رواية سر الهاربه الفصل الحادي عشر11 بقلم مني الصاوي
سر الهاربه
البارت 11
مني الصاويادم بيقف فجأه وهو مش مستوعب معقول اللي فاطمه بتحكيه ده معقول في حد بالبشاعه دي في ناس سيئه للدرجه دي
ادم.... معقول يا فاطمه ازاي والدك مسالش عنه قبل الجواز
فاطمه.... بابا انسان بسيط طيب جدا مفكر الناس كلها طيبين زيه كده وانا من كتر ما حبيته متخيلتش انه ممكن ياذيني او يكون بيكدب عليا
ادم.... كفايه كده لو تعبتي ممكن تطلعي ترتاحي وبعدين نكمل هروح امضي شويه اوراق وارجع نكمل كلامنا
فاطمه.... ممكن اطلب منك طلب
ادم.... اكيد اتفضلي
فاطمه.... ممكن ارجع شغلي حتي لما امشي من هنا
ادم... ممكن بس عايز اعرفك انك مش هتمشي من هنا غير لما نحل مشكلتك اتفضلي يالا قدامي
فاطمه... حاضر
بعد مرور بعض الوقت بيوصلوا قدام الشركه بتنزل فاطمه من العربيه وبتقف
ادم ... واقفه ليه كده
فاطمه... اتفضل حضرتك وانا هطلع بعدك
ادم بصلها بزهق ومد ايده ومسك ايديها وقالها لو مش هتطلعي لوحدك مفيش قدامي غير اني اجرك كده قدام الموظفين
فاطمه... لاء خلاص انا هطلع اتفضل حضرتك وانا وراك
ضحك ادم ماشي يلا مش هنفضل واقفين كده
دخل ادم الشركه هو وفاطمه تحت انظار كل الموظفين اللي مستغربين دخولهم مع بعض بتقف فاطمه جنب مكتيها وهو بيدخل مكتبه
--------------------------------------------
بنروح في مكان وبالتحديد في شقه صغيره بحي قريب من الجامعه
روان..... انا خايفه يا كرم انا حسه اني غلطت غلطه كبيره ولازم امشي حالا
كرم وهو بيقرب منها. خايفه ليه يا حبيبتي احنا مش بنعمل حاجه غلط كل الحكايه هنكتب ورقتين عرفي علشان اتأكد انك هتستنيني لما نتخرج واجي اتقدم لك
روان.... يا حبيبي انا اوعدك اني مش هكون لحد غيرك بس حكايه الورقه العرفي دي تخوف اهلي لو عرفوا هيقتلوني
كرم.... ومين بس اللي هيعرفهم لو خايفه حد يشوف الورقه معاكي ممكن اخلي الاتنين معايا المهم اضمن انك هتكوني ليا.
روان.... طيب هما اتأخروا كده ليه
كرم.... يا بنتي وترتيني عادل واحمد جايين دلوقتي وجايبين الورقتين من عند المحامي هنمضي ونمشي
روان.... حاضر بس ميصحش اقعد معاكم بنت لوحدي وانتم تلاته شباب.
كرم... انت خايفه وانت معايا هو انا مش راجل وانت مراتي
روان.... لا طبعا ياروحي انت احسن راجل في الدنيا بس معلش هما اتأخروا اوي وانا اتاخرت الساعه داخله علي خمسه وادم اتخانق معايا امبارح علشان اتأخرت بكره نتقابل وامضي الورقتين
كرم..... ماشي ياقلبي مش هزعلك حاسس انك مضايقه وخايفه وانا مش حابب اشوفك كده هعمل تليفون في البلكونه وننزل
روان... حاضر انا هستني هنا بس بليييز متتاخرش عليا
بيدخل كرم البلكونه وبيتصل برقم وبيتكلم.. الووووو ايوه يا عادل لا خلاص متجيش لا محصلش حاجه مرعوبه من اول ما دخلنا الشقه خلاص مفيش قدامي غير حوار العرفي دماغها ناشفه بنت التيت كل ما اقرب منها بتترعب
في الوقت ده بتكون روان واقفه وراه وهي مش مصدقه اللي سمعاه وهو لسه بيتكلم ومش حاسس بوجودها
كرم... عملالي فيها خضرا الشريفه بس علي مين ده انا كرم اجدع منها وركعت فجأه بيسمع صوت الباب بيتقفل
استني يا عادل البت شكلها سمعتني يلا سلام
بيجرى بسرعه بيحاول يلحقها لقي الاسانسير نازل نزل هو علي السلم يجرى وعلي ما نزل كانت هي بتخرج من باب العماره وخبطت في شاب داخل
روان.... اسفه
الشاب... في حاجه يا انسه مالك
روان بصتله وجريت اول ما شافت كرم بيجرى وراها
كرم.... روان استني انت فهمتي غلط
روان بتجرى وبتبص وراها فجأه بتيجي عربيه بتخبطها وبتترمي علي الارض غرقانه في دم*ها
بيشوفها كرم بيخاف ويجرى يركب عربيته ويمشي قبل ما حد يعرف انه السبب
بيقرب منها الشاب اللي صدم فيها وبيشيل راسها من علي الارض وبيزعق في الناس اللي واقفين يتفرجوا اسعااااف حد يطلب اسعاف بسرعه
بنرجع عند فاطمه وادم وتقريبا خلصوا شغلهم بيخرج ادم من مكتبه وبيلاقي فاطمه بتكتب حاجه علي الكمبيوتر بيبص في الساعه وبيقولها
لسه بتشتغلي يا فاطمه
فاطمه... ايوه اتفضل حضرتك وانا هخلص واروح
ادم...لا طبعا كفايه كده يالا هاتي شنطتك وتعالي
بينزل ادم يستني فاطمه في العربيه
فاطمه... هو انا هفضل معطلاك كده علي فكره انا اعرف اوصل للبيت لوحدي انا مش صغيره
ادم... انت ناسيه ان ورانا كلام لسه مكملش
فاطمه..... انا مستعده نكمل كلامنا اول ما نوصل البيت
ادم... ممكن نتغدي بره وتحكي براحتك
فاطمه... بس كده هنتاخر
ادم... مفيش تاخير والا حاجه هنتغدي ونقعد شويه
فاطمه... خلاص ماشي موافقه
بيوصلوا لمطعم قريب من البيت ادم متعود يروحه
الموظف.... اهلا يا ادم بيه اتفضل
ادم... التربيزه اللي بنقعد عليها فاضيه يا حسين
الموظف... لو مش فاضيه نفضيها لحضرتك اتفضلواادم.... طبعا انت عارف طلبي معانا ضيفه جديده عايزين ندوقها اكلكم
الموظف... منورين يا ادم بيه حاضر كله حالا هيكون تمام
ادم... شكرا
كملي يا فاطمه انا عايز اعرف حصل ايه بعد كده كنا وصلنا لحد ما عرفتي انه مش محمد وانه ليه اسم تاني
فاطمه... بعد ما سالت موظف الفندق وقال انه اسمه البشمهندس رامي والمدام بتاعته اغمي عليا فوقت ومجموعه ناس حواليه بيغوقوني وبترجع فاطمه بالذاكره لاصعب يوم في حياتها
فاطمه.بتفتح عنيها... انا فين
واحده من الواقفين.. اصحي يا مدام انت كويسه
فاطمه بتفتكر اللي حصل بتاخد شنطتها وبتقوم تخرج بره الفندق وبتوقف تاكسي
فاطمه... مطار القاهره لو سمحت بس بسرعه ارجوك
السواق... حاضر
بيسوق بسرعه كبيره وكل ما يهدي فاطمه تطلب منه يسرع اكتر وبتوصل بعد وقت بتنزل من التاكسي وهي خايفه تقرب ومع كده دخلت المطار انوجهت تسأل في الاستقبال.. لو سمحت الطياره اللي رايحه لوس انجلوس طلعت
الموظف... ايوه يا فندم الطياره طلعت من ساعتين حضرتك من ضمن الركاب واتأخرتي
فاطمه... ايوه
الموظف... في طياره طالعه كمان اربع ساعات
فاطمه... التذاكر مع جوزي ممكن حضرتك تعرف اذا كان ركب الطياره والا اتاخر زيي
الموظف... اسم زوج حضرتك ايهفاطمه... اسمه محمد عادل محروس
الموظف... لا يا فندم كشوف المسافرين مفيش الاسم ده
فاطمه... طيب اسفه جدا ممكن اعرف اسم رامي الاسيوطي من ضمن المسافرين
الموظف... حضرتك كده مينفعش زوج حضرتك او الاسم اللي قولتي عليه مش موجود مش هقولك اسامي المسافرين كلهم
فاطمه... ابوس ايدك ساعدني عايزه اعرف الاسم ده وبس ارجوك وهمشي فورا
الموظف.. كده مينفعش بس شكلك عندك مشكله بس ده اخر اسم هشوفه
فاطمه بتهز راسها بمعني موافقه
بيبص الموظف في الكمبيوتر وبيقول.. ايوه يا فندم الاسم ده سافر في الطياره اللي طلعت من ساعتين
فاطمه... دموعها بتنزل متشكره جدا واسفه لو ازعجتك وبتمشي وهي مش عارفه هتعمل ايه بتاخد تاكسي وبترجع بلدها واول ما بتوصل قدام بيت ابوها
فاطمه... يارب ساعدني ابويه هيعمل ايه دلوقتي لما يلاقيني وبتحاول ترجع بس مش عارفه هتروح فين بترجع تخبط علي باب البيت وبعد شويه الباب بيتفتح
ابوها.... فاطمه
فاطمه... اول ما بتشوف ابوها بترمي نفسها في حضنه وبتنهار من العياط
ابوها.... مالك يا بنتي حصلك ايه محمد جراله حاجه
فاطمه.... ياريت يا بابا ياريت كان جراله حاجه انا اللي جرالي انا اللي ضعت
الاب... ضعتي ازاي فهميني حصل ايه
فجاه ببسمعوا خبط شديد علي الباب بيجرى الاب يفتح الباب وفي دماغه انه محمد وفي مشكله بينه وبين فاطمه بس بيتفاجا بحسن ابن اخوه
الاب... حسن في ايه بتخبط كده ليه
حسن... بنتك مالها يا عمي الناس شافوها راجعه متبهدله هو جوزها طلقها من اول ليله والا ايه
الاب.... اخرص يا حيوان انت بتقول ايه
حسن... طب خلاص فهمني انت بنتك جايه معيطه ومتبهدله ليه يوم صبحيتها
الاب.... معرفش لسه داخله مفهمتش حاجه منها بتعيط وبس
بتخرج فاطمه من الاوضه ودموعها علي خدها
فاطمه..... انا هحكليكم كل حاجه
وفعلا حكت فاطمه كل حاجه حصلت معاها
حسن... طلع نصاب البشمهندس احسن علشان اتبطرتوا عليا
الاب... هو ده وقت الشماته مش هتقف جنب بنت عمك وتشوف اللي ضحك عليها
حسن.... ماشي يا عمي المهم دلوقتي ندور علي الماذون اللي الباشا جابه وياترى في كتب كتاب اصلا والا لا
فاطمه... ياخبر اسود كمان كمان مفيش كتب كتاب
الاب.... اهدي يابنتي اكيد في كتب كتاب والا يبقي انضحك علينا كلنا كلم عمك خالد يا حسن هو واولاده علشان يساعدوك تلاقيه يابني
حسن... انت السبب في الفضيحه دي بنتك حطت راسنا في الطين والخبر هيملي البلد فضحتنا مش هنعرف نلمها بس هقولك ايه انت اللي مشيت وراها ومش بعيد تكون بنتك كانت بتستغفلنا كمان وعارفه ان مفيش ماذون وكل ده اشتغاله
الاب... كفايه اتهمات ولو مش هتساعدنا يبقي اتفضل متشكرين مش عايزين منك حاجه
حسن... مش هتكلم معاك دلوقتي يا عم بس وديني لو ما طلع في كتب كتاب لاق*تله*ا بايدي وقدامك
فاطمه.... كفايه لو مفيش كتب كتاب انا اللي هموت نفسي
بترجع فاطمه للحاضر علي صوت رنين هاتف ادم
ادم.... دي رودى اكيد قالت اننا اتاخرنا الووو ايوه يارودي عارف اننا اتاخرنا احن..
ايه مين قال الكلام ده وبيقوميقف مستشفي ايه بلاش عياط علشان افهم
فاطمه... مستشفي ايه في ايه ياادم
ادم... استني يا فاطمه لو سمحتي ايوه يارودي اركبي تاكسيانتوماما وانا ثواني وهكون هناك بيقفل التليفون
فاطمه... في ايه
ادم... روان اتاخرت بيتصلوا بيها رد عليه شخص قالهم ان عربيه خبطتها وهي دلوقتي في المستشفى...
يتبع......
ياترى ايه اللي حصل لروان وياترى الحادثه دي هتغيرها.؟
وياترى محمد جاب ماذون فعلا وهرب وفاطمه لسه علي ذمته؟
