رواية اشجان الفصل الخامس 5 بقلم اشرقت سعيد
خرجت بعد ما غسلت وشي وظبطت الحجاب بتاعي كويس ووصلت عندو، لقيتو طالب اكل وعصير بس جايبله قهوه
قعدت وأنا مكسوفه منو مش عارفه اعمل ايه ولا حتى اقول ايه.
فوقت من سرحاني ومن توهاني وهو بيقولي يلا كلى قبل ما الاكل يبرد كلت وخلصت اكل وبعدين حط فنجان القهوه قدامه وهو بيقولي اشجان عارف اللي هقولو ده ممكن صعب عليكي بس واثق انك هتفهمي اشجان انا مش عايز اكتر من أني اساعدك أنا هتجوزك واخليكي تقفي على رجلك ووقتها ربنا يحلها مسك فنجان القهوه تاني وقالي فكري وقعد يشرب فيها ولا كأنه قال حاجه...
في الفتره اللي شرب فيها القهوه بالنسبالكم قصيره لكن بنسبالي كانت كبيره ومش راضيه تخلص الموضوع كبير أكبر من أتي أوفق أو أرفض بس حد يحط نفسو مكاني هربت من اهلي ودخلت السجن ومستشفي مجانين خدت نفس وقولتلو موافقه مستغربش زي ما يكون كان متوقع ردي أو عارف أني هوافق ساب الفنجان وطلب الحساب بعدين قام وأنا تلقائيًا خرجت وراه ركب العربيه ولفيت ركبت انا كمان طول الطريق متكلمش ولا حتي بصلي وقف عند عماره كبيره وشيك خالص وقلي انزلي وسبني ونزل اتنفست براحه ونزلت وراه سبقني على سلم العماره وأنا طبعا وراه ركبنا الاسانسير وبعدين خرجنا تقريبًا عند الدور الخامس أو السادس وقف قدام شقه وفتحها وقلي ادخلي هتلاقي هدوم في الحمام خدي دش وغيري وانا هجيب المأذون والشهود وأجي حركت راسي بمعني ماشي وسبني ومشي.
وانا دخلت وقفلت الباب لسه بدور ضهري وبعدها وقفت مذهوله كانت شقه زي اللي طول عمري بشوفها في التفزيونات الريسبشن والنظام كان نفسي طول عمري اعيش في بيت كده واهو عشت فيه أو الأصح هعيش فضلت افتح كل باب يقبلني بدور على الحمام لحد ما شوفته دخلت وبسرعه قلعت هدومي وفتحت الدش زي ما يكون مستنيه اللحظه دي قفلته وفضلت أدور على الهدوم اللي قالي عليها لحد ما شفتهم متعلقين جنب ستاره البانيو خدتهم وكانو موجود فيهم كل حاجه من الهدوم الداخليه للفستان والطرحه وقتها اتأكدت أنو فعلًا كان واثق اني هوافق لبست وخرجت طبعا بعد ما نشفت شعري كويس وسرحته أول ما خرجت لقيت الباب بيخبط زي ما يكون كان معايا وعارف اني خلصت فتحت الباب وهو بيقول اتفضلو اتفضل يا شيخنا..
حطيت راسي في الارض لما الناس دخلو مسكني من ايدي ودخلني وراه زي ما يكون بيقولي متقلقيش انا معاكي...
بارك الله لكم وبارك عليكم وجمع بينكم في خير الحقيقه مكنتش اتوقع خالص اني هسمع الجمله دي بعد اللي حصلي مع اني عشت عمري كله بحلم اسمعها مع الشخص اللي بحبه أو الشخص اللي قت"لته بس وقتها جسمي متنفضش ولا حسيت اني عايزه أصر"خ وأنا متخيلاه مر"مي علي الارض قدامي....
فوقت وهو بيقفل الباب قرب مني وهو مبتسم ابتسامه كانت حلوه أوووي كان فيها حنيه وآمان بس اللي محبتوش العطف اللي كان في عنيه مع اني محتاجه عطف بس كرامتي رافضه اني اشوف حد بيعطف عليا ابتسمت بسخريه هي فين الكرامه دي قعد قدامي وهو بيقولي: انا اسمي عامر 35سنه وطبعا انتي عارفه بشتغل ايه وده بيتي معنديش ولا ام ولا اب ماتو وانا عندي 25سنه
ابتسمت وانا بقوله:عندنا حاجات مشتركه أهو احنا الاتنين معندناش أهل بس الفرق انهم عندك ماتو وانت كبير وشبعان منهم أما أنا ماتو وأنا عندي 6سنين.
ايوا ماتو أنا أصلًا اعتبرت ابويا ما"ت من يوم ما بقا سايب مراته تتحكم فيه وتز"لني وكأني خدامه أصل أنا مش سندريلا ولا ليلى مرات الاب ولا حتي علاء كان الامير اللي هينقذني منهم..
ابتسم وقالي: عايزك تنسي كل حاجه يا أشجان وكمان أنا هدورلك على شغل وهعلمك وهقف جنبك في كل حاجه وبس تقفي على رجلك وهن.....
السادس من هنا
