رواية بالغصب ولكن الفصل السادس 6 بقلم بسملة بدوي
هو كدا لـ مراتك تنزل زي مرات اخوك وتعمل واجباتها لـ صدقني من النهارده لا هتكون ابني ولا اعرفك وهتبرى منك ليوم الدين
ادم بصدمه: أمي اهون عليكي
وفاء ببكاء…. ماانا هونت عليك ياآدم بقا تسيب امك الي ربتك وكبرتك وتعبت عليك عشان واحده زي دي
ادم بحزن…. واحده.. واحده اي يا امي دي مراتي الي هتبقى فيما بعد ام ولادي وبعدين انتي حاجه وهيا حاجه مفيش مقارنه مابينكو وبعدين انا عمري ابدا ماانسى افضالك عليا ولو جبتلك الدنيا كلها تحت رجليكي مش هوفي جمايلك عليا فتح ايديه وهي حضنته…. اوعى ياآدم تسيبني ابدا وتمشي اموت والله ياابني
ادم بحنان…. بعد الشر عنك ياامي ربنا.. ربنا يجعل يومي قبل يومك يارب
امه حضنته اكتر…. بعيد الشر عنك ياحبيبي… ربنا يخليك لينا يارب ومنتحرمش منك ابدا
باس ايدها بحنيه….. ولا منك ابدا ياحبيبتي
عايزه حاجه بقا
امه في ثانيه اتحولت….. ايوا بردوا مفهمتش هتنزل ولا لاء
ضحك بخضه….. يالهوي ياامي انتي بتتحولي ولا اي….. هههه ياستي بصي شوفي انتي عايزه تعملي اي وانا هعملهولك انا… انا وهي واحد
امه بصتله بعدم رضا….. انت الكلام معاك زي قلته ياادم اطلع اطلع ياحبيبي اطلع
..
طلع بسرعه وهو فرحان انه طالع لـ آيه اخيرا
يويو حبيبي ياروح ادم انتي فين
قلبي دق جامد اول ماسمعت صوته… ح حاضر جايه
اول ماخرجت حضني…. وحشتيني
بصيت للارض بكسوف …. وحشتك اي انا لسا كنت معاك من كام ساعه
قرص خدي بغيظ…. مفسده اللحظات الرومانسيه والله مفروض دا يكون اسمك… ياستي ماتعيش معايا الاجواء.. بس ازاي ماتكونيش آيه… بس اي الحلاوه دي
حضنته وانا بخبي وشه في صدره بكسوف…. آدم بس بقا
ضحك جامد وهو بيحسبني لاوضتنا برومانسيه
..
جايه راحه في الصاله بغيظ بعد ماخطتها فشلت.. انا قولت انها هتغور بقا
فونها رن… الو يارشا
زعقت في الفون…. رشا اي وزفت اي بنت ال***** فلتت منها ازاااي ولا التاني الي عاملها محامي دفاع… دا ولا كإنها عملاله عمل
يعني اي ازاي يعني فلتت منها
رشا بغل…. وربنا ماهسكت غير لما اطفشها من البيت دا ويا انا ياهي
طب ناويه على اي
رشا بخبث…. بصي هقولك ووو
…
عدى كام يوم والحياه مستقره نوعا ما مابينا
الصبح صحيت على اذان الضهر… ياخبر انا نمت كل دا.. وشي طلع نار من الخجل اما افتكرت احداث امبارح حقيقي انا عمري ما كنت اتخيل اني احب ادم في يوم من الايام ولا اتخيل انه رومانسي وحنين عليا بالشكل دا لا ومطمنه معاه كمان
فوقت على صوت الباب…. ايوا ايوا حاضر جايه … مين
الباب خبط…. انا ادم ياطنط
فتحت الباب وببص لقيته ادم ابن فادي سلفي…. دومي
ادم حضنها بحب…وحشتيني اوي اوي
حضنته اكتر…. ياروحي انا اكتر ياروحي
فطرت؟
بصلها بحزن…. اه الحمدلله
بصتله بشك…. دومي انا مفطرتش ممكن تاكل معايا وتفتح نفسي
ادم بطفوله وتسرع…ولا انا والله يا طنط ماما من الصبح قاعده بتتفق مع خالتو عليكي عشان تطفشك وانا ادايقت اما سمعت كدا وسبتها ونزلت
بصتله بصدمه… اي… دومي حبيبي اكيد فهمت غلط
ادم بحزن…. لا والله ياطنط انا مش عارف ماما حتى بتكرهك ليه وحتى مش عايزني اكلمك ولا انزلك حتى المهم خلي بالك من نفسك عشان هي هتجيب دهبها وتدخل شقتك بعد ما تنزلي تحت وتتهمك انك سرقاهم وهتقولهم انها شاكه فيكي وكدا اما يفتشوا هيلاقوا الدهب ف خلي بالك ماشي انا هطلع بسرعه قبل ما تاخد بالها اني نزلت
بصتله بصدمه وهزتله راسي وانا مش مصدقه الي حكاهولي انا عملتها اي عشان كل الشر والكره دا تكنه ليا ياربي انا لازم اعرف ادم الي حصل انا وعدته ماخبيش حاجه عليه تاني
في نص النهار لسا هيدخل من الباب جريت عليه… ادم
حضني… وحشتيني اوي ياقلب ادم
بصتله بكسوف…. بردوا وحشتيني يابني مانا كنت معاك الصبح
حضني اقوى…. هههه يابنتي انتي عمرك ماهتتغيري… والله بتوحشيني وانتي معايا حتى ياقلب ادم
.. اخد شاور وجهزتله الاكل.. واكلنا
ادم كنت حابه احكيلك حاجه … حكتله الي ادم الصغير قالهولي
فجاه لقيته بيزعق وبيفتح الباب قعدت انادي عليه مابيردش ياربي يارتني ماحكتله دخلت البس استدال ولسا بخرج
لقيته كلهم متجمعين…. ادم بيوجه كلامه لـ ادم الصغير…. حبيبي قولي كل الي سمعته وحكيته لـ طنط ايه
ادم بصله لـ امه بخوف
ادم الكبير حضنه…. متخافش ياحبيبي قول
ادم جري استخبه في ابوه…انا مقولتش حاجه ولا سمعت حاجه مسمعتش ولا شوفت حاجه بجد صدقني بجد انا مشوفتش ولا سمعت حاجه صدقني
رشا ابتسمت بخبث وهي بتقول…. ادم طول النهار مانزلش ولا سابني لحظه ومنال اختي تشهد بدا حتى
زعقت فيها…. انتي كذابه وانا مش هسكت بقا عايزه تتهميني وتطلعيني حراميه انتي اي ياشيخه شيطانه
رشا بخبث…. طالما انتي فتحتي بقا الموضوع ادم ياحبيبي قول ماتخافش قول
ادم الصغير بص في الارض بخوف…. طنط ايه قالتلي ان اقول اني سمعت ماما بتقول ل خالتو انها عايزه تتهمها انها سرقت الدهب بتاعها وقالتلي لو ماعملتش كدا هتحبسني وهتخلي ابو رجل مسلوخه ياخدني
آيه لسا هتتكلم لقت كف نزل على وشها من حماتها…. لمي هدومك وعلى بيت اهلك انا بيتي طول عمره نضيف بعيد عن الحقد والقرف دا وميشرفنيش ان واحده زيك تبقى مرات ابني براااا وانت ياادم ياانا يامراتك وتختار حالا ومش هقبل بحل تالت انت فاهم
ادم:
تفتكرو ادم هيختار مين.. وهيعرف يراضي امه المرادي بردوا ولا هيجي على آيه عشان رضاها
ورشا عرفت ازاي بكلام آيه هي وادم الصغير
وليه ادم الصغير كذب وقال كدا
