لم يكن لها اثر هي ووالدتها بعدها ترك منزل والده واستمر في البحث دون ادني فائدة وحينما مرض والده عاد إلى القصر حتى يتابع اشغال والده وعمله كضابط
...... /////////////////
على الجانب الآخر جلست مرام تتابع عملها بجهد ونشاط إلى أن قطع خلوتها دخول معتز قائلا....... صباح الخير
رفعت وجهها قائلة بجمود..... صباح النور مستر عمار مستني حضرتك من بدري
اراد ان يعلق على لهجتها الرسمية ولكن قطع ذالك خروج عمار من مكتبه قائلا........ اتاخرت ليه المفروض عندنا اجتماع كمان ربع ساعه وسيادتك جاي متأخر هنتناقش في الصفقة امتي
نظر إليه معتز قائلا........ متقلقش خلينا نروح اوضة الاجتماع وهنتناقش هناك
اوما عمار برأسه وخرج معه وسط نظرات مرام التي تعجبت من هذا الهدوء بينهم
تنهدت بعدم تصديق وعادت لاكمال عملها ولم تشعر بالوقت الذي مر بها هكذا إلا حينما سمعت صوت بدي مألوف بالنسبة لها
ينفع تسبييني وتمشي بالشكل ده اعمل فيكي ايه
نظرت إلى صاحب الصوت بعدما تعرفت عليه فهتف قائلة.... مستر أدهم حضرتك هنا بتعمل ايه
جلس أدهم امامها وقال....... امممممم بعمل ايه ابدآ يا ستي كل الحكايه امبارح كنت مع سكرتيرة جميلة في ڤيلة العميل الجديد وفي النهاية سابتني وطلعت تجري من غير ما ترد عليا
شعرت مرام بالخجل من فعلتها فهتفت بأسف...... انا اسفه يا مستر أدهم بس بجد وقتها كنت محتاجة امشى
ابتسم ادهم بصفاء وهتف قائلا......طيب احنا لازم نتكلم في موضوع مهم
انتبهت مرام لحديثه فأكمل هو....... بخصوص امجد نصار والي سمعته لما كنا في الڤيلا
تلاشت تعابير وجهها ولا تعلم بما تجيب قالت بتعلثم..... هو حضرتك سمعت ايه
كاد يتحدث لولا دخول عمار ومعتز وهما ينظران بتعجب إلى ذاك الشاب الجالس امامها
نهضت مرام بفزع وهي تنظر إلى ملامح عمار الغاضبة ليهتف أدهم بتساؤل....... مالك يا مرام في ايه
نظر إلى ما تنظر إليه فوجد شابين واقفين وكلامن هما الشر يتطاير من عينيه وبالاخص وجهه عمار المشحون بالغضب فقال أدهم بتساؤل...... هو في ايه
اقترب عمار من أدهم وقال....... ده المفروض انا الي أسألك انت مين وبتعمل أيه هنا
تفحصه أدهم ليري الغيرة تجسدت على ملامحه وهو يفترس مرام بنظراته الغاضبة فتأكد من هويته اذا هذا عمار مد أدهم يده قائلا....... أدهم الشيمي
نظر عمار إلى يد ادهم الممدودة وصافحه وهو يضغط على يده قائلا....... اهلا عمار
ابتسم أدهم وهو يري الغيرة بعينين عمار فقرر اللعب على اوتاره وقال...... اهلا بيك مبسوط أني قابلتك بصراحة انا بحسدك
نظر إلى عمار بأستفهام فتابع ادهم....... على مرام سكرتيرة ممتازة وكمان جميلة وملتزمه بالمواعيد ده غير انها ذكية وتعجب اي حد في الشغل
ابتلعت مرام ريقها وهي تري عينين عمار التي اشتعلت بالغضب ويده التي كورها بغضب وهو يحاول السيطرة على غضبه حتى لا يفتك بذاك الادهم
بينما اتسعت ابتسامة أدهم وهو يري مدي العشق بينهما رغم انه قد جمع كل المعلومات الكافيه عن حياة عمار قبل سفره بعدما سمع حديث امجد الذي جعله مشتت كيف استطاع تفريقهما حلقة مفقودة عليه ان يعلمها ولن يجيبه على تلك الاسئلة سوي مرام فحتما سيكون ادهم هو الخيط الرفيع لاصلاح ما افسده ذاك الرجل لن يهداء له بال حتى ينبض العشق بداخلهم من جديد
قال ادهم بهدوء موجها حديثه إلى مرام قائلا...... طيب يا مرام انا همشي دلوقتى وبعد ما تخلصي شغلك لازم نتكلم بخصوص الشغل
اومات برأسها بالموافقة فقال ادهم وهو يهم بالرحيل فرصة سعيدة يا بشمهندس
تعالي على مكتبي حالا..
قالها عمار بعدما غادر كلامن ادهم ومعتز بينما ابتلعت ريقها بخوف فهي على يقين بأنه سيجن جنونه من فرط غيرته فقد رأت الحقد والغضب في عينيه اثناء حديثه مع ادهم
تنهدت بقلق و سارت بخطوات بطيئة وهي تدلف إلى داخل مكتبه لتجده يجذبها إلى الداخل بغضب وهو يغلق الباب بقوه لتري الغضب الكامن بعينيه وهو يدفعها بقوه حتى ارتطم ظهرها بالحائط واصبح هو امامه ليهتف بغضب....... كان عاوز ايه
ابتلعت ريقها وقالت بتعلثم........ كان جاي علشان نتكلم بخصوص الحفلة
ضغط بأظافره على ذاك الضماد حتى تأوت هي بألم فتابع هو....... بسألك كان جاي ليه
ترقرقت الدموع بعينيها وقالت...... والله زي ما قلتلك امبارح سبته ومشيت منغير ما نكمل شغلنا
نظر إلى دموعها التي اوشكت على الهبوط فشعر بنغصه في صدره وهو يري اظافره يده التي تلونت بالدماء فقد اخترقت يده الضماد ليعود الجرح ينزف من جديد
ابتعد عنها وهو يري الالم الظاهر على وجهها وكيف تحجرت الدموع بعينيها لتنظر له بأسي و هي تري تحوله إلى شخص لا يعرف الرحمة وكيف اصبح يؤلمها بعدما كان يداوي جروحها
اشاح بوجهه للجهة الاخري وقال بصوت مرتفع غاضب...... اطلعي بره
سمعت صوته فهتزت اوصالها وحينما لم تتحرك تقدم منها واخرجها خارج مكتبه وهو يصفع الباب بقوه خلفها فأسند رأسه على الباب وهو يستمع صوت شهقاتها التي مزق وريده حزنا وآلم
بينما جلست هي تبكي على قلبها الذي بات يؤلمها منه ولا تعلم ما تحمله الايام القادمة كلما حاولت الصمود امامه وجدت نفسها رغما عنها ضعيفة وهزيلة لا تقوي على شئ
خارج الشركة
جلس بعيدا عن اعين المارين وهو يتحدث عبر هاتفه المحمول قائلا......... متقلقش هي تحت عيني انا معاها خطوة بخطوة مش بتغيب
الشخص الاخر.............................
اجابه قائلا.......... طول ما حسن في مكان مفيش حد يفلت من ايدي اطمن كل حاجه هتم في الوقت المناسب
انهي الاتصال وهو يزفر بضيق إلى ان اتسعت عيناه على تلك الفتاة التي ترجلت من سيارة الاجري وتسير بخطوات واسعة دون واعي منها للطريق العام
ركض حسن كالفهد وهو يجذبها بقوه حتي اتصدمت به فسقط سويا على الارض حتى كادت رأسها ترتطم بالارض فكان هو اسرع منها ووضع يده اسفل رأسها والاخرى حول خصرها وكانت هي أسفله مازالت مغمضة العينين متمسكة به وهي خائفة
بينما ظل هو شارد بها بملامحها الجميلة الهادئة إلى أن فتحت عينيها ببطئ لتجد امامها حدقيتين بنيتين كحبات القهوة وذاك الوسيم الهاديء ينظر إليها بطريقة أربكتها جعلتها غائبة في عمق عيناه وهي تحاول اخفاض بصرها ولكن دون جدوى فقد شعرت بنظراته وهو يتفحص ملامحها كأنه يحفرها بداخله
فاق كلاهما على صوت سائق الشاحنة ورجال امن الشركة الذين تقدموا إليهم بعدما تعرفوا على هوية أسيل
سائق الشاحنة......بخوف انتي كويسة يا بنتي
نظرت للجميع بخجل وهي تدفع ذاك التائه بجمالها بعيدا عنها
نهضت اسيل وهي ترتب ملابسها ليعيد الرجل سؤاله مجددا...... انتي كويسة حصلك حاجة
رد عليه حسن بعدما نهض هو الاخر........ مش المفروض تخلي بالك من الطريق يا حاج
نظر الرجل إليه بأسي....... والله يا بيه انا كنت سايق على مهلي بس الاستاذة طلعت مرة واحدة وانا زي ما انت شايف رجل كبير بجري على أكل عيشي
نظرت إليه أسيل مطمئنة له قائلا....... لا يا حاج انا محصليش حاجة وحضرتك ملكش ذنب انا فعلا كنت ماشيه بسرعة ومركزة في الموبيل
ثم انتقل ببصرها إلى حسن قائلة........ شكر لحضرتك بجد مش عارفه اشكرك أزاي
اوما حسن برأسه قائلا....... لا مفيش شكر ده واجبي
شهق الرجل بخوف وهو يتجه صوب حسن قائلا....... ايه ده يابيه شكلك اتعورت في دراعك
نظر حسن إلى ذراعه فقد اصيب به حينما وقع على الارض وهو يضعه أسفل رأسها
هتف حسن بعدم اهتمام........ عادي جرح بسيط
بسيط ازاى ده محتاج خياطة
قالتها اسيل وهي تمسك معصمه واكملت بخوف..... لازم تروح مستشفى
امعن بها النظر مطولا وقال....... قلت لحضرتك مفيش داعي
تركت يده وتناولت حقيبتها واخرجت بعض المال قائلة...... خلاص خد الفلوس دي تعويض عن الجرح
تبدلت ملامحه إلى الغضب وهتف...... خلي فلوسك في جيبك يا انسه حد قالك ان حسن بيقبض فلوس على رجولته
قالها وغادر وسط دهشتها وهي تقول..... ماله ده انا كنت هدفعله تعويض
قال الرجل بسعادة....... والله يسلم لسانه ويحفظه فيه الخير
قالت أسيل بعدم فهم..... يعني ايه مش فاهمه
الرجل بهدوء..... اصل يا بنتي الدنيا بقت غابة قليل لو لقيتي فيها رجل ابن حلال ربنا يحفظه لشبابه
قالها الرجل وغادر بينما ظلت أسيل تتابع صاحب العينين البنيتين بترقب وهي تتفحص ملامحه اثناء استناده على سيارة الشركة
كان وسيم بشكل لا يطاق وجاذبية لا تطاق لا تعلم هل هو لا يطاق اما اختراقه لحواسها هو الذي لا يطاق فقد رأت جسده المشدود القوي وعضلات جسده التي ابرزها ذاك القميص الابيض الشفاف بعض الشيء و وجهه المستدير بملامح رجوليه شديدة وهي تري تفاصيل وجهه كانت عيناه واسعة و انفه مستقيم إلى شفتيه الممتلئة حتى ابتسامه وهو يداعب جرح يده كانت تخطف انفاسها وهي تره يضع يده في خصلاته السوداء يرجعها للخلف كأنه اشهر نجوم هوليود اشاحت ببصرها عنه وهي تبحث عن سيارة أجرة حتى تعود إلى الفندق مجددا فقد اتسخت ملابسها
بينما كان هو واقف يراقبها خلسة وهو يشعر بنظراتها المتفحصة له لا ينكر انجذابه لها فهي جميلة إلى ابعد الحدود عينيها الساحرة وبشرتها الشقراء جعلتها جذابه إلى ابعد ما يكون عن الوصف
///////////
انتهت من عملها وخرجت من باب الشركة لتجد أدهم واقفا بأنتظارها وهو يستند على سيارته قائلا........ ينفع التأخير ده
تعجبت من حديثه واقتربت منه قائلة........ هو حضرتك لسه منتظر من وقتها
اوما أدهم رأسه موافقا على حديثها وقال...... اعمل ايه حكم القوي على الضعيف يالا اركبي احنا لازم نتكلم كلام كتير
تذكرت حديثه حينما كان بمكتبها فقد اصبح يعرف بحقيقة امجد نصار ويجب عليها ان تتحدث معه من أجل ابقاء الامر سرا
اومات برأسها وركبت بالكرسي الامامي
لينتقل أدهم بدوره هو الاخر ويقود سيارته
في احدي المطاعم طال الصمت بينهم ليهتف ادهم قائلا......... هتفضلي ساكته كده كتير مرام احكيلي ايه حصل و ايه الكلام الي سمعته لم كنا في ڤيلة امجد نصار
توترت اوصالها وهتفت بقلق...... كلام ايه بالظبط
تنهد ادهم قائلا....... ان عمار مش ابن امجد نصار وكمان انتي وعمار ايه حكايتكم ممكن تحكيلي يمكن نلاقي حل
تنهدت هي وزفرت بضيق لتهتف........ عارف لم تكون الدنيا بتعاندك كل الظروف ضدك من يوم ما جيت على الدنيا معرفتش معني الفرح كنت دايما بخاف من بكرا ياتري شايل ايه كنت بخاف اقوم من النوم الاقي نفسي لواحدي واخسر اختي لحد ما قابلته
هو مين.... قالها ادهم بتساؤل
ارتسمت ابتسامة حزينة على شفتيها واكملت...... الانسان الي علمني الامان ومخافش علمني الحب والجنون والسعادة علمني اضحك خلي ايام كلها فرحة بعد ما كانت خوف وقلق قابلت عمار وحبينا بعض بجنون تقدر تقول عدينا مرحله الحب وبقي عشق بقينا نتنفس بعض بس مفيش حاجه بتفضل في شيطان لعب في حياتنا لحد ما بعدنا عن بعض
//////////////
على الجانب الآخر كان الغضب تملك قلبه الغيرة والكراهية ظل يتجول في ارجاء الڤيلا بغضب وهو يتذكر وقفتها مع ذاك الادهم خرج إلى حديقة الڤيلا وبدأ في نزع ملابسه وقفز في المسبح وهو يغوص إلى الاسفل كاتم انفاسه ليظل دقائق هكذا وهو يحاول اخماد غيرته حتى شعر بأنفاسه اوشكت على الانقطاع فخرج على سطح المسبح ثم عاد من جديد يغوص في اعماق المسبح إلى أن سمع صوت مألوف بالنسبة له........... طيب خليني اسلم عليك الاول قبل ما تموت نفسك
بمجرد أن سمع الصوت خرج مسرعا وهو ينظر إلى صديقه كريم الواقف امامه بطلته الجذابة
اتسعت ابتسامته وخرج من المسبح وهو يلقي بجسده داخل احضان صديقه قائلا بسعادة......... اخيرا رجعت يا كريم اخيرا نورت بلدك يا كيمو
شدد كريم من احتضانه وهتف....... وحشتنى ياض
ابتعد عمار عنه وجذب المنشفة الموضوعة على مسند المسبح وبدأ ينشف جسده بها ليجلس كريم على الطاولة المجاورة للمسبح قائلا......... مالك متخانق مع مين النهاردة
عادت إلى ذاكرته تلك اللحظة وهو يرها تصعد إلى سيارة أدهم
اغمض عيناه وقال...... مفيش حاجه المهم جيت امتي
ابتسم كريم بسخرية وقال..... مع اني متاكد ان بتخبي عليا بس براحتك انا جيت في طيارة 7 الصبح
انصت له عمار وقال...... طيب كنت فين طول اليوم
تلاشت تعابير وجهه وحل محلها الحزن وهتف..... رحت المقابر
جلس عمار بجواره وهتف...... ربنا يرحمها أدعيلها يا صحبي
ثم تابع حديثه...... يعني طول النهار كنت في المقابر
هنا تذكر كريم تلك الفتاة ليهتف من بين أسنانه..... اه لو تعرف صحبك حصله ايه اتعلم عليا
انصت له عمار بتركيز ليعود كريم في سرد ما حدث معه منذ خروجه من المقابر إلى أن جاء إليه
قهقه عمار بشده حتى ادمعت عيناه وقال من بين ضحكاته....... يعني البت علمت عليك لا جدعة والله
واكمل ضحكاته لينظر إليه كريم بغضب قائلا..... والله انت هتشمت ولا ايه وبعدين انا لو شفتها مره تانيه هخلي نهارها اسود
ضحك عمار مجددا وهتف........ هو انت ليك عين تتكلم كمان يا ابني انت جبهتك اقصفت خالص انا لو مكانك لو قابلتها في طريق تلف من الشارع التانى والا المره الجايه هنجيبك من المستشفى
نظر كريم إليه بغضب وهو يقول...... عمار خلاص انا على أخري
حاول عمار كبت ضحكاته وهو ينظر إلى صديقه وقال بجدية...... عملت أيه في موضوع الدكتورة بتاع رهف
هتف كريم..... كل حاجه تمام بس قولي انت ناوي على ايه
تنهد عمار وهو يبتسم فحتما سيكون مخططه الجديد سوف يقضي عليها
نظر إلى كريم وقال...... هتعرف في الوقت المناسب
////////////
طال بينهما الصمت مجددا بعدما انتهت مرام من سرد قصتها منذ لقائها بعمار إلى الان
قهقه ادهم بحزن وتعالت ضحكاته وهو يضع يده على صدره يتحسس ذاك الوشم بجسده لتهتف مرام بتعجب قائلة...... بتضحك على ايه
ادهم بحزن و وجع .....أصل احنا الاتنين حكايتنا واحدة
بحركة عفوية ازاح ياقة قميصه ليظهر على مقدمة صدره الوشم الخفي فتمعنت مرام النظر في ذاك الوشم لتهتف....... ياسمينا!
مين دي
رجع ادهم رأسه للخلف وهو ينظر إليها بشرود قائلا...... احلي واجمل بنت حبيتها ياسمينا كنا بنحب بعض من كام سنة وكنت ناوي نرتبط رسمي لحد ما عرفت بمرضى
أنصتت مرام أكثر فتابع أدهم..
. انا مريض كانسر سرطان لم عرفت الخبر كنت زي المجنون مش عارف اقولها ازي او احكيلها ايه بس لم عرفت من الدكتور ان المرض عندي خبيث وحتى العلاج مش بينفع في حالتي حسيت بالوجع والخوف مش من الموت لا انا خفت انها تتوجع عليا حسيت انها لو عرفت هتموت كل يوم ميت مره علشان كده بعدت عنها
نظرت إليه مرام بأسي فأكمل...... جبت بنت شقتي وخليتها تيجي تشوفها عندي بحيث تصدق أني خونتها
بعدها هي كرهتني وبعدت عني وخطتي نجحت بس تعرفي اني مش ندمان يعني لو كنت حكيت لها كان ممكن تكمل معايا ونكون مبسوطين يومين وبعدها تصحى تلاقي نفسها أرملة كانت هتتعب
هتفت مرام بتساؤل....... طيب انت دلوقتى صحتك عاملة ايه
تنهد أدهم بحزن قائلا....... انا باخد كيماوية وعملت كذا عملية استئصال للورم بس بيرجع تاني في مكان مختلف
ثم تابع بمرح...... بقولك فكك مني خلينا فيكي انتي
حاولت مرام اخفاء حزنها عليه وقالت...... فيا ازي مش فاهمه
هتف أدهم بجدية....... دلوقتى قولتيلي ان عمار راجع ينتقم منك وكمان امجد مش هيسيبك في حالك يبقى الحل الوحيد اننا نكشف حقيقة امجد
نظرت إليه مرام قائلة....... مبقاش ينفع
أدهم بتساؤل.... ليه
قالت بضيق.... اولا معنديش دليل ثانيا مستحيل اعرض حياة عمار للخطر
ادهم..... بس احنا لازم نكشفه عمار لازم يعرف الحقيقة في اقرب وقت صدقينى يا مرام عمار بيعشقك
نهضت هي قائلة....... سيبها على الله يا أدهم وعلى العموم انا لازم أمشي لاني اتأخرت
نهض هو الاخر قائلا تمام خليني اوصلك
مرام بتوتر....... لا مفيش داعي
أدهم بغضب...... مرام هوصلك
اومات برأسها تدل على الموافقة بينما سبقها أدهم ليحضر سيارته وظلت هي تنتظره خارج المطعم
في هذه الاثناء ترجل شهاب من سيارته وهو يفتح الباب الاخر لخطيبته قائلا..... اتفضلي يا دكتورة ياسمينا
ابتسمت له بعدما ترجلت من سيارته وقالت بأمتنان..... مرسي يا شهاب
اشار لها بالدخول ولكنها توقفت و اتسعت عينيها بعدم تصديق مما رأته لا تصدق بعد هذه السنوات تلتقي بها لتهتف بسعادة...... مش مصدقه بعد السنين دي
لم يعرف شهاب عما تتحدث فقال...... مالك يا ياسمينا في ايه
لم تجيبه بل اتجهت صوب مرام وهي تحاول اللحاق بها ولكن توقفت بعدما وجدتها تصعد بسيارة احد هما نظرت إلى شهاب الذي قال بتساؤل...... في ايه ممكن افهم
تنهدت بحزن...... مقدرتش ألحقها
شهاب بتساؤل مره اخري...... هي مين
ارتسمت سعادة على وجهها وبدأت في سرد مقابلتها لمرام اثناء حادث عمار
....بس يا شهاب هي دي الحكاية
قالتها ياسمينا بسعادة ثم تابعت..... اكيد اتجوزا وخلفوا كمان
ابتسم شهاب وقال....... غريبة اوي البنت دي معقوله كانت هتقتلك علشان حبيبها هو في ناس لسه بتحب بالشكل ده
هتفت بأسي..... صدقني لو كنت شفت حالتها في المستشفى كنت اتعلمت منها الحب دي بتعشقه
هتف شهاب بتساؤل...... طيب هو انتي اول مره تشوفيها بعد ما كانت في المستشفى
ياسمينا........ اه اول مره في اليوم الي قابلتها فيه سافرت في نفس اليوم كندا وبعدها منزلتش مصر غير من شهرين قبل خطوبتنا تفتكر لسه بيحبوا بعض يعني الجواز مغيرش الحب الي كان بينهم
نظر شهاب إليها وقال...... الحب عمره ما بيموت بالعكس بيكبر وطالما كانوا بيحبوا بعض بالشكل ده يبقى الحب كبر وبقي عشق
ثم اكمل حديثه...... على فكرة احنا واقفين في الشارع
ابتسمت ياسمينا بحرج وقالت..... اسفة يالا ندخل
في المساء بمنزل جمال
دلف إلى شقة والدته وجدها جالسه امام التلفاز فألقى التحية قائلا..... السلام عليكم
كريمة بحب..... وعليكم السلام يا حبيبي
دنا منها وطبع قبلة على رأسها والاخري على كفها قائلة...... عاملة اية دلوقتى يا ست الكل
ابتسمت له قائلة....... الحمدلله احسن
بادل والدته الابتسامة وظل يبحث عنها بعينيه إلى أن هتف بتساؤل...... هي فتون فين
رأت الشوق بعينيه فقالت...... بتجهز العشاء في المطبخ
لاحت منه ابتسامة وهو يتجه إلى المطبخ بخطوات بطيئة إلى أن شألته كريمة قائلة...... رايح فين يا جمال
توقفت أقدامه عن السير وقال بتوتر...... هغسل أيدي يا ام جمال
أومات برأسها فهي تعلم وجهته بينما تسلل جمال خلسة إلى المطبخ ليجدها تواليه ظهرها و وجهها لصنبور المياة نظر إليها بأعجاب فكانت ترتدي منامة وردية بدون أكمام و رفعت شعرها لأعلى بدبوس الشعر
اقترب منها ببطئ وهمس بأنفاسه التي لفحت وجهها....... بتعملي
كانت تحمل بيدها بعض الاطباق ولكن ما شعرت بأنفاسه وسمعت صوته كمن لسعه تيار كهرباي توترت اوصالها
