رواية حورية الجاسر الفصل السابع 7بقلم ملكة القلم
فهد اتصدم والتلفون وقع منه
بعد ما استعاد وعيه نزل علي الارض بسرعه جاب التلفون واتكلم بصوت مهزوز....انتو فين دلوقتي
الرجل....احنا في مستشفى الرحمه
فهد قفل معاه وركب عربيته بسرعه واتجهه للمستشفي
فهد بخوف....يارب انا مش عايز اخسرها يارب
راح بسرعه لقي راجل واقف قدام اوضه العمليات
فهد....لو سمحت قولي حالتها اي
الرجل....والله انا معرفش بس اللي اعرفه انه السواق اللي كان معاها اتوفي وهي دلوقتي في اوضه العمليات
فهد قعد علي الكرسي بصدمه
_______
عند جاسر قاعد هو وحوريه وفايزه
فايزه بخوف.....ورد اتاخرت ليه
جاسر تلفونه رن....الو ايوه عرفت تحدد مكانها
انت بتقول ايه مستشفي اي الرحمه طيب سلام
جاسر خد حاجته وكان طالع حوريه....جاسر في اي خدني معاك
جاسر....حوريه خليكي مع ماما لحد ما اشوف في ايه
حوريه بنفي.....لا انا هاجي معاك
جاسر بعصبيه....حوريه اظن سمعتي انا قولت اي ومش عايزة كلمه زياده
حوريه بصتله بدموع ودخلت بسرعه الفيلا
جاسر زعل من نفسه انه علي صوته عليها لكن المهم دلوقتي اخته
اخد عربيته وخرج اتجهه للمستشفي
وصل المستشفى ودخل لقي فهد قاعد قدام اوضه العمليات
جاسر....فهد
فهد رفع وشه وشاف جاسر واقف قدامه
جاسر بخوف.....فين ورد
فهد بحزن....ورد في اوضه العمليات
جاسر اتصدم وخاف علي اخته....اي اللي حصل لاختي يا فهد
فهد....عملوا حادثه بالعربيه
جاسر قعد جمبه والخوف مالي قلبه علي اخته وحته منه
_________
ايوه يا باشا خرج من الفيلا ومفيش غير حوريه
...تخطفها وتجبهالي لحد عندي فاهم
حاضر يا باشا
...مش عايزها تتخدش خدش واحد انت فاهم
متقلقش يا باشا
...يلا شوف شغلك سلام
سلام يا باشا
دخل القصر من الجنينه الخلفيه قدر يدخل بسهوله لان مكنش فيه حد علي الباب الخلفي
دخل الفيلا مكنش فيه صوت اتجهه للدور التاني وبدء يفتح الاوض براحه بدون ما حد يحس
فتح الاوضه الاولي لقي فايزه بتصلي قفل الباب براحه واتجهه لباقي الاوض
في اوضه حوريه رايحه جايه والدموع ماليه عينيها...ماشي يا جاسر انا هوريك ازاي تزعق فيا
حوريه حست بحد وراها لفت علي اساس انه جاسر لكن اتصدمت لما لقيت واحد غريب
سحبها من ايديها ورش في وشها مخدر لتقع مغشي عليها شالها وخرج بنفس الطريقة ومحدش حس بيه
_________
الدكتور خرج وجاسر وفهد جريوا عليه
جاسر....ورد عامله اي
الدكتور......الحمدلله قدرنا نسيطر علي الحاله متقلقوش هي بخير
بس السائق اللي كان معاها اتوفي اثر الحادث
جاسر حزن جدا عليه لانه هو تقريبا اللي مربيه
فهد....نقدر نستلم الجثه امتا
الدكتور....حاليا مش هينفع لان الجثه لسه هتت"شرح
جاسر....تمام ممكن تقولي ورد هتخرج امتا
الدكتور....اول ما تفوق ونطمن عليها تقدروا تخدوها
جاسر....فهد خليك انت هنا انا هرجع البيت اطمن حوريه وماما وهجيب هدوم ليك علشان تغير وهاجي
فهد...تمام
جاسر خرج وراح علي الفيلا
قابل فايزه في وشه....جاسر كنت فين يابني قلقتني وورد فين
جاسر....متخافيش ورد بخير وهي مع فهد
فين حوريه
فايزه....حوريه من ساعت ما مشيت وهي منزلتش
جاسر....طيب انا هطلع اشوفها
فايزه.....ماشي ياحبيبي
جاسر طلع فوق يشوف حوريه دخل الاوضه....حوريه
دور في الاوضه والحمام ملقيش حد خرج دور في باقي الاوض ملقيش حد طلع تلفونه علشان يرن عليها صوت التلفون كان جاي من الاوضه القلق بدء يدخل لقلبه
_______
حوريه فتحت عينيها ببطئ وتعب
... حوريه حبيبتي
حوريه فتحت عينيها بصدمه بخوف من الصوت اللي مألوف ليها
