رواية حياة النسر الفصل الثالث 3 بقلم مريم صلاح
رواية حياة النسر part 3
عند مكة في الجامعة كانت قاعدة في الكافيه هي وجنا ومستنيين محاضرة الساعة ٢
جنا.بجد يا مكة مش عايزة أحضر محاضرة الدكتور مروان بحسه دكتور سئيل وانا مش بطيقه اصلا
مكة بضحك.يبنتي استهدي بالله كده دا هي محاضرة واحده بس وهنطلع وترتاحي بدل ما تفوتنا
زفرت بضيق.اوف ماشي يلا عشان الساعه قربت ٢وهو هيقعد يزعق لو دخلنا متأخر
في يوم جديد عند حياة
قامت الصبح قبل الشركة بساعتين قامت بنشاط اتوضت وصلت فرضها وخرجت تعمل الفطار
مامتها وباباها صحيو
سناء.اي ده مش معقول حياة تعمل الفطار والله مصدقش
حياة بضحك يا ماما عيب عليكي هو عشان مبقتش بعمله من ساعة ما اشتغلت في الشركة وانتي ماسكهالي
سناء.اهو ربنا حنن قلبك علينا وعملتيه يوم
حياة بضحك.احمدي ربنا يا حاجه وبعدين دا انتي الخير والبركة
ضحكت سناء.وخرج عادل من الحمام وهو بيقول صباح الخير
حياة.صباح السكر علي عيونك يا حجوج يا قمر انت
عادل .يا بت بطلي بقا فصلتيني
حياة بضحك.ولو مفصلتكش هفصل مين يعني دا انت حبيبي يا حاج
عادل .طيب يلا اقعدي يا بكاشة افطري
قعدو يفطرو وبعدين قامت حياة لبست دريس باللون اللموني عليه طرحه بيضة وهاڤ بوت ابيض كانت قمر اووي
وذهبت إلي الشركة وركبت الاسانسير وقبل ما يتقفل في رجل حد خلته يتفتح تاني بصت للشخص ده لقيته مستر نسر
نسر بابتسامة.صباح الخير
حياة بخجل.صباح النور مستر نسر
نسر .انتي من أكفأ الناس اللي شوفتهم عايز الشغل يعلي بيكي وأنا واثق فيكي جداا
حياة.هكون عند ثقة حضرتك ومش هخيب ظنك فيا أبدا بإذن الله
فتح الاسانسير انطلقت لمكتبها وهو قعد يراقبها ويراقب طيفها لحد ما اختفت والابتسامه علي وشه استعاد جديته من تاني وذهب لمكتبه وخلص يوم العمل بس خرجو بدري عشان يوم الخميس بيخرجو بدري عشان اخر يوم في الاسبوع وكده
عملت حياة بجهد في الوقت الصغير ده وفعلا انهت عملها ببراعه وخلصت وهي طالعه لقيت بنت بتسأل علي مكتب مستر نسر اتعجبت جداا وللحظه حست بغيرة بس نفتها بسرعه من عندها ونزلت
عند سكرتيرة نسر
السكرتيرة. يا فندم لو سمحتي مش هينفع كده
البنت.روحي قوليله سنية برة وهو هيطلع
دخلت السكرتيرة وأول ما قالتله اتعصب وخرج
نسر.انتي اي اللي جابك هنا
سنية.جيت اتطمن عليك يا نسري
نسر بصوت عالي.نعمم
سنية. مش قصدي يعني بس جيت عشان احنا جايين عندكم انهارده وكده وانت عارف ان احنا بنعدي من قدام شركتك فماما قالتلي روحي لنسر وابقي تعالي معاه
نسر وجز علي سنانه.وفي سره ماشي يا خالتو ليكي كلام معايا وكذلك ماما وبعدين قالها طب يلا قدامي
عند حياة وهي خارجه من الشركة استوقفها حد بينادي عليها
مايسة. حياة يا حياة
حياة.اهلا مايسة
مايسه.بقولك هتيجي اكيد حفلة بكرة صح احنا كل جمعة من اخر شهر بنعمل حفلة بنحتفل فيها ببلوغنا انجازات كتيرة في الشهر ده
حياة.اي ده مكنتش أعرف
مايسة. يعني هتيجي صح
حياة.مش عارفة بس هحاول
مايسة.عشان خاطري يا حياة تعالي عايزاكي تكوني موجوده
حياة.خلاص ان شاء الله يروحي هاجي انا مضطرة امشي دلوقتى عشان اتأخرت يلا عايزة حاجة
مايسة.عايزة سلامتك يقلبي
حياة وهي في المواصلات خطر علي بالها البنت اضايقت بس قالت لنفسها لا انا لازم اركز في شغلي وحياتي وبس
عند مكة وجنا خرجو من المحاضرة
جنا وهي متنرفزة.شوفتي يا مكة بيستفزني ازاي كإنه مستقصدني
مكة بضحك.اهدي بس
جنا.اهدي ازاي بس انا لو شافته انا هموته لا دا انا هبلعه
مكة وهي بتضحك اووي.مش يمكن يكون معجب بيكي
جنا سكتت مرة واحده وبعدين استوعبت ما قالته مكه وطارت وراها
مكة.وهي بتنهج طب اهدي خلاص بهزر والله
جنا.وحياة امك كده بتهزري فرجتي علينا الجامعه منك لله يشيخة
مكة.وهي ميته من الضحك.خلاث بقا والنبي ويلا بقا يختي عشان نروح يا حبي
جنا.اه حبي مهو واضح يلا يبابا قدامي وروحو كل واحده علي بيتها
عند حياة وصلت ودخلت اكلت وصلت المغرب والعشا بعد ما صلت الضهر والعصر في الشركة ودخلت نامت بعد جو لطيف مع مامتها وباباها
عند مكة كانت بتدخل بيتها سمعت صوت عالي وصوت قلم بينزل علي وش حد دخلت لقيت مامتها وباباها بيتخانقو وباباها ضرب مامتها بالقلم وبيقولها هحاسبك علي كلامك ده يا سعاد استني بس
مكة راحت عندهم وانهارت قدامهم وقالت.حرام عليكم بقا انا زهقت طول عمري كده انتو بتضيعوني كفاية بقا ومشيت من المكان كله راحت قعدت ع البحر وهي بتعيط
عند باباها ومامتها في البيت
سعاد.دلوقتي ارتحت وقامت مشيت من قدامه الاتنين قعدو يفكرو كتير ويفكرو ازاي نعرف نحل المشكله دي وفي كلام بنتهم وانا غلطان فيه وهيغير اي عشان التاني وراح جابر ابو مكة لسعاد واعتزرلها واتكلمو واتعاتبو كتير وانهم هيحاولو بقدر الإمكان الامور تتصلح وان كل واحد يتنازل عن حجات عشان يعرفو يعيشو ويكملو وعشان بنتهم
عند مكة
عدي كان رايح اسكندرية عشان يباشر العمل من هناك لأنهم عندهم كذا فرع في مصر عدي كان بيتمشي ع البحر شوية قبل ما يروح ينام عشان هيسافر للقاهرة الصبح
شاف مكة وهي بتعيط قرب منها وقالها مالك
بصتله والدموع في عينيها.ومردتش وقامت ولسه هتمشي
عدي .أنا مش بعاكس والله انا بس عايز أعرف مالك
مكة.مليش شكراً علي سؤالك ومشيت بسرعة
عدي.اي الجمال ده اقابلك تاني وانا مش هسيبك
مكة روحت ولقيت باباها ومامتها اتصالحو حضنوها وقعدو يتعاتبو كلهم والامور اتصلحت ما بينهم ومكة فرحت جداا وقضو جو اسري جميل (مكة وحيدة الأب والام ملهاش اخوات)
عند نسر في القصر اول ما دخل هو وسنية اتفاجئ ب......يتبع
