رواية ابن الوزير ( اغتصبني ابن المستشار) الفصل 27 والاخير بقلم منه محمد
حمزه بص لـ رؤف وشاورله يطلعو: لا ولا حاجه متشغليش بالك يا حياتي ودلوقت هنخرج ولما نرجع نكمل كلامنا اتفقنا وباسها من خدها وخرجوا قبل ما يسمعوا ردها.
......
في المطعم
سارة بابتسامة: حضرتك تحب تاكل اوتشرب نوع معين
الشاب: عاوز اي حاجه من اختيارك يا أنسة سارة أظن ده أسمك مش كدا
سارة بحدة: افندم اه هو اسمي.. والمنيوم قدامك لو اخترت طلبك ابقي استدعيني عشان اجيبهولك غير كدا معنديش واضح
الشاب بابتسامة ساحرة: واضح وشكراً لمساعدتك
سارة بصتلو بخجل: العفو منتظره طلبك... ولفت ومشت وسابتلو المكان وهي مستغربة من تصرفه...قبلت وليد صاحب المطعم في وشها
وليد استغرب: فيه ايه ياساره اتعرضتي لاي مضيقه من الشاب ده وشاورلها بعيونه
سارة لفت للشاب الي كان يتصفح المنيوم ولف بص لـ وليد: لا وهو معملش حاجه .. عن إذنك هروح اجيب طلبات التربيزه التانيه
وليد عيونه علي الشاب: اوك يا سارة... سارة رجعت لشغلها ووليد انشغل في شغله.. أما الشاب فكان بيراقب سارة في كل تحركاتها وتصرفاتها مع الناس وخصوصا الشباب.. ولما مل من مراقبتها طلب منها الحضور
الشاب وعينه على المنيوم: لو سمحتي عاوز فنجان قهوه ونوع حلويات
سارة بحده مكتومه: ايه هو نوع الحلويات الي عاوزها فيه هنا اصناف حلويات كتير
الشاب ضربها بنظرة خلتها تنزل نظرها عنه بسرعه: أتمنى أنك تساعديني في ده لأني أول مرة اجي المطعم وأتمنى متكونش اخر مره بسبب أسلوبك الجاف مع الزباين
سارة رفعت عينها عن الورق وبصتلو لقته بصصلها بحدة: اوك هجبلك افضل قهوه عندنا عن اذنك .. مشت علي طول وجبتلو القهوة وصنف من الحلويات المشهور بيه المطعم وقبل ماتمشي سألته/تحب تاخد طلب تاني ؟
الشاب من غير ما يبصلها: لا شكر لحضرتك
سارة رفعت حواجبها و لوت شفتها: اوك عن إذنك.. سارة سابت المكان والشاب تابعها بنظراته لحد ما غابت عن نظره
......
وفي قصر الشريف
نور بتهديد مضحك: حمزه ياريت تقولي ياحمزه؟
حمزه بابتسامة: عن ايه اقولك يا حبيبتي؟
نور برقتلو: عن الموضوع الي يخص بنت عمي وأبن عمك؟
حمزه: اوك هقولك بس بلاش البصه دي يا حبيبتي.. رؤف قرر بأنه يخطب وأنا رشحتلو بنت عمك هو ده كل الموضوع
نور بصدمة: ايه!! وليه مقولتليش من البداية يا حمزه يعني انتم عاوزين ساره تيجي هنا عشان كدا؟
حمزه باستغراب: اه وبعدين عاوزه تعرفي ليه.. انت تعتقدي بأنها ترفض؟
نور بحيرة: معرفش...بس سارة عنيدة زي حنان بالملي
حمزه بتفكير وخبث: اوك أنا عندي فكرة
نور بتساؤل: وايه هي؟
حمزه: أنتي تقنعي سارة بأنها تتجوز رؤف.. وأنا أقنع حنان بأنها تتجوز خالك ها ايه رايك؟
نور: هههههههه انت مصيبه بس هحاول مع أني عارفه رد سارة كويس
حمزه: نور حبيبتي ليه سارة مش عاوزه تتجوز مع أنها بنت جميلة ومتعلمة ومثقفة جداً.. وأظن أنها من سنك أنتي مظبوط
نور: والله معرف بس هي دايما تقولي بأنها عاوزه تساعد عمي لأنه تعب في تربيتها ونفسها تشيل الحمل عنه لانه تعب وكبر ومحتاج للي يساعده عشان كدا هي بتشتغل واتكفلت بمصاريف علاج جدتي.. وبتساعده في بعض مصاريف رامز انت عارف انه لسه في اولي جامعه ومحتاج مصاريف للكتب
حمزه: هي ليه مش بتشتغل في المستشفى بدل الشغل في المطعم
نور: لأنها ملقتش وظيفة انت عارف كل شئ دلوقت في بلدنا محتاج واسطه وهي مالهاش واسطه غير ربنا
حمزه بتفكير: هي دكتوره مش كدا
نور:اه.. بس بدل دكتورة في مستشفى بقت دكتورة في مطعم
حمزه بضحكة: وليه مقولتليش من البداية؟
نور بابتسامة: لأنك ماسألتنيش.. كمان انا مش بحب اتكلم في المواضيع الي ذي دي
حمزه: اوك أنا هتكلم مع صديق ليا يوظفها هما عندهم مستشفى خاص.. المهم.. زي ما اتفقنا انتي تقنعينها وأنا أقنع أختي
نور بابتسامة: موافقه مع أني متأكدة بأنهم مش هايوافقوا... لا حنان ولا سارة
حمزه حضن نور بحنان: نجرب ومش هنخسر حاجه
********************
وفي بيت عم نور
سارة وهي بتئعد جنب نور: لا وألف لا يانور أنتي مجنونة عشان تتطلبي مني الجواز من أبن عم جوزك
نور باستغراب: وليه لا رؤف شاب وسيم وبقي محترم كمان أنا متأكدة بأنه بجد هيسعدك
سارة بضحكه ساخرة: اه هيسعدني زي ما حمزه جوزك بيسعدك
نور بغصة وحزن: انت بتعيرني بجوزي يا سارة
سارة بندم: لا والله العظيم انا مقصد كدا بس انا عاوزه اتجوز عشان اعيش مرتاحه واعذريني يانور انا مش عاوزه اعيش زي حياتك مع حمزه واظن رؤف الي حضرتك قاعده تثتثني عليه سبب لك كتير من المشاكل في السنين الي فاتت مع حمزه ولا نسيتي يانور
نور: اه صح وانا نسيت لانه بقي حاليا بيعاملني بكل إحترام كمعاملت الأخ لأخته ده غير رؤف كمان يختلف كتير عن حمزه هو حنين ورومنسي ومتفاهم
سارة بنفس إصرارها: لا لا يا نور أنا مش بفكر في الارتباط حاليا كمان بابا بيكبر في السن وهو محتاج مساعده في مصروف البيت فأزاي عاوزني اتجوز واسيبه سدقيني لو عملت كدا ابقي انانيه قوي
نور باستغراب: أنانية وليه تكوني أنانية؟
سارة بانفعال: لأني هتجوز واسيبهم وهم في أمس الحاجة ليا.. نور بابا تعب في تربيتي ومصروفي ونفسي قوي أكافئه ولو بشيء بسيط.. سدقيني مفيش بنت مش بتحلم ببيت واطفال واسره وخصوصا لو لقت شاب زي رؤف فيه كل الصفات دي ومش كدا بس انا اتخرجت ولحد دلوقت مشتغلتش بمجالي نور ياريت متتكلميش تاني معايا في موضوع الجواز لاني مستحيل اتخلي عن اهلي عشان مصلحتي
نور بحيرة وحزن: لكن يا سارة أنتي.....
سارة تقاطع نور: نور قلت لك أرجوكي سبينا من الموضوع ده
نور بتفهم: حاضر هعمل كل الي طلبيته
سارة: أتمنى يانور بأنك تعتذري لرؤف وتبلغيه بأنه شاب محترم على حسب كلامك عنه.. وأن شاء الله هو هيلاقي الي تسعده في حياته
نور بابتسامة من كلام سارة: حاضر هبلغه... وفي نفس اللحظة دخل عليهم سليمان وهو يبتسم
سليمان بفرحة: منوره يا بنتي عامله ايه.. نور وقفت وحبت علي راس عمها
نور بابتسامة: أنا بخير أنت الي عامل ايه يا عمي
سليمان: أنا بخير ودلوقت أأعدي لاني عاوز اتكلم معاك .. نور بصت لـ سارة وكأنها تستفسر عن الموضع الي هيتكلم فيه عمها. اكتفت سارة بهز رأسها بأنها ولا تعرف أأعدت نور جنب عمها
نور: نعم يا عمي
سليمان قبل ما يتكلم بص لـ سارة: سارة روحي عند أمك وقوللها تجهز العشي
سارة الي أدركت بأن ابوها مش عاوزها تعرف بموضوعه: حاضر يا بابا.. خرجت وسابتهم
سليمان لف لنور وبهدوء: نور أنا سمعت كل الكلام الي دار بينك أنت وساره
نور بصدمة: ايه سمعت.. لكن ياعمي........
سليمان قاطع نور: أسمعي بلغي الشاب بأنه يجي في الوقت الي يحدده لأني مش هسيبها تضيع مستقبلها عشانا. أما من أتجاه رامز هو باقيلو سنتين وينتهي من دراسته وأنا هأتكفل بمصاريفه
نور: بس انا أخاف أن رؤف يجي و ترفضه سارة.. وأنت عارفها كويس ياعمي سارة عنيدة
سليمان: سيبك منها.. أنت اعملي الي أأمرتك بيه وانا هتكفل بالباقي
نور بحيرة بين سارة وعمها: أمرك يا عمي
***********************
في قصر الشريف..
وفي يوم خطوبة سمير من حنان
الشريف بانفعال وحدة: حنان الي بتقوليه ده
حنان بصت لابوها ثم لسمير المصدوم من طلبها: أعذرني يا بابا انا مش بتراجع عن قراري والا مش هنتجوز
حمزه الي ضغط على ايده من شدة العصبية: اظاهر انك فقدتي عقلك عشان تطلبي الطلب الغريب ده. أما نور بصت لـ خالها بحزن وحست بإنكساره هي عارفه بأن خالها شخص حساس لأبعد الحدود
حنان وقفت وبصت لـ سمير وبهدوء: ممكن تقبل أو ترفض شرطي يا سيد سمير انت طالب الجواز مني وانا قلت لك بأني موافقة بشرط أنك تكتب نص ممتلكاتك بإسمي وده يعتبر مهري الخيار بين ايديك.. حمزه وقف وقرب من حنان عشان يضربها لانها يعتبر صغرتهم قدام سمير وأهل نور.. غير مفيش شخص عاقل يرضى بشرط أخته.. لكن حمزه فوجيء بسمير الي طلب منه بأنه يسبها
سمير بهدوء: أرجوك ياحمزه متعملش كدا.. وأنتي يا أنسة حنان أنا موافق على شرطك ودلوقت تحبي نروح للمحامي امتي عشان نسجل نص ثروتي بأسمك .. حنان من الصدمة معرفتش ترد لا دي اتعصبت جدا وسابت المكان في الحال.. لكن سمير اتفاجأ بأن مش حنان لوحدها المصدومة لا ده كل شخص موجود في المكان مصدوم من تصرفه
الشريف: شوف يابني انت مش ملزوم بأنك تنفذ الي طلبته بنتي
سمير بتنهيدة: لا ياعمي أنا بحب بنتك ولو كانت طلبت كل ثروتي أنا هأقدمها لها عن طيب خاطر. وأنا بجد سعيد بأنها وافقت فأتمنى انكم تبلغوني بالوقت الي تحددوه نروح عند المحامي نسجل العقود ونحدد معاد الجواز ودلوقت عن اذنكم وخرج وسابهم
شرف: عجبك تصرف حنان يا بابا.. الشريف هز راسه انه تصرف مش مقبول ودخل غرفه مكتبه .. رؤف بص لنور
سامي بهدوء: إهدء يا شرف الموضوع مش مستاهل
......
بعد كتب كتاب حنان علي سمير
دخلو هي وسمير للقصر لقو نور قاعده بتعيط
حنان بخوف:نور ايه الي حصل
نور وهي بتمسح دموعها بسرعة: ولا حاجه يا حنان ولا حاجه
سمير باستغراب: ازاي ولا حاجه وانتي بتعيطي
نور: صدقني يا خالي أنا بخير
حنان بشك: انت اتخنقتي مع اخويا يانور
نور وقفت: لا انا طالعه اطمن علي الولاد
سمير: في اعتقادك ليه بتعيط
حنان: ولا أعرف بس نور أنسانة حساسة جداً
سمير بابتسامة: ربنا يكون في عونها...يلا انا ماشي اوعي تنسي معادنا علي العشا
حنان بابتسامة وخجل: لامش هنسي بس انت ليه ماشي ياحبيبي
سمير مسكها من وسطها وقرب منها وبهمس: عشان اروح البيت انام شويه صغيرين وباليل اروح اشوفهم عملو ايه في ترتيب القاعه انا عاوز فرحنا مميز وكل الناس تتكلم عنه في كل البلد
حنان والي أحمر وشها من شدة الخجل لقرب سمير منها: وأنا بلغتك من قبل أنا مش عاوزه حاجه كفايه حبك ليا حتي بعد ما عرفت سري
سمير باس جبينها : انا هفضل أحبك لحد أخر يوم في حياتي يا أعظم بنت في الكون
شرف دخل وشافهم على وضعهم: أححم السلام عليكم
سمير باستغراب من حنان الي بعدت عنه على الفور: وعليكم السلام أهلا يا شرف
شرف بابتسامة: اهلا بيك يا سمير عامل ايه تمام
سمير: أنا بخير طالما مراتي قريبة مني.. ودلوقت أنا همشي وأتمنى اننا نلتقي قريب
شرف: أن شاء الله.. وبعد ما خرج سمير بص شرف لاخته المحروجه/ أوه اظاهر بأن أختي سعيدة مع أنها كانت بتقول مخدوش يا بابا مخدوش يابابا فاكره..بس اظاهر ان سمير قدر يملك قلبك يا حنونه
حنان بكل صدق رغم خجلها: اه صح سمير قدر يملك قلبي بحبه وحنانه وصدقه هو كان صادق معايا في حبه ليا ومتأخرش انه يضحي بثروته عشاني بطيب خاطر فأزاي مش عاوزني احبه ياشرف
شرف مسح على رأسها بحنان: بس انت مخدتيش منه حاجه
حنان بابتسامة: أنت عارف بأني مش محتاجه فلوس وأنا شرط كدا عشان يسبني ويمل مني ومن طلبه لكن اتنازل لي عن نص ممتلكاته فطبيعي احبه ياخويا والصراحه بحس ان سمير نصي التاني لاني عرفت معنى السعادة والحب الحقيقي معاه
شرف: أتمنى لك حياة سعيدة يا حنان
حنان بابتسامة: شكرا يا قلبي. ويلا عن إذنك عطلتني انا طالعه اوضتي اتهديت مشواير
شريف بابتسامة: اتفضلي انت الي رغايه
لفت تطلع شافت رؤف الي نازل متشيك/رؤف انت خارج
رؤف باستعجال: اه خارج مع سارة تحبي تيجي معانا
حنان بابتسامة: لا طبعا انا لسه راجعه مع سمير
رؤف: طيب يلا سكه السلامه متعطلنيش
حنان وشرف ضكحو بصوتهم عليه من اسلوبه
**************************
وفي الدور التاني كانت نور بتذاكر لاولادها
يزن بخوف: ماما انت بتعطي عشان طنط فاتن زعقت لك
نور باستغراب من خوف يزن: لا يا يزن انا مش بعيط..
يزن بشهقة: ماما انا مش بحبها تعالي نسيب البيت
نور : لا يا حبيبي مين قال كدا ده بيتنا ودي حياتنا ومهما حصل مستحيل نمشي
يزن بنفس الوضع: بس بابا لو عرف هيتخانق معها .. هو دايما يزعقلها
نور شدت يزن لحضنها: لا متخافش يا قلب ماما وحمزه بابا بيحبكم ولا بيقبل علي حد يزعلكم مهما كان مين
يزن مسح دموعه: انا كمان بحبه قوي ياماما
نور بابتسامة وحنان: مظبوط ياقلب ماما
يزن باس نور في خدها: اوك وأنا أوعدك بأني هكون ولد مؤدب وهلعب مع أخواتي ومش هضربهم مرةً تانية.. ودلوقت انا هروح اذاكر عشان اجيب درجات عاليه عشانك وعشان بابا يبقي مبسوط
نور: اوك وأنا أوعدك بأنك لو جبت درجات عالية هجبلك لعبه بتحبها.. يزن هز رأسه بموافقة وبعد كدا خرج وساب نور في حيرتها من هذه الفاتن
وفي نفس دق باب الغرفة ودخلت حنان
نور بدموع: حنان تعالي
حنان : لا أنتي بجد غير طبيعية النهارده انا بقالي ساعة وأنا بتكلم معاك و أنتي في عالم تاني
نور بابتسامة: وكنتي بتقولي ايه يامراه خالي
حنان بابتسامة خجل: ولا حاجه بس بستفسر انتي مش طبيعيه ابدا وعلى فكرة حتى خالك لاحظ ده بس حضرتك اسحبتي من غير ما تجوبينا
نور: هقولك بس أتمني بأن الموضوع يكون سر بينا لأن اخوك لو عرف هيبهدل الدنيا.. وحكت نور لحنان عن فاتن وطوايفها
حنان بصدمة : بنت ال علي العموم هي بتعمل كدا غيره عشان اختها بس خلاص هما شهرين ويروحو يستقروا في فيلتهم وترتاحي خالص
نور: عارفه يا حنان بس كان نفسي متتولد عداوه بين الولاد
حنان: ولا عداوه ولا حاجه كبري وحمزه ميعرفش ماشي يلا انا رايحه اوضتي عاوزه حاجه
نور بابتسامة: اوك ياقلبي عاوزه سلامتك
..........................
وبعد مرور أسبوعين وفي يوم فرح رؤف من سارة وسمير من حنان
حنان برتباك: شكلي طالع ايه يانور
نور بابتسامة: جميلة جدا وكأنك أميرة
سارة بنفس وضع حنان: وانا يانورطالعه ايه
نور: وأنتي كمان جميلة جداً.. بس ممكن تهدو دي ليلة عمركم.. وفي نفس الحظة دخل رؤف وسمير وهم في غاية السعادة واتزف كل واحده فيهم مع لعرسها وكانت ليلة زفافهم جميلة جدا ولما جات فقره العرسان يرقصو سلو
رؤف:مالك يا حبيبتى
ساره بتوتر: انا متلخبطه،حاسه انى فى فيلم
رؤف بتعجب : ايه اللى ملخبطك
ساره: اولا الفستان ثانيا احنا كأننا نعرف بعض من سنين بنحب نفس الحاجات وبنكره نفس الحاجات طبعاً ده انا عرفته لما قرأت اللى انت كاتبه في مذكراتك
رؤف مسك ايد ساره وحضنها : حبيبتى طالما حاسه اننا نعرف بعض من سنين يبقي خلاص تعاملى كأننا نعرف بعض من سنين لانى متأكد انى اعرفك من زمان
ساره : عارف فيلم titanic كنت بستغرب ازاى عرفوا بعض وحبوا بعض الحب ده فى يومين بس
رؤف : تقريباً يا روحى انا دماغى واسلوبى مش راكبين على حد غيرك
ساره : بحبك اوى
رؤف : أنا بعشقك بموووووت فيكي يخرب عقلك جننتيني
ساره : لا لا انا وخداك مجنون انت هتلبسنى تهمه
رؤف بضحكه ساحره : انا فعلاً مجنون بيكي
وقفت نور تبصلهم بأعجاب.. وكانت بتدعي ليهم بالتوفيق وبأن تكون حياتهم مش زي بدايه حياتها
حمزه قرب ومسك ايديها: أنا أسف يا نور
نور بابتسامة واستغراب : على ايه بتتأسف ياحياتي
حمزه: لأني مافرحتك بليله زي دي
نور بابتسامة وبصت لـ العرسان: مش مهم انت فرحتني بأكتر من الليلة وطالما احنا مبسوطين في حياتنا بلاش تفكر ابدا انك مدتنيش حاجه حمزه انت ادتني الحب وده كفايه عليا سدقني
حمزه شد نور لحضنه وأحتوها قصاد الناس: شكرا يا نور عيوني لاني من يوم ما شوفتك حسيت بأنك نصي التاني
نور بخجل: الحمد لله وأتمنى من ربنا اني اقدر اسعدك
حمزه : ربنا يقدرنى واسعدك
نور: ربنا يقدرنى واسعدك انا كمان
حمزه : وجودك معايا هو سعادتى
نور : وانا هفضل جنبك لاخر عمرى
حمزه ضمها : انا بحبك اوى ، انا عمرى ما حبيت حد غيرك
نور : وانا بعشقك وبحب كل حاجة فيك حمزه : تعرفي احنا هنطلع من القاعه هخدك لاخر الدنيا ونعلن فيها حبنا للعالم
نور : بموت فيك وشدته للرقص
.. ياشباب انتهى الفرح واكلنا الجاتوه وانتهت الرواية وأبطالنا عاشو قصة حب ورومنسية
النهايه
