رواية فقيرة في بيتي الفصل الثاني 2 بقلم اسماء عبدالهادي
نوفيلا فقيره في بيتي2
أمل... انا جتلي فكرة
هدى ...فكرة ايه الحقينا بيها احنا مفيش اي مكان نقعد فيه
امل ...نقعد هنا ف نص الطريق وامرنا لله
امل ...ايه يا بنتي ما انا حلتها اهو المهم نقعد بدل الوقفة طول المحاضرة ومش مهم ازاي بقا يلا اقعدي مدقيش اوي كدا
بالفعل قعدوا هما الاتنين في نص الطريق اللي بيطلع للبنشات فوق
ولما دخل يزن المدرج كل الشباب بدأت تعمل هرجلة والكل كان فرحان وفيه اللي بيصفر كمان
ابتسم يزن وقال ....السلام عليكم يا شباب عاملين ايه منورنا والله اهلا بيكم جميعا في أسرتنا اللي بتكبر وهتكبر بيكم.. بس ايه دا ماشاء الله الكل صاحي بدري وحاضر المحاضرة كمان لا ماشاء الله عليكم انا كدا هاخد اول انطباع كويس عنكم برافو
ولاحظ يزن وهو بيبص ع الدفعة كلها اللي البسمة هتنط من ع وشهم كلهم
....ايه دا البناات اللي قاعدة ع الارض قاعدين ليه كدا
قامت هدى وامل وقفوا
امل ....مفيش مكان يا دكتور فاضطرينا نقعد كدا
هدى باحراج همست لامل ....شوفتي فكرتك جابتلنا الكلام عاجبك كدا
يزن.... لا طبعا ميصحش كدا دا انتم بنات
ونادى ع العامل وقال .....لو سمحت ممكن تجبلنا كريسين هنا
العامل ....حاضر يا دكتور
وبالفعل جاب العامل الكراسي
وقعدت هدى وامل قدام بالقرب من يزن وكانت سعادة امل اكبر ما يكون
.....شوفتي فكرتي قعدتك قصاد دكتور يزن مباشرة
هدى..... وفكرك ان دي حاجة كويسة انا محروجة جدا حاسة ان الكل بيبص علينا
امل ....مش مهم المهم اننا قعدنا ف مكان كويس نقدر نشوف فيه دكتور يزن وخلاص
لاحظت هدى ان يزن طول الوقت بيبص عليها بضيق فاستغربت هو ليه بيبص ليها كدا
يزن.... يا شباب انا عارف انكم متحمسين اننا نبدأ المادة واني هدرس لكم علشان حقيقي صعب عليا اني اقولكم خبر زي دا
الدفعة..... لااا يا دكتور متقولش انك مش اللي هتدينا
.....لا يا دكتور احنا كدا هنزعل اوي
.....لا لا مش هينفع احنا عايزين حضرتك انت ليه هتمشي
....لا دكتور ارجوك خليك معانا
يزن.... يا شباب والله حقكم عليا بس انا زي ما معظكم عارفين اني عندي شركتي وشغلي فأنا عندي سفرية شغل مهمة علشان كدا دكتور وليد الالفي اللي هيدرسلكم بدالي المادة دي وصدقوني شرحه افضل مني مليون مرة بالتوفيق للجميع ان شاء الله
الدفعة ....لا طبعا يا دكتور احنا عايزين حضرتك انت .. دكتور وليد على عينيا وع راسنا لكننا عايزين حضرتك انت طالما الجدول نزل واسم حضرتك فيه واتعشمنا فبلاش تمشي وتسيبنا احنا مستعدين ننتظر حضرتك لحد ما تخلص شغلك وترجع من سفرك
يزن.... يا شباب مش عايز اعطلكم انا اهم حاجة عندي مصلحتكم
الدفعة... يا دكتور مش هتنازل عن حضرتك مع احترامنا لجميع الدكاترة هنا
يزن.... لا يا شباب انتوا كدا عايزين تزعلوني رغم ان الايام جاية كتير واكيد انا هدرسلكم تاني ف سنة من السنين فإيه المشكلة
كتر الهمهمة بين الطلبة وظهر ع وشوشهم الاستياء
وفجأة سمعهم بيرددوا ....عايزين دكتور يزن.. دكتور يزن دكتور يزن
فابتسم وقال... تمام يا شباب طالما مصرين هحاول ارتب اموري واللي فيه الخير يقدمه ربنا يلا اشوفكم ع خير وسنة سعيدة ليكم معانا هنا ان شاء الله السلام عليكم
الشباب كلهم فرحوا انه ممكن يجليهم
اما هدى فقامت من مكانها وجريت ع برا تلحق بيه
....دكتور يزن دكتور يزن
يزن وقف.... في حاجة يا انسة
ولما عرف انها هدى كشر وقال ....ف حاجة؟
هدى... دكتور ممكن اعرف هو حضرتك متضايق مني ف حاجة؟؟ كنت بتبصلي وكأنك متضايق ف المحاضرة انا والله مقلتش لحد ع موضوع سفرك دا اطلاقا
يزن اتنهد وقال بانزعاج لانه مش عارف ايه السر اللي مخليه دايما بيفكر ف البنت دي
....حاولي تراجعي نفسك كويس اوي وتعيدي نظر في تصرفاتك عن اذنك يا استاذة
وقفت هدى متنحة مكانها هي مفهمتش كان قصده بكلامه دا وليه يبيص ليها بضيق وقفته علشان تسأله لكنه زود حيرتها اكتر
اما يزن فركب عربيته وساق ع الشركة وهو بيفكر فيها بغيظ .....يمكن كلامي دا يفوقها ومتركبش مع شباب تاني ولا الظاهر اني نظرتي كانت غلط فيها من الاول
وبعدين نفض دماغه ... انا مش فاهم ليه شاغل نفسي بيها اوي كدا ..دي بنت زي اي بنت فبلاش تديها اكبر من حجمها
هنا جت امل لهدى
....هدى ايه يا بنتي مالك جريتي بسرعة وخرجتي ليه
هدى.... ها لا ابدا مفيش خرجت اشم هوا بس
امل.... عليا انا تشمي هوا ولا تلحقي دكتور يزن
هدى ...يووه يا امل عليكي
بعد انتهاء اليوم رجعت هدى بيتها وكلام يزن بيرن ف ودانها
وبعد الغدا سمعوا الباب بيخبط فهدى راحت تفتح
السواق.... مساء الخير انا سواق فريد بيه وهو بعتني علشان اوصلكم ع الفيلا جاهزين ولا ايه
هدى ضربات قلبها عليت بغضب وقالت... دا بابا مصر بقا
جت الام ....هدى ف ايه ايوة مين حضرتك
السواق ....انا سواق فريد بيه يا مدام وباعتني علشان اوصل حضراتكم للفيلا
الام... والله صحيح
هدى بانزعاج... متفرحيش اوي كدا يا ماما بابا طلب اني اروح لوحدي ولما طلبتك معايا قالي اننا هنروح كلنا بس على ان حضرتك مسؤلة المطبخ وانا بنتك ومحدش يعرف غير كدا
انقهرت الام ع حال بنتها لكنها مبحبتش تبين دا قدامها وقالت
....والكلام دا من امتا يا هدى
هدى.... كنت روحت لبابا من كم يوم علشان اطلب فلوس للجامعة وكدا لقيته بيقولي الكلاام دا يا ماما قالي لو عايزة اجيبلك اللي انتي عايزاه تعالي عيشي ف الفيلا ولما طلبت حضرتك قالي مامتك شاطرة ف الطبخ وبتعمل اوردرات فتيجي تشتغل ف الفيلا وتكون معاكي بالمرة ولينا اوضنا الخاصة بينا لكن انا رفضت لكن امبارح لقته مصر وقالي انه هيبعت السواق
لكن انا مش هسمع كلامه ومش هروح عنده يا ماما احنا هنفضل هنا
ع الرغم من ان الام مكانتش حابة باللي بيحصل ولا راضية عنه وفكرت انها تفضل هنا وتعيش مع بنتها وتصرف عليها بنفسها لكنها كأي أم حبت تضحي بكل حاجة ومتفكرش غير في مصلحة بنتها وبس وقالت ف نفسها ...هناك هيصرف عليها ومش هيخليها محتاجة حاجة من مصاريف للجامعة ولبس
فقالت لهدى.... لا يا هدى انا موافقة نروح ما هو هنا شغل وهناك شغل يا بنتي وكمان هناك هتكوني قدام عين ابوكي يمكن قلبه يحن ليكي وكمان هتتعرفي ع اخواتك ويكون معاكي مصاريف الجامعة وكل اللي تحتاجيه
هدى الدموع اتجمعت ف عنيها
....لا يا ماما انا عارفة انك بتقولي الكلام دا من ورا قلبك مش انتي اللي توافقي ع دا
قالت الام بحزن .....دا حقيقي يا بنتي بس مفيش قدامنا حل الا كدا انا مش عايزاكي تعادي ابوكي احنا ملناش غيره بعد ربنا سند لينا مهما كان بعيد معلش يا بنتي اتحملي الوضع والله اعلم الايام فيها ايه وممكن الظروف تتغير للاحسن بس انتي متزعليش نفسك ابدا
اترمت هدى ف حضن امها
....ماما بحبك انتي احسن ام ف الدنيا
طبطت الام ع ضهر بنتها ....يلا ياحبيبتي نجهز هدومنا علشان السواق ميفضلش منتظر كتير
وبالفعل اخدوا هدومهم وكل متعلقاتهم وركبوا مع السواق لحد ما وصلوا للفيلا
واول ما الام شافت الفيلا ....بسم الله ما شاء الله الله اكبر الفيلا كبيرة اوي وجميلة
هدى مكانتش مبسوطة وكانت عندها العيش ف الشقة البسيطة افضل من هنا مليون مرة طالما محدش من إخواتها هيعرف بحقيقتها
دخلوا الفيلا فلقت مدبرة البيت بتستقبلهم
....انتي الآنسة هدى وانتي والدتها مدام وداد مش كدا
وداد.... ايوة يا بنتي وانتي مين
المدبرة .... انا هنا مدبرة البيت واسمي عفاف تعالي اتفضلوا هوريكم المكان اللي هتقعدوا فيه ولما يجي ليا اوامر من فريد بيه هوريكي يا مدام وداد المطبخ اللي هتشتغلي فيه
وداد... ماشي يا بنتي تسلمي
.واخدتهم لمكان ف الحديقة فيه بيت صغير كدا اوضتين وصالة ومطبخ وحمام
وقالت ..دا المكان الخاص بيكم تقدروا تتصرفوا فيه براحتكم ليكم مطلق الحرية فيه لكن يا ريت بلاش تخرجوا براه طالما فريد بيه مأمرش بدا.. عن اذنكم
وداد ...اتفضلي يا بنتي كتر خيرك
وبصت لهدى لقتها ساكتة ومسهمة
...مالك يا هدى ساكتة ليه
....يعني عاجبك الوضع دا يا ماما
...الحمد لله رضا يا بنتي وصدقيني انا متفائلة خير وحاسة ان الجاي احلى بإذن الله
اتنهدت هدى وابتدت تخرج هدومها تحطها ف الدولاب
وبالليل لقوا الباب بيخبط وفريد بيدخل
وداد ....اهلا يا فريد بيه عاش من شافك
فريد ....ازيك يا وداد ها عجبتكم الشقة انا جبتكم هنا علشان تاخدوا راحتكم من غيرما حد يزعجكم
هدى.... اه وطبعا بعيد عن مرات حضرتك يا بابا واللي مش هتكون طايقانا هنا ولا طايقة وجودنا من اصله
فريد اتجاهل كلامها وقال.... وداد من بكرة لو حبيبتي تقدري تدخلي المطبخ انتي هتكوني مسؤلة المطبخ من دلوقتي وهيكون ليكي راتب شهري تتصرفي فيه زي ما تحبي .. اما انتي يا هدى تقدري تتجولي ف المكان براحتك خالص لكن طبعا زي ما قلتلك
هدى بغيظ ....ايوة بنت الطباخة مش كدا
وداد زعقت لبنتها ...هدى وبعدين معاكي
فريد معلقش ...انا كدا خلصت كلامي
قالها ومشي
اما هدى فغصب عنها انفجرت ف البكا مرة واحدة ففضلت امها تهديها لحد ما نامت
__
اما يزن فكان راجع من برا ولسه بيركن العربية سمع صوت موبايله ......ايوة يا زفت
....زينو ابن عمي حبيبي ها مفيش تعالي يا سيف بقا عندنا هتنورنا ف الفيلا انت واختك
يزن.... يا حلو انت مش محتاج عزومه وقت ما بتحب تيجي بتيجي ايه اللي جد يعني
سيف ....اللي جد ان ابويا وامي خلاص سافروا فمن الزوق تقولنا تعالو مش نيجي لوحدنا
يزن ...ولا انا مش فايقلك وراجع من شغلي تعبان وعايز انام
سيف ...يا باي عليك عامة يا سيدي شكرا ع العزومة والله بس لو مكنتش تحلف انا ونغم ف الطريق ليكم جايين
يزن ....ماشي يا سيف تمام هبلغ ماما وكارما وهيكونوا بانتظاركم ها ف حاجة تانية
سيف ....اه وياريت حد يحضرلنا الاكل لاني جعان اوي
___
يزن قال لامه وكارما على وصول سيف ونغم وطلع هو ع اوضته يرتاح
وبعد شوية وصل سيف ونغم
كارما بفرحة.... اووه نغم انا مبسوطة اوي انك جيتي اخيرا يس يس هنقضي وقتنا كله سوا مع بعض
نغم بفرحة هي كمان.... اه وانا كمان فرحانة اوي تعرفي كنت زعلانة اني هسافر مع مامي وبابي تعرفي ليه لاني متأكدة انهم هيكونوا مشغولين بالشغل طول الوقت وهكون هناك لوحدي
كارما.... اه كويس انك جيتي عندنا
سوزي هانم... اهلا يا سيف منورنا
سيف بمجاملة... سوزي هانم القمر كله يا ناس وحشتيني ع فكرة لا لا مش معقول كل يوم بتصغري عن اليوم اللي قبليه لا كدا انتي بقيتي تنافسي كارما ونغم ف الجمال بنات خافوا ع نفسكم المنافسة كبيرة اوي
ضحكت سوزي لانها بتحب تسمع الكلام دا اوي لانه بيزود ثقتها ف نفسها
سوزي... ااوه سيف انت فعلا كلك زوق
سيف ...اا انا جعان اوي هو مفيش اكل هنا ولا ايه
سوزي... عفاف قولي للطباخ يحضروا العشا بسرعة
عفاف... اه يا هانم بس عم سيد الطباخ خلاص مشي لانه مبقاش يقدر ع الشغل
سوزي.... وداد فين اللي جت النهاردة خليها تيجي تعمل الاكل بسرعة
عفاف... اا فريد بيه طلب يستلموا الشغل من بكرة
سوزي ....لا من دلوقتي حالا يلا بسرعة نص ساعة والاقي كل حاجة جاهزة
عفاف... حاضر يا هانم
سيف... هطلع اظبط شنطتي لما الأكل يجهز
ولسه يا دوب بيدخل اوضته لقا اللي بيمسكه من قفاه
فصرخ بفزع ....عااا عفريييت
يزن بملل.... وربنا العفريت يخاف منك يالا
سيف... ايه يا يزن فزعتني
يزن.... تعالى يا خفيف عايزك
سيف ...انت مش كنت نايم يا ابني وقلت تعبان
يزن بحدة ...ادخل يلا اخلص
سيف... اديني دخلت خير
يزن.... انت ايه علاقة بالبنت اللي كانت معاك ف العربية
...انهي بنت بالظبط انا بيركب معايا العربية بنات بعدد شعر راسي يا يزن
اتضايق يزن ان سيف يشبهها بأي بنت تانية لانه شايفها مختلفة عنهم كلهم
يزن ...ولا البنت اللي كانت معاك وقت ما جيتلي الفندق تاخد الملف
سيف بابتسامة.. ااه دي هدى بنت عسل اوي ولطيفة
متحملتش يزن انه يسمع سيف اكتر بيمدح فيها وظن ان بينهم علاقة ما فزقه لبرا الاوضة... طب غور يلا ع اوضتك
سيف.... اما انت غريب بشكل
راحت عفاف لوداد وخبطت
...مدام وداد
ففتحت وداد... ايوة يا عفاف خير
عفاف ...اا سوزي هانم طالبة منك تيجي تحضري العشا دلوقتي معلش
وداد... انتي مش قلتي من بكرة يا عفاف
عفاف . اه بس جالها ضيوف دلوقتي والطباخ اللي كان هنا مشي خلاص لانه كبر ف السن
وداد بهدوء ...خلاص ماشي لحظة اغير هدومي وجاية
هدى صحيت وسمعت اللي دار وقالت
...اه بدأنا انا متأكدة ان سوزي دي جايبانا هنا تزلنا
وداد ...هدى بلاش تفكري بالشكل دا وقلتلك انا جاية هنا في شغل يلا يا حبيبتي هروح اعملهم الاكل وارجعلك ماشي، نامي علشان عندك جامعة بكرة
هدى... لا انا جاية معاكي
وداد بحزم... لا طبعا تدخلي المطبخ بتاع ايه البيت هنا بيت ابوكي يعني تتصرفي فيه زي الملكة بالظبط
هد..ى بس انا عايزة اساعدك
وداد... هدى الطبخ مش جديد عليا ما انتي عارفة اني بفضل اجهز ف اكل الاوردرات طول الليل علشان خاطري متكبريش الموضوع
اتنهدت هدى بضيق وسكتت ووداد غيرت هدومها وراحت مع عفاف
اما يزن فحس انه مخنوق من كلام سيف عن هدى فطلع وقف ف البلكونة يمكن يرتاح شوية من خنقته
ف الوقت دا هدى كمان مكانتش قادرة تتحمل الوضع اللي بتعيشه فخرجت تتمشي في الحديقة
فلمحها يزن لكنه مصدقش عينه ففضل يفرك فيها ....معقول انا شايفها قدامي شايف هدى لا ايه اللي هيجيبها هنا
ويادوب بص تاني ملقهاش
ودا لان هدى قررت تدخل تجيب موبايلها وتكلم أمل ع الواتساب
يزن بضيق.. ايه يا يزن اصحى معقول للدرجة دي اتعلقت بيها وانت تعرف عنها ايه اصلا علشان بنت صغيره زي دي تدخل دماغك اصلا لا وغير دا انت خلاص كشفتها ع حقيقتها ليه مصر تفكر فيها تاني فوق بقا من الوهم دا
اتضايق من نفسه ودخل اوضته تاني وطفى ضوء الاباجورة ونام
__
خرجت هدى من شقتها وف ايديها الموبايل وبدأت تتكلم مع امل وتدردش معاها يمكن تنسى وقعدت ع ديسك هناك
سيف كان ناسي الشاحن بتاعه ف العربية فنزل يجيبه من العربية
وهو راجع لمح بنت قاعدة فطبعا علشان هو مش بيضيع وقت راحلها يتعرف عليها
_مساء الخير يا قمر.. قاعدة لوحدك ليه
هدى رفعت وشها... افندم
ولما شافته... ااا استاذ سيف بتعمل ايه هنا
سيف رفع حاجبه باستغراب
هدى... بنعملي ايه هنا دي حاجة غريبة اوي
هدى باهتمام ا....نت قريب لاصحاب الفيلا هنا يا سيف ولا ايه
سيف ....اه يا بنتي دي فيلا عمي فريد
هدى ...فريد بيه يبقى عمك عمك يعني
ضحك... اه عمي عمي يعني اومال كدا وكدا
فرحت اوي وابتسمت وقالت.... دكتور سليم كان بيقول انك ابن عمه بردو هو ابن فريد بيه
سيف..... لا سليم دا ابن عمي محمود الكبير
هدى ...طب دكتور يزن يقربلك ايه شفتك بتكلمه
سيف ...يزن ابن عمي بردو اه صحيح دا كان لسه بيسألني عنك النهاردة
هدى ..صحيح سألك عني
....اه كان بيقولي مين البنت اللي كانت راكبة معاك ف العربية وانت جايلي الفندق قلتله دي هدى بنت عسل كدا ورقيقة... الا صحيح انتي بتعملي ايه هنا
هدى بصدمة ...ايه يا خبر ابيض كان بيسألك بعمل معاك ايه ف العربية انا دلوقتي فهمت هو ليه كان بيبصلي بضيق وقال كلامه دا وهو مش طايقني اكيد اتضايق اني ركبت مع سيف في عربيته يادي الحظ المأندل هعمل ايه دلوقتي واصلح الفكرة دي ازاي بس
سيف... يا بنتي قولي انتي بتعملي ايه هنا ولا طنط سوزي تقربلك ولا ايه
انقذ هدى من الرد هو مناداة كارما ع سيف
....سيييف يلا الأكل جهز تعالى
سيف... ماشي جاي اهو... ها يا هدى هتيجي انتي كمان تتعشي
هدى اخدت نفس عميق لأن ابوها حرمها من انها تتعرف ع عيلتها وقالت ...لا شكرا اتفضل انت بالهنا بس مين كارما دي
سيف... كارما دي حتة شوكولاتة كدا دمها عسل وروشة اوي و..
اتضايقت هدى من وصفه وقالت ....بقولك مين دي مش اوصفها
سيف... دي بنت عمي فريد يا بنتي ازاي مش عارفاها انتي ايه حكايتك بالظبط
هدى ف نفسها ي...عني كارما تبقى اختي يااه يا كارما كان نفسي اتعرف عليكي اوي
هنا قربت كارما من سيف
...سيف انت يا ابني مش بنادي عليك عاملي فيها جعان تعالي يلا علشان تتعشى انجز
هدى بفرحة كبيرة .. ازيك يا كارما
كارما باستغراب.... انتي مين وبتعملي ايه عندنا
هدى... اا انا هدى
كارما ....ااه هدى بنت دادة وداد مسؤلة المطبخ الجديدة صح ؟؟
حمدت هدى ربها ان كارما اختها مقالتش بنت الشغالة او الطباخة لانها مكانتش عارفة اذا كانت هتقدر تبلعها وتتقبلها ولا لا
فقالت بهدوء... اه انا بنتها
وبصت لسيف تشوف ردة فعله لقته عادي جدا
فقالت كارما ...طب كويس اوي منورة يا هدى انا حاسة انك لذيذة واننا هنرتاح مع بعض انتي قد ايه شكلنا كدا ف نفس السن تقريبا
هدى... تسلمي يا كارما وانا كمان حبيتك اوي ع فكرة .. اه انا ف اولى جامعة وانتي
كارما ...يس قدي وانا كمان ف اولى جامعة قشطة اوي اكيد هنتقابل وهنقعد مع بعض كتير
سيف ...حلو اوي يعني هشوفك هنا دايما يا هدى؟
هدى... احنا خلاص نقلنا هنا مبسوطة انكم اتقبلتوني وسطكم بالسهولة دي
هنا جت نغم ...ايه يا شباب واقفين هنا ليه وانتي يا ست كارما روحتي تشوفي فين سيف وقفتي معاه
قالت هدى ...دي اكيد نغم اختك يا سيف
سيف... اه يا ستي دي اختي دي بقا ان كانت كارما قطعة شوكولاتة فهي الكراميل رغم اني ساعات بكون متضايق منها وبنتخانق كتير بس بموت فيها ومقدرش استغنى عنها
نغم ...قلب اخته يا ناس يا سيفو انت
هما ضحكت هدى وكارما
فقال سيف ....اهو شايفة علشان رخامتها دي انا ببقى عايز اضربها
نغم ...الله يا سيفو مش بدلع اخويا
سيف ...بتدلعي طفل صغير ياختي ولا ايه
هدى ابتسمت وحست بالالفة بينهم فهي كانت دايما بتتمنى يكون عندها اخوات تقعد وسطهم ويتناقروا مع بعض النقارات المحببة دي
فقالت.... ازيك يا نغم انا هدى مبسوطة اني اتعرفت عليكي
نغم... ازيك يا قمر بس انتي مين بقا
كارما ...دي هدى بنت دادة وداد مسؤلة المطبخ
نغم... أها اهلا يا هدى متأكدة بم انك جيتي هنا في وجودنا لنا وسيف انك هتنبسطي ع الاخر
ضحكت كارما
...قصدك هتتجنن ع الاخر.. استنى بس لما تشوف عمايلكم
نغم ...لا طبعا يزن هيقف لسيف بالمرصاد
بمجرد ذكر اسم يزن قدام هدى زادت ضربات قلبها وقالت بهمس ....دكتور يزن هنا كمان
ولسه هتسأل يزن يبقى ابن مين
سمعوا نداء سوزي بتنادي عليهم
فجريوا بسرعة
كارما ....حاضر يا مامي جايين باااي هدى
فضلت هدى واقفة متنحة.... معقول معقول دكتور يزن يبقى ابن عمي !!
__
تاني يوم في الجامعة
هدى كانت متحمسة انها تقابل يزن وتشرحله الموقف كله علشان ميفهمهاش غلط
أمل ...هدى انتي رايحة فين دقايق والمحاضرة هتبدأ
هدى ...معلش مش هتأخر خمس دقايق بس وراجعة
امل ..رايحة فين
هدى... ااا رايحة وجاية اهو يا امل مش هتأخر
امل... هدى قوليلي رايحة فين انتي مش ع بعضك من اول ما جيتي
هدى ...بصراحة رايحة لدكتور يزن مكتبه روحت سألت عليه العامل قالي انه هيكون متواجد ف مكتبه الساعة ١١ ارجوكي خليني الحقه
امل... نعم وانتي عايزة دكتور يزن ف ايه ان شاء الله لا وكمان هتروحي ليه مكتبه
هدى.... هبقى اقولك يا امل بس سيبيني الحق اروح قبل المحاضرة
امل ....لا مش هتروحي قبل ما اعرف
هدى حكتلها عن الحادثة اللي كانت هتتعرض ليها لولا ستر ربنا وان سيف للي خبطها قرر يوصلها فوافقت لانها كانت تعبانة ومتقدرش تروح لوحدها فشافها يزن ومن ساعتها وهو بيبصلها بضيق
امل ...ممم غريبة يعني ودكتور يزن ماله يتضايق ليه هو ماله ومالك اصلا وبعدين ليه يظن كدا ما يمكن اللي كنتي راكبة معاه دا اخوكي ولا خطيبك ولا قريبك مثلا
هدى... لان ببساطة يا فالحة سيف يبقى ابن عم يزن فأكيد انا طبعا مش قريبته فهمتي
امل بعدم اقتناع ...جايز بردو
هدى ...ها خلصتي تحقيق اقدر اروح بقا ولا لسه اسأله تانية
امل... لا خلاص روحي وابقي احكيلي عملتي ايه
هدى ضحكت ...يا باي فضولية بشكل
ضحكت امل ...طبعا مش الموضوع يتعلق بدكتور يزن يبقى. هكون فضولية
هدى ...ياربي نفسي تبطلي مراهقتك المتأخرة دي
__
مشيت هدى ف طريقها لمكتب يزن لكنها لمحته ماشي باتجاه المكتب هو كمان فنادت عليه
...ااا دكتور يزن
لف لمصدر الصوت فقالت
...ااا معلش يا دكتور ممكن ثواني بس من وقتك
بصلها بضيق ....خير يا استاذة هدى انا مش فاضي
هدى ...معلش انا مش هاخد من وقتك كتير انا بس كنت عايزة اوضح لحضرتك بس اني لما كنت راكبة مع سيف كنت ااا
قال بحدة ...وانا مالي تركبي معاه ولا متركبيش دا شىء ميخصنيش ولا يعنيني ف شىء دا شىء يرجع لتربيتك يا استاذة عن اذنك
هدى.... استنى بس يادكتور والله حضرتك فاهم غ...
قطع كلامها ان العامل جه وقال.... دكتور يزن التلفون ف مكتب حضرتك مبطلش رن من الصبح
يزن راح معاه واتجاهل هدى تماما وقال
...طب ليه مردتش يا عم سيد وعرفت مين
عم سيد ...لا خفت تضايق يا دكتور لان فيه دكاترة بيتضايقوا من الموضوع دا
يزن... لا عادي مش بتضايق بعد كدا لما رن وانا مش موجود رد بدل مني واعرف المتصل عايز ايه
سيد ...حاضر يادكتور
يزن... انا متشكر ليك جدا يا عم سيد
__
اتضايقت هدى من يزن
...يووه يا يزن مش عايز تسمعني ليه طب اعمل ايه دلوقتي ادخله ولا ارجع ع المحاضرة ولا اعمل ايه
هنا رنت امل
..هدى اخلصي انزلي بسرعة الدكتورة دخلت وقالت هتقفل الباب كمان خمس دقايق ومش هتسمح لحد يدخل بعدها
هدى ...حاضر جاية اهو
جريت هدى ع المحاضرة وقررت انها متروحش ليزن مكتبه تاني تستنى لما تشوفه في الفيلا
....اه ما هو طالما ابن عمي يبقى هيجي الفيلا زي سيف ونغم كدا بس يا ترى هو اخو دكتور سليم ولا ليا عم تاني قصدي تالت
خلص اليوم وهدى مش عارفة ليه يزن شاغل تفكيرها ومتضايقة انه متضايق منها وفاهمها غلط
كانت ماشية هي وامل ف طريقهم لموقف الميكروباصات
فوقفها سيف عند الجامعة وخرج راسه من ازاز العربية
...هدى
هدى بصت للصوت ولما لقته سيف قالت.... نعم يا سيف خير
سيف ...تعالي اوصلك في طريقي انا كمان مروح يلا
هدى خافت يزن يشوفهم ويزعل تاني فقالت... لا شكرا يا سيف روح انت
امل همست... لهدى بت يا هدى مين دا
هدى... دا سيف اللي خبطني بالعربية
امل ....يا بجاحته دا اخد عليها بقا وعايز يشتغلك
سيف ...هو ايه اللي لا شكرا يا بنتي ما طريقنا ووجهتنا واحدة اركبي بدل شحططة المواصلات
هدى... لا يا سيف مش هينفع روح انت
سيف ...طب ايه رايك اني مش هتحرك من هنا الا وانتي راكبة معايا يلا
قالها ونزل من العربية وسند ع الباب
هدى ...وبعدين بقا يا سيف مش هينفع كدا الناس تقول عليا ايه
سيف ن...اس مين وبتاع اركبي يا بنتي ولا ايه يا انسة انتي صاحبتها مش كدا ينفع نكون راجعين نفس المكان واركب انا عربيتي واسيبها تتشحطط ف الموصلات طب دي حتى عيبة ف حقي
امل بحدة ...وانت مين حضرتك اصلا ولا تقربلها ايه وكمان راجعين نفس المكان دا اللي هو ازاي مش فاهمة سيف ابتسم... طب براحة يا بنتي مالك اتعصبتي كدا.. اه رايحين نفس المكان حتى اسأليها
امل... هدى اللي بيقوله دا صحيح
هدى.... اه صحيح يا امل هبقى احكيلك
امل ...لا انا عايزة افهم دلوقتي
هدى ...امل ماما انتقلت ف فيلا علشان تشتغل فيها وانا معاها هناك وسيف يبقى ابن اخو صاحب الفيلا وساكن حاليا عند عمه فهمتي
امل... تشتغل فيها ازاي مش فاهمة
سيف اتضايق لانه حس ان هدى ممكن تزعل او تحس بحرج
...في ايه يا انسة ما خلاص بقا المهم ان وجهتنا واحدة يلا يا هدى بقا
هدى... لأمل هبقى افهمك بكرة يا امل ماشي
امل... يعني انتي عايزة تروحي معاه
هدى ...مش عارفة
سيف... خلاص اركبي يا انسة امل انتي كمان اوصلك يمكن هدى مش عايزة تركب اوصلها علشان مش تسيبك لوحدك
امل ...لا طبعا توصلني دا ايه هو انا اعرفك يا جدع انت
سيف.... جدع وانت ممم ماشي هعديها اما بنات غريبة بشكل
هدى ....سيف خلاص روح انت وانا هرجع مع امل بس فكرني بس هركب ايه لاني بصراحة نسيت الطريق رغم ان دادة عفاف قالته ليا الصبح
ضحك سيف ...يا بنتي اركبي واسكتي بدل ما تتوهي وكمان الميكروباص مش هيدخل الشارع اصلا هتضطري تمشي مسافة طويلة بعدها
هدى... دا حقيقي انا اتنفخت وانا جاية الصبح
سيف... مش قلتلك يلا اركبي وعلشان خاطري تعالي يا امل انتي كمان
امل ....لا لا شكرا هدى لو عايزة تروحي انتي روحي انما انا همشي سلام
هدى ...ماشي يا امل وانا بكرة هبقى اقولك كل حاجة
امل ...ماشي سلام
مشيت امل
وهدى لفت علشان تركب
اول ما وصلنا للفيلا نزلت من العربية
ولسه هتحرك لقيت يزن بيخرج من العربية هو كمان وبيبص ناحيتنا
دخلت تاني العربية ودا كان غباء مني صراحة بس اعمل ايه كنت عايزة استخبى منه
سيف... ايه مالك يا هدي ركبتي تاني ليه نسيتي شنطتك
هدى ...ها لا شنطتي ف ايدي اهي
سيف ...طب ايه عايزة تروحي مكان تاني ولا ايه مش فاهم
هدى ...سيف خبيني بالله عليك خبيني
سيف باستغراب ...ف ايه يا بنتي مالك خايفة ليه كدا
قلت ....دكتور يزن هنا
سيف... وايه المشكلة ااه صح هو ماسك دفعة اولي انتي طلعتي بتدرسي ادارة اعمال
قلت ...اه شوفت حظى المنيل
سيف ضحك ...طب وايه المشكلة يا بنتي عادي
هدى ...المشكلة انه شافني راكبة معاك مرتين يا سيف يقول عليا ايه دلوقتي
سيف ...اوبا دا يزن فعلا ف الحاجات دي بيعلق اوي وبيتعصب
هدى... انت بتقولها ف وشي
اه ...طب هاتي قفاكي اقولك فيه
....دا وقت هزار
...انتي مجنونة يا هدى انزلي انزلي
....ودكتور يزن
...ماله
...هقوله ايه
....لا كبري مش هيعمل فيكي حاجة ممكن يشيلك المادة بس
....نعم انت بتهرج
...وربنا بتكلم جد يزن لو حطك ف دماغه هيشيلك المادة
...يالهوي انت بتتكلم جد طب اعمل ايه دلوقتي
....بصي روحي فهميه الوضع اني كنت بوصلك علشان وجهتنا واحدة ويارب يفهم ويرحمني من ايده التقيلة لانه مش هيرحمني وهيجي يلطش ليا انا عارف
هدى بضيق ....جيت اكلمه بس مرديش يسمعني
سيف.... حلو ودا مؤشر اكيد انك شلتي المادة خلاص
....منك لله يا سيف انت اللي خلتني اركب معاك
...الحق عليا بعمل الخير وارميه ف البحر
هدى بصتله بضيق وخرجت من العربية
وهي بتتلفت حواليها
...يارب يارب يكون مشي
وجريت بسرعة ع البيت الصغير اللي قاعدة فيه مع مامتها
لكن قبل ما توصل لقته قاعد ع كرسي وبيقول
....هدى
وقفت مكانها وقالت بحذر.... ااا نعم يا دكتور
يزن بهدوء.... تعالي عايزك
مشيت ناحيته وهي وشها ف الارض وقالت... ااا والله العظيم الموضوع مش زي ما حضرتك فاهم اانا كنت . قصدي هو كان بس بيوصلني ... علشان .. اناااا
لقيته قال بهدوء.... انتي بنت دادة وداد الطباخة الجديدة وخلاص نقلتوا للعيش هنا مش كدا؟؟
هزت دماغها.... ااه صح بس والله انا ااا مفيش بيني وبين سيف اي حاجة هو وصلني بس علشان وجهتنا واحدة وعلشان انا لسه مش عارفة الطريق من هنا للجامعة
وقف وقال بحزم ..ميهمنيش كل اللي قلتيه لكن لازم تعرفي اني مبحبش الحال المايل ومش برضى بيه
قالها وسابها ومشي
وهي قعدت مكانه واتنهدت بضيق ...اوف بقا دا مش بيفهم ليه بس وبعدين بقا.. انا احسن حاجة أخرج الموضوع من دماغي...
وفجأة قالت بفرحة
...الله ايه دا دكتور يزن جه هنا كمان انا فرحانة اوي انه قريب مني ومش مصدقة انه ابن عمي انا ف حلم ولا ف حقيقة يا ناس
جت مامتها... هدى يا بنتي انتي بتكلمي نفسك انتي كويسة ؟؟
هدى ببلاهة... ها اه يا ماما كويسة الحمد لله
وداد.... عرفتي توصلي لهنا لوحدك زي ما عفاف شرحت ليكي الطريق
ها ....لا يا ماما سيف ابن عمي وصلني
وداد تنحت ....نعم ياختي مين اللي وصلك؟؟
...ايه يا ماما سيف شافني خارجة مع صاحبتي فقالي تعالي اوصلك بم اننا نفس الوجهة فركبت معاه
....يا حلاوة كدا بالسهولة دي تركبي معاه يا هدى دا اللي انا ربيتك عليه
...ايه يا ماما وايه المشكلة مش ابن عمي
زعقت امها... حتى ولو متركبيش مع اي شاب عربيته تاني فاهمة وكمان سيف ميعرفش الحقيقة ميعرفش انك بنت عمه ازاي تركبي معاه عقلك كان فين
...انا اسفة يا ماما مش هتتكرر تاني مش هركب معاه
وداد ضمت بنتها ليها بحنان
....هدى يا بنتي انا عارفا انك بتعاني ظروف صعبة وعذراكي وعارفة انك نفسك ف عربية زيهم بس اصبري يا بنتي الصبر حلو ومهما كان اوعي تتخلي عن مبادئك او اللي ربيتك عليه
اتنهدت بقلة حيلة ....حاضر يا ماما انا اسفة اوعدك مش هتتكرر
...ربنا يباركلي فيكي يا بنتي تعالي يلا علشان نتغدى اكيد انتي راجعة من الكلية جعانة
...اه يا ماما انا واقعة من الجوع
...يا حبيبتي تعالي يلا
وبالفعل قعدوا واكلوا سوا وحاولت هدى تبعد نفسها عن اي حاجة ممكن تزعلها ومتفكرش غير ف الحلو وبس
__
بالليل هدى قررت تطلع تقعد ف الحديقة برا
....الله المنظر هنا تحفة اوي اللهم بارك
كان يزن ف بلكونة اوضتة وشافها فغصب عنه فضل يراقب تصرفاتها اللي محيراه مش عارف هي بنت كويسة ولا لا
فضلت هدى تتمشى ف الحديقة ومش واخدة بالها من يزن خالص ولما لقت خرطوم المية مسكته وبدات تسقي الزرع وهي مستمتعة
فسمعت اللي بيقول ...الجو جميل فعلا للقعاد ف الحديقة ف الوقت دا
بصت لصاحب الصوت ....سيف انت بتعمل ايه هنا وايه اللي مصحيك
يزن شافهم فقال بانزعاج... معقولة كانت بتنتظره كان بينهم معاد انهم يتقابلوا هنا بعد نص الليل؟؟
سيف رد ع هدى.... مجاليش نوم فقلت انزل اقعد فالجنينه فشوفتك فجيت اقعد معاكي ايه فيه مشكلة
حاول يزن يسمع هما بيقولوا ايه فسمع هدى راحت تقفل المية وبتقول
...لا لا تقعد معايا فين انا خرجت بس لما. ظنيت ان الكل نام لكن طالما انت لسه صاحي وهنا فأنا هدخل عن اذنك
سيف.... استنى بس يا بنتي ما انتي كنتي قاعدة هتدخلي ليه
هدى... يعني انت شايف انه يصح افضل اما انا وانت لوحدنا هنا؟؟
سبف... وايه المشكلة
هدى ...جايز انت مش شايف مشكلة لكن انا متربتش على كدا تصبح ع خير
سيف هز اكتافه .. بنت غريبة اوي
اما يزن فابتسم لما سمع اللي قالته واتنهد براحة ودخل نام والبسمة مزينة وشه
__
تاني يوم الصبح خرجت هدى علشان تروح جامعتها فشافها يزن فقال... صباح الخير
استغربت انه هو اللي بدأ التحية فقالت .. صباح النور ازي حضرتك يا دكتور
....تعالي اركبي هوصلك للجامعة ف طريقي
...هدى لا شكرا انا اتعلمت الدرس كويس مش هينفع اركب مع حد غريب حتى لو كان وجهتنا واحدة
ابتسم ولما شاف اخته رايحه ناحية عربيتها فنادى عليها ....كارما
كارما ....نعم يا زينو صباح الخير يا كبير
ابتسم لها ....صباح النور يا كوكي ممكن تاخدي هدى معاكي للجامعة
كارما ....تمام مفيش مشكلة بس تدفع كام الاول
ضحك وقال.... مادية حقيرة
هدى اتحرجت وقالت.... ااا انا هروح اركب مواصلات عادي انا اسفة للازعاج
يزن... يا بنتي لا مش كدا كوكو بتهرج بس هي كل لما تشوفني لازم تقلبني
كارما.... اينعم وايدك بقا علشان خارجة مع صاحباتي بعد الجامعة
مد ايده واداها فلوس وقال ....كارما ممنوع تتأخري مفهوم
كارما... اوك يا كبير يلا يا هدى اركبي لاحسن يرجع ف كلامه ويلغي الخروجة
هدى ركبت معاها وهي مستغربة ايه طبيعة العلاقة اللي بتجمع يزن بكارما وليه بيعاملها باريحية كدا وهي بتدلع عليه بالشكل دا
وفي حقيقة الامر هدى اتضايقت اوي وفضلت طول الطريق ساكتة
فقالت كارما... هدى ايه رايك تيجي معانا
هدى ....اجي معاكم فين
...نعمل شوبنج يا بنتي
....ايوة بس اا انا
...عادي عادي معايا الفلوس ما انا لسه اخدة فلوس من يزن قدامك
...اا يزن ابن عمك صح؟؟؟ انتوا مخطوبين؟؟
هنا كارما مكانتش سمعتها لان جالها مكالمة وردت عليها
....ايوة يا ليلو لا جاية انا ف الطريق اه هنروح نخربها بعد الجامعة خلاص يا بنتي اخدت الاذن وهنخرج براحتنا اوك يلا باي اشوفك كمان خمس دقايق
كارما ....هدى كنتي بتقولي ايه
فجه المرة دي لهدى اتصال من امها.... اا لحظة ارد ع ماما
...نعم يا ماما اه ركبت يا حبيبتي ركبت مع كارما ف عربيتها هتوصلني للجامعة متقلقيش ااه معايا فلوس يا ماما
كارما ...استأذني دادة وداد انك تخرجي معانا
هدى ...اا ماما كارما عايزاني اروح معاها نعمل شوبنج
وداد.... اخاف تتوهي يا بنتي انتي عمرك ما روحتي الاماكن دي
هدى.... متخافيش يا ماما انا مش صغيرة
وداد.... طب هتعملي ايه انتي مش معاكي فلوس
هدى..... هتفرج بس اشوف الوضع انا مش هشتري حاجة
وداد بضيق علشان بنتها وعلشان متزعلش وكرامتها متنقحش عليها..... لا يا هدي بلاش متروحيش يا بنتي
هدى باصرار.... لا يا ماما علشان خاطري سيبيني اروح معاها
كارما شدت منها الفون ....دادة سيبها تيجي معانا متخافيش عليها ماشي؟ بليز علشان خاطري
وداد.... ماشي يا انسة كارما خدي بالك من هدى عمرها ما راحت الاماكن دي
كارما ....اوك دونت وري
كارما ....هدى هتخلصي النهاردة الساعة كام
هدى ....الساعة ١٢
كارما... قشطة اوي وانا كمان هخلص ١٢ تمام هعدي عليكي استنيني قدام الكلية اوك
هدى ....ماشي هستناكي
ولما وصلوا قابلت هدى امل فقالت ...صباح الخير ازيك يا امل
امل... اهلا
هدى باستغراب... ايه مالك
امل باقتضاب... مفيش
هدى... لا فيه يا امل مالك انا زعلتك ف حاجة وانا مش واخدة بالي؟؟
امل.... لا مفيش بس بقيت مستغربة تصرفاتك او اني مكنتش اعرفك كويس
....مش فاهمة يا امل قصدك ايه
...لما ركبتي مع اللي اسمه سيف امبارح وكمان وقت ما خبطك بالعريية سمحتي ليه انه يوصلك عادي يعني بصراحة اتصدمت مكنتش اتوقع منك دا او زي ما قلتلك يمكن انا معرفكيش لسه كويس بس اللي عايزاكي تعرفيه يا هدى اني مبحبش كدا ابدا وكلامي عن دكتور يزن دا من باب الهزار لكني عمري ما كنت هروح اجري وراه اكلمه او اروحله مكتبه او اي كلام من دا
ابتسمت هدى .... وعلشان كدا انا متمسكة بيكي يا امل لاني مش هلاقي صديقة بأخلاقك الحلوة دي تعالي اقعدي انا هحكيلك كل حاجة بس قوليلي لسه قد ايه ع المحاضرة
...عشر دقايق
...تمام حلو الحق احكيلك باختصار
...تحكيلي ايه
...حقيقتي يا امل بس استحلفك بالله متقوليش لحد ابدا لان لو بابا عرف مش هيحصل كويس والدنيا هتتقلب فوق راسي
...مش فاهمة يا هدى احكي ومتخافيش مش هقول لحد
...وعد يا امل
...وعد والله يا هدى متخافيش
هدى حكتلها حكايتها كلها وقالت ...واللي خلاني اركب ف اليوم دا مع سيف انه مكانش معايا تمن المواصلات فاضطريت اركب معاه والله لكن خلاص عرفت غلطتي ومش هركب مع اي شاب تاني حتى لو كان ابن عمي
امل حطت ايدها على بوءها بصدمة ....لا مش مصدقة يعني ابوكي رجل الاعمال المشهور دا وانتي مش معاكي حتى تمن المواصلات ؟؟ ازاي دا انا مش قادرة اصدق او اعقلها
هدى بحزن ....وانا كمان يا امل والله مش قادرة افهم ليه بيعمل معايا كدا ليه
امل بحزن علشانها ...يا حبيبتي يا هدى ربنا يعينك ع حالك يا حبيبتي
هدى ضحكت ...شوفتي السخف بقا رايحة مع اختي اعمل شوبنج ع اني بنت الطباخة وكمان مش معايا تمن حزام حتى
امل.... يا حبيبتي يا هدى طب بصي بلاش تروحي علشان متحرجيش روحك هناك
هدى... لا انا عايزة اروح مش علشان اشتري علشان نفسي اشوف المكان هناك طول عمري بحلم اني ادخل اماكن فخمة زي دي وكمان علشان اقرب من اختي يا امل
امل اشفقت ع هدى وقالت.... هدى طب خدي الفلوس دي كنت محوشاهم خديهم معاكي يمكن حاجة هناك تعجبك وتعوزي تشتريها
....لا لا مش هشتري متخافيش مش هحرج نفسي يعني
....فاهمة بس انتي غصب عنك لازم حاجة هتعجبك وهتحبي تشتريها فهاتيها بالفلوس دي
....لا لا يا امل ازاي دا دي فلوسك يا بنتي
....يا بنتي عادي وقت ما باباكي يفكها عليكي ابقي رديها عادي
....لا يا امل مش هينفع
...لا يا هدى علشان خاطري خديهم متزعلنيش منك ويارب يكفوا يارب
هدى.... تسلميلي بجد يا امل انا مش عارفة اقولك ايه
امل اخدتها ف حضنها جامد
فغصب عن هدى عيطت جامد..... انا تعبانة اوي يا امل الوضع اللي انا عايشة فيه محدش يتحمله بس مش راضية اظهر حزني وضعفي غلشان خاطر ماما ضحت كتير علشاني ومش عايزة ازعلها عارفة ومتأكدة انها مقهورة عليا بس مش بيتبين دا ما هو ما باليد حيلة
فصلت امل تطبطب عليها وهدى تفضفض بكل اللي جواها لحد ما هديت
وجم يدخلوا المحاضرة لقو نفسهم اتأخروا
هدى ....انا اسفة يا امل ضيعت عليكي المحاضرة
ابتسمت امل ....ولا يهمك بس تعالي نحاول لو وافق يبقى حلو اوي لو موافقش يبقى نيجي ونفطر ع رواقة
وبالفعل راحوا للمدرج لكن الدكتور مرضيش يدخلهم فلسه هيرجعوا لقوا يزن
...ايه يا بنات واقفين برا ليه
امل.... دكتور حسام مش راضي يدخلنا علشان اتأخرنا
يزن لاحظ عيون هدى فقال... هدى انتي كنتي بتعيطي علشان كدا ،،،تعالي هدخلكم بس انتي جاية من بدري ليه مدخلتيش علطول
امل انقاذا للموقف ...اسفة انا اللي اخرتها يا دكتور
يزن ....طب اقفوا هنا لحظة
ودخل هو لحسام وسلم عليه وطلب منه انه يدخل البنات ويسامحهم المرة دي فوافق حسام
يزن ...تعالوا يا بنات ادخلوا بس اول واخر مرة واشكروا دكتور حسام علشان قلبه طيب وسامحكم
الطلبة كلهم صقفوا لحسام ويزن
فاستأذن يزن ومشي
فهمست امل لهدى ...ابن عمك دا طلع جنتل مان اوي زي فعلا ما بيقولوا عليه
اتنهدت هدى بابتسامة ومعلقتش
وتابعوا شرح الدكتور
