رواية مغرور ولكن وقع في حبي الفصل السادس 6 بقلم ميرنا فوزي
انا والله كتبت البارت ده بالعافيه عشان مفيش تفاعل علي الروايه بس ناس كتير بردو كلموني انزل البارت واهو نزلت عشان القمامير 
التفاعل ي شباب بعد اذنكو..
التفاعل ي شباب بعد اذنكو..هيجبلها البخاخه من الشنطه بس يا سوء الحظ حازم قام وهو ماسك دماغه بوجع وبص جنبه لقي فازه ورد تقيله وضاربها علي دماغ عز .. عز حس بضاربه جامده رنت دماغه وصفرت وحس أن الدنيا بدور بي ومش حاسس بالوجع من صدمه الضربه وبص علي نور بتشويش اللي ماسكه صدرها من الخنقه ودقات قلبه بدأت تقل نور بصت عليه وهي بتنهج و بتردد في اسمه بتشهق ع.ز عززز لا ع..ز ... عز حط أيده علي الضربه ولقي دم مغرق ايديه ووشه وبعدين غمض عنيه بالبطي ووقع قدام نور حازم اتصدم بخوف وقال بصوت خافت اى اللي أنا عملته ده وبعدين بص علي نور بعيون مرعبه وقرب عليها وهي بتاخد نفسها بالعافيه وقالها بحذر أنا لو سمعت انك بلغتي عليا سواء انتي أو حبيب القلب أنا همو*تك انتي وساعتها مش هرحمك كدا كدا مش هتعرفيلي طريق دلوقتي وبعدين كمل بوقاحه بس اوعدك هرجعلك تاني وهاخدك في مكان انتي مطلوبه في كتير اووي اصلك غاليه عندهم وعايزينك يلا سلام يا وزه وبعدين سابها ومشي نور فتحت الشنطه وايديها بتترعش وطلعت البخاخه وهي بتتنفض وخدت نفس وبدا حالتها تستجيب وبعدين بصت علي عز اللي متغرق دم في رأسه وتحت رأسه نور اتخضيت جامد وقالت باعلي صوتها عزززز نزلت مستواه وشالت رأسه وسندتها علي صدرها بخوف وعياط عز لا ونبي فوق متسبنيش يا عز وبعدين قالت بصوت متكسر ع.ز انت لو... حصص ..لك حاجه أنا مش... مش هعيش أنا روحي بقت فيك يا عز صدقتي الحياه من غيرك مش حياه رغم أن احنا لسه عارفين بعض بس حبينا بعض من اول خناقه لينا بس كانت احلي خناقه اول ما قبلتك وبعدين ضحكت بحزن وكأن القدر جمع الانصاص الشرسين اللي هو انت النص وانا النص قوم يلا يا عز هتخانق مع مين دلوقتي وبعدين حضنته وهي بتعيط بهستريا عززز ونبي فوق وبعدين صرخت باعلي صوتها ي ناسس مفيش حد يلحقه يا باباااا....
ميرا وهي بتكلم مراد وقالت بصوت قلق هي نور اتاخرت كدا لي مراد بردو استغرب وقال عز بردو مش شايفه في الحفله ياسين كان مقرب من ناحيه مراد ومعاه بنتين وبيضحك معاهم وبعدين مراد بص لميرا بجراح وقال ده اخو عز بس عيل مراهق شويه وبعدين وقف ياسين وقطع ضحكه وكلامه مع البنات
ياسين بزهق وضيق : في اى يعم عايز اى انت ورايا ورايا مش عارف اتمتع بالملبسات بسببك وبعدين بص علي البنتين اللي بيضحكو وقاله خليك في المزه اللي جنبك أنا ماشي يلا يا بنانيت مراد وقفه بحده ما تحترم نفسك ياض واتعدل بدل ما اعدلك وبعدين مين دول ياض انت العاده اللي فيك مش هتتغير بردو ياسين رد عليه بغيظ طب ما انت جنبك واحده اهيه كلمتك أنا وعملت البحر طحينه زيك !!! ميرا اضيقت من أسلوبه ومراد لاحظ عليها
مراد بنفاذ الصبر وغضب: بس يا زفت دي مش اى واحده زي اللي بتمشي معاهم دي شريفه وطلعه من بيت ابوها محترمه وبنت اصول ودكتوره كويسه وتبع اخوك عز وفكر في الكلام قبل ما طلعه من بوقك فاهم ولا هفهمك بااسلوبي اللي مش بيعجبك
ياسين بضيق وخوف : خلاص يعم فهمت عايز اى طب
مراد بغضب خفيف: اخوك عز فين مش شايفه
ياسين: معرفش انا لفيت القاعه كلها ومشفتهوش تلاقيه بيعمل حاجه مهمه مراد بص علي ميرا بخيبه الامل
ميرا بقلق : لا أنا رايحه اشوفها في التواليت عن اذنك مراد وقفها وقالها استني جاي معاكي وهما الاتنين راحوا في مدخل الحمامات وسمعوا صوت عياط نور وميرا بصت علي مراد بخوف شديد وقالت دي نور يا مراد اجري الاتنين راحوا قدام الحمام وفتحوا بسرعه مراد برق عينه من منظر عز وميرا صوتت بخوف مراد بصوت مقلق عز ماله يا نور حصل اى
نور بعياط : وديه المستشفي الاول نزف دم كتير عز بيروح يا مراد ونبي يلا نوديه المستشفي بتاعته الجديده
مراد بتوتر وقلق: اهدي يا دكتوره مفيش حاجه عز هيبقي كويس أن شاء الله ميرا خدي نور وانا احاول اشيل عز ميرا استجابت معاه بخوف وقومت نور بالعافيه وفستانها اللي اتقلب بقا كله دم عز بس وايديها وصدرها دم عز مراد كان بيحاول يشيل عز وقومه وسنده علي كتفه نور سابت ميرا وراحت وسندته علي كتفها من الناحية التانيه وبعدين خرجه برا القاعه خالص بعيد عن لفت عيون الأنظار وقربه ناحيه عربيه مراد ودخله جوه العربيه ونور جنبه حضناه جامد وبتعيط وبعدين ميرا ومراد دخله العربيه وراحوا المستشفي وطلب دعم وخدوه جري علي اوضه العمليات نور كانت لسه هتخش بس الممرضه منعتها وقفلت الباب نور قعدت علي الارض وفضلت تعيط بهستيريا عليه وفضلت تبص علي ايديها اللي فيها دم عز وقالت متم*وتش يا عز أنا محتاجه ليك اوي انا لما صدقت لقيت اللي قلبي اختاره كل ده يروح في لحظه ده انا لسه مفرحتش بالكلام اللي قولته للدرجادي مليش حظ في الدنيا دي لي يارب لي ميرا قدمت ناحيتها وقالتلها بحزن استغفري ربك يا نور أن شاء الله خير هيطلع بسلامه وبعدين بصت علي مراد وقالتله كلم باباه عشان اكيد هيقلق عليه خصوصا اختفائه مره واحده من الحفله مراد هز رأسه بتنهيده وبالفعل كلمه وعدي نص ساعه وباباه جيه هو وأبو نور و ياسين ابنه الجارحي بقلق عز ماله يا ولاد وبص علي مراد ماله ما ترد حصل اى مراد حاول يهديه اهدا بس يا عمي ابنك كويس وبعدين بص علي نور اللي كلها دم اتقدم ناحيتها بقلق وقالها ف اى يا نور
نور بصت عليه بدموع اللي ماليه عنيها و وشها وقالتلو كل اللي حصل واستمع لها بذهول وصدمه طبعا نور مقالتش أن ده حازم اللي بيرخم عليها واكتفت بس آن واحد غريب كان عايز يعتدي عليها خوفا من حازم وعز أنقذها قرب عليه عازمي وقاله خير ان شاء الله هيكون كويس ...ممرضه طلعت من اوضه العمليات وكله جري عليها بس الممرضه اتجاهلت ومشيت بسرعه الجارحي زعق وقال هو ف اى محدش عايز يرد لي ده انا صاحب المستشفي
عازمي: اهدا بس يا جارحي هما مشغولين مع الحاله بردو اعذرهم زعق في وقاله طب ما ده ابني وعايز اعرف هما وصلوا لحد فين في العلميه عازمي فضل يهدي في واستنوا لحد لما الدكتور طلع وجريه عليه وقالهم الحاله كانت متعسرا شويه وحصله صدمه في دماغ من الضربه ادي الي ارتجاع في المخ وحصله نزيف داخلي بس الحمدلله قدرنا نسيطر علي النزيف وهو حاليا حالته مستقره وهننقله للغرفه العاديه بس عايز راحه تامه الجارحي بحزن طب هيفوق أمتي رد عليه الدكتور مقدرش احدد المريض هيفوق أمتي لأن الصدمه ماثره عليه مخلياه مش ف واعيه واحتمال كبير يفقد الذاكره لو افتكر يبقا كويس بس متقلقوش مع العلاج المستمر هيكون كويس عن اذنكو
نور قطعته بدموع : ينفع نخش عايزين نشوفه الدكتور منعها وقالها هتشوفيه بس لما يتنقل من غرفه العمليات.... بعد يوم ونور كانت قاعده هي وميرا ومراد بس مستنين عز يفوق بالفعل الدكتور بشرهم أنه فاق ونور فرحت بلهفه وقالتله ينفع اخش اشوفه الدكتور سمحلها وقالها بس مش كلكم نور بصت علي مراد وهز رأسه ع أنها تخش الاول وبالفعل نور دخلت علي عز اللي دماغه كانت مربوطه بالشاش الابيض وكان نايم وفاتح عينه و باصص في السقف نور قربت عليه بتوتر وبتلعن نفسها علي انها هي السبب في اللي حصله وقطعت شروده وهي بتفرك في ايديها عز انت كويس عز بص عليها باستغراب افندم انتي تعرفيني!! نور اتصدمت أنه مش فاكرها هو فقد الذاكره بجد ولا بيهزر وقالت انت مش فاكرني عز ضحك بسخريه : هو أنا اعرفك عشان افتكرك انتي مين بقا يا قموره كدا قالتله بتوتر أنا نور يا عز للدرجادي مش فاكر حاجه خالص
عز باستهزاء : عرفنا انك اسمك نور احنا كان م بينا علاقه قبل كدا !! نور بلعت ريقها وقالت ايوه انا وانت كنا بنحب بعض
عز ابتسم باستهزاء: بنحب بعض مره واحده !!هو أنا قلبي مال عليكي انتي !! وساب البحر المليان ستات واختارك من وسطهم يااا أنا طلعت جاحد وبعرف احب اهو وبعدين ضحك بسخريه نور اضايقت من أسلوبه وقالتله بغضب علي فكرا أنا مش هتكلم عشان مقدره حالتك اللي انت في دلوقتي بس والله انا لو عليا هطلع عينك وهعرفك القديم والجديد يا عز و لو فاكر وبتلعب عليا الشويتين دول مش هسيبك وهعكنن عليك بس عز ضحك اكتر باستفزاز عرفيني كدا هتعملي اى في مثل كدا بيقولوا خدوهم بالصوت ليغلبوكم انتي متقدريش تعملي حاجه والبيضه عمرها ما كس*رت الحجر نور ببرود اقدر اكس*ره واكس*ر اللي انشف من الحجر عز باستفزاز وريني هتعمليها ازاي يا شاطره نور قربت عليه جامد عز مهزش ولا اتحرك في مكانه نور رفعت صوباعها في وشه بتحذير اتقي شري يا عز انت متعرفنيش في الاول كنت تعرفني شويه دلوقتي متعرفنيش اصلا ف خاف علي نفسك يا عسل عز شدها من ايديها وقربها منه جامد ونفسها بقت في نفسه وقالها وانا عايزاك توريني هتعملي اى عاملالي فيها السبع برومبه ومفيش منك اتنين أنا بقا عايز اشوف ده نور بلعت ريقها بخوف عز لاحظ عليها وقال بسخريه واضحه اى اسد عليا وفي الحروب نعامه نور شدت ايديها وقالت اسد في كل الأحوال عز ضحك ريلي ممم طب يلا بقا وقتك خلص معايا اطلعي برا عشان عايز انام ودماغي وجعتني منك عز ريح جسمه وغمض عنيه وحط أيده تحت رأسه وأيده التانيه جنب جسمه نور اتنهدت بحزن أن ده مش عز اللي كان مديها الحب والحنان ورومانسيه للدرجادي الموازين اتقلبت مره واحده !!ولكن مش هتسيب الطريق في النص وخدت عهد علي نفسها أن مش هتنحني مهما كان الأمر وأنها هترجع عز حبيبها شريك حياتها اسمه وحبه بقه محفورين في قلبها وتتغلب علي الشخص المغرور المؤقت عز قطع شرودها وهو مغمض عنيه وقالها بجمود طب اى هتفضلي واقفه كدا للدرجادي بتحبيني اوي كدا ومش مستغنيه عن شوفي
نور بكبرياء: وهفضل بحبه وهرجعه تاني حتي لو الطريق طويل بعدين طلعت عز أستغرب منها ودخل في حيره غريبه وفي مليون سوال في دماغه هي دي حبيبتي بجد واستغرب اكتر من فستانها اللي كله دم وياتري حصل اى خلاني اروح المستشفى والبنت دي ليها علاقه بيا في اى فضل يدور علي جواب واحد يرد علي مليون سوال مفيش ...........
________________________
في اوضه ضلمه صغيره فيها لمبه صفراء في نص السقف و فيها كرسي يشبه كرسي الملوك والسلاطين قاعد عليه راجل كبير خافي وشه من الضلمه ولابس بدله وقبعه سوداء وماسك العصايه للمشي فاخره دخل عليه اتنين جارد وماسكين حازم و مغمين عنيه بالقماش الاسود الراجل الكبير أمرهم وشاور بالعصايه أنه يسبوه ويخرجو بالفعل خرجوا حازم بلع ريقه بخوف ومنطقش ولا كلمه الراجل بصوت رعب انت طبعا عارف انا جبتك هنا لي حازم بصوت مقلق أنا ...أنا كنت هجبها معايا بس... الراجل بصوت زعيق بس اى ها بس أى انت عارف اللي بيفشل في مهمه من مهماتي بيحصله اى اكيد انت عارف و شوفت بعينك وطبعا اللي بيغلطو بس هما البشر واحنا مش بشر ولو من البشر بيدفع تمن غلط اللي ارتكبه وعيونك مشافتش المهمه اللي المفروض تنفذها وعشان كدا هناخد واحده من عيونك وإذا لزم الأمر هاخد التانيه حازم ايديه الاتنين كانوا مربطين وبيحاول يشوف بعنيه من الرباط الاسود و فضل يهز رأسه من الخوف وقال سامحني والله اديني فرصه وانا هاجبها والله الراجل الكبير زعق في وقاله ومعرفتش تجبها لي ها انت مش عارف ان في طلب عليها كتير وانت بتعطلني عن شغلي وناس كبيره مهمه في البلد عايزنها واللي يدفع اكتر هياخدها صورتها محطوطه علي الموقع بتاعنا وكل يوم بيزيد الطلب عليها غير البنات التانيه حازم بتوتر حاضر والله يومين بكتير هتكون عندك و لو معرفتش اجبها ابقا اعمل اللازم يا كبير بس اديني فرصه ونبي الراجل الكبير بتحذير وصوت مرعب لو معرفتش تجبها علي طول أنا مش هعفي عنك المرادي فاهم وبعدين سقف بايده الاتنين والجارد خده حازم من الأوضه ورامو في الشارع .....وووو
