أخر الاخبار

رواية مريم وحسن عندما يعشق الفدائي الفصل الثاني 2 بقلم لولو طارق

رواية مريم وحسن عندما يعشق الفدائي الفصل الثاني 2 بقلم لولو طارق


دخلت مريم البيت بعد ما رجعت من الكليه
مريم : السلام عليكم
أدهم : وعليكم السلام ورحمة الله وبركاته حمد الله على السلامه
مريم : الله يسلمك وبتبص بعنيها يمين وشمال .. ماما فين
ادهم : نزلت تشترى طلبات للاكل انتى عارفه عايزا تعمل لأبوكى وليمه تستقبله بيها بكرا
مريم : انت ها تقولى وانا أدبس وبتقلد امها.. مش دا ابوكى حبيبك يا مريم طيب ماهو جوزك يا سعاد لا حبيبتى لازم يجى بلاقينى منوره فى عيونه وقمر 14 مش تعبانه وريحتى كلها أكل
ادهم : هههههههه انتى الا بتدفعى الضريبه أستحملى بقى
مريم : بقولك ايه يا ادهم ما تقنع بابا نفضل هنا عشان خاطرى
ادهم ؛ انا دا انا نفسى اسافر انهارده قبل بكرا ها أقعد أعمل ايه هنا ازود عدد القهاوى واحد انا ماصدقت انتى خلصتى دراسه عشان نعرف نسافر انتى بتحلمى
مريم : كدا يعنى مفيش منك أمل
ادهم : لا أمل ولا سيد ابعدى عنى
مريم ضربته بهزار روح ياخى مفيش منك منفعه
ادهم : ولا الهوا .. اتكلى
**********
صفيه : جد يا حج والله ابنك موافق وقالى كمان تكتب عليها بالتوكيل العام الا معاك لانه مش ها يقدر يرجع دلوقتى خالص
محمود : والله فكره اصل كل ما يشوف واحده يطلع القطط الفاطسه فيها بس تفتكرى ها تعجبه يا صفيه البت مربربه وابنك ما بيحبش التخان قال ايه عايز مزه انا مش عارف الواد جراله ايه وايه مزه دى كمان الا ماسكها على لسانه جيل اخر زمن
صفيه : لما يعاشرها ها يحبها مش كل حاجه الجسم يا حج منا تخينه أهو وحشه فى عينك ولا حاجه
محمود : انتى الخير والبركه انتى لو اد كدا مرتين ها احبك بردو يا صفيه
صفيه : ههههههه مش عارفه الواد مش طالعلك ليه يا حج
محمود : ما بيفهمش فى الحريم سيبك منه ها نروح للجماعه لما ابوهم يوصل بالسلامه
صفيه : على بركه الله
********
مر أسبوع الجحيم بعد تدريبات شاقه
مصطفى : حسن تعالى نروح على الخيمه نريح شويه
حسن : تعالى ياله دا أخر يوم ليهم خلاص الحمد لله العيال كلها تمام وأستحملت وعدت الا جاى عليهم أسهل بكتير هما كدا تمام
مصطفى : ايوا الحمد لله امك عملت ايه فى العروسه وبيغمز له أكيد مزه خلاص ها تودع العزوبيه
حسن : قول يارب وخليك فى حالك دى ها تبقى مراتى فاهم
مصطفى : فاهم ياعم بس لو طلعت حلوه ها أخلى امك تجوزنى
حسن : انت راشق فى اى حاجه
مصطفى : الصراحه اه راشق .. يعنى الحجه صفصف العسل مش ها تنقى حاجه وحشه
حسن ضربه بهزار : بتعاكس امى كمان
مصطفى بيضحك : زى امى ياجدع طيب ياريتها موجوده ولو جبتلى موميا اتجوزها ها اتجوزها
حسن خبطه على كتفه : خلاص ياعم امى وامك الله يرحمها واحد يا جدع .. لازم اخليها تظبطك
مصطفى : هى دى الاخوه يا جدعان وبيضحكو مع بعص
*********
محمود: جاهزه يا صفيه انا بعت خبر للجماعه وهما مستنينا
صفيه : جاهزه يا حج وخرجو مع بعض وصلو بيت مريم وبيرنو الجرس
سعاد : افتح الباب يا أدهم
أدهم : حاضر وفتح أهلا أتفضل
عماد : خرج لأستقبالهم أهلا أتفضل يا حج محمود انت والحجه صفيه
محمود : حمد الله على السلامه يا راجل والله ليك وحشه
عماد : الله يسلمك انتو اكتر والله
صفيه : حمد الله على السلامه
عماد : الله يسلمك
سعاد نورتونا والله
صفيه : دا نورك يا حبيبتى وقعدو مع بعض اتكلمو شويه .. وبعدين محمود اتكلم فى الموضوع
محمود : أنا جاى لك وطالب ايد بنتك لأبنى حسن
عماد : هو مجاش معاك ليه يا حج
محمود : والله انت عارف ظروف شغل الظباط بتوع الجيش وهو مش قاعد هنا ومش ها يقدر ينزل قبل شهرين وعرفت انك ها تسافر انت والعيله الكريمه فا طلب أجى اتقدم بالنيابه عنه
عماد : ما شاء الله حسن بقى ظابط بص انا مش ها أخبى عليك موضوع الجواز بالذات فى ايد بنتى يعنى هى لو موافقه انا معنديش مانع وكمان احنا ها نسافر بعد شهر ومش ها ينفع أقعد يوم واحد تانى لظروف شغلى بردو
محمود : انا عارف كل حاجه عروستنا لو وافقت وانت وافقت ابنى عاملى توكيل عام ها اكتب عليها بالتوكيل لحد ما هو يرجع وانتو تبقو مطمنين عليها معايا احنا ها نبقى أهلها والله يا محمود يا اخويااا دى ها تبقى بنتى
عماد : عارف و والله يا حج محمود انت سمعتك زى الجنيه الدهب وأكيد ابنك ما يتخيرش عنك
صفيه : طيب نادى العروسه تشوف صورة عريسها واحنا نسلم عليها ونشوفها وابقى ردو علينا على مهلكم
سعاد : عنيه يا حبيبتى وبتنادى على مريم الا اتصدمت من كل الكلام الا سمعته وفرحت ان دى فرصه مش ها تخليها تسافر وهى أصلا معجبه بحسن الا شافته كذا مره بس هو عمره ما خد باله منها وبتكلم نفسها .. لا كدا ادام باعت أهله يبقى هو كمان شافنى ومعجب بيا
مريم : بكسوف نعم يا ماما
سعاد : تعالى سلمى يا حبيبتى على عمك محمود وطنط صفيه
مريم : أهلا يا عمو
محمود : بسم الله ماشاء الله ربنا يجعلك من نصيب ابنى
مريم : أهلا يا طنط
صفيه : تعالى فى حضنى يا عروسة ابنى ان شاء الله
عماد : هههههه شكلك مستعجله قوى يا حجه مش لما نعرف رأيها
صفيه : ان شاء الله ها توافق انا قلبى حاسس بالراحه والوفاء وبترفع ايديها والله من زمان
سعاد : ربنا يقدم الا فيه الخير
محمود : يارب نسيبكو احنا بقى ودى صورة حسن ابنى اتفضل يا عماد
عماد : لا لازم تتغدو معانا كدا عيبه فى حقنا انا سافرى برت ما نسانيش الاصول ياحج محمود
محمود : انت ابن أصول عشان كدا عايزين نناسبك معلش أعفينى بقى بالاذن
عماد : يومين ان شاء الله وها ارد عليك فى طلبك
محمود : وانا مستنى عشان ابلغ ابنى
************
كارما صديقه مريم المقربه فتاه مرحه بجسد متناسق محبه للحياه وحيدة ملهاش أخوات والدها صاحب شركة عقارات ووالدتها صاحبة مركز تجميل كبير
**********
كارما : بابا ايدك عل 5 تلاف جنيه
يزيد : نعم ليه ان شاء الله
كارما : العربيه بتاعتى عايزا تتصلح ولازم أعملها ما بعرفش أمشى من غيرها
يزيد : بس كدا ولا يهمك يا ستى العربيه ها تتصلح انهارده والفلوس خديها أعملى أحلى شوبنج
كارما : حبيبى وربنا ايدك بقى قبل ما ترجع فى كلامك
يزيد : ههههه امتى رجعت فى كلامى يا بت انتى
كارما : دا انا الا ها ارجع فى كلامى ركز يا باشا ما تبقاش حمقى
يزيد : باشا وحمقى صبرنى يارب خدى قبل ما اغير رأى فعلا
كارما : ياخد عدوينك يا جميل
يزيد : بتفكير هى دى بنتى ممكن تكون أتغيرت فى المستشفى لا لا هى بنتى شبه امها الخالق الناطق
*********
سعاد : دخلت الاوضه على مريم ها يا ست مريم ايه رايك فى الكلام دا
مريم ؛ بتبص لمامتها ومبتسمه
سعاد : شكلك موافقه
عماد : دخل لها وقعد جمبها وحضنها بأيده وبيبوسها من خدها كبرتى يا مريم وبيجيلك عرسان
مريم : .......
عماد : بخبث انا بقول تسافرى معانا بلا جواز وشيل مسؤوليه وهم
مريم : بتسرع لا يا بابا انا موافقه
سعاد وعماد : هههههههه وعامله فيها مكسوفه
عماد : بس هو مش ها يحضر يا مريم واكيد مش ها يعملو فرح وها يبقى جواز على طول
مريم : مش مهم الشكليات دى يابابا انا مرتاحه ودا المهم
سعاد : ربنا يسعدك يا حبيبتى واكيد ها ننزل نشوفك ونطمن عليكى
عماد : هو انا عندى كام مريم لازم أشوفها واطمن عليها واهو كمان النت بيقرب البعيد
مريم : ان شاء الله يابابا انا ها أكلمكو كل يوم عل الفيس
سعاد : شوف البت دى مستعجله بقى
عماد : تستعجل انتى مش شايفه العريس عامل ازاى بس بنتى قمر حبيبتى ها توحشينى قوى يا مريم
مريم : حضنت بابها قوى وانتو كمان والله كان نفسى كلنا نبقى مع بعض هنا
***********
حسن : تمام يا فندم
قائد المجموعه : اتفضل يا حسن احنا ان شاء الله بكرا ها ندربهم على قفز المظالات ولازم تأهلهم لدا عشان مفيش تراجع ولا خوف
حسن : علم وينفذ يا فندم
قائد المجموعه : اتفضل أنت واى جديد ها أبلغك
حسن : تمام يا فندم وانصرف من أمامه
مصطفى : هاه بكرا قفز ولا سباحه
حسن : قفز
مصطفى : تمام ها اروح ابلغ الشباب بالوضع ها يكون ازاى
حسن : انا جاى معاك ياله
حسن : عاملين ايه يا شباب
المجندين حديثا وتحت التدريبات لتهيئتهم ضباط لفرقة السيل
تمام يا فندم
حسن : طبعا انتو اثبتو انكو رجاله يعتمد عليها بس كنت عايز اقول لكم ان دى بداية الطريق ليكم كلكم عايزين منافسه واراده تقولو بيها للعالم كله اننا موجودين واكفاء ضباط ها تخرج من هنا ان شاء الله بكرا تجربه جديده ها تعيشوها مع بعض وهى القفز الحر مفيش مكان للخوف جوا قلوبنا الخوف بيموت نجاحك كا ضابط وبيكتب بداية فشلك سامعين
المجندين : سامعين يا فندم
مصطفى : كدا تمام انا ها ازود على كلام الرائد حسن كلمتين خلى هدفك هو الحافز الوحيد لنجاحك عشان تقدر توصله بسهوله حبك لبلدك خليه هو الدافع الأكبر فى حياتك بعيد عن اى مصالح انت موجود هنا جندى فدائى مش شكل ومنظر وبس كل يوم ها تعرف قصص لابطال قبلكم .. ناس منهم استشهدت وناااس كملت وخدت حقهم .. الاتنين سطرو التاريخ بسطور من دهب فى حب الوطن دا والدفاع عنه عشان فى الدفاع عنه مفيش فرق بينك انت كا ظابط وبين رتبه اعلى منك وبين المجند كلنا هنا ايد واحده وقويه الكلام دا ها يبقى منهج لحياتك الجديده وبصوت عالى تمام يا ابطال
الفرقه : تمام يا فندم
مصطفى : إنصراف
جميعم : تمام يا فندم وانصرفو





تعليقات



حجم الخط
+
16
-
تباعد السطور
+
2
-
close