رواية حب بلا ثمن (مصعب وماسة) كامله
البارت الأول تعريف الشخصيات
مصعب الألفي : يبلغ من العمر 35 عام وسيم جدا ذو جسم رياضي يبرزه عضلات شخصية قوية جدا جدا صعب الطباع ولكنه مع زوجته شخصية تانية جدا فهو يعشقها ولا يرفض لها اي شئ..
أريج الألفي : أخت مصعب جميلة جدا تحب زميلها في الجامعة
رهف الألفي : الأخت التانية لمصعب وهي أيضا جميلة جدا وتعشق معتز صاحب مصعب
رائد الدالي :شاب غني جدا وسيم وشخصية قوية وجاد في تعاملاته صديق مصعب ولا يفترقوا ابدا يحب أريج جدا ولكنها لا تعلم..
معتز الصياد :الصديق التالت لمصعب وكدا اكتمال مثلث برمودا للأصدقاء الثالثة معتز شاب وسيم جدا ومرح ويحب المزاح
إسماعيل الألفي : والد مصعب شخصية قوية جدا ولكنه سلم كل المسئولية لمصعب حتي مشاكل أخواته البنات لأنه مريض قلب..وحلمه أن يري حفيد لمصعب..
ناهد :والدة مصعب انسان حنينة جدا وتعشق أولادها
فياض :الحارس الشخصي لمصعب شخصية قوية جدا وجاد في عمله كان ضابط في الداخليه قديما ولأنه استقال وأصبح يعمل حارس شخصي لمصعب لأنه يعزه جدا وهو كمان صديقهم الرابع
ماسة :البطلة جميلة جدا جدا تعمل في محل تصفيف شعر شهير تبلغ من العمر 25 عام
حياة :أخت البطلة جميلة جدا ورقيقة تبلغ من العمر 20 عام وتدرس في الجامعة..
علي السباعي : شاب وسيم يبلغ من العمر 35 عام وهو منافس لمصعب في العمل
في شخصيات تاني هتظهر مع سرد الرواية...
*************************
البارت الاولفى قصر الألفي كانت حالة من الهياج والتعصب عندما ألقي أسماعيل الألفي هذه الجملة علي مسمع مصعب..
-أسماعيل بنبرة أمرا : انت لازم تتجوز تاني يا مصعب أنا عايز أشوف حفيدي قبل ما أموت ده من حقي ، أنا عمها وهي مسئولة مني وبقولك أنا هعرف أقنعها كويس ديمة طيبة وبتحبك ومش هترفض ان يكون ليك طفل يشيل أسم العائلة..
= جز على أسنانه بغيظ وأصبحت عيونه قاتمة ف تلك المهاترات تصيبه بالجنون فكيف يتزوج علي معشقوته؟! فإذا حدث هذا سوف يخسرها كيف له أن يؤذيها ويتزوج عليها ؟!!!
=مصعب بهدوء ما قبل العاصفة :بابا الموضوع ده مفروغ منه أنا مش هتجوز علي زوجتي ، إستحالة ده يحصل ولو حضرتك عايز حفيد فعندك رهف وأريج لما يتجوزوا هيجبوا الحفيد اللي أنت عايزه إنما أنا لا ، أستحالة أتجوز وأذي مشاعر ديمة ، لتقع علي مسمعه الصدمة الكبري عندما دلفت ديمة و نطقت قائلة :بس أنا موافقة يا مصعب انك تتجوز..
حل الصمت بالمكان كله من هول الصدمة وهمهمت بين رهف واريج أستغربًا ممن نطقت بيه ديمه..
=ماذا؟!!!! أيعقل ما سمعه لتو؟!!! ماذا أصابها لتهتف بذلك التفواه المختل؟!!! لينطق أخيرًا بصدمة :موافقة!!!!! إذاي يعني؟!!! ثم نظر لأبيه بغضب : أكيد حضرتك غصبت عليه مش كدا؟!!
-أسماعيل : انا والله لسه متكلمتش معاها بس بنت أخويا طلعت عاقلة وبتحبك وعايزك تكون أب ملكش حجة بعد كدا..
-أسترسلت أمينة بحنية : أسمع الكلام يا مصعب الله يرضى عنك يا حبيبي..
=رمقها بغيظ وتكلم حتي يبين لها جدية الامر قائلاً بتوضيح :إنتِ اذاي موافقة يا ديمة؟! إنتِ عارفة يعني إيه أتجوز عليكِ يعني واحدة هتجي تشاركك فيا وطبعًا لازم أكون عادل ما بنكم وأديها حقوقها الشرعية ، ليعيد سؤاله من جديد :إنتِ فكرتي في الموضوع ده كويس ، ومن ثم أردف بغضب : أنا أستحالة أوفق علي الجنون ده وأستدار حتي يذهب وينهي تلك المهزلة ولكن وقع علي مسمعه الصدمة الثانية عندما نطقت تلك الكلمة
-ديمه بدموع وألم :يبقي تطلقني يا مصعب ..
وقف لحظات حتي يستوعب ماذا نطقت!!!!! أيعقل أن تطلب منه هذا الطلب؟!!!!ماذا حدث لها لماذا تضغط عليه بهذا الشكل ،أستدار يوجها وهو يقول بصدمة :ديمه إنتِ إذاي نطقتي الكلمة دي؟!!! ليدنو منها ويحتضنها بشدة أمام الجميع وهو يقول بحنان : أنا أستحالة أفرت فيكِ إنتِ روحي..
-رفعت رأسها قليلًا لتنظرت له وهي بين أحضانه تستعطفه وعيونها ملئ بالدموع والآلم :يبقي توافق يا حبيبي علي فكرة الجواز..
=إبتعدا عنها وهو في قمة الغضب وأردا معاقبتها ليقول بعصبية وهو متجهًا الي باب الڤيلا: خلاص يا ديمة اختاري إنتِ العروسة وأنا موافق طالما ده اللي هيريحك و يريحكم كلكم ، قال كلمته الأخيرة وهو يرزع باب القصر خلفه متجهًا الي شركته..
-ركضت ديمة علي غرفتها وارتمت علي الفراش وهي تبكي وتردف :انا آسفة يا حبيبي لازم أعمل كدا لازم واحدة تانية تدخل حياتك تحبها وتجيب منها طفل يحمل أسمك..
___________
في مكان اخر بالتحديد في شقة صغيرة متهالكة تسكن بطلة قصتنا ماسة مع والدتها المريضة وزوج والدتها الذي يكرهها هي وأختها حياة فهو شخصية واقحة عينه زائغة ينظر لهم نظرات لما بخيسة..
"في عرفتها"
كانت ترتدي حتي تذهب الي العمل فهي تعمل في بيوتي سنتر كبير يأتي له الشخصيات المعروفة والناس الأثرياء فقط وهذا ساعدها علي مصاريف أختها ف هي التي تصرف علي علاج ولادتها و أختها وأحيانا يأخذ منها ذلك البغيض المسمي بزوج والدتها النقود بالغصب..
=تأففت ماسة وهي تحاول إفاقة تلك النعاسة لتقول بحدة: قومي يا حياة بقي عايزة أنزل ومش عايزة أسيبك مع الحقير ده لوحدكم
-ردت الاخري بنعاس لتجاهد بفتح عيناها بصعوبة وهي تقول :طيب يا ماسة لسه بدري علي المحاضرات أروح أقعد فين كل ده؟!!!!!!
=ماسة بتأفف : يا بنتي أقعدي في كافتيرة الجامعة أو مع أصحابك المهم اني مش هينفع أسيبك لوحدك هنا إنتِ عارفة عينه زيغة وبيبص لينا اذاي
-أزحت الغطاء بصعوبة بالغة لتهتف بتأفف : منه لله ربنا يخلصنا منه ومن المكان ده كله بقي ، ده الواحد قرف أقسم بالله..
=رددت الاخري بتمني قائلة :يسمع منك يارب..
ليقوموا بإرتدوا ملابسهم ويخرجوا من الغرفة لكي يتناولوا وجبة الإفطار..
-سيد ببجاحة :معكيش فلوس يا ماسة
=يااااالله!!! متي سوف أتخلص منك ومن حماقتك لتقول بحنق : لا لسه مقبضش وبعدين ياريت تنزل تشتغل بدل ما تأخد من فلوس الولاية!!!!!!! انا هصرف علي علاج أمي و دراسة أختي بس ، لكن مش هصرف على الهباب اللي انت بتشربه ..
-سيد بعصبية : خلاص طالما انتِ مش قادرة تصرفِ على البيت يبقى أختك الحلوة دي تخرج من الجامعة و تشتغل هي كمان و تدخل البيت فلوس
=خبطت ماسة طاولة الطعام بغضب وأردفت بعصبية: ده بعدك عارف يعني ايه بعدك وأختي هتكمل تعلمها للاخر وانت مش هتقدر تعمل حاجه و لو على الفلوس اتفضل و فتحت حقيبتها وأخرجت بعض المال والقتها في وجهه وهي ترمقه بنظرات قاتلة..
-سيد بغضب : انت بتكلميني كدا ليه يا بت؟!!! اتكلمي معايا بأدب..
=ماسة : انا مؤدبه غصبن عن اي حد..
نظرت لها والدتها تستعطفها حتى تنهي هذا المشكله التي بينها و بين زوجها ..
- سيد بغضب وعصبية لوالدة ماسة : شايفه يا هانم بقى دي أخرتها بعد ما لمتكم من الشارع انت و بناتك ، بنتك بتعمل معي كده؟!!!!
-والدة ماسة بخوف : معلش يا أخويا حقك علي انا اعتذري يا ماسه لعمك سيد
=رمقتها ماسة بغيظ وهي تقول بتحدي :انا مغلطتش يا ماما ، ولكنها أحست بتعب امها فقررت أن تنهي هذه المشكلة الناشبة بينهم فاردفت بغيظ : متزعلش يا عم سيد حقك عليا ومن ثم نظرت لحياة وهي تقول بحنق :يلا يا حياة اخلصي
وقفت حياة وهي تلملم أشياءها وأخذت حقيبتها واردفت :خلصت أهو يلا
وذهبوا وكلًا منهم توجه الي وجهته
________
في شركة مصعب الألفي كان يدلف الي الشركة وهو غاضب من الحديث الذي دار قبل قدومه الي الشركة وكان كل من ينظره له يعرف أنه ثائر وكانوا يبتعدوا عنه قدر الإمكان ..وصل عند مكتب السكرتارية ثم اردف بغضب : متخليش حد يدخل عليا ولا تحوليلي أي زفت مكالمات واعمل لي فنجان قهوة بسرعة..
-هبت السكرتارية واقفة بخوف من منظر رئيسها لتقول بعملية :أمرك يا فندم..
=دلف مصعب الي مكتبه وجلس علي مقعده واسند رأسه علي رأس المقعد يهزه يمينا ويسارا وهو يفكر كيف لديمة أن تفكر هكذا هو لا يتخيل أن يعامل أي امرأة أخرى علي أساس أنها زوجته هو يعشق ديمه كثيرا ولا يتقبل هذا الموضوع نهاي
-فُتح باب المكتب فجأة
مصعب :مش قولت مش عايز زفت حد يدخل عليا ولكنه لم يكمل الجملة عندما وجد رائد ومعتز يدلفون اليه..
-معتز :ايه يا برنجي مالك الشركة كلها بتتكلم وتقول مصعب بيه جاي مش طايق نفسه..
-ليسترسل رائد قائلاً:مالك يا بُص إيه اللي مخليك في الحالة دي؟!!!!..
=تنهد مصعب وهو يرجع رأسه علي مقدمة المقعد من جديد ليقول بغيظ :ابويا ومراتي عايزني اتجوز واحدة تانية علشان اخلف..
-نظر رائد الي معتز بصدمة ثم ارجعوا نظرهم الي مصعب من جديد واردفوا قالين : ديمة عايزك تتجوز!!!!!! مستحييييل!!!!!.. مش ممكن!!!!
=مصعب بضيق :أهو ده اللي مجنيني ، لا وكمان هي اللي هتجبلي العروسة شوفتوا الهنا اللي انا فيه..
-رائد بتعجب : انا مش مصدق بقي ديمة توافق وكمان تجبلك العروسة!!!
-معتز وهو لا يقل صدمة عن رائد ليقول متعجبًا :اذاي!!!! دي بتموت في التراب اللي انت بتمشي عليه اذاي وافقت اصلا علي الفكرة من أساس؟!!!!!!!!..
=مصعب :انا كمان عايز أفهم زيكم؟!.. بس انا متأكد أنها لما تلقي الموضوع دخل في الجد هترجع في كلامها انا كدا رميت الكرة في ملاعبها وهشوف هي هتعمل ايه!!!!
-رائد :طب افرض فعلا جبتلك عروسة؟!
-معتز بمزاح : عادي يا رائد هيبقي زوج الاتنان.. ثم نظر لمصعب وأردف قالا بضحك : يابختك يا عم هتزهق من هنا تروح هنا
=مصعب بنصف إبتسامة:وماله ياخويا ، ثم أردف بجدية قائلاً خلينا نشوف شغلنا عملتوا ايه في الصفقه الجديدة؟
-رائد بعملية:كله تمام وهترسا علينا أن شاء الله
ليسترسل معتز بمزاحه المحبب :كل أصحاب الشركات هيتجننوا مننا يا معلم بيقولوا إن احنا مكتسحين السوق ومش سايبن أي حاجة ليهم
=مصعب بجدية : يتفلقوا طالما ماشين صح مش هيهمنا حد
، وهكذا أخذهما الحديث عن العمل ونسي مصعب قليلا ما كان يزعجه..
*************************
دلفت ماسة الي العمل وجدت صديقتها ريما وهي تستقبلها بمرح كالمعتاد لتتقدم منها ماسة وهي تقول بابتسامة بشوشة :صباح الخير يا ريمووو
-ريما بحب :صباح الخير يا قلبي.. ايه بس الحلاوة دي انت عاملة زي نجوم السينما ناقصك بس شوية لبس وتبقي احلي كمان
-ضحكت ماسة علي صديقتها ثم أردفت قائلة بمزاح : يابنتي ارحمني كل يوم تسمعني أم الاسطوانة دي؟!!!!!!
-ريما :يعني هو انا بكذب ما انت لو مش لابس الينفورم بتاع الشغل كان الكل هيفتكر انك واحدة من اللي بيجوا يعملوا شعرهم هنا..
-ماسة بعملية : طب يلا ياختي نشوف شغلنا بدل ما نترفد ولا مننا نطول نبقي من العاملين ولا الأثرياء اللي لحسوا دماغك
-لتخبط ريما رأسها متذكرة شئ :صحيح نسيت اقولك أن قدوتك جت وسائلت عليك
- عاقدت حاجبيها لتقول بتسأل : قصدك مين؟!
-ريما :حبيبتك اللي نفسك تتجوزي واحد زي جوزها ويحبك زي ما بيحبها
-ماسة بلهفة : قصدك ديمه هانم هي فين؟؟؟؟
-ريما وهي تشاور بيدها الي الاعلي:مستنيكي فوق..
-لتخبطها ماسة بخفة علي خلف رأسها وهي تقول بمزاح : وسايبني ارغي معاكي يا جزمة قالت كلامتها الأخيرة وركضت الي الأعلى فهي تحب ديمه جدا وكان تتمني ان تعيش قصة حب مثل قصة ديمة ومصعب..
-دلفت ماسة بابتسامة وهي تقول : ازيك يا ديمة هانم واحشني أوي والله.. بقالك مدة مش بتجي؟!..
- قابلتها الاخري بابتسامة بشوشة قائلة : وانتِ كمان يا ماسة يا حبيبتي واحشني ، لتسترسل قائلة: انا بس كنت مشغولة شوية بس جيت النهاردة علشان عايزك في موضوع
-ماسة بإنصات :اتفضلي حضرتك عايزني في ايه؟
-ديمه بجدية : جيبلك عريس
ماسة بإستغراب : عريس!!!! عريس مين؟!
-ديمه : مصعب جوزي ..عايزكِ تتجوزيه ..
*************************
خلصت حلقتنا النهاردة
يا تري ماسة هتوافق؟
وليه ديمه بتعمل اللي مفيش ست تقدر تعمله؟!
