أخر الاخبار

رواية مريم وحسن عندما يعشق الفدائي الفصل التاسع والثلاثون 39 بقلم لولو طارق

رواية مريم وحسن عندما يعشق الفدائي الفصل التاسع والثلاثون 39 بقلم لولو طارق



حسن وخالد ونسر المخابرات وصلو لمكنهم ومعاهم كمان تعلب المخابرات وبكل خفه بدئو يدخلو المكان ببراعه .. ولا حد شايفهم ولا حاسس بوجودهم .. وبيبعدو عن الكاميرات واجهزة الانذار ....
النسر : كدا تمام قوى يارجاله طبعا انتو حافظين المبنى زى أسمكووو وعارفين الصغرات الا ممكن نستغلها والمعلومات الا وصلت انا انها فى المبنى دا
خالد وحسن ايوا اساسا المبنى دا يعتبر بعيد تماما عن شغلهم الاساسى ..... وممكن او أكيد ها تكون فى الاوضه الا كان حسن فيهااا....
حسن : بيقرء ايه الكرسى وهما قرئوها معاااه والتعلب ها يأمن دخولهم وخرجهم من برا .... وبدئو يتحركو بعد ما اتلتمووو كويس .....
***********
مريم : انا مرعوبه يا جورى
جورى : وانا أكتر منك بس لازم نفضل متماسكين قدامهم
مريم : ايوا طبعا وقاعده وحاطه ايديها على بطنها
جورى : لسا تعبانه
مريم : يعنى بس أحسن دلوقتى
جورى : هششش فى صوت برا وبصوت واطى سامعه
مريم : ايوا سامعه ها نعمل ايه
جورى : زى ما اتفقنا ها نضربهم ونهرب
مريم : مش ها أعرف يا بنتى
جورى : طيب خليكى انتى وانا ها اتصرف أقفى ورا الباب ووقفو الاتنين ... والباب اتفتح بعد ما خلصو على الا واقفين حراسه ..... ودخلو اتنين ملثمين .... ومره واحده جورى نطت بطريقه مضحكه 😂😂😂 حتى مريم ضحكت وعماله تعمل حركات بأيديها ورجليها مش مفهومه وبتقول اعاااا ياااااا اعااااا
خالد : مقدرش يمسك نفسه من الضحك 😂😂😂 وحسن وهو بيجاهد مع نفسه ما يضحكش وبيقول لخالد هششش ها تفضحنا
جورى : نطت على خالد وبتضربه وعماله تشتم وحسن جرى على مريم وحضنهاااا جامد واول ما حضنها عرفته هى دى ريحته الا بتعشقها وصوته الا لايمكن تنسااااه ....
خالد : مسك جورى يا شيخه اتهدى بقى وخبطها فى راسها بطريقه معينه واغمى عليها وشالها وخرج بسرعه ومعاه حسن ومريم وسابووو لهم ورقه ... على جثث الحراسه .... مكتوب فيها اللعب مع الكبار بيعوررر ... إمضاء نسر المخابرات .... وفعلا أمن خروجهم نسر المخابرات والتعلب أمن خرجهم من برا وانطلق بيهم بسرعه ......
حسن : عملو فيكى حاجه يا مريم مين الا عورك فى وشك كدا
مريم : بنرفزه السافله الا تعرفها عليا كدا يا حسن تخنى
التعلب ونسر المخابرات : ضحكووو بصوتهم كله وخالد مركز مع البنت الا فى ايده .... جريئه ومش بتخاااف ... بس هبله 😂😂😂 وملامحه جميله اه قمحيه بس عسل وتايه خالص معااااها
حسن : 😂😂 أكيد ليزا مفيش سافله غيرهااا هناك
مريم : عارف يعنى اوعى بقى كدا واوعى تكلمنى تانى فاهم
حسن : طيب أستنى وفرى الخناق فى البيت شردتى جووزك حبيبك
مريم : لا يا حسن مش دول القاده بتوعك
نسر والتعلب فى نفس واحد ..... اه
مريم : طيب كويس البيه كان بيلعب بيدله وها يضيع البلد كلها مع السافله ... المنحطه دى ... ارفدووه
حسن : يا نهااار ابيض ... بتبعينى كدا فى ثانيه
مريم : اه وها تطلقنى يا حسن روح لها يا حبيبى هى مستنيك هناااك
حسن : وانا بقول عليكى ست عاقله
التعلب : 😂😂😂 مفيش ست عقله لو فيها واحده
نسر : ايووون ربنا معاااك
حسن : بقولك ايه يا مريم
مريم : نعم
حسن : نامى يا حبيبتى انتى محتاجه راحه عشان عارف هورمونات الحمل صعبه
مريم : بعصبيه ملكش دعوه انام أقوم ملكش دعوووه
جوررى : اه .. راسى .. اه .. وبتفتح عنيها لقت نفسها نايمه على كتف واحد متعرفوش .... ايه دا واتعدلت انت مين يااا ولقت مريم وحسن الا عرفته على طول من الصور واتنين كمان .....
خالد : ايه فوقتى والا لسا بتستوعبى
جورى وهى راحه عند مريم تقعد جمبها وبتقول لمريم مش دا جوزك
مريم : اه هوووو
خالد : ايه الا كنتى بتعمليه دا
جورى : ايه
خالد : اعااااا يااااا ايه دا بقى
جورى : دفاااع عن النفس عندك اعتراض
خالد : لا ابدا عجبنى بس مين الا علمك عشان عايز اروحله
جورى : كابتن . .... فى .....
خالد : اه شكلك متمكنه وبقالك اد ايه بتتعلمى
جورى : لسا انهارده تانى يوم تدريب ليا بس ملحقتش اروح
خالد وحسن : انفجرووو فى الضحك ووونسر والتعلب مستمتعين جداااا ...
مريم : 😂😂😂 انتى بتتكلمى بجد امال كنا ها نهرب ازاى وتدافعى عننا
جورى : بتلقائيه يعنى مشفتنيش وانا طايره فى الهوا وبدافع عنك .... وكمان حتى لو ها أموت مش ها أسيب حد يعملك حاجه
مريم : ضمتها لهاااا انتى فعلا شجاعه جدا وانا حبيتك جدا جدا
خالد : لو عايزا تتعلمى دفاااع عن النفس انا فى الخدمه عامل دوره مجانيه على فكره
حسن : بغمزه ايه دا من امتى
خالد : من دلوقتى يا خفيف
التعلب : واخد بالك بيعلق البت عااادى
نسر : 😂😂😂 ايوا واخد سيبه يمكن يتلم ويتجوز
التعلب : تفتكر دا قرب يعنس
نسر : لا لسا شويه عليه شكله بيلحق نفسه 😂😂
خالد : قرب على الكراسى بتاعتهم وبصوت واطى سمعتكم على فكره
نسر : 😂😂 زق راسه بأيده يا شيخ اتنيل روح الحق نفسك اجرى ....
جورى : مريم ايه الطياره الغريبه دى انا بشوف الطيارات فى التلفزيون غير كدا
حسن : تسمحيلى ارد
مريم : اتفضل
حسن : دى طياره خاصه بينا احنااا فى الجيش مش طيارة ركاب
جورى : اه قولتلى .....
خالد : قالك ايه
جورى : فى حاجه يا أخ
التعلب ونسر : 😂😂😂😂
حسن : الاخوه حلوه مفيش كلام
خالد : أخ دا انتى طلعتى هبله بجد بقى
جورى : هى مين الا هبله
خالد : انتى هبله
جورى : بصتله ومردتش عليه ودا دايقه جدا
مريم : مسكت بطنها من تحت واتوجعت منها
حسن : مالك يا مريم فيكى حاجه
جورى : ايه يا مريم تعبتى تانى ....
مريم : اه بطنى بتوجعنى
حسن ؛ من ايه
جورى : البنت الا كنت بتخون مريم معاها ضربتها فى بطنها هههههههه
حسن بصدمه : بخونها .... طيب ماشى انتى كمان وبيطمن على مريم ضربتك فين .... بنت ال....
خالد : وانتى عرفتى منين بقى انه خانها شوفتيه
نسر : مش محتاجه مفهوميه يا خالد يعنى أكيد مصورينه محسسنى انك جديد عليهم
خالد : يعنى كام صوره ليهم تثبت انه خانها والا أى كلام هما بيقولوه صح ..... لازم يا مريم تبقى واثقه فى حسن انه مش كدا .... إلا لو انتى شوفتيه او هو فى طبعه الخيانه ولازم بردو تقدرى انه فى شغله بيبقى تحت ضغوط رهيبه مش أى حد ممكن يتجاوزها بسهوله .. ها يطلعلك خمسين الف صوره ودا مش شرط انه خاين ابدا الظاهر غير الباطن
مريم : اى واحده ها تشوف الصور الا انا شوفتها مش ها تقبل من جوزها الا بتحبه وضع زى دا حتى لو شغل
حسن : يعنى أسيب شغلى عشان يرضيكى
مريم : .......
حسن : ردى ادام انتى الا فتحتى الموضوع قدامهم كلهم
جورى : انت بتلومها على حبها ليك المفروض كنا جبنا الصور تشوفها والا تشوف كمية الغل الا كانت فيها البنت من ناحية مريم دى كانت عايزا تسقطها
حسن : بصى انا مش ببرر وعارف كويس قوى الصور الا بتتكلمى عنها واتاخدت ازاى رغم انها فى الحقيقه عكس كدا تماما ومريم انا صونتها فى غيابها وفى وجودها زى ما هى بتصونى بالظبط ومش ها أقبل منها شك فيا لانى بخاف اغضب ربنا قبل اى شئ
مريم : انا مشكتش فيك انا زعلت قوى وحسيت بالغيره عليك لمجرد بس ان واحده غيرى يبقى ليها مكانه عندك فى غيابى عنك
حسن بعتاب : امال ايه الكلام الا قولتيه دا ...... زعلنى قوى يا مريم
نسر : الكلام دا ليك أنت وهى ..... مهما تزعلووو من بعض ميباقش الحساب وقتى لان الخلاف بينكم ها يكبر ووبردو مش قدام حد لانكو ها تواجهووو كتير وماينفعش يبقى فى تالت بينكم ..... والثقه اثاث نجاااح أى علاقه ..... وحبكم الصادق هو الا ها يخلق الاعذار والالفه بينكم عشان تستمروووو فاهمين ..... وكمان مفيش وقت للتهريج بتاعكو دا فى عيلين ربنا يحميهم فى البيت وفى اتنين جاين فى السكه ان شاء الله بالسلامه .... لازم يشوفو التفاهم بينكم ويبعدو تماما عن العصبيه والخلافات عشان تطلع أطفال سويه بتحترم العيله والعلاقات ..... فاهمين
حسن ومريم بصوووو لبعض نظره طويله كلها معانى كتير وحب بجد ...... فاهمين

جورى : كلامك حلووو يا عموووو
نسر : اتعلمى انتى كمان الكلام دا ها ينفعك
خالد : ايوا اتعلمى ياختى عشان متطلعيش عين الواد
جورى : هو انت مركز معايا ليه يا اخ
خالد بصوت هامس : جاتك خوت ... المفروض اركز مع مريم وحسن وابقى حشرى
حسن : ازاى انت كلك ذوق يا صاحبى
خالد : سامعه
جورى : ابتسمت وسكتت
التعلب : ياله يا شباب
حسن : قومى يا مريم
مريم : مش قادره
حسن شالها : ونزل بيها
وكلهم نزلو ........
*************
حمزه ومصطفى ومحى جاتلهم الاخباريه وواقفين مسنين عل ناررر وصولهم بالسلامه ........
حمزه : شاف حسن شايل مريم جرى عليها هووو ومصطفى ومحى ...
حمزه : مالها يا حسن
حسن : تعبانه شويه
مصطفى : حمدالله على السلامه
مريم : الله يسلمكووو
محى : مبروك رجعوكم بالسلامه يا رجاله
كلهم : شكرا يا فندم
محى : حمدالله على السلامه يا بنات
جورى ومريم الله يسلمك
جورى : حاسه بجو جديد ومختلف وناااس تخض بجد اول مره تشفهم عن قرب ...وقفتهم ....كلامهم .... قربهم من بعض ..... حتى خوفهم على بعض .... وفى نفس الوقت قلوب جامده وميته مش بيخافووو ابدا ... ميكس كل حاجه وعكسها .....
خالد : هااااى وصلتى فين
جورى : قربت منه على فكره انت رخم جدا
خالد : بجد شايفنى رخم
جورى : بعد اذنك اروح أطمن أمى عليا الا مش بعيد تكون ماتت من قلقاها عليا
خالد : طيب ممكن أوصلك ومش ها اتراخم يا ستى
جورى : شكرا كفايه تعابكم معانا لحد كدا بعد اذنك ومشيت راحت لمريم .....
مريم : ياله يا جورى عشان تروحى معانا بس ها نروح للدكتور الاول اطمن أصلى حاسه بمغص مش عايز يقف
جورى : طبعا ها اجى اطمن عليكى دا بعد اذن الاستاذ حسن
حسن : من غير أستاذ حسن بس وانتى مرحب بيكى فى اى وقت معانا كفايه جدعنتك مع مراتى
جورى : شكرا طيب ممكن تليفون أكلم أمى أطمنها عليا
حسن : طبعا اتفضلى
جورى بتتصل : ايوا يا حبيبتى
توحيده بدموع وفرحه : جورى بنتى انتى جورى
جورى : ايوا يا ماما انا
توحيده : انتى فين يا بنتى ومين الا خاطفك دا
جورى بأنكار : خطف ايه بس يا ماما انا كويسه انا اسفه والله يا ماما حصلت ظروف لما أجى ها أقولهالك ماشى يا ست الكل
توحيده براحه ؛ ماشى يا بنتى وقفلت وهى بتحمد ربنا ان بنتها بخير
خالد : انا وراك بالعربيه يا حسن وبكرا ان شاء الله ها نرجع كلنا عشان فى شوية حاجات كدا لازم يتكلمو مع مريم والانسه جورى فيها ...
حسن : خلاص ماشى بس أطمن عليها بلغتهم فى البيت زى قلتلك
خالد : كله تمام
حسن : تسلم وركبووو وبدئو يمشووو كلهم
**************
محمود : الحمد لله أطمنتى يا صفيه
صفيه مش ها أطمن غير لما تبقى قصاد عينى
كارما : ها نشوفها يا طنط هانت
ندى : الحمد لله
داليا : حمدالله على سلامتها
صفيه : الله يسلمك يا حبيبتى
أحمد وابراهيم ويزيد : حمدالله على سلامتها يا محمود
محمود : الله يسلمكم
يزيد : قدامهم اد ايه
محمود : جاين فى الطريق ماعرفش والله قدامهم اد ايه
وجميعهم برغم تأخر الوقت ظلوووو منتظرين
حتى وصولهم بالسلامه
حسن : داخل وشايل مريم بين ايديه ومعاهم اتنين ..... مش معروفين بالنسبه لهم بس البنت عرفووو ان هى الا كانت مع مريم .....أما الشاب فا من هيئتنه فهمووو انه زميل حسن فى شغله .......
محمود : اتفضلى يابنتى اتفضل يا ابنى .... ودخلووو كلهم ورا حسن
صفيه : قامت خدت مريم فى حضنهااا فيكى حاجه يا مريم طمنينى يابنتى
مريم : مفيش ياماما انا كويسه الحمد لله .... وبعد إطمئنان وسلامات من الجميع غادر يزيد وابراهيم وأحمد ومعاهم ندى وكارما وداليااااا ..... واتبقى خالد وجورى
خالد : حسن فين القطاقيط الا اتولدت على ايدى
حسن : 😂😂😂 اتولدو على ايدك اتاريهم
خالد : ايه لم نفسك وهاتهم البت قاعده ما تشردناااش قدامها
حسن : بيغمز له عد الجمايل انا ها أمسك لسانى أهوووو وراح جاب ريناد وزياد من جدتهم جوا وهو بيبوس فيهم وبيحضنهم .....
خالد : هات ياخى كلت العيال جاتك القرف
حسن : 😂😂😂😂 واحشنى ياله مبشبعش منهم
جورى : ماشاء الله دول ولادكم
زياد : بيبص لجورى وعمال يضحك لها
خالد : ابنك بيعلق من وهو فى اللفه
حسن : طالعلك مولود على ايدك
خالد : حبيب خالوووو تعالى ..... وجورى شايله ريناد ومبسوطه قوووى بيها وزياد بيشاغلها من بعيد وهو واخته مش مبطلين ضحك ...... وخالد وجورى بيضحكو على ضحكهم ومبسوطين جدا معاهم
جورى : انا لازم استأذن يا اس
حسن : ايه من غير استاذ
جورى : حسن
حسن : مش ها ينفع تمشى فى وقت متاخر كدا انا ها اوصلك ودا ثانيا اما اولا لازم تاكلى حاجه معانا انتى ومريم ماكلتوووش حاجه ورفضتو نجيب لكم أكل من برا
جورى : معلش مره تانيه لان ماما تعبانه جدا وطبعا قلقانه عليا قوى .....
صفيه خرجت : معلش يا بنتى اتلهيت فى مريم تعالى يا حبيبتى فى حضنى وحضنتها حمدالله على سلامتكوووو وجورى مبسوطه من طيبتها وتلقائيتها الا مش موجوده فى نااااس كتيرررر ومحمود ادخلى يابنتى عند مريم جوا ...
حسن : اتصرفى يا صفصف عايزا تمشى من غير أكل
صفيه: حاضنها بايديها تعالى معايا حد يجى عند صفيه و ما ياكلش من ايديها ..... وجورى اتحرجت ودخلت معاها عند مريم جوا ......
محمود : مش تعرفنا على صاحبك يا حسن
حسن : 😂😂😂😂 دا اللهمو الخفى يا حج ملوش شكل ما أنت عارفه
محمود : عيب يا حسن .... جايز شفتك ونسيتك يابنى اعذرنى
خالد : لا يا حج انت اول مره تشفنى كدا أصلى ساعات بغير شكلى انت عارف بقى شغلى .... انا الا كنت معاااك يوم ولادة مريم . .
محمود : والله صحيح دانت مش أنت يابنى
حسن : 😂😂😂
خالد : خليها فى سرك بقى يا حج
محمود : سركم متصان متقلقش .... ربنا معاكم ويحفظكم ...
خالد و حسن : أمين يارب .....
صفيه : ياله يا حج هات الولاد وتعالى عشان تاكلوووو لقمه وانا والبنات ها ناكل جوا عشان مريم مش ها تقدر تقوم ....
محمود : ياله يا شباب وقاموووو وخلصوووو أكل .... وجورى استأذنت عشان تمشى وخالد أصر هو الا يوصلها كدا كدا هو نازل
*************
خالد : اتفضلى اركبى
جورى : شكرا وركبت وهى ماسكه شنطنتها وحاجتها الا محمود أستلمها من القسم مع حاجت مريم وادهالها
خالد : ساكنه فين
جورى : فى ......
خالد : دى منطقه شعبيه صح
جورى : ايوا
خالد : انتى مش ها تفكى بقى ها تفضلى واخده موقف كدا كتير
جورى : ابدا مفيش حاجه والله
خالد ؛ يعنى فكينا
جورى : انا متشكره لحضرتك جدا على الا عملته انت وحسن عشانى انا ومريم
خالد : ايه حضرتك دى بقى انا خالد وبس ممكن
جورى : ببسمه ممكن
خالد : ودا واجبنا والا المفروض نعمله مع أى حد ....
جورى : ودا بردو ما يمنعنيش انى أشكرك
خالد : ماشى يا ستى قوليلى بقى خلصتى تعليم والا لسا
جورى : مخلصه بقالى 3 سنين تجاره انجلش
خالد : اه بتعملى ايه من ساعة ما خلصتى
جورى : بشتغل 😂😂 جارسونه هو دا الا انا بعمله وباهتم بأمى عشان تعبانه
خالد : بتضحكى عشان بتشتغلى جارسونه
جورى : انت شايفها مش مضحكه 3سنين بدور على شغل ليا نفس مجالى ولا شركه ولا بنك ولا شغل حكومى ... ساعات بلوم أمى واقول لها ماكنش لازم تحرمى نفسك وتيجى على راحتك عشان توفرى القرش الا ها تعلمينى بيه وانتى كلك أمل انى ابقى حاجه ...... ويبقى معايا شهاده مبقاااش جاهله زيها ......
خالد : انتى ثايره على أمك والبلد وحالك كدا ليه
جورى : أنت شايف ان اى إن كان تعليمك الا بقي الاهالى بيصرفووو على اولادهم دم قلبهم عشان يقدرو يعيشو حياه كويسه بعد كدا من الطبيعى ان دا يبقى مصيرنا ...... الا هو الكوسه ... والا هوووو معاك فلوس ها تشتغل مش معاااك اتركن على الرف العب بعيد يعنى
خالد : بصى معاكى حق تزعلى وتبقى شايله جواكى لان من حق كل واحد يعيش حياه على الاقل كويسه ومرتاح ما يفضلش طول الوقت شايل هم كل حاجه .... بس انتى عارفه ان ظروف البلد مش ها تتعدل بين يوم وليله وعشان تبقى زى ما بتحلمى لازم يبقى فى مشاركه حقيقيه من الكل . لاننا كلنا سبب أساسى فى الا بيحصل ... ( لا يغير الله بقوم حتى يغيرو ما بأنفسهم ) كلنا غلط وكله عايز يمشى الدنيا على هوووواه ....... وانتى لو ما شغلتيش دماغك واستسلمتى لوضعك ها تفضلى ناقمه على حياتك كلها طول عمرك ومهما ربنا رزقك مش ها ترضى ابدا با إلا فى ايدك
جورى : انا الحمد لله راضيه وعمرى ما بصيت لغيرى ولا الا أحسن منى انا زعلانه على أمى وعلى وضع ناااس كتير زيى بيزيدو مش بيقلو ... قول انا بنت ومسيرى اتجوز وابقى مسؤوله من واحد .... رغم انى ما بحبش أستنى حد يصرف عليا بس دا أمر مسلم بيه انما شاب زيك كدا الا المفروض ها يبقى هو الا مسؤول عن بيت واسره دا لوقدر يعنى يفتحه أصلا .....
خالد : ربنا يعدلها يا جورى ما تشغليش بالك بكل الا حواليكى خليكى فى نفسك .....وبضحك لا بعد كدا الاقيى انضمتى لداعش وبتحاريى فينا
جورى : 😂😂😂😂 أخرتى داعش .... انا مش عاجبنى الاوضاااع اه بس بعشق البلد دى ولا يمكن فى يوم ها ابقى ضدها ابدا .... فى فرق انى ابقى ضد أوضاع تعبتنا وبين انى ابقى ضد بلدى الا يوم ما تنحنى او تتكسر ... ها ننكسر كلنا معاها ... وها نتباع بالرخيص
خالد : ايوا كدا خليكى وسطيه فى تفكيرك عشان محدش يأثر عليكى ويستغل وضعك او حاجتك
جورى : ببسمه ان شاء الله .... ممكن تدخل من هنا
خالد : دخل بيها لحد البيت ونزل سلم على مامتها والجيران الا قاعدين معاها لحد ما بنتها ترجع من ساعة ما الشرطه كانت موجوده
توحيده : ادخل يا بنى
خالد : دخل عشان الناس الا قاعده مش كل واحد يفكر على مزاجه
جورى : ماما عامله ايه يا حبيبتى
أم عباااس جارتهم : مين الا خاطفك يا جورى يا بنتى وعملو فيكى ايه ومين دا
خالد : الانسه جورى كويسه الحمد لله مفهاااش اى حاجه
والحمد لله الموضوع كله كان سوء تفاهم مش أكتر ورجعت بالسلامه
فتحيه جارتهم : سوء تفاهم ازاى يعنى
خالد : الانسه كانت راكبه مع واحده صاحبتها بينها وبين جوزها شوية خلافات وكانت منهاره والست حامل فا بنتكم مشكوره ما حبتش تسيبها عشان كانت متهوره شويه وخافت تعمل فى نفسها حاجه وتليفون الانسه وقع منها وماعرفتش تكلم حد يطمنكوووو بس دى كل الحكايه
توحيده : مين دى يا بنتى اهلها بيقولو ما يعرفونش والا انا اعرفهم
جورى : دى واحده من زباين المطعم الا شغاله فيه قابلتنى الصبح ولما لقتها كدا ركبت معاها
ام عباااس : وانت مين يابنى
خالد بجديه : انا الظابط المكلف بالبحث عنهم ولما عثرنا عليهم رجعنا المدام بيتها وبوصل الانسه عشان الوقت متاخر .... وقام وياريت يا انسه تشرفينا بكرا عشان نقفل المحضر ..... بعد اذنكم
توحيده : استنى يابنى نضايفك عيب كدا
خالد : وقت تانى يا حجه ان شاء الله


تعليقات



حجم الخط
+
16
-
تباعد السطور
+
2
-
close