رواية سر الهاربه الفصل الثاني عشر12 بقلم مني الصاوي
سر الهاربه
البارت 12
مني الصاويداخل مستشفي عام بيدخل ادم وفاطمه وفونه بيرن بيفتح بسرعه انتوا فين طيب هنطلع دلوقتي
فاطمه.... مين
فاطمه... متقلقش هي كويسه ان شاءلله
ادم...... ان شاءلله يا فاطمه
بيطلعوا ادم بيجرى علي امه روان مالها يا ماما
صفاء منهاره من العياط روان بتموت يا ادم الدكاتره بيحاولوا يوقفوا النزيف مش عارفين
فاطمه بتحضنها متخافيش يا طنط ان شاءلله هتبقي كويسه بس انت ادعيلها
ممرضه بتخرج لو سمحتوا عابزين د*م المريضة عايزه د*م واللي في المستشفى خلص
ادم... فصيلتها ايه
الممرضه.. 0+
صفاء... انا فصلتي نفس الفصيله ممكن تاخدوا مني بسرعه لو سمحتي
الممرضه.. هسال الدكتور ولو ينفع هندخل نعمل تحاليل ونسحب من حضرتك بس لازم شخص كمان
بيقرب يس اللي كان متابع من بعيد انا فصيله دمي زيها ومستعد اتبرع
ادم... شكرا لحضرتك
صفاء... الاستاذ ده اللي جاب روان المستشفى حتي د*م*ها علي هدومه وبتكمل بعياط لو مكنش اسعافها بسرعه مش عارفه كان هيحصل ايه
يس... ده واجبي واي حد مكاني كان هيعمل كده انا كنت موجود وقت الحادثه وشوفت اللي حصل
الممرضه.. طيب اتفضل معايا علشان نشوف الاجراءات بسرعه
بيتحرك معاها
ادم... لو سمحتي ممكن انقلها مستشفي خاص
الممرضه.. مش هينفع الا لما حالتها تستقر وعموما اسال الدكتور بعد ما يخرج بعد اذنكبعد مرور بعض الوقت بيخرج الدكتور والكل بيجروا عليه
ادم... طمنا يا دكتور هي عامله ايه دلوقتي
الدكتور.... اطمنوا الحاله حاليا مستقره حمدالله على سلامتها
صفاء... الله يسلمك يا دكتور شكرا
الدكتور.. المريضه هتتنقل في اوضه بس ياريت اتنين بس يدخلوا
ادم... تمام اتفضلي حضرتك يا ماما انت ورودى وبعدين نشوفها انا وفاطمه
صفاء بتدخل هي ورودى
ادم... ايه رايك يا فاطمه نروح الكافتريا نشرب حاجه
فاطمه... طيب وروان
ادم... شويه ونرجع علي ما يقعدوا معاها شويه
فاطمه.... ماشي
في غرفه روان
صفاء ببكاء الحمدلله علي سلامتك يا حبيبتي كان مستخبي لك فين ده كله يا بنتي
رودى... انت المفروض في الوقت ده في الجامعه ايه يوديكي في المكان ده
روان... انا كويسه يا ماما والحمدلله انها جات علي قد كده وانت يارودى انل تعبانه دلوقتي لما ابقي كويسه هحكيلكم هو انا جيت المستشفى ازاي مين اللي جابني
صفاء.... شاب محنرم اوي يا روان وكمان اتبرعلك بالدم
روان.... شكله ايه يا ماما
صفاء... هو طويل وابيضاني وشعره ناعم
روان بتفكير دي مش مواصفات كرم
ماما انا عايزه اشوفه اشكره
رودى... ماما احنا مش شكرنا الراجل اول ما عرفنا ان روان كويسه جرينا هنا ومش خدنا بالنا منه خالص
روان... ممكن تندهيه يا رودى
رودى بتبص لمامتها صفاء بتهز راسها بمعني ايوه بعد دقيقه بتدخل رودى وبتقول اتفضل حضرتك
بتبص روان وفي تفكيرها انه كرم بتتفاجأ بدخول يس بتحاول تقعد ااااه
صفاء.. خليكي يا حبيبتي مالك عايزه حاجه
روان.... لا يا ماما ممكن تسبيني مع الاستاذ شويه
صفاء باستغراب.. حاضر يا بنتي بس ادم لو قال حاجه
رودى.... لا ادم مش بره
صفاء... ماشي يالا يارودى احنا بره يا حبيبتي
روان.بتهز راسها بمعني ايوه.. اتفضل يا استاذ
يس... يس اسمي يس يا انسه روان
روان... انا متشكره جدا للي عملته معايا
يس... ده واجبي يا انسه بس في حاجه انا مستني انك تبقي كويسه علشان اكلمك الشاب اللي كان بيجرى وراكي ده اول ما العربيه صدمتك جرى ركب عربيته ومكلفش خاطره حتي يستني يشوف جرالك ايه هو يقربلك
روان... انا هحكيلك كل حاجه بس عايزه اطلب منك طلب انت انسان شهم
يس.... اتفضلي لو في استطاعتي هعمله
روان.... اللي شوفته النهارده ياريت يبقي سر بينا
يس... موافق انا مش من طبعي اتكلم في حاجه متخصنيش ومش عايز اعرف حاجه من اللي حصل
روان... بس انا عايزه اتكلم مع حد يس... تمام قولي اللي حصل
روان ابتدت تحكي من اول ما عرفت كرم
اما في كافتريا قريبه من المستشفى
فاطمه.... احنا شربنا وقعدنا يالا نروح نشوف روان
ادم... ازاي باباكي طيب كده ازاي ميسالش كويس عن محمد ده
فاطمه...مش هنروح لروان
ادم... قولتلك شويه ونروح كملي ايه اللي حصل بعد كده
فاطمه.... وقتها حسن صمم يدور علي الماذون وافتكرت لما محمد قالي مكان الماذون وانه لازم يجيب ماذون العيله حسن خد مني العنوان وقال انه لازم يرجع بعقد الجواز وبعد يوم كامل رجع حسن بتسكت فاطمه وبتفتكر اللي حصل
خبط كتير علي الباب
الاب... ايوه مين
فاطمه... استني يا بابا متفتحش شوف مين الاول
الاب.... متخافيش يابنتي مين
حسن... انا يا عمي افتحالاب... ده حسن اهدي بقي
بيدخل حسن والشر بيطير من عنيه
وبيجرى وبيسحب فاطمه من شعرها
حسن... بنتك حطت راسنا في الطين والا في عقد جواز والا اي حاجه تثبت انها اتجوزت راحت نامت معاه في الحرام وبعلمنا كلنا
الاب... سيب بنتي مالكش دعوه بيها محدش ليه كلمه عليها
فاطمه بصراخ.. والله يا بابا مظلومه انا كنت مع جوزي اللي اتجوزني قدامكم كلكم
حسن... يا ز*با*له يا وا*ط*يه طلبتك في الحلال اتنزحتي عليا وقولتي انا دكتوره اديكي انضحك عليكي والا انضحك عليكي ايه كله برضاكي ويضربها علي وجهها بتقع علي الارض
الاب... بنتي بيمسك قلبه وبيقع علي الارض
فاطمه... بابا ارجوك يا حسن بسرعه وديه المستشفى
حسن... بيجرى يشيل عمه وبيتصل بالاسعاف وبيتصل بابوه
حسن... الوووو ايوه يا حاج قابلنا في المستشفى عمي شكله هيموت الظاهر جاتله جلطه والا ايه ما انت متعرفش الست الهانم الدكتوره اللي طالعه في العالي طلعت بتضحك علينا ومفيش جواز والا حاجه الواد ضحك عليها وهرب تمام حصلنا علي المستشفى
بترجع للواقع بتلاقي مراد جاي عليهم بتسكت وبتبص عليه بيبص ادم وراه بيلاقي مراد
مراد... ازاي متقوليش اللي حصل روان عملت ايه
ادم... الحمدلله كويسه كنا هنطلع دلوقتي نطمن عليها يالا يا فاطمه
فاطمه بتقوم وبتسبقهم علي المستشفى
مراد.... ايه الحكايه الموضوع شكله اتطور وانا مش عارف
ادم.... بعدين يا مراد هحكيلك
بيشده مراد وبيقوله تحكيلي ايه اتكلم علي طول
ادم... انا هتجوز فاطمه
مراد.... انت اتجننت يا ادم البت حامل من واحد غيرك البت شكلها حامل في الحرام وانت اللي تشيل الليله
ادم... الموضوع مش زي ما انت فاكر انا هحكبلك بس مش دلوقتي اظن انت شايف اللي انا فيه انا لسه مشفتش اختي
بيطلعوا السلم ورا فاطمه وبيظهر حد كان بيسمع الكلام اللي اتقال بينهم....
يتبع
ياترى مين سمع الكلام وعرف سر فاطمه
