رواية سر الهاربه الفصل الثاني 2 بقلم مني الصاوي
سر الهاربه
الحلقه 2
مني الصاوي مراد... ادم معاه حق يا فاروق انت ازاي تفكر اننا ممكن ناذى حد وبنت كمان انت عارف اتهامك ده معناه ايه
فاروق... انا عارفكم كويس بس اسف لازم ابلغ الشرطه دي جريمه ومسواليه وواجبي اني ابلغ
ادم... تبلغ عن ايه احنا خبطناها هي السبب طلعت فجأه قدمنا
مراد... الظاهر البت دي هربانه عملت عملتها ولما بقت حامل هريت من اهلها وهي بتجرى منهم لبست في العربيه واحنا شكلنا لبسنا الم*ص*يبه
لازم تتصل بالشرطه يا دكتور انا بتهم الاتنين دول انهم خبطوني بالعربيه
ده كان كلام فاطمه اللي صحيت علي صوتهم وسمعت كل الكلام
فاروق... انت ازاي قومتي من السرير اللي عملتيه ده خطر عليكي وعلي الجنين
فاطمه بعد ما حطت ايديها علي بطنها
الجنين هو انا حامل زي البني ادم ده ما قال
مراد... بني ادم ماتلمي لسانك يا بت انت وكمان مش عارفه حامل والا لا يبقي كلامي صح
فاطمه.. اخرس يا حيوان اوعي تغلط والا
مراد... والا ايه هتضربيني والا ايه ويقترب منها جدا
فاطمه ترجع بظهرها للخلف وهي خائفه منه
ادم... مرااااد انت اتجننت والا ايه
مراد.... ما انت شايف بتتكلم ازاي وكمان بتتهمنا وهي السبب ف
وقبل ان يكمل كلامه يجدوا فاطمه تقع فاقده للوعي
فاروق.... عجبك كده
مراد.... انا معملتش حاجه هي اللي مستفزه
فاروق.... شيل معايا شيل يا ادم معانا بسرعه دخلوها اوضه الكشف بسرعه دي محتاجه محاليل فورا نبضها ضعيف شكلها مكالتش من فتره
بعد فتره وداخل عياده دكتور فاروق
فاروق... كده خدت جرعه كويسه ودلوقتي هتشد حيلها وتقدر تتحرك
ادم... مصمم تبلغ برضو يا فاروق
فاروق... يا ادم انت ابن عمي صحيح بس ضميرى المهني يمنعني اني اظلم الينت الغلبانه دي بس قدامكم حل واحد انها تسامحكم ومش تبلغ
مراد... يعني هنتراجاها يعني لما تفوق نكلمها ونشوف
ادم... اسكت انت خالص متتكلمش معاها انت بالذات البت مش طيقاك اصلا سيبها انا هتكلم معاها
فاروق... فاضل ساعه علي ميعاد العياده والبنت المساعدة شويه وهتيجي لازم تتكلم معاها وتمشوا
ادم... تمام هدخل اشوفها
يدخل ادم داخل الغرفه يجد فاطمه نائمه ودموعها تنزل علي خديها
ادم... عامله ايه دلوقتي
فاطمه... كوبسه الحمدلله متشكره جدا واسفه علي اللي قولته كلام صاحبك استفزني بس كنت بهدده مش اكتر
ادم.... انا اسف عن اللي قاله صاحبي اتفضلي معايا اوصلك البلد بتاعتك عشان زمان اهلك بيدوروا عليكي
فاطمه... انا ماليش اهل ولو عايز تساعدني ممكن تشوفلي مكان اقعد فيه علي ما الاقي شغلانه اعيش منها
ادم... اوك ياااا
فاطمه... فاطمه اسمي فاطمه
ادم... اوك يا فاطمه جهزي نفسك علشان لازم ننزل دلوقتيراد... انت اتجننت يا ادم احنا منعرفش البت دي حكايتها ايه وكمان هتقعدها فين
ادم... هقعدها مع امي وانا هقعد معاك مؤقتا علي ما الاقي ليها مكان تقعد في
مراد... ماشي يا ادم لما نشوف اخرتها
فاطمه.... انا جاهزه بس ممكن اطلب منك طلب
ادم... اكيد اتفضلي
فاطمه... عايزه نعدي علي محل اشترى عبايه ونقاب علشان وشي متبهدل ومش هينفع امشي كده واوعدك اول ما اشتغل هرد كل الفلوس اللي هتصرفها عليا
ادم... لا متقوليش كده انت زي اختي وعلشان متكونيش قلقانه انا عندي اختين من سنك تؤم ووالدتي هما اللي هتقعدي معاهم
فاطمه.... متشكره جدا ممكن ننزل دلوقتي
متشكره جدا يا دكتور
فاروق... مفيش حاجه انا عملت واجبي ولو احتاجتي حاجه انا موجود
ادم... تمام سلام يا فاروق هبقي اتصل بيك
بينزلوا ادم وفاطمه ومعاهم مراد اللي مش طايق فاطمه حرفيا وهي كمان بتتجاهل وجوده
ادم بيفتح باب العربيه اتفضلي
مراد.... كمان بتفتح لها باب العربيه لو مش عارفه كويس كنت قولت عجبتك مع ان ملهاش ملامح وخلقتها ملخبطه
ادم... اركب وانت ساكت مش عايز كلام
تسند فاطمه راسها علي زجاج السياره وترجع بالذاكره
فاطمه.. بابا علشان خاطري خليني اروح عند امل صحبتي عيدميلادها والبنات كلهم عندها اشمعني انا
علي.. قولت مش هتروحي انت عارفه ممنوع تخرجي بالليل
فاطمه... وحياتي عندك خليني اروح المره دي وبس
علي... لو مصممه خدي حسن ابن عمك يوصلك وبعدين رني عليه يرجع ياخدك
فاطمه... يا بابا بلاش حسن بالذات مفكر نفسه ولي امرى اوووف من غلاسته
علي... عيب كده حسن ابن عمك وخطيبك
ترجع الي الواقع مع صوت توقف السياره
ادم... يلا يا فاطمه انزلي وصلنا المول
فاطمه... حاضر
تدخل المول تحت انظار الماره بسبب جروح وجهها ويديها يدخل ادم احدي محلات المول المتخصص في لبس المحجبات
البائعه.. حضرتك محتاج ايه يا فندم
ادم... شوفي الانسه محتاجه ايه وسعديها
تنظر فاطمه لادم وتشرد
فاطمه... اااه مش تحاسب
محمد... اسف يا انسه حقيقي مخدتش بالي
فاطمه.... مفيش مشكله بعد اذنك
محمد... طيب مش نتعرف انا محمد مهندس جيت هنا البلد علشان مشروع المساكن الشعبيه هنا في البلد
فاطمه... تشرفنا انا فاطمه
حسن.. والله عال يا ست فاطمه جايه عيد ميلاد والا مس*خر*ه
محمد... مالك بس يا اخ انت مين ده يا انسه
حسن... انا خطيبها يلا بينا وشدها من ايديها
فاطمه... اي اوعي ايدي وجعتني سبني يا حسن الناس بتبصلنا
محمد.... سيبها احسن لك
حسن... شكلك مش هتجبها البر ويضربه بوكس في عينيه
تفوق فاطمه علي صوت البائعه حاجه تانيه يا انسه
فاطمه.... ها اا. لا شكرا
تخرج من البروفه تسمع ادم ومراد
مراد اديها قرشين ومشيها دي مسواليه صدقني
ادم....متقلقش انا عامل حساب كل حاجه
تخرج فاطمه فجأه وينظر لها ادم ومراد....
