رواية جويرية وبكري قضية راي عام الفصل الثامن 8 بقلم محمد عصام
أم حامل في طفل مش طفلها طب الزاي ؟
-اهلا استاذه هلا البنت اللي قدامكم دي يعتبر معظم كلامها بنسبة ٩٠٪ حقيقه ،انا من قيمه شهرين جاءت لي بنت خدامه وقالت إن هي حامل ومفيش حد لمسها وأنها مصدومه ياللي حصل ، انا استغربت جدا من رد فعلها ومصدقتهاش ، بس لما طلبت منها تعمل تحليل DNA التحليل اثبت فعلا أن مش طفلها والمصيبه أكتشفنا أن فعلا مش أبنها واكتشفنا أن الطفل أبن الراجل والست اللي معاها في البيت ،والبنت اكتشفت فعلا ان هي مؤامره سخيفه من اصحاب البيت لان هم ما كانوش بيخلفوا فبالتالي استأجروا الرحم بتاعها بدون ما هي تعرف ودي جريمه ب يعاقب عليها القانون
جويريه أتحركت في صدمه معقوله ده ، طب الزاي ، هي مش فاهمه حاجه ، المذيعه ردت وقالت
-استأجار رحم صح ؟
-للأسف صح ، كانوا بيضعوا للبنت زي مخدر ونفذوا عليها العمليه
جويريه بدإت تتذكر أن كانت بتبقي كده وكانت بيتم تخديرها كتير ، قالت بصدمه
-كِيف يعني فهمني
-استأجار الرحم وهي أن بيتم ، بصي هفهمك ، لو الأنسان عنده بيت ملكه وإجره لواحد وواحده متجوزين هل ليه أن هما لو ركبوا حاجه جديده وهيشيلوها تاني ، هتبقي بتاعته
-لا
-زيك بالظبط يا جويريه هما تم أستأجار الرحم بتاعك بدون ما أنتي تعرفي ودي قضيه ممكن توصل لأعدام
************************
بكري كان بيشاهد الكلام ده أنصدم ووقف وصرخ في عبدالقاسم
-بنتك كدابه يا عبقاسم ،بنتك كانت بتحب واحد في البلد وغواها
-أخرص يا بكري
بكري قعد تاني وكان خايف جدا ، بدأ يهمس لعبدالقاسم ويقول
-بنتك خاطيه ولازم تنقتل
عبدالقاسم كان بيفكر معقوله هيقتل بنته ، بدأ يفكر بس بكري لفظ ليه
-لو رجعت بدون ما تقتلها ، أهل البلد هما اللي هيقتلوك يا عبقاسم
عبدالقاسم كان صامت مبيتكلمشي ، بكري وقف ومسك أيده
-بينا نروح نقتلها يلا ، ونرجع البلد
بالفعل عبدالقاسم وقف زي المجنون وحمل السلاح وأتحرك معاه
*************************
-هو بكري اللي عمل فيا كده ، كان كل ليله ياخدني ، ويقولي تعالي معايا عند العارف ، وكنت بروح وفجاءه أنام ... أصحي ألاقي نفسي علي السرير
-طب شكرا يا دكتور هنستقبل تليفون تاني من العالم الروحاني أبو هشام ، اهلا بيك يا شيخنا
جويريه مبتتكلمشي لأنها مش فاهمه أي حاجه ،كل اللي في دماغها أن تمت الغدر بها
-السلام عليكم ورحمة الله ، أحب أبلغكم رساله وأحب ان اختصر حديثي كل في بعض الجمل وان البنت دي احتمال مش مؤكد أن يكون معظم مما تقوله حقيقه ، لقد انتشرت أربع كتب مفجعه وهي كتاب الضحايا السبع وكتاب الأرمل الودوء ، وكتاب تذكرة أولي الألباب ، وكتاب نايف للمراحل ، هذه الكتب يتم أستخدامها لفتح بعض المقابر الفرعونيه بأستخدام البشر ، فأظن أن هذه الفتاه حامل في جان من حراث المكان ،ويجب التخلص منه في اسرع وقت حتى لا يتم تدميرها وتدمير من حولها ويخرج هذا الكائن الشيطاني من بطنها وشكرا
-وه كيف ده ، أنا اللي فكراه ان كنت بحلم وانا في تابوت فرعوني وكان في كاهن بيردد عليا التعاويذ ك....
المذيعه قطعت كلامها قائله
-خليكم معانا هنطلع فاصل ونرجع
اتحركت المذيعه وطلبت من الأمن فعلا أنهم يحضروا طبيب لأخذ العينه وإظهار النتيجه علي الهواء ، رجعت تاني لجويريه وقالت لها بأبتسامه
-متخافيش أنا معاكي
-أنا مش فاهمه حاجه .... انا أي اللي طلعني معاكي انا همشي
-مش هينفع يا جويريه لازم تقعدي انا طلبت من الأمن أنهم يحضروا دكاتره وهيتم تخصيص حالتك علي الهوا ، لازم الناس كلها تعرف انك بريئه
-لا انا لازم امشي بكري وابويا دلوقت عارفوا مكاني ولو عطرو فيا هيقتلوني ابوس يدك يا ستي خليني امشي ابوس يدك همشي
المذيعه اقنعتها وجويريه انتظرت الممرضين والدكاتره لحد ما يجوا ، بعض الدكاتره كانوا واقفين فعلا
-اهلا بيكم في حلقتنا الليله ، هنبدأ نعرض لكم التحليل الDNA علي الهواء مباشرة مع كوكبه من الدكاتره ، دكتور ابراهيم جامعة الزقازيق ودكتور رفعت جامعة عين شمس والقصر العيني
بدأوا فعلا ياخدوا التحاليل من جويريه وكل ده كان علي الهواء مباشرة ومعظم أهل مصر ليشاهدوا الحلقه
===================
كان عبدالقاسم وبكري راكبين التاكسي ، سواق التاكسي كان بيشاهد هو كمان اللي بيحصل من خلال الشاشه الصغيره ، عبدالقاسم أنصدم
-قال قولي يا أخ ، مين اللي واقفين معاها دول
السواق بحزن : بيعملو لها DNA
عبدالقاسم : وأي البتاع ده
-ده بيعرفوا بيه هل الطفل أبنها ولا لأ
بكري أنصدم وبدأ يبلع ريقه في خوف ، عبدالقاسم كان ليشاهد وهو مصدوم ، بكري اتعصب وصرخ
-ما تقفل اللي يولع ده
السواق بتعصب : انت بتزعق ليه ، انت ترضي الكلام ده يحصل لحفيدتك يا جدو
- واه جدو ، انت أتجننت
عبدالقاسم صرخ في بكري : أكتم يا بكري
****************************
الدكاتره بداو يستخدموا بعض الأجهزة بتاعتهم وظل الحوار ده نص ساعه ، كانت جويريه بتحكي في الوقت ده اللي حصلها لما نزلت القاهره وقابلت الجلاد واللي عامله فيها وبدأت تظهر الجروح والعذاب اللي أتعذبته
-وفضحني ، لكن أقسم بالله انا معرفوش ولا أعرف أن هو مخرج سينمائي ، وفيه حاجه كمان ، الراجل ده اللي أسمه الجلاد ، كان بيلبس لبس حريمي ، وبيحط حاجات حريم ، أنا قعدت عنده يومين شوفت فيهم الموت ، انا عاوزه حقي ، عاوزه حقي من كل اللي ظلموني
-جويريه حقك هيرجع بأذن الله
-عاوزه حقي من بكري ، وعاوزه حقي من أبويا ، أبويا هو السبب الوحيد اللي دمرني
=====================
عبدالقاسم أنصدم وبدأ يطقطق رأسه وهو بيسمعها قام بكري هامس ليه
-شايف ، قولتلك بنتك جلابت العار ، فضحتك ولسه هتفضحك ، لازم تنقتل
===================
-طبعا احنا بناشد المسؤولين وبناشد رجال مصر البواسل والاقوياء أنهم يساعدونا في أننا نرجع حق المسكينه ، طبعا انا قررت اعمل قدامكم التحاليل علشان نثبت أن اللي قدامنا دي بريئه ، مش هطلع فاصل إلا لما التحاليل تظهر
المذيعه فتحت تليفونها وأنصدمت أن جويريه طلعت ترند لتاني مره والكل بيناشد
-جويريه أنتي رجعتي تاني تريند والناس كلها معاكي
جويريه مش فاهمه يعني أي تريند بس فرحت أن الناس معاها
نتائج التحاليل ظهرت وبالفعل طلع الطفل اللي في بطن جويريه مش طفلها والتحاليل أثبتت أن هو أستأجار رحم
==================
عبدالقاسم أنصدم وقال في صدمه
-يعني بتي كانت مظلومه وانت اللي عملت فيها كده
-واه انت أتجننت انت مصدق كلام الناس دي ، دول عالم عاوزين يلموا فلوس علي قفا بنتك وهي بتساعدهم
صرخ عبدالقاسم ووضع المسدس علي رأس بكري
-هقتلك ، انطق انت اللي عملت في بتي كده ، بتي طلعت مظلومه
السواق بتعصب : اي اللي بتعملوه ده الله يحرقكم انزلوا
-أبوس أيدك يا بيه وصلني لمدينة التليفزيون بنتي هناك
-وصلنا
ترك عبدالقاسم المسدس ونزل بلهفه ، في نفس الوقت كانت جويريه خارجه وخايفه من مدينة الإنتاج الإعلامي وخرجت وهي بتبكي بعد ما أنتهي اللقاء بمرور ساعتين والمذيعه وعدتها هتساعدها وطلبت منها تنتظرها تحت ، انصدمت جويريه بوجود أبوها علي الطريق التاني بينادي
-جويريه ، بتي ، عرفت انك مظلومه ، يا جويريه
بكري نزل من التاكسي وهو حامل السلاح
-لازم تموت
جويريه اول ما شافت ابوها صرخت وبدأت تجري علشان تهرب ، في نفس الوقت بكري كان ضرب بالنار
