رواية عريس نصف عمر حصرية وكاملة بقلم حنان حسن
لما هند قلعت هدومها وقالتلي تعالي
كانت دي المره الاولي
الي بشوف فيها حد بدون ملابس نهائي
والكلام دا كان في ليلة فرح اختي هند...
يومها هي الي نادت عليا...
وطلبت مني اني ادخل عندها في الحمام...
وكنت هخرج لما شوفتها عريانة
..لكن هي طلبت مني ادخل عشان ادعك لها ظهرها
فا دخلت...وفعلا ساعدتها تاخد الحمام بتاعها
وفضلت ابصلها...
كانت جميلة جدا...
وفرحانة جدا
معرفش علي ايه؟
واثناء ما كنت بغسل لها ظهرها...
في اللحظة دي
لقيتها بتقولي مازحة
ايوه كده يا بت يا مني
امرشيني
حلو...
...انا عايزة جسمي يتجلي ابهر العريس
عايزة ابقي قمر في عين عريسي
بصيتلها بخيبة امل
وسالتها...
قلت...علي ايه ده كلة؟
والنبي ما له اي لزمة الي انتي بتعملية ده
ردت هند
وسالتني
وقالت..تقصدي ايه يا فقر؟
قلت...انتي لسة مصممة علي الجوازة الهباب دي؟
ردت هند بزهق
وقالت...
ومالها بقي الجوازة يا مني؟
مهو عريس غني
وعنده فلوس بالكوم
قلت...ايوه بس
الخاطبة بتقول ...
انه مريض...
وحالتة الصحية
هتخليكم قاعدين مع بعض
زي الاخوات
وواضح كده ...
انه محتاج ممرضة مش زوجة
بدليل ان
مفيش ولا واحدة
من السبع ستات الي اتجوزهم قبلك ...عمرت معاه
وكلهم هربوا بجلدهم
وسالتها
وقلت..
ليه يا هند تعيشي مع واحد عاجز ومريض؟
وتعجزي وانتي في عز شبابك؟
كل ده عشان شوية فلوس
في اللحظة دي
بصتلي هند بغضب
بعد ما شدت الليفة من ايدي
ولقيتها بتقولي..
انتي داخلة عندي الحمام
عشان تنكدي عليا في ليلة فرحي ؟
تصدقي انك بت نكد؟
وانا غلطانة اني سيبت بنات عمي
وطلبت منك انتي تساعديني
في حمام العروسة
ورمتني هند بنظرة غضب
وقالتلي
امشي يلا اخرجي بره
يا حقودة
انا مش عايزة منك مساعدة
فا بصيتلها بغضب
وقلت..
بقي عشان خايفة عليكي ابقي حقودة ؟
يا بنتي انا مش عايزاكي تقعي وقعة سودة مع
( عريس نص عمر)
بكره لما هتتجوزية وتعاني من الحرمان
هتلعني طمعك ...
والفلوس والدنيا كلها
وفي اللحظة دي
حسيت ان هند جابت اخرها
ولقيتها بدات تعايرني
وهي بتقولي
بلاش انتي بالذات يا مني تتنمري علي حد
انا ممكن اكون بختي قليل...
وجه من نصيبي عريس مريض
وقبلت اتجوزة ...
عشان فلوسة
بس انا مجبورة اني اتجوزة
يا مني
عارفة ليه مجبورة اني اتجوزة ؟
عشان مصحاش كل يوم الصبح علي صوت امك
وهي بتولول... وتقول هيقطعوا عننا المية والنور
عشان مش معانا فلوس ندفع...
وعارفة لية كمان ؟
عشان اوفرلكم ايجار الشقة المعفنة
الي مش عارفين ندفع ايجارها
وقربنا ننطرد منها
م الاخر
هتجوز واحد غني يا مني عشان اساعدكم واساعد نفسي
علي الاقل ... هدخل ابني حازم مدرسة
واوفرلة عيشة ادمية زي الناس
بدل ما قلبي بيتقطع عليه لما بيقوم باليل
وبيقولي... جعان يا ماما
ومش بلاقي حاجة اديهالة ياكلها
ياستي انا بعترف اني مادية
مش مشكلة
مادية ....مادية
لكن... احسن ما ابقي قدمي نحس
علي الرجالة
وكل ما اتجوز راجل يموت
في اللحظة دي
فهمت ان هند بتعايرني بحظي الهباب...
فا قلت في نفسي
يلهوي..بتعايريني يا هند؟
هو ذنبي اني اتجوزت ثلاث مرات
والثلاثة يموتوا بعد الدخلة مباشرة
( في الصباحية)
ولقيتني حسيت بكلامها وتجريحها ليا
زي الي طعنوه
بخنجر في صدرة
وسيبتها وخرجت من الحمام
بدون ما ارد عليها
وجريت علي اوضتي الي كنت بنام فيها انا وهند
وانا بعيط
وبسال نفسي
لية هند بتعايرني بحاجة مليش ذنب فيها
هو كان بايدي يعني... انهم يموتوا؟
وفي اللحظة دي ...
قعدت في الاوضة...
وانفطرت من العياط
ودارت ادام عنيا ذكريات جوازاتي النحس
كلها في لحظة
وذكريات الظروف الي جبرتني علي الجواز
ولا زم احكيهالكم ...
عشان تعرفوا اد ايه انا اتظلمت
وعشان تعرفوا حكايتي لازم احكيلكم من الاول
بس الاول هعرفكم بنفسي
انا اسمي( مني)
السن ٣٠ سنة
ارملة..للمرة الثالثة
عايشة في حي شعبي في القاهرة
عندي اخت واحدة
وهي... هند
هند تبقي...
اختي الكبيرة
انا حاصلة علي مؤهل متوسط
وبالرغم من اني جميلة جدا...
وبيقولوا اني احلي بنت في العيلة
لكن حظي قليل...
ودلوقتي هحكيلكم حكايتي باختصار
انا فتحت عنيا علي الدنيا
لقيتني عايشة مع ابويا... وامي ... واختي هند
في بيت جدي
وبالرغم ان ابويا كان ساكن في بيت والدة
لكن كان بيدفع ايجار
زيه زي الغريب
وكان عايش معانا في بيت العيلة
عمي وزوجتة و وبناتة الثلاثة
ابويا كان علي باب الله
يعني شغلة كان ارزاقي ...
وعشان كدة
لما مات مكنش لينا معاش...
واتبهدلنا ...وجوعنا
انا ...وماما ...واختي..
وابنها
بعد موت بابا
فا اضطرت ماما تشتغل في البيوت ...
ويوم تلاقي شغل ....
ويوم ....لا
يعني يوم ناكل.... ويوم... لا
وطبعا الديون كترت علينا
للبقال...
وللايجار ...والمية ...والنور وخلافة
وانا اضطريت اني اقبل
اول عريس يتقدملي
عشان اخفف الحمل عن امي
وهند كمان عملت كده
بس هند وقعها نصيبها...
في راجل مدمن ...وسكري... وبتاع حريم ..
وكان ديما بيضربها
م الاخر
كانت شخصيتة زبالة
وشافت الويل معاه ...
ولما اتسجن طلقت نفسها منه
لكن...
بعدما جابت منه ابنها حازم
المهم...
نرجع لقصتي انا
انا ...عشان كنت جميلة
اتقدملي عريس وانا صغيرة اوي
كان جارنا...
لكن للاسف
ملحقتش افرح بجواز ...
ولا يحزنون
لان ...تاني يوم
في صباحيتي..
دخلت الحمام ...وخرجت اقابل الناس
الي جايين يهنوني ... بالصباحية
وبعدما شربوا الشاي سالوني
فين العريس؟
فا دخلت انادي عليه
لقيتة مات
وساعتها رضيت بنصيبي
وقلت... قدر
وبعدها بفترة
اتقدملي عريس تاني
واتجوزت تاني
والكارثة ...
ان المشهد اتكرر تاني
ومات العريس
برضوا بنفس الطريقة
في الصباحية
وايامها بدات الناس تقول عليا اني قدمي اسود
علي العرسان...
واني بومة
وكلام يوجع ...ويحطم اي حد
فا قررت اني مش هتجوز تاني...
لكن ماما فضلت تتحايل عليا
لما اتقدملي عريس ثالث
كان قريبنا
وقالتلي...
انه بيحبني ...
ومش هامة كلام الناس عليا
ومش بيؤمن بالنحس... والتشاؤم اصلا
وبالفعل
قابلتة... وارتحتلة واتجوزتة..
وتاني يوم
في الصباحية حصل نفس السيناريوا
ومش هقدر اوصفلكم
صدمتي... وحالتي النفسية كانت عاملة ازاي
ده غير جلد كلام الناس ليا وهجومهم عليا
وكاني انا الي قتلت كل الي اتجوزتهم
ومن يومها
قررت اقفل عليا بابي...
واحبس نفسي
بعيد عن عيون الناس... والسنتهم
لكن دلوقتي هند اختي
هي الي بتعايرني
لكن ليه بتعايرني؟
....
انا مش اول واحدة
في عيلتنا
تفشل ...
ولا اجوازها يحصل لهم كده ...
مهي بنت عمي برضوا
زمان... قبل ما تموت
اتجوزت اربع مرات
وكل الي اتجوزتهم ماتوا ..
وبنت عمي التانية كل ما تتجوز واحد يطفش منها....
مفيش غير بنت عمي الثالثة
جوزها عايش
لكن عمال يهددها بالطلاق كل شوية
عشان هي مش بتخلف..
وهو نفسة في حتة عيل
يظهر انها لعنة علي عيلتنا
انا سمعت مره
ان في حد
عامل لبنات العيلة عمل بالدمار
ووقف الحال
وباين الكلام صح
لان جوازتنا بتنتهي... يا اما بالفشل
او.. بالموت ....او بالطلاق
ودلوقتي انا متدايقة
لان الست هند عايزة تكمل مسيرة الفشل ...
وتدخل جوازة جديدة
وطبعا جوازتها هيبقي محكوم عليها باللفشل
نظرا لظروف العريس الي شرحتها الخاطبة
وهند عارفة اصلا
اننا بننتسب لعيلة...ملعونة
عيلتنا اصابتها لعنة معرفش سببها ايه؟
لكن مؤكد في لعنة..
او شيئ خفي
بيتسبب لينا في الكوارث دي كلها
فا ليه هند تجازف وتحرز خيبة وندم جديد؟
ورجعت اقول لنفسى
لكن انا هحرق في دمي ليه؟
خليها تجرب
ولما تفشل
هتعرف انها غلطت
غلطة جديدة
وهتجلب علي نفسها مشاكل جديدة
واثناء ما كنت شاردة بذهني
سمعت صوت ماما
بيقولي...
مالك يا قلب امك؟
بتعيطي ليه؟
فا سالتها
قلت...لية يا ماما وافقتي تجوزي هند
لراجل مريض ؟ وعاجز؟
انتي مش عارفة انها كده هتعيش زوجة بالاسم فقط
و هتتعذب تاني؟
ردت ماما وهي بتاخدني في حضنها
وقالت..يا عبيطة افهمي
انا وافقت علي العريس مخصوص
عشان هو مريض زي ما الخاطبة قالتلي
بصيت لماما بدهشة
وسالتها؟
قلت..مش فاهمة؟
ردت ماما
وقالتلي...
اسلام راجل غني جدا ...وفي نفس الوقت مريض...
يعني يومين ويموت
واختك تورثة
ونطلع كلنا من الفقر ده
فهمتي؟
بصيت لماما بزهق
وقلت...
انتوا كلكم بتفكروا غلط
عموما...
اعملوا الي انتوا عايزينة
بس متبقوش تشتكوا من المشاكل
الي هتحصل بعد كده
فا ردت ماما
وقالتلي...
طيب بطلي تنبري فيها ....
و قومي البسي يا مني
عشان البت بتاعة الكوافيره جت تزوق اختك
وكلها ساعتين زمن
وهند تروح بيت جوزها الجديد
وياريت تفردي وشك ده
ادام الناس...
احنا في فرح مش في عزي
هزيت راسي
وقلت..حاضر
وبالفعل...
قومت لكن مروحتش اساعد الكوافيرة مع هند
ولا وصلت هند لعريسها...
ولا حتي حضرت الفرح
انا حسيت اني مخنوقة وخرجت امشي في الشوارع
ولما رجعت باليل
لقيت ماما بتقابلني بكم من الشتايم.... والتهزيق
فسالتها
قلت..
هي هند راحت بيت جوزهاخلاص؟
ردت ماما بغضب
وقالتلي..
ايوه يا جبانة...
يلي اختفيتي وسيبتيني محتاسة لوحدي
في فرح اختك
وسالتني ماما بحزن
وقالت..
ازاي هان عليكي تسيبي
اختك
تروح لبيت عريسها
من غير ما تكوني جنبها
في ليلة زي دي ؟
وازاي قدرتي متحضريش فرحها؟
مفكرتيش ان الناس ممكن يفهموا
انك غيرانة من اختك ؟
قلت...انا اغير من اختي؟
ردت ماما بعصبية
وقالت..
طبعا... زمانهم بيقولوا
انك متحملتيش تشوفيها رايحة بيت جوزها الجديد
بعدما سمعت كلام ماما الي يسم البدن
فضلت واففة ابصلها لغاية ما خلصت كلامها
وبعدين
قلت...
الناس هتقول...
الناس هتعتب..
الناس هتلوم....
لغاية امتي
هعيش حياتي
حسب رغبة الناس... ورايهم... ومزاجهم؟
يا ماما انا بسبب كلام الناس
مت... وكبرت مية سنة ...
و مدفونة بالحيا دلوقتي
ردت ماما بغضب
وقالتلي...
سيبك من الكلام الاهبل ده
واعملي حسابك
انك هتيجي معايا الصبح لبيت اختك
عشان نباركلها هي و عريسها
لازم اهل العريس يعرفوا ان اختك ليها اهل مش مقطوعة
هزيت راسي
وقلت...حاضر
بس لو سمحتي يا ماما سيبيني
دلوقتي لاني عايزة انام
وبالفعل...
خرجت ماما وسابتني
ونمت .....
ولما صحيت الصبح
لبست... وروحت مع ماما بيت العريس...
طبعا انا مكنتش شوفت العريس قبل كده...
ولا شوفت حد من عيلتة ...
وحتي بيتة كمان اول مرة اشوفة
لان العريس مكلفش نفسة يجي عندنا...بحجة انه مريض
ووافق علي هند بمجرد ما
شاف صورتها...
وبعدها ...طلبت الخاطبة من ماما
ان كتب الكتاب ...والدخلة يكونوا في يوم واحد
وقد كان
يعني الموضوع حصل بسرعة جدا
المهم...
اول ما نزلنا من العربية لقيت
ماما بتقولي
البيت اهوه
بصيت ع البيت من بعيد
لقيتة ...بيت كبير ... في منطقة راقية
ومساحتة كبيرة...
وغمزتني ماما
وقالتلي...
لما ندخل متتكلميش كتير...
واظبطي هدومك كده قبل ما ندخل
عايزين نشرف اختك ادام اهل جوزها
بصيتلها بكسرة
وقلت..حاضر
وبالفعل دخلنا للبيت
ولما دخلنا انا وماما
للبيت من جوه
بصيت حواليا لقيت البيت شيك جدا في تصميمة
و الاثاث بتاعة كان فخم
ويبان عليه بيت ناس اغنية
فعلا
لكن...
كان الجو العام كئيب ومقبض
المهم دخلنا.... قعدنا في الصالون..
وشوية وقابلتنا ام العريس
كان واضح من لبسها
العز... والثراء
وكان باين من مشيتها ...وحركاتها...
برضوا العظمة... ولكبرياء
واول ما...
ماما شافت ام العريس جاية علينا
ابتسمت لها
وراحت عشان تحضنها
لكن ام العريس...
بعدتها بايديها ...
وكانها بتقولها...
هنكتفي بالسلام بالايد فقط
في اللحظة دي
انا حسيت ان دمي اتحرق
لان كان باين من تعامل ام العريس معانا انها بتتعامل بكبرياء... وعجرفة
وواضح جدا انها بتحتقرنا ...
وبتعاملنا من فوق اوي
بصراحة كرامتي نئحت عليا
وبدات استعد واسن اسناني وقررت...
احجم الولية المغرورة دي
واعرفها مقامها
عشان تتعلم تحترم ضيوفها
ولما ماما لاحظت عليا الغضب
غمزتلي ...
بطريقة انا فاهماها....
وكانها بتقولي...
حاولي تسيطري علي اعصابك
واتعاملي علي اننا عندنا مامورية وهنخلصها ونمشي
بدون ما نعمل لاختك مشاكل
وغطت امي علي الموقف المحرج بسرعة
وسالت ام العريس
قائلة...
ايه هما العرسان لسة نيمين
ولا ايه؟
فا بصت ام العريس بوجهها الجامد...
الخالي من اي ابتسامة للخادمة
وقالت...
روحي قولي للعروسة ان اهلها منتظرينها تحت
وبالفعل...
راحت الخادمة تنفذ الي طلبتة منها ام العريس
وفضلنا انا وماما نبص لبعض
واحنا منتظرين نزول هند لينا
ولما الوقفة طالت
حبت ماما تلهي نفسها باي حاجة
فسالت عن مكان المطبخ
عشان تدخل الشنط الي احنا كنا جيبينها لهند
فشاورت ام العريس لماما علي اتجاه المطبخ
وفضلت ماما تدخل الشنط
والحاجات الي جايباها لهند
للمطبخ
ولقيتني وقفت لوحدي مع ام العريس
وبصراحة...
كنت بعد الدقايق... والثواني
عشان اغور
من وش الولية دي
وكنت فاكره
ان هي كمان بتتمني اني اخفي من ادامها
لكن...
اتفاجئت بيها بتقرب مني
ولقيتها بتسالني
قالتلي..
انتي اخت العروسة؟
قلت...ايوه
ابتسمت ام العريس لاول مره
من ساعة ما دخلنا
وقالتلي...
اسمك ايه
قلت..اسمي مني
فا ردت ام العريس
وقالتلي..
انتي احلي كتير من هند
في اللحظة دي
حسيت من كلامها
انها بتقلل من شان هند...
وبتسخر من اختي
فا بصتلها بغيظ
وقلتلها...
هند اختي طول عمرها زي القمر
واحلي واحده فينا
فا هزت راسها تاني
وقالتلي...
بس انتي عاجباني
وانا شايفة انك احلي منها مليون مرة
واضافت ام العريس
قائلة
بصراحة...
انا لو كنت شوفتك قبل ما اسلام يتجوز
هند
كنت رشحتك انتي لابني
في اللحظة دي
حسيت ان الست دي
قاصدة انها تغلط في اختي
فا اتخنقت منها
وحاولت ادافع عن اختي
وقولتلها..
هند اختي اجمل وارق واشطر واحدة في الدنيا
وانا لو من العريس...
مفروض اصلي ركعتين شكر لان هند جت من نصيبة
ابتسمت تاني ام العريس
وكانت ناوية ترد عليا
لكن....قبل ما ام العريس ترد
علي كلامي
سمعت صوت الخادمة جاية علينا
وهي ..بتصرخ
وبتقول ...
الحقيني يا ست هانم
الحقيني..
مصيبة.... مصيبة
فا انتفضت ام العريس من مكانها
وسالت الخادمة
وقالت...
وقالت...في ايه؟
بتصرخي ليه؟
ومصيبة ايه الي بتقولي
عليها ؟
ردت الخادمة وهي بتبكي وصدمتنا بافظع خبر
عارفين الخادمة كانت بتصرخ ليه........؟
الثاني من هنا
