رواية مريم ومازن مجنونتي كامله بقلم مريم سيد ام البنات
الفصل الاول
فى بداية العام الدراسي الكل بيستعد للذهاب لمكان دراسته
فى منزل مريم
نهى اول واحده قامت صباح الخير ياماما
امها صباح الورد حبيبتي اومال فين بقيت اخواتك
نهى ماحضرتك عارفه هو فى حد بيصحى لوحده لازم كله مره تجيبى ازازة الميه وغرقيهم
امها والله انا زهقت خدى انتى قومى بالمهمه دى
نهى مريم هتموتنى
امها متخافيش هى هتتاخر على القطر لازم كده والزفت اللى اسمه ادم والكلبه ملك لازم يقوموا ادخلى وانا هجهزلكم القطار وهدخل اصحى باباكم علشان مايتاخرش
نهى ماشى بس ماليش دعوه مريم لو عملتلى حاجه هقولها ماما اللى قاتلى
امها متخافيش انطلقى
نهى ضحكت.ودخلت عملت اللى مامتها قالتلها عليه وغرقت اخواتها اتنطروا من على السراير ومريم بتستوعب اللى حصل وفاقت وشافت اللى عملت كده نهى جريت وراها وبتقول يالهوووووى هتموتنى بنت عبدالرحمن وخرجت جرى تنادى على مامتها ومريم موتك على ايدى انهارده ياكلبة البحر وامها خرجت بتقولها اييه يامجنونه انا اللى قلتلها تعمل كده .
مريم ليه بقى ان شاء الله
امها علشان الحلوه وراها سفر. وهى نايمه بتاكل رز مع الملايكه
مريم اوبا تصدقى نسيت دووول البنات هيموتونى لو اتاخرت عليهم
نهى من جوه وبتبص تقولها خلاص ولاايييه
مريم بتقولها خلاص انتى. عارفه لولا هتاخر على العيال ماكنتش اتنزلت على موتك انهارده
نهى قلبك ابيض يامزتى
مريم ماشى عقوانا عنك وباباها خرج صباح الخير ياولاد اييه ياابطال مستعدين
مريم ضحكت بتقوله حضرتك محسسنا ان احنا فى الجبهه وهنحارب
ابوها وهو بيقعد على السفره بيقولها كلنا بنحارب فى موقعنا يالمضه
الكل: ضحك عليها
مريم. بقى كده ياحجوجه تخليهم يضحكوا عليا
باباها تستاهلي عامله دوشه من بدرى
مريم بكره توحشكم دوشتى وتقولى فينها البت مريم كانت عامله حس
مامتها ومين قالك روحى انتى بس واحنا هنكسر وراكى زير وضحكت
نهى اختها الله عليكى يانبع الحنان قذف جبهه من العيار الثقيل
ملك وادم ضحكوا ومريم ماشى يافوفه وقامت مسكت رغيفين عيش وملتهم اكل من اللى موجود على تربيزة السفره وقامت قالتلها انا مش واكله صديتوا نفسى .
باباها كل ده ونفسك مصدوده اومال لو مفتوحه مصر هيحصل فيها مجاعه
مريم حتى انت ياعوبد انا مخصمامكم كلتكم وبتعيط عباط مصطنع امها بتقولها اتفقلى واخلصى علشان تلحقى تسافرى ياموكوسه
مريم يالهووووى اتاخرت البت مايا ونورا ومنى هيموتونى وجريت. بعدها افتكرت الاكل خرجت تانى خدته. ودخلت تكمل لبسها. وعيليتها ضحكوا عليتها مريم هى اه الكبيره بس دمها خفيف وبتحب الهزار والضحك بعد ماكملت لبسها خرجت وبتمثل ان هى زعلانه باباها قام وبيقولها ايييه ياروميه زعلانه منى
مريم: اه
باباها: اتفقلى
مريم: ماده بوذها بتقوله كده ياعوبد لا انا زعلان بجد
باباها: انا مقدرش على زعلك ياقلب عوبد وباسها من خدها ومامتها كمان سلمت عليها واخواتها كمان لان مريم هى فاكهة البيت والكل بيعشقها ونزلت راحت على محطه ومعاها بقيت اصحابها على التليفون بيتكلموا وكل واحدة ركبت علشان ينزلوا على كليتهم
ومايا وعدتهم ان هى هتيجي محطة القطر
مريم ركبت القطر وبعد ماقعدت على كرسبها كان قاعد جنبها واحد نايم وكل شويه ينام على كتفها وهى تزقه وبعد مازهقت منه بتقول يامصبر الجحش على وخش ومسكت شنطتها وضربتها على دماعه وهو قام اتفزع بيقولها وه فى ايييه ياحرمه اتخبلتى
مريم: حرمه فى عينك ياحمار انت هو انا اسيبك تنام يااقوم تشتم بقولك اييه هى لو هبت منك هى هابه منى انا كمان من زمان
الست من الستات الموجودين فى القطر مايصخش يابنتى عيب
مريم: بقولك اييه ياحجه خليكي فى خالك او اقولك تعالي اقعدى انتى جانبه
الست: وانا مالي يااختى
مريم: اومال بدخلى نفسك ليه ست حشريه تليفونها رن بتقولها ايوه
نورا ياساتر مالك يامضيبه هانم
مريم: اهى بلاوى بتتحدف علينا
الرجل اللى جنبها وه حرمه لسانها طويل بصحيح
مريم بقولك ايه اخ انت لم نفسك بدل مااعملها معاك ها انت متعرفيش انا معايا شهادة معاملة اطفال ونورا يابنتى هو كل مره كده
مريم: ماهو يااختى اصلى مش راكبه درجة اولى مكيف انا راكبه مع عامة الشعب عارفه ايييه اللى مصبرنى
نورا ايييه
مريم ابويا يورث خالو فى اليابان وانا مش هعرفكم
نورا: قليلة الاصل. يامان
مريم هههههههه ده حاجه اكيده
نورا بت يامريم
مريم: نعم
نورا هو ابوكي ليه خال فى اليابان
مريم يااختى اتوكسى كلهم بيكملوا عشاهم نوم وضحكوا ونورا بتقولها اخلصى يافقر انا وصلت وكمان منى عالوصول
مريم: انا خلاص قربت وقفلت معاها والرجل عمال يزغر للمريم
مريم بقولك ايه ياعم التنين انا مبخافش ها وبعد وقت قصير وصلت مريم للمحطه وهى نازله الشخص اللي كان قاعد جنبها نازل وراها ومريم صرخت وبتقوله ياقليل الادب الرجل ده بيتحرش بيا الناس اتلمت عليه وضربوه ومريم بتضحك عليه واتوجهت لمكان وجود اصحابها كانت منى ونورا فى انتظارها دخلت عليهم
مريم صباحو ياشوباب
متى: ياشوباب ياربى على اللغه بتاعتك يابت عيب دانتى هتبقى مهندسه
مريم: انت كده ياست منى
نورا بقولكم اييه انتى وهى احنا مش هنبتديها لسه السنه طويلة
منى: هو انا قلت حاجه انا بس بقولها الناس تعيب عليها
مريم: انا ماليش دعوه بالناس ياست منى مدام مبعملش حاجه غلط ومشيت نورا يابنتي استنى مايا قربت تيجى
مريم: لا انا مش هستنى حد وهمشى اصلى انا بيئه خليكم انتوا استنوها اما انا همشى واصرت مريم ونورا عاتبت منى بتقولها ليه كده يامنى مش قولنا مريم حساسه وماينفعش معاها كده
منى: هو انا عملت اييه لكل ده هى اللى عالطول بتتقمص
نورا: لا مريم مش بتتقمص بس انت عارفاها مبتحبش حد يقولها كلامك غلط وهى عندها حق اييه يعنى لما بتقول ياشوباب والله حلوه دانا ساعات بقول مفرداتها لبابا وماما وحبوها بسبب كلامها اللى انا بقوله ونفسهم يشوفها تعالى نلحقها
متى: طيب ومايا
نورا نتصل بيها ان احنا هنسبقها على الجامعه
مريم ركبت الاتوبيس واتوجهت للجامعه وهى نازله من الاتوبيس كانت فى عربيه هتخبطها وقفت فجاه ومريم اتخضت واتشهدت على نفسها مفاقتش غير على واحد بيقولها هى البعيده حماره
مريم فتحت عينيها وبتبص عليه وبتقوله معلش هى مين اللى حماره ياابو راس عجل
الشخص: هو مين يابت اللى براس عجل
مريم: انت يابغل وسابته ومشيت والشخص هيموت بالغيظ وبيقول اقسم باالله لولا انتي بنت كنت عملتك كفته مريم سمعته وطلعته لسانها تقوله ولاتقدر ههههههههه
فى فيلا مايا
من داخل غرقتها دخلت عليها الداده بتصحيها بتفتح. عيونها بتقولها صباح الخير ياداده
الداده: صباح الورد على عيونك ياحبيبتي يالا الهانم بتقولك قومى علشان انهارده اول يوم دراسه وحضرتك كنتى قولتلها ان هتجيبى اصحابك من محطة القطر
مايا: اه صحيح هى الساعه كام
الداده: الساعه 7
مايا: لا انا كده اتاخرت هقوم الحق اصلى والبس وانزل عالطول هو ابيه مازن ززياد صحيوا
الداده: اه ياحبيبتي منتظرينك على الفطار
مايا: اوك هخلص وانزل عالطول
الداده ماشي ياحبيبتي ونزلت ومايا اتوضت وصلت فرضها ولبست فستان جميل وانيق وحجابها يظهر، جمالها ونزلت دخلت غرفة السفره
مايا: صباح الخير
مامتها: صباح الورد ياحبيبتي
مازن: صباح النور يامايا طبعاً انهارده اول يوم دراسه لازم ناخد بالنا من نفسنا ومتتعملييش مع اى حد انتى بنت محمود المنشاوى وزير الخارجيه السابق واخوكى مازن المنشاوى يعنى متصحبيش اى حد كده ماشى
مايا اماءت براسها حاضر ياابيه
زياد'ياعم كل سواسيه يامازن باشا
مازن مين قال كده ربنا خلقنا طبقات يعني تروح تصاحب بنات بيئه يكونوا طماعنين فيها
مايا: لا ياابيه انا صحباتى كلهم كويسين حتى ماما عارفاهم
مامتها: ايوه يابنى البنات محترمات وملتزمات ومعاهم بنوته دمها شربات تتحب اول ماتشوفها كده
مازن ٠-انا مالى دمها شربات ولاحلويات انا بقولها تاخد بالها كلهم صنف خاين وسابهم وخرج وزياد بيقولهم اعذريه انتوا عارفين هو اييه اللى غيره كده
مامته: منها لله مازن اللى طول عمره قلبه كله حنيه وعمره ماكان يعرف القسوه اتبدل
زياد: ان شآء الله ربنا يرزقه بحد يكون عوض للى حصله
مامته: يارب
مايا: ماما اناماقلتش لابيه مازن ان انا هروح اجيب البنات من المحطه
زياد: تعالى اروح معاكي علشان لو عرف اقوله انا كنت معاكي
مايا: ماشي هما بيتصلوا اهم ردت عليهم اييه ليه لا متمشوش انا جايه اهو فى الطريق حتى زياد اخويا جاى معايا سلام
مامتها فى ايييه
مايا مريم ومنى شدوا قصاد بعض ومريم سابتهم ومشبت
مامتها اكيد بسبب مفرداتها صح
مايا: صح
زياد هى بتقول كلام وحش ولاااييه
مايا: لا ياابيه هى بس بدل ماتقول ياشباب بتقول ياشوباب وكده
زياد؛ مفيهاش حاجه يعنى دى شكل صحبتك اللى بتكلمها نمكيه
مايا: فعلا منى كله حاجه ماشيه بالمسطره بس هى بتحب مريم واكيد هتصلحها والله مريم دى فاكهة الشله تصدق اليوم مش بكلمها فيه يومى بيقفل
مامتها ٠مريم دى عسل
زياد: تصدقي نفسي اشوفها هى دى اللى بتشكرى فيها ياماما
مامته: اه حاجه كده عسل ابقى قوليلهم يجيوا يتغدوا معانا يوم الجمعه اكيد مش هيرجعوا دلوقتى اجازه
مايا: لا طبعاً هما بيرجعوا بعد شهر من بدء الدراسه
مامتها: خلاص قوليلهم وقولى لمريم ماما هتعملك الاكل اللى بتحبيه
مايا: حاضر ياست الكل يالا يابيه وغادرت منزلها هى واخوها يتوجهوا للمحطة القطر لاحضار اصحابها وتوصلهم لكليتهم بعد وقت وصلوا وسلمت عليهم وعرفتهم على زياد اخوها ومايا والمجنونه مشيت كده عالطول
نورا اصلها ماكانتش طايقه نفسها كانت راكبه القطر وحد كان قاعد جنبها وكل ينام على كتفها فضربته على دماغه وكمان زعقت فيه النااس ضربته فجت منى تتكلم هبت فى متى واصرت تمشي ربنا يستر متموتش حد
منى: والله اتا بكلم معاها زى كل مره بس معرفش ان هى هتقفش كده
مايا انتى عرفاها يامنمن ابقى روحي صلخيها وهى هتصفى عالطول هو فى اطيب من روما
منى عارفه والله وكل ده زياد ساكت هو بيسمع البنات ومتدخلش فى الكلام بس فضوله عايز يشوف مريم ومره واحده بيقولها مايا اوعى تنسى عزومة ماما
مايا اه لا متخافش هقولهم والبنات بصولها وسكتوا وبعد وقت وصلوا للكليه وزياد قالها لما تخلصي محاضراتك اتصلى عليا وانا اجيلك او ابعتلك عمى شعبان
مايا ماشى ياحبيبي ومشى بعربيته ونورا بتقولها بت ياميوش
مايا: ايوه ياحبى
نورا هو اخوكي ده مرتبط
مايا: 
لا
لانورا: جوزولى ياميوش يارب تجوزى احمد
مايا: ياسلام انتى تؤمرى يامزتى هروح اقوله تعالي اتجوز البت نورا بت عسل كده
نورا: الهى تنسترى يااختى اهو لو منفعناش فى الكليه اهو يكون لينا راجل يصرف علينا
منى بتضحك انتى مالك قلبتى على مريم كده
نورا يالهوووى مريم تعالوا ندور عليها لسه المحاضره الاولى عليها شويه
منى هنلاقيها فين
مايا اكيد فى مكانها المفضل قاعده بتتخانق يامع الكتب ياسندوتشات وبالفعل دخلوا الكافتريا لاقوها قاعده وحاطه السندوتشات وبتاكل بغيظ وتبرطم يامين ياناولنى ابو راس بخاخه قال اييه انا حمار ماشى لو شفت خلقتك هعمله حصاله مايادخلت عليها بتقولها يابنتي اهدى فى اييه
مريم سيبنى فى حالى اييه ده ميوش حمدلله على سلامتك يابنت الاكابر
مايا: يادى بنت الاكابر دى يابت بطلى
مريم: يعنى انا بتبلى عليكى مش بنت. اكابر ولا لأ ابوكى سيادة وزير الخارجيه السابق واخوكى مازن المنشاوى اكبر رجل اعمال فى مصر تقوليلى ابوهشيمه فى نفسه واحمد ابن عمك مصطفى السلاب هو كمان اقول تاني ولااسكت
مايا بضحك سد يااختى سد كان مالك بتتخنقى مع الاكل ليه
مريم هو يوم من اوله تقولي رجالة مصر متفقين عليا واحد راس بخاخه والتانى براس عجل
نورا يالهوووى على تشبيهاتك مين ابو راس بخاخه
مريم، بتاع وه اتخبطى فى دماغك ياحرمه انا يتقالى حرمه بس طلعت عليه القديم والجديد
نورا: ومين ابو راس عجل
مريم: واحد كده امه وهى بتولده خلت الدايه تشده لحد ماطول منها حاجه كده عضلات جوه جسم بس مز ابن الايييه بيقولى حماره نازله من الاتوبيس كان هيخبطنى وبدل مايتأسف بيقولى حماره هو ده اللى غيظتى اشوفه بس وانا هعمل وشه شوراع مبقاش مريم بنت عبدالرحمن القاضى
منى: اسفه
مريم: ليه اه ياستى عادي انا اللى اسفه انا زهقت عليكم ويالا مفيش وقت المحاضره الاولى قربت يالا بيقولوا فى دكتور جديد بس رخم بيشر غتاته
مايا: معقوله غير دكتور محمود
مريم: اه سمعت البت الصفرا شاكى بتقول كده البنات ضحكت عليها بتقولها يابنتي نفسنا نعرف عملت فيكي
مريم: معملتش بس بتبص لكل الناس من طراطيف انفها ليه مخلوقه من طينه واخنا من طينه
منى: ياستى سيبك منها ويالا نلحق مكان جوه المدرج يكون قريب من الدكتور ودخلوا قعدوافى اول الصفوف وبعد وقت قصير دخل الدكتور وكانت المفاجأة ومريم اول ماشافته قالت احيييه
بعد دخول الدكتور ومريم شافته وقالت احييه هو انت
منى: بتقولها مالك يايت
مريم: هش اسكتى
نورا: مالك بتستخبى كده ليه
مريم: اسكتى انتى التانيه
مايا: هو انتي مالك من ساعة مادخل الدكتور وانتى مخضوضه
مريم: ماهو ده ابوراس عجل
مايا: يانهارى وفى سرها مازن المنشاوى يتقاله راس عجل ربنا يستر ومشفكيش طيب استخبى بقى
مريم: ماهو انا بعمل كده اهو وبس لياخد باله
الدكتور: ممكن سكوت انا الدكتور مازن المنشاوى انا مكان دكتور محمود الدمنهورى كلكم عارفين ان هو جالته بعثه وسافر وانا اللى هديكم الماده طبعاً انا عرفت ان فى اوائل دفعه والدكتور محمود قالى ان فى كذا حد اكيد هتعرف عليهم بالتوفيق للجميع وبدا يشرح ومريم بتقول يالهوووووى اوائل اللى منهم ضمنتى المركز الاخير ياروما يابنت فوفه ماهو لسانك ده هيجيبك ورا ومازن بيشرح ومريم بتكلم نفسها بس مركزه فى الشرح وبعد ساعتين خلص مازن الشرح وبيسال لوحد عايز يسال هى عايزه تسأل بس خايفه كتبت السؤال وقالت لمنى اساليه
منى: ماتساليه انتى
مريم: اخلصى يازفته لو شافنى هيعملنى كفته
منى: ماهو لسانك ده اللى هيوديكى فى داهيه
مريم: عارفة يااختى لسانى وعارفاه
منى خدت السؤال ومازن جاوب عليه وسالها السؤال ده مش اى حد. يساله هو انتى من اللى اوائل
منى: لا يادكتور اه ماشي برافو عليكي اتفضلى حد تانى عنده اسئله
الطلبه: لا يادكتور
مازن: تمام المحاضره الجايه ان شاء الله الاسبوع الجاي وبعد كده هقولكم لو فى محاضرات زياده لان الماده فيها كتييير وخرج ومريم بتقول اشهد ان لا اله الا الله اخيرا ياجدع دانا كنت هموت من الخوف
مريم بت يامايا هو ده اخوكى ولا تشابه اسماء
مايا: لا مش تشابه اسماء
مريم: بجد.
مايا: بجد
نورا: بت يامايا هما كل اخواتك حلوين كده
مريم: ليه هو انتوا شفتي حد تانى غير الاخ مازن
نورا: اه اخوها زياد تقولى عمرو يوسف حاجه كده قمر دانا حتى خطبته منها
مريم: جدعه يابت اومال يبقى عندها اخوات ومنطلعيش بمصلحة
منى: والله انتوا بنات دماغكم فاضبه جواز اييه وبتاع اييه مالها يااختى السنجله
مريم: خليهالك انتى عارفه يابت يامايا لو اخوكى ده ماكانش حصل بينا سابق معرفه لو لسانى اللى عايز قصه، ده كنت قولتلك جوزهولى بس خلاص بقى اتقطع حبل الود بينا
منى: هو كان فى حبل علشان يتقطع
مريم: للاسف كان نفسى وبتعيط عياط مصطنع بقولكم اييه انا هروح اجيب سندوتشات حتى هيجيب معايا
مايا: مش كان من شويه خناقة سندوتشات لحقتى هضمتى
مريم: الله أكبر فى عينك اه طبعاً هضمت
نورا.ههههههه اه اتا هاتيلى معاكى سندوتشين
مريم: وانتوا
مايا: انا لا طبعاً انتوا عارفين موضوع اكل بره ده مش بحبه وكمان مشددين عليا ماكلش من الكافتريا
منى: انا بالنسبالي معايا سندوتشات مامتى عملاهملى
مريم: خلاص هخرج انا اجيب خليكم قاعدين مكانكم ومريم خرجت ولسه رايحه على الكافتريا خبطت فى الشخص ولسه هتشتم التفت ليها هو انتى
هى: يالهووووى انت وجريت من قدامه
هو بيضحك عليها دى مجنونه وبعدين بيقول على كده انتي معايا هنا حلو اووووى لازم اعرف انتى مين وخرج من الكليه كلها ومريم بتبص عليه لاقته ركب عربيته وهى اتشهدت ورجعت للقاعة المحاضرات وقعدت جنب اصحابها ونورا بتقولها فين السندوتشات
مريم: اسكتى يااحتى الحمدلله ان انا رجعت سليمه دانا كان هيتعمل منى شاورما
مايا: اوعى
مريم بتهز دماغها بتقولها اه وفلت منه باعجوبه فرجعت على هنا تانى مايا
مايا: نعم ياروما
مريم: الهى تنسترى ويباركلك قولى لاخوكى ان انا مجنونه ومياخدش على كلامى
مايا فى نفسها هو لوعرف ان انا مصحباكم هيمنعنى
مريم: يابنتي روحت فين
مايا: معاكي اهو
نورا: متشليش هم يامايا
مايا: خايفه
مريم: خايفه لما يعرف ان انتى صحبتى صح
مايا: انتوا عارفين ومازن طريقة تفكيره صعبه شويه
مريم: يعنى لو طلب هتبعدى هتبعدى
مايا: مقدرش
منى: بصى سيبها للظروف
مريم: لو قالك ابعدى عنى ابعدى بس اكيد مش هيبعدك عن منى ونورا
نورا: اشمعنى بقى
مريم: علشان حضرتك باباكى بعتبر رجل اعمال وبابا منى دكتور مشهور انا الوحيده اللى ابويا موظف على. قد حاله لما مازن باشا يعرف هيطلب منها تبعد فانا بقولك اهو من دلوقتى ابعدى ويبقى بينا تليفونات وشات واتس وفيديوهات مش مشكله نشحن باقه كبيرة علشان بنت الذوات
مايا: انتى بتقولي اييه انتى مش اقل مننا بالعكس انتى متفوقه ومعرفتك تشرف اى حد
مريم: حبيبتي تسلميلي بس انا بعفيكى من الاحراج اه انا مش قليله بس الناس بتاخد بالمظاهر وابويا عندى بالدنيا كلها حتى لو كان عامل نظافه هحطه فوق راسى تاج
اصحابها ربنا يباركلك فيه عمو عبدالرحمن رجل طيب وحنين جدا ودمه خفيف
مايا: مازن مش هيفرض عليا اصاحب مين ولا اكلم مين سيبك يالا علشان نروح نجيب سندوتشات هاكل معاكم
مريم: يالهووووى لا يابنتي انتى معدتك نواعم
مايا:نواعم لا متخافيش معدتى تهضم الزلط
مريم: ربنا يستر وراحوا الاربعه على الكافتريا وطلبوا سندوتشات ومايا او ماكلت صرخت بااعلى صوت وقعت من طولها
مريم: يانهار مش فايت اهييى اللى كانت بتقول معدتى تهضم الزلط وقعت من اول قطمه ومريم الحقونا البت هتموت مننا
استوب
